ქაისერისფორი - მორიგი სენსაცია თურქეთში

შოთა არველაძე ანატოლიის ვარსკვლავის მთავარი სიმდიდრეა შოთა არველაძის "ქაისერისფორის" წარმატებებს გუშინ ფიფას ოფიციალური ვებგვერდიც გამოეხმაურა. გამოქვეყნდა სტატია სათაურით - "ქაისერისფორი" - მორიგი სენსაცია თურქეთში", რომელსაც მცირედი შემოკლებით გთავაზობთ:"ბოლო წლებში თურქეთის საფეხბურთო ცენტრი სტამბოლი იყო. ამ ქალაქის გუნდები თურქულ სუპერლიგაში მუდამ ფავორიტთა შორის იყვნენ და მონაცვლეობით ირგებდნენ ტიტულებს. სტამბოლური კლუბების ჰეგემონია გასულ სეზონში "ბურსასფორმა" ოქროს მედლების მოპოვებით დაამხო. მიმდინარე სეზონში მოვლენები ისე ვითარდება, რომ შესაძლოა, თურქული ფეხბურთის ეპიცენტრი კიდევ ერთხელ შეიცვალოს.სტამბოლის გუნდთა ტრიოდან ყველაზე უკეთეს პოზიციაზე, მეოთხე ადგილზე "ფენერბაჰჩეა". ორი საფეხურით უკან "ბეშიქთაშია", ხოლო "გალათასარაი" სულაც მეათე ადგილზეა.ჩემპიონი "ბურსასფორი" გათამაშებას კი ლიდერობდა, მაგრამ "ტრაბზონსფორმა" ჩამოაქვეითა. თუმცა, შესაძლოა, თურქეთს ახალი ჩემპიონი ჰყავდეს - "ქაისერისფორი". ამ კლუბის ბოსებმა სეზონის წინ საკმაო ფული გაიღეს, რაც შედეგებშიც აისახა. "ქაისერისფორი" "ბურსასფორთან" ერთად მეორე ადგილზეა და უახლოეს ტურში სწორედ ეს გუნდები ხვდებიან ერთმანეთს...მანამდე კი "ქაისერმა" 4 ფავორიტს ქულები დააკარგვინა. "ბეშიქთაში" და "ფენერბაჰჩე" დაამარცხა, "გალათასარაის" და "ტრაბზონსფორს" ფრედ ეთამაშა. "ქაისერისფორი" 1966 წელს დაარსდა. თურქეთში "ანატოლიის ვარსკვლავს" უწოდებენ. სუპერლიგაში ამ გუნდის ყველაზე დიდი მიღწევა ის არის, რომ სამჯერ დაიკავა მეხუთე ადგილი.შემადგენლობის მიხედვით "ქაისერისფორს" თურქეთში ბევრი მიიჩნევს ჩემპიონობის ერთერთ პრეტენდენტად. ამ გუნდის კარს კამერუნის ნაკრების მეკარე ჰამიდუ სულეიმანუ იცავს. გუნდის დაცვის ხერხემალს თურქეთის ნაკრების ყოფილი მცველი ონდერ თურაჩი, სერდარ კესიმალთან და ალექსანდრე ამისულაშვილთან ერთად ქმნის. კესიმალი და ამისულაშვილი შეტევაშიც ხშირად ერთვებიან და მათ ანგარიშზე უკვე ორ-ორი გოლია. გუნდის ნახევარდაცვაში ბუნდესლიგაში გამოწრთობილი სელიმ თებერი (აინტრახტი) და ჯონათან სანტანა (ვოლფსბურგი) დგანან. გამოცდილების ხარჯზე ქაისერელთა შეტევას სიმწვავეს მატებს ურუგვაელი მარსელო სალაიეტა, რომელსაც არგენტინელი ფრანკო კანგელე და ბრაზილიელი ანდრე მორიტცი უწევენ პარტნიორობას.თუმცა "ქაისერისფორის" მთავარი სიმდიდრე ახალგაზრდა თავკაცი შოთა არველაძეა. 37 წლის ქართველი მწვრთნელი ჰოლანდიურ "ალკმაარში" ლუის ვან გაალის თანაშემწედ მუშაობდა და მთავარი მწვრთნელის რანგში სადებიუტო სეზონი აქვს. სწორედ არველაძემ შეკრიბა ეს შემადგენლობა. გამოცდილი და ახალგაზრდა ფეხბურთელებით ისეთი გუნდი ჩამოაყალიბა, რომელმაც ამ ჩემპიონატში უკვე არაერთი სენსაცია და მოულოდნელი შედეგი მიითვალა."ჩვენთვის ჩემპიონობა არავის დაუსახავს მიზნად. სეზონის დაწყებამდე მოწინავე ხუთეულში მოხვედრა ჩავიფიქრეთ. დღეისთვის ბევრად უკეთესი მაჩვენებელი გვაქვს, მაგრამ მისია ჯერ არ დაგვისრულებია და მწვრთნელიც გამუდმებით ამას გვეუბნება. სეზონის დასრულებამდე მთელი მეორე წრეა. გვინდა, ხუთეულში ვიყოთ, რაც უფრო მაღალ საფეხურს დავიკავებთ, მით უკეთესი", - აღნიშნავს სელიმ თებერი".

Giorgipirweli

შოთა ძალიან მიყვარს (და არა მარტო მე), ისიც კარგად ვიცი, რომ ძალიან კარგი მწვრთნელია და უდიდეს პატივს ვცემ, მაგრამ რა საჭიროა იმის მოგონება, რაც ფიფას გვერდზე არ დაწერილა. შოთაზე ისედაც ბევრი კარგი იწერება, რასაც უდავოდ იმსახურებს და ყველას ძალიან გვახარებს.
state

ედ იგივე სჰინაარსის სტატია თურქეთის სპორტულ გაზეთბშიც დაიბეჭდა.. წარმატებები შოთის!!!
ed

>თუმცა "ქაისერისფორის" მთავარი ესეთი რამე სულ არ არის ფიფა'ს სტატიაში. ასე მოგონილი სისულელებით არველაძეს ეხმარებით გგონიათ?
mitridate pontoeli

არველაძე შენზე გაფანატებული არასოდეს მქონია მარა მაგრა მინდა რო ჩემპიონი გახდე!!!მიაწექი

მიქაუტაძე შეცვლაზე შევიდა - "ვილიარეალმა" ქვედალიგურ გუნდს პენალტების სერიაში სძლია

[VIDEO] გოჩოლეიშვილს შეეძლო მატჩის გმირი გამხდარიყო - "ჰამბურგი" თასზე "ჰოლშტაინთან" პენალტების სერიაში დამარცხდა

[VIDEO] ალისონის განსხვავებული შეფასებები - "ლივერპული" "სანდერლენდთან" წაგებას გადაურჩა

ფუტსალის ნაკრები საერთაშორისო ტურნირზე იასპარეზებს

[VIDEO] პარაგვაის ჩემპიონატის შეხვედრაში ცვლილებაზე 51 წლის კლუბის პრეზიდენტი შევიდა

[VIDEO] დიდი პატივისცემა - რა გააკეთა ფლიკმა "ატლეტიკოსთან" საფინალო სასტვენის შემდეგ

[VIDEO] ნიკოლოზ ბასილაშვილი და მისი გერმანელი მეგობარი გოგონა ქართულად ამღერდნენ

სრულ მზადყოფნაშია - 2 თვეზე მეტის გასვლის შემდეგ, პალმერს დღეს "ჩელსის" ძირითადში ელიან

"შავი ლომი" ჩელენჯ თასს "მონპელიეთი" იწყებს

[VIDEO] "ბარსელონამ" სახლში "ატლეტიკოს" მოუგო

20 წ. | დიდი სხვაობით "კუდუსთან"

"კვარაცხელიას აშკარად ორი სახე აქვს" - ფრანგმა ჟურნალისტებმა პსჟ-ს ფეხბურთელების საქმისადმი განსხვავებულ დამოკიდებულებაზე ისაუბრეს

"სსრკ-ს ნაკრები წარმოსახვაში: მამარდაშვილი, კვარაცხელია, მიქაუტაძე, მწვრთნელი კლოპი" - რუსული გამოცემა ფანტაზიაში გადავარდა

მამის ნაკვალევზე - ისაგო სილვამ "ჩელსისთან" კონტრაქტი გააფორმა

"შეცდომებს დაუშვებს - დრო მიეცით" - ზაბარნიზე კომენტარი საფრანგეთის ნაკრების ყოფილმა მცველმა გააკეთა

იტალიაში საუკეთესოები აღიარეს - მაკტომინეი, "ნაპოლი", კონტე

რაფინიას პრემიერ ლიგაში უხმობენ - "ბარსელონას" ფინანსური პრობლემების გამო შესაძლოა, ფეხბურთელის დათმობა მოუწიოს

"ბრენტფორდს" კიდევ ერთ ფორვარდს გამოსტაცებენ? - 50-მილიონიანი ტრანსფერი დაიგეგმა

"ბაიერნის" პრეზიდენტმა ჰარი კეინის მომავალზე ისაუბრა

დიდი დაბრუნება სამწვრთნელო პოსტზე "რეალში"? - ალონსოს მუშაობა შესაძლოა, ძალიან მოკლევადიანი აღმოჩნდეს

ლუის ენრიკეს ახალი გეგმა - რა განუცხადა მან პსჟ-ის ფეხბურთელებს "მონაკოსთან" მარცხის შემდეგ

ონანას არ დაუძახეს - ის აფრიკის თასზე კამერუნის ნაკრებში არ იქნება

ტერ შტეგენმა ვარჯიში დაიწყო - გერმანელი შესაძლოა, ზამთარში "ბარსელონადან" წავიდეს