<p>სამბოს ფედერაციამ წარმატებული სპორტული სეზონის ფინიშზე დამატებით კიდევ ერთი შიდა შეჯიბრება ჩაატარა <br> 2013 წელი სამბოს საიუბილეო წელიწადია - 75 წელი შეუსრულდა.</p><p>ქართველმა სამბისტებმა წლეულს მსოფლიოს ორი ჩემპიონი შემატეს ქართულ სპორტს: ვახტანგ ჩიდრაშვილი (57 კგ) და ლევან ნახუცრიშვილი (68). ამ მაჩვენებლით წლეულს ისინი შეჯიბრებაში იწვევენ ჩვენში დანერგილ ნებისმიერ სპორტის სახეობას...</p><p>სამბოს ფედერაციამ წარმატებული სპორტული სეზონის ფინიშზე დამატებით კიდევ ერთი შიდა შეჯიბრება ჩაატარა, რათა 2014 წლის პირველ სტარტებს უფრო მომზადებული და გადახალისებული შემადგენლობით შეხვდეს.</p><p>მართალია, დიღმის სპორტკომპლექსის სარბიელზე სამბისტთა შეჯიბრებას საქართველოს თასი (პირადი პირველობა) ერქვა, მაგრამ სინამდვილეში ეს იყო საქართველოს კიდევ ერთი (წლეულს მეორე) ჩემპიონატი.</p><p>სამბოში ცხრა წონითი კატეგორიაა. ცხრიდან რვა ფინალი, როგორც მოჭიდავეები იტყვიან, ქულა-ქულაზე მიდიოდა.</p><p>ბოლო სასტვენამდე ძნელი იყო ჩემპიონის ამოცნობა. 90 კგ-ის ფინალში პაატა ღვინიაშვილს ტრავმის გამო საჭიდაოდ არ გამოუცხადდა მეორე ფინალისტი - დავით კარბელაშვილი.</p><p>ახალი მსოფლიოს ჩემპიონებიდან მხოლოდ ლევან ნახუცრიშვილმა იჭიდავა, თანაც, ზედა წონაში და 74-ში ბრინჯაოს დაეუფლა. მეორე მსოფლიოს ჩემპიონი ვახტანგ ჩიდრაშვილი კი შეჯიბრებას ტრიბუნიდან ადევნებდა თვალს. სხვათა შორის, მის წონაში (57 კგ) ყველა საპრიზო ადგილი იმერეთის წარმომადგენლებმა მოიპოვეს.</p><p>ფავორიტებმა საწადელს მიაღწიეს, მაგრამ გამოჩნდნენ შედარებით ახლებიც, რომლებიც მალე უდავოდ მაღალი საფეხურებისათვის იბრძოლებენ. მაგალითად: ზაურ გაგნიძე, გიორგი პაპუნაშვილი (82 კგ), ზვიად კაპანაძე (74), მინდია ლილუაშვილი (68), ბექა ბერძენიშვილი (+100), სოსო იარაჯული (90).</p><p>შეჯიბრებას ესწრებოდნენ სამბოში სხვადასხვა თაობის მსოფლიოს ჩემპიონები და გამოჩენილი მწვრთნელი, 92 წლის ქრისტეფორე ნინიაშვილი.</p><p>შეჯიბრების დასრულებისთანავე, ნაკრები გუნდის 8 სამბისტი და უფროსი მწვრთნელი, მსოფლიოს სამგზის ჩემპიონი ჯონდო მუზაშვილი მოსკოვში გაემგზავრნენ A კატეგორიის სამბისტთა საერთაშორისო ტურნირზე საასპარეზოდ.</p><p><strong>კვარცხლბეკი</p><p></strong>52 კგ. 1. დიმიტრი მულაძე (შიდა ქართლი), 2. გივი ნადარეიშვილი (სამეგრელო-ზემო სვანეთი), 3 იოსებ მელაძე (თბილისი), 3. ლევან ბერბერაშვილი (მცხეთა-მთიანეთი).</p><p>57 კგ. 1. გენადი ჩირგაძე, 2. ილია ტყეშელაშვილი, 3. იაგო დიხამინჯია, 3. ივანე გაჩეჩილაძე (ყველა - იმერეთი).</p><p>62 კგ. 1. ზვიად ოდოშაშვილი (შიდა ქართლი), 2. შმაგი ლაგაზაური (კახეთი), 3. რევაზ შველიძე (თბილისი), 3. ვარლამ შალიკაშვილი (იმერეთი).</p><p>68 კგ. 1. ბექა ტუღუში (სამეგრელო-ზემო სვანეთი), 2. მინდია ლილუაშვილი (იმერეთი), 3. ზაზა პირველი (ქვემო ქართლი), 3. გოჩა ვარძელაშვილი (შიდა ქართლი).</p><p>74 კგ. 1. კახა მამულაშვილი (შიდა ქართლი), 2. ბესარიონ ბერულავა (სამეგრელო ზემო სვანეთი), 3. ლევან ნახუცრიშვილი (თბილისი), 3. ზვიად კაპანაძე (შიდა ქართლი).</p><p>82 კგ. 1. ნიკო კუცია (სამეგრელო-ზემო სვანეთი), 2. ზაურ გაგნიძე (ქვემო ქართლი), 3. გიორგი პაპუნაშვილი, 3. გიორგი დილებაშვილი (ორივე - შიდა ქართლი).</p><p>90 კგ. 1. დავით კარბელაშვილი, 2. პაატა ღვინიაშვილი (ორივე - შიდა ქართლი), 3. სოსო იარაჯული, 3. ფრიდონ ზურაბიანი (ორივე - მცხეთა-მთიანეთი).</p><p>100 კგ. 1. დავით ლორიაშვილი (ქვემო ქართლი), 2. ლაშა გურული (იმერეთი), 3. გიორგი ბოლოთაშვილი (შიდა ქართლი), 3. იასონ ნემსაძე (იმერეთი).</p><p>+100 კგ. 1. გიორგი ნოზაძე (შიდა ქართლი), 2. ბექა ბერძენიშვილი (მესხეთ-ჯავახეთი), 3. გიორგი ლაზუაშვილი (იმერეთი), 3. ამბროსი კონკროშვილი (თბილისი).</p><p>გაბრიელ ბარჯაძე</p><p><strong>ყოველდღიური სპორტული გაზეთი "ლელო"</strong></p>
ისტორიული შედეგი - ქართველმა სამბისტებმა ევროპირველობაზე 13 მედალი მოიპოვეს
ლერი აბულაძე მსოფლიოს ჩემპიონი გახდა [VIDEO]
"ნუ გადავიტანთ ამ ყველაფერს პოლიტიკურ ჭრილში" - სამბოს ფედერაცია განცხადებას ავრცელებს
პსჟ პაჩოს კონტრაქტს გაუგრძელებს
შენგელიას 18 ქულა და გამარჯვება, ბურჯანაძის 7 ქულა და ბრძოლაში მარცხი
ქალთა ნაკრები ორ ამხანაგურ მატჩს გამართავს
"ინტერის" სპორტულმა დირექტორმა ნეიმარის შესაძლო ტრანსფერზე ისაუბრა
ბენზემა ევროპაში დაბრუნდება? - ფრანგი ფორვარდის დამატება თურქულ გრანდს უნდა
"მანჩესტერ იუნაიტედთან" მატჩში "ლივერპულის" შემადგენლობა ცნობილია
[VIDEO] კიტეიშვილის გამარჯვების გოლი და საგოლე გადაცემა - "შტურმმა" 4:3 მოიგო
ლოჩოშვილის მორიგი კარგი მატჩი - "ნიურნბერგმა" გამარჯვება ხელიდან გაუშვა
"შოთა არველაძის სამშობლოში ვართ და სამწუხაროა, რომ ის ვერ ითამაშებს" - ფრანკ დე ბური ლეგენდების მატჩის წინ
"ესპანური სწრაფად ვისწავლე, რადგან ეს პატივისცემის ნიშანია" - კილიან მბაპე მადრიდულ ცხოვრებაზე
"წლის საუკეთესო მებრძოლად მერაბ დვალიშვილი უნდა დასახელდეს" - უმარ ნურმაგომედოვი
"როცა გულის შეტევით საავადმყოფოში ვიწექი, მესის ქმედებით გაოგნებული დავრჩი" - კასილასმა აქამდე უცნობი ისტორია გაიხსენა
"საფონოვი მოთმინებას კარგავს" - რას წერს ფრანგული გამოცემა რუს მეკარეზე?
[VIDEO] შერმადინის და უერტასის დუეტი კვლავ ბრწყინავს - "ტენერიფემ" "მურსია" დაამარცხა
[VIDEO] აქ სიტყვები ზედმეტია - მესის ჰეთ-თრიქი და საგოლე პასი "ნეშვილთან"
[VIDEO] 40 წლის კრიშტიანო რონალდოს ფანტასტიკური გოლი საუდის არაბეთში
ფრე დინამოების დაპირისპირებაში; წყალტუბოელთა მოგება ფოთში
ქოჩორაშვილი სათადარიგოთა შორის დატოვეს - "სპორტინგი" 1/16-ფინალში ძლივს გავიდა
დავითაშვილის "სენტ-ეტიენმა" შინ მარცხი განიცადა
გვარდიოლამ გაამხილა, როდის იფიქრებს მწვრთნელის კარიერის დასრულებაზე