<p>"...როცა ისრაელში გაიგეს ჩემი "ზუგდიდში" მოსვლის შესახებ, კამიკაძე შემარქვეს" <br> თითქმის ერთი თვე გავიდა, რაც ს/კ "ზუგდიდის" მთავარი მწვრთნელი გიორგი დარასელია ოჯახური საკითხების მოსაგვარებლად საქართველოში ერთი კვირით ჩამოვიდა და უკან აღარ გაბრუნებულა. იგი მეგობრებმა მიმდინარე ეროვნული ჩემპიონატის აუტსაიდერის გაძღოლაზე დაიყოლიეს და ისიც ჩვეული შემართებით შეუდგა რთულ საქმეს.</p><p>მასთან ინტერვიუ განმუხურში თბილისის "დინამოსთან" განცდილი მარცხის შემდეგ ჩავწერეთ.</p><p><strong>- ბატონო გიორგი, საკმაოდ მძიმე მემკვიდრეობა გხვდათ წილად. არადა, როცა "ზუგდიდში" ინიშნებოდით მთავარ მწვრთნელად, კარგად უნდა გცოდნოდათ, სად და რა პირობებში მოგიწევდათ მუშაობა.</strong></p><p>- გეთანხმებით. მართლაც ყველაფერი კარგად ვიცოდი და გადაწყვეტილების მიღების დროსაც ბევრი არ მიფიქრია. უბრალოდ, როცა პრაქტიკულ საქმიანობას შევუდექი, ისეთ პრობლემებს წავაწყდი, რომელთა გადაჭრა ან დღის წესრიგში დაყენება მთავარი მწვრთნელის პრეროგატივა არ უნდა იყოს.</p><p>დაწვრილმანებას ნამდვილად არ ვაპირებ, მაგრამ ერთს აუცილებლად ვიტყვი - კლუბს ისევ ძველი ხელმძღვანელობა მართავს. უბრალოდ, ერთი გვარი მეორით შეიცვალა. იმ და ამ ხელმძღვანელობას კი ფეხბურთი ისე ესმით, რა ადგილსაც დღეს "ზუგდიდი" სატურნირო ცხრილში იკავებს.</p><p>ამ თემაზე ბევრი რომ აღარ ვილაპარაკოთ, ერთსაც ვიტყვი - ხელს თუ არ შეგვიწყობენ, ნუ შეგვიშლიან მაინც. ხოლო ვისაც ნამდვილად ახალი ხელმძღვანელის დანიშვნა ხელეწიფება, დროს ნუღარ გააჭიანურებს - ყველაფერი "ზუგდიდის" საზიანოდ მოქმედებს.</p><p><strong>- გუნდის მიზანი უმაღლეს ლიგაში ადგილის შენარჩუნებაა, თუმცა არა გვგონია, თქვენ ამის ამჟამად თქვენს განკარგულებაში მყოფი ფეხბურთელებით აპირებდეთ.</strong></p><p>- შესამჩნევად გადასახალისებელია როგორც გუნდის, ისე კლუბის შემადგენლობა. მე ვალდებულება გუნდზე მაქვს აღებული და შესაბამისი ბიუჯეტის დამტკიცების შემდეგ მეცოდინება, რომელ ფეხბურთელებთან აწარმოონ მოლაპარაკება ჩვენმა სელექციონერებმა. ჩვენ დროს უქმად არ ვკარგავთ, პროცესი დაწყებულია და გულშემატკივარს ვპირდებით - ახალი წლიდან "ზუგდიდს", ამ სიტყვის კარგი გაგებით, ვერ იცნობთ.</p><p><strong>- უცხოელებს თუ უნდა ველოდეთ?</strong></p><p>- არაფერია გამორიცხული. სხვათა შორის, უცხოელთან დაკავშირებით მომხდარმა კურიოზმა ჩვენი გუნდი უკვე დააზარალა. დებულებით, ახალ წლამდე გუნდს 3 ლეგიონერის უფასოდ აყვანის (ლიმიტის შევსების შემთხვევაში, თითო უცხოელში სფფ-ში 15 ათასი ლარია გადასახდელი) უფლება ჰქონდა. ეგვიპტელები ამირ აზმი და ჯამალ ჰამზა ალბათ კარგად გახსოვთ. რაც შეეხება მესამე უცნობ უცხოელს, მასთან წინა ხელმძღვანელობამ ისე გააფორმა კონტრაქტი, ფეხბურთელი ზუგდიდში თვალით არავის უნახავს.</p><p>არადა, ეს ფაქტი რომ არა, იყო შანსი, ერთი ნორმალური ლეგიონერი ათიოდე დღის წინ დაგვემატებინა, რომელიც ჩვენს საკმაოდ სუსტ თავდასხმის ხაზს უდავოდ გააძლიერებდა.</p><p><strong>- თქვენი თავკაცობით გუნდმა ბოლო 3 მატჩი გამართა, "ზუგდიდის" ისედაც მწირ ბალანსს კი მხოლოდ ქულა შეემატა. გულშემატკივარი უკეთესის მოლოდინშია. რა შეგიძლიათ მათ დასაიმედებლად თქვათ?</strong></p><p>- თუ ვინმეს გუშინდელ, თუნდაც დღევანდელ კონდიციებში მყოფი ფეხბურთელებით სასწაულების მოხდენა შეუძლია, მას დღესვე დავუთმობ ადგილს.</p><p>ფორტუნას ცალი თვალით მაინც რომ გადმოეხედა ჩვენკენ, შესაძლოა 2-3 ქულით მეტი აგვეღო. ეს შესაძლებლობის მაქსიმუმის გამღებ ფეხბურთელებს თავდაჯერებას შემატებდა, თუმცა მათ ამის პრობლემა კი არა, კლასის და პროფესიონალიზმის პრობლემა აქვთ, რაც 1 თვეში არ მოდის.</p><p>როცა ისრაელში გაიგეს ჩემი "ზუგდიდში" მოსვლის შესახებ, კამიკაძე შემარქვეს. მოგეხსენებათ, იქ ჩემი სამწვრთნელო კარიერის საუკეთესო წლები გავატარე და ნოემბრის შუა რიცხვებამდე იქაური პირველი ლიგის გუნდები მთავაზობდნენ თანამშრომლობას - უმაღლესში იმ მომენტში ვაკანსია არ იყო. აქ ოფიციალურად ერთი კვირის დაწყებული მქონდა მუშაობა და ისრაელიდან ერთბაშად 2 გუნდი დამიკავშირდა.</p><p>გულშემატკივრის კარგად მესმის. მას შედეგი ახლავე უნდა და ვერც გაამტყუნებ. მათთან ერთადერთი სათხოვარი მაქვს - პატარა მოთმინება და მათ აუცილებლად გავახარებთ. კარგია, რომ ისინი არცერთ საშინაო თამაშს არ აცდენენ და გუნდს გვერდში უდგანან. დარწმუნებული ვარ, ახალი წლიდან მათ გასვლით მატჩებზეც ექნებათ თანადგომის საშუალება.</p><p><strong>- კარგია რომ ოპტიმიზმი ასეთ სიტუაციაშიც არ გტოვებთ.</strong></p><p>- ამის საბაბს იმ ხალხის მოცემული სიტყვა მაძლევს, ვინც გუნდში მოსვლაზე დამითანხმა. მათი თანადგომით, "ზუგდიდი" არაერთ სიურპრიზს შესთავაზებს მაყურებელს. მჯერა, რომ ეს წლის ბოლომდეც მოხდება.</p><p><span style="color: #888888;"><strong>ფრიდონ კერვალიშვილი </strong></span></p>
მგლები
თავის მართლებას ნუ ეცდები ჩემო ვითომ მწვრთნელო ისედაც ცხადია არაფრის გამკეტებელი არ ხარ 2005 წლიდან ეს კაცი ხემძღვანელობდა ამ გუნდს და ბოლო ადგილზე არასოდეს არ ყოფილა შენი მოსვლის შემდეგ კი ......
gulshematkivari
როგორ და ვითი უნდა გაეტანა გოლები?ეს ხართ ქართველები!!პეხბურთელები ისევ ისინი არიან და მაგ ჯამბაზებიტ როგორ მოიგებს !!Dynamo ხოარაა!არავის უპადესჰკებ უბრალოდ ამ მარაზმს ვერ ვიტან..
dito
ეს ხომ ტკუილია თითქოს ისრაელში გაიგეს და კამიკაძე უწოდეს...გამოაგდეს იქიდან უკვე არავის არაფერში აინტერესებს...კერვალიშვილი კი თვიტონ ჩამოიკვანა ზუგდიდში, პრეს ატაშის ადგილს დაპირდა გუნდში და აწერინებს სტატიებს...
gulsematkivari..
დარასელია მართალი ხარ იმაში რომ ზუგდიდს ვერ ვიცნობთ მომავალ წელს, რადგან პირველ ლიგაში იქნება....შეჭამთ ახალ ბიუჯეტს სამ თვეში და გაიქცევი ციტაიშვილტან ერთად და სხვას დააბრალებთ კველაფერს....ვაი ზუგდიდის და ზიგდიდელების ცოდვა თქვენს ხელში....
niako
ვაი ტქვენს პატრონს
ika
რეებს ბოდავ რეებს... რისი გამკეთებელი ხარ, რომ ხარ რა გააკეთე? ერთი გოლი ვერ გაგიტანია და ერთ ადგილს რომ ტკეპნი ვერ ხედავ? მაგარი გგონია თავი მაგრამ ნოლი ხარ ნოლი.
ბოლო წუთების ფასი... "დილამ" და "სამგურალმა" მოიგეს, "იბერია 1999"-"გარეჯი" ფრედ დასრულდა
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში
ფრე ქუთაისში... და "თელავის" მოგება "გაგრასთან"
"მანჩესტერ იუნაიტედი" ამორიმის შემცვლელად, ინგლისის ნაკრების ყოფილი მწვრთნელს მოიაზრებს
საერთაშორისო აღიარება - საქართველოს ხმა მსოფლიო ველოსპორტის არჩევნებში
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
წიტაიშვილი და აბუაშვილი შეცვლაზე და "მეცის" ფრე "ჰავრთან"
იური ტაბატაძე შეცვალეს - "კადისი" "სეუტასთან" ფრეს დასჯერდა
გოგლიჩიძე ისევ არ ათამაშეს - "უდინეზე" დამარცხდა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
ფრე ქუთაისში... და "თელავის" მოგება "გაგრასთან"
ლუის ენრიკემ კვარაცხელიას ტრავმაზე კომენტარი გააკეთა
[VIDEO] ლომინაძე და ქოჩორაშვილი შეცვლაზე შევიდნენ - "სპორტინგმა" "ნაპოლიმდე" "ეშტორილს" სძლია
"[VIDEO] ბარსელონასთან" მატჩის წინ ხვიჩამ ტრავმა მიიღო - პსჟ-მ "ოსერს" მცველების გოლებით მოუგო
მიქაუტაძის 73 წუთი - "ვილიარეალმა" "ატლეტიკი" დაამარცხა და ზედიზედ მესამე გამარჯვება მოიპოვა
დავითაშვილი შეცვალეს - "სენტ-ეტიენი" სახლში "გენგამთან" დამარცხდა
პირველი ტაიმის შემდეგ პსჟ "ოსერს" 1:0 ამარცხებს
"ოსერთან" მატჩში პსჟ-ს სასტარტო შემადგენლობა ცნობილია
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ
"სიონის" მწვრთნელად სოსიაშვილი დანიშნეს
ეროვნული ლიგა 2. VII ტური: "ქამბექი", რომელიც "მანჩესტერ იუნატედსაც" შეშურდებოდა
[წარდგენა] "გასწი, მერანო" - შეძლებენ თბილისელები უმაღლესში თავის წარმოჩენას?
"სამტედიამ" მელქისედეკ ცვალე დაიმატა
გიორგი დარასელია "სამტრედიის" მთავარი მწვრთნელი გახდა
ეროვნული ლიგა 2. V ტური. "მერანმა" ლიდერობა შეინარჩუნა, "შუქურამ" "ზუგდიდს" სძლია
მალხაზ ჭეჟია კობა წიტაიშვილს პასუხობს: ეს საერთოდ აღმაშფოთებელია!..
"შევარდენის" მთავარ მწვრთნელად გიორგი დარასელია დაინიშნა
გიორგი დარასელია გორის "დილას" აღარ გაწვრთნის
"ზუგდიდი" კიდევ ორი ეგვიპტელი ლეგიონერის მოლოდინში
ეროვნული ლიგა. XXV ტური: გაბედავას დუბლი და დარასელიას "სამტრედია" ისევ აგებს
"არაფრისმომცემ ეგვიპტელებს "ზუგდიდში" აქაურებზე მეტი ხელფასი ჰქონდათ!"
ეროვნული ლიგა 2. III ტური: ორი მატჩი და ორი ფრე
ეროვნული ლიგა 2. IX ტური: "თელავმა" "ზუგდიდს" მოუგო და ლიდერ "მერანს" 2 ქულით ჩამორჩება
ფოთის ცენტრალურ სტადიონზე შვიდი წლის შემდეგ პირველი მატჩი ჩატარდა