<p>საქართველოს ძიუდოისტთა ახალგაზრდული ნაკრები სლოვენიიდან 29 ოქტომბერს, დილით დაბრუნდა <br> საქართველოს ძიუდოისტთა ახალგაზრდული ნაკრები 29 ოქტომბერს, დილით დაბრუნდა სლოვენიიდან, სადაც წარმატებით იჭიდავა თანატოლთა მსოფლიოს ჩემპიონატში; შუადღისას კი პრესკონფერენცია გამართა სპორტისა და ახალგაზრდობის საქმეთა სამინისტროში.</p><p>შეგახსენებთ, რომ ლუბლიანაში ჩვენებმა პირად პირველობაში 3 მედალი მოიპოვეს - 1 ოქრო და 2 ბრინჯაო, გუნდური ტურნირი კი მოიგეს და უფროსთა დარად, მსოფლიოს ჩემპიონები გახდნენ.</p><p>პრესკონფერენციას, მედალოსნებთან ერთად, ძიუდოს ფედერაციისა და სამინისტროს ხელმძღვანელებიც ესწრებოდნენ. მილოცვების გარდა, შეხვედრაზე სამომავლოდ ქართულ ძიუდოში დაგეგმილ საინტერესო პროექტებზეც ისაუბრეს.</p><p>მაგალითად, სპორტისა და ახალგაზრდობის საქმეთა მინისტრმა ლევან ყიფიანმა კიდევ ერთხელ დაადასტურა, რომ კვლავ გრძელდება მუშაობა 2014 წელს "დიდი პრიზის" ტურნირის სამასპინძლოდ, რომელიც მომდევნო წლებში სალიცენზიო სტატუსსაც მიიღებს; კვლავაც აქტუალურია და მიდის მუშაობა საკლუბო ჩემპიონატის ჩატარებაზე... გთავაზობთ პრესკონფერენციის მონაწილეთა გამოსვლებს.</p><p><strong>ლევან ყიფიანი</strong> (სპორტისა და ახალგაზრდობის საქმეთა მინისტრი): <em>"ჩვენმა ძიუდოისტებმა კიდევ ერთხელ გვასახელეს, ამჯერად - ახალგაზრდებმა.</p><p>ქართულმა სპორტმა წლევანდელი სეზონი, პრაქტიკულად, დაასრულა და სასიამოვნოა ასეთი გამარჯვებით დამთავრება.</p><p>მინდა, ყველას მოგილოცოთ ეს წარმატება. სასიამოვნოა, თქვენი შრომა ასე რომ დაფასდა. იმედია, ახლა ანალიზის დროც დადგება, სად შეიძლებოდა კიდევ უფრო მეტის გაკეთება და რა დაგვაკლდა საამისოდ; რითი შეიძლებოდა ქართულ ძიუდოში არსებული რესურსის ბოლომდე გამოყენება.</p><p>ძიუდო სპორტის პრიორიტეტული სახეობაა და თქვენ გაქვთ ძალა, სამომავლოდაც გაახაროთ გულშემატკივარი. გვინდა, სამინისტრო, სახელმწიფო მომავალში კიდევ უფრო მეტად დაგეხმაროთ.</p><p>ჩვენ ყოველდღიური კავშირი გვაქვს ფედერაციასთან და მჯერა, ქვეყანაში მიმდინარე სასიკეთო ცვლილებები ძიუდოზეც აისახება. მით უფრო, ფედერაციასთან ერთად საინტერესო პროექტებს ვგეგმავთ.</p><p>ამ წარმატებაში დიდი შრომაა ჩადებული და იმედია, მომავალშიც ასე გაგრძელდება. კიდევ ერთხელ მადლობა ქვეყნისთვის ამ მნიშვნელოვან ეტაპზე მოპოვებული ასეთი დიდი გამარჯვებისთვის. მინდა, სამომავლოდაც წარმატებები გისურვოთ".</em></p><p><strong>დავით ქევხიშვილი</strong> (საქართველოს ძიუდოს ფედერაციის პრეზიდენტი): <em>"მინდა, დიდი მადლობა გითხრათ იმ შრომისთვის, რაც ამ წარმატების მოსაპოვებლად გასწიეთ.</p><p>განსაკუთრებით - ნაკრების მთავარ მწვრთნელ გია გუგავას, აგრეთვე - ბიძინა მოხევიშვილს, გურამ მოდებაძეს და ყველა მწვრთნელს, სამედიცინო პერსონალს, მსაჯებს, ყველას, ვინც წვლილი შეიტანა ამ წარმატების მოპოვებაში.</p><p>განსაკუთრებით სასიამოვნოა, როცა ასეთი რანგის შეჯიბრებაზე მსაჯი გყავს. ცხადია, დიდია სამინისტროს წვლილი, რომელიც არა მხოლოდ ამ შეჯიბრებისთვის მომზადებაში დაგვეხმარა, არამედ ყოველთვის ვგრძნობთ მათ მხარდაჭერას.</p><p>მართლაც მოხარული ვარ ამ დიდი წარმატებისა და სამომავლოდ ფედერაციის მხრიდანაც მაქსიმალური ყურადღება გექნებათ".</em></p><p><strong>გია გუგავა</strong> (ახალგაზრდული ნაკრების მთავარი მწვრთნელი): <em>"გუნდის სახელით დიდ მადლობას გიხდით ასეთი დაფასებისთვის, ხოლო ნაკრებს მადლობას ვუხდი წარმატებისთვის. განსაკუთრებით სასიამოვნო ბოლო დღე აღმოჩნდა - გუნდური ტურნირი, როგორც სანახაობრივი შეჯიბრება.</p><p>ის ჩვენთვის მართლაც გამორჩეული იყო. ასეთი განწყობა, მონდომება და ჟინი იშვიათია. ბიჭებმა ყველაფერი გააკეთეს იმისთვის, რომ ქომაგი გაეხარებინათ.</p><p>განსაკუთრებით გამოვარჩევ პირადი პირველობის მედალოსნებს. ლერი ჭელიძე კარგად გამოვიდა, თუმცა ის ძალზე ნიჭიერია, უფრო მეტიც შეუძლია და, ვფიქრობ, ჩემპიონიც უნდა გამხდარიყო - ამის შანსი ნამდვილად ჰქონდა.</p><p>მატიაშვილიც უდავოდ ნიჭიერია, ხოლო ღვინიაშვილი განსაკუთრებული ამბავია - ამ შეჯიბრებაზე მან კიდევ ერთხელ აალაპარაკა მთელი მსოფლიო. ის მართლაც დიდი ტალანტი და გამორჩეულად ნიჭიერია, რომელსაც დიდი პოტენციალი აქვს. ის უდავოდ, ერთ-ერთი კანდიდატი იქნება რიო დე ჟანეიროს ოლიმპიადაზე მოხვედრისა.</p><p>მინდა, მადლობა ვუთხრა მწვრთნელებს. გუნდში ძალიან გამოცდილი, კარგი სპეციალისტები შეიკრიბნენ - გურამ მოდებაძე, ბიძინა მოხევიშვილი, რომლის მოსწავლეც პირადად ვიყავი გარკვეული წლები.</p><p>ასევე აღსანიშნავია სამინისტროს, ფედერაციის დახმარება - მათ ყველაფერი გააკეთეს ასეთ წარმატებამდე, ასეთ გამარჯვებამდე მისასვლელად.</p><p>მოსამზადებელი პერიოდი თითქმის უპრობლემოდ გავიარეთ, ყურადღება კი განსაკუთრებით სასიხარულოა.</p><p>ვფიქრობ, იმედები ჩვენც გავამართლეთ, თუმცა პირადში მეტიც შეიძლებოდა. გულდასაწყვეტია ზაქარიაძის წაგება, რომელსაც ბრინჯაომდე სულ რაღაც 18 წამი აშორებდა.</p><p>აგრეთვე - თუშიშვილის წაგებაც, რაც გამოუცდელობის ბრალია, თორემ იმ ბადეში მედალს აუცილებლად მოიპოვებდა.</p><p>ამ ნაკრებში გამოსვლა უკვე დაამთავრეს ლევან მატიაშვილმა, გიორგი ზაქარიაძემ, ფრიდონ გიგანმა, ვაჟა მარგველაშვილმა, დანარჩენები კი რჩებიან. ძირითადი ბირთვი კიდევ 2-3 წელიწადი იჭიდავებს ახალგაზრდულში".</em></p><p><strong>ბექა ღვინიაშვილი</strong> (ევროპისა და მსოფლიოს ჩემპიონი): <em>"პირად პირველობაში გამარჯვებაც ძალიან სასიამოვნო იყო, მაგრამ გუნდურს სხვა მნიშვნელობა აქვს, იქ წარმატება ორმაგად სასიხარულოა. თან, გუნდურს სულ სხვანაირად ვჭიდაობთ. ყველას გილოცავთ ამ შედეგს".</em></p><p><strong>ყოველდღიური სპორტული გაზეთი "ლელო"</strong></p>
ისტორიაში პირველად - საქართველოს პარაძიუდოისტთა ნაკრები ევროპის ჩემპიონია
ფულადი ჯილდო და ეროვნული ორდენები - პრემიერმა ძიუდოისტთა ნაკრები დააჯილდოვა
"ქართველები და საუკეთესოები ვართ!" - ბექაურის კომენტარი და ოლიმპიადის საიტი საქართველოს ნაკრების მსოფლიო ჩემპიონობაზე
"მანჩესტერ იუნაიტედი" ამორიმის შემცვლელად, ინგლისის ნაკრების ყოფილი მწვრთნელს მოიაზრებს
საერთაშორისო აღიარება - საქართველოს ხმა მსოფლიო ველოსპორტის არჩევნებში
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
წიტაიშვილი და აბუაშვილი შეცვლაზე და "მეცის" ფრე "ჰავრთან"
იური ტაბატაძე შეცვალეს - "კადისი" "სეუტასთან" ფრეს დასჯერდა
გოგლიჩიძე ისევ არ ათამაშეს - "უდინეზე" დამარცხდა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
ფრე ქუთაისში... და "თელავის" მოგება "გაგრასთან"
ლუის ენრიკემ კვარაცხელიას ტრავმაზე კომენტარი გააკეთა
[VIDEO] ლომინაძე და ქოჩორაშვილი შეცვლაზე შევიდნენ - "სპორტინგმა" "ნაპოლიმდე" "ეშტორილს" სძლია
"[VIDEO] ბარსელონასთან" მატჩის წინ ხვიჩამ ტრავმა მიიღო - პსჟ-მ "ოსერს" მცველების გოლებით მოუგო
მიქაუტაძის 73 წუთი - "ვილიარეალმა" "ატლეტიკი" დაამარცხა და ზედიზედ მესამე გამარჯვება მოიპოვა
დავითაშვილი შეცვალეს - "სენტ-ეტიენი" სახლში "გენგამთან" დამარცხდა
პირველი ტაიმის შემდეგ პსჟ "ოსერს" 1:0 ამარცხებს
"ოსერთან" მატჩში პსჟ-ს სასტარტო შემადგენლობა ცნობილია
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ
"ევროპის ღია კონტინენტურ თასზე" ძიუდოისტთა ნაკრების სათადარიგოები გამოვლენ
გამარჯვება იპონით - ღვინიაშვილი თელ-ავივის გრანდ სლემზე ოქროს მედლის მფლობელი გახდა [VIDEO]
კურიოზი სფფ-ის ყრილობაზე: "ჯამარამ" ხომ საკმარისი ხმები მიიღო?..
ძიუდოს დაპირისპირებების ქრონოლოგია და ოსაკას შესაძლო ინციდენტი - რა ხდება ძიუდოს ოჯახში?
ლუკა გადრანი "ალავესშია" და ფიფასგან თამაშის ნებართვას ელის
ძიუდო. ახალგაზრდული რეიტინგი: ევროპის პირველობის შემდეგ ჩვენი პოზიციები გამყარდა
ქართველები გამოცდილების გასაზიარებლად იაპონიაში მიიწვიეს
თამაზ თევზაძე: ამის ავტორი ფეხბურთის ფედერაციაა?
საქართველოს ძიუდოისტთა ნაკრები: საფიქრალი ოლიმპიადის წინ [ნაწილი I]
ძიუდოს ფედერაციამ მწვრთნელები დააკომპლექტა - გია გუგავა ნაკრების მეხუთე კურატორია
მასობრივი ფეხბურთი: რეალურია თითო გუნდი და სტადიონი ყველა სოფელში?
ილიას ილიადისი საქართველოს ნაკრების მწვრთნელად? ძიუდოს ფედერაცია კანდიდატს ეძებს
IJF-მ საუკეთესოები გამოავლინა: მწვრთნელი - გუჯეჯიანი, კაცი ძიუდოისტი - გრიგალაშვილი, წლის იპონი - ღვინიაშვილი
მჩატე და მძიმე - საქართველოს ძიუდოისტთა ნაკრები ორად გაიყო
ყრილობა ფეხბურთში - სფფ-ის ახალ აღმასკომში 11 წევრი აირჩიეს
ქევხიშვილი ხაბელოვის წინააღმდეგ: ამ გადაწყვეტილებით სახელმწიფოსა და მმართველ გუნდს დაუპირისპირდა
ვარლამ ლიპარტელიანი: ათაბეგაშვილია ერთადერთი კანდიდატი, რომელიც ქევხიშვილის კაცია
ბექაური წლის შემაჯამებელი ტურნირიდან მოეხსნა
საქართველოს ვაჟ ძიუდოისტთა ნაკრები ტურნირებზე განაწილდა
აღმასკომი დაიწყო - ოსაკაში ჩხუბის ამბავი დადასტურდა, სხდომას ქევხიშვილიც ესწრება
თელ-ავივის გრან-სლემზე საქართველოს სახელით 6 ძიუდოისტი იჭიდავებს
ქუთაისის "ტორპედო" წყალტუბოში "სამგურალთან" დამარცხდა [VIDEO]
ბექა ღვინიაშვილმა წონა შეიცვალა - 16-18 ივნისს ასტანის გრანდ სლემზე საქართველოს ნაკრების შემადგენლობა ცნობილია
იერუსალიმის მასტერსზე სულამანიძემ ოქროს, მაისურაძემ კი ბრინჯაოს მედალი მოიპოვა [VIDEO]