<p>გორის საცურაო აუზის დირექტორი გიორგი ბუხრიკიძე განვლილ წელს აფასებს</p><p><br> წელიწადია, რაც გორის საცურაო აუზის დირექტორად ადგილობრივი კადრი, ყოფილი მოცურავე გიორგი ბუხრიკიძე დაინიშნა.</p><p>ამ ხნის განმავლობაში აუზზე სპორტსმენთა რაოდენობაც გაიზარდა და, რაც მთავარია, ისინი წარმატებით გამოდიან შინ თუ საერთაშორისო სარბიელზე.</p><p>- აუზზე ამჟამად 7 მწვრთნელი მუშაობს. ბოლო ხანებში მეცადინეობის მსურველთა რაოდენობა გაორმაგდა. მას შემდეგ, რაც ჩემმა თაობამ სპორტს თავი დაანება, ძირითადად, მოზარდები დარჩნენ, რომლებიც პერსპექტიულ მოცურავეებად ითვლებიან. მათზე შედარებით უფროსები გიორგი დუდაშვილი და ვლადიმერ ტერლეცკი ნაკრების წევრები არიან და 2015 წელს თბილისში გასამართ ევროპის ოლიმპიურ ფესტივალზე იასპარეზებენ.</p><p>შარშან საქართველოს ასაკობრივ პირველობებზე გორელმა მოცურავეებმა 18 პირველი, 24 მეორე და 22 მესამე ადგილი, საერთაშორისო შეჯიბრებებზე ბელორუსსა და სომხეთში კი ვერცხლის ორი და ბრინჯაოს სამი მედალი დაიმსახურეს. საქართველოს პირველობებზე გორსა და თბილისში გუნდური პირველი ადგილებიც დავიკავეთ.</p><p><strong>- რამდენიმე წელიწადია, რაც შარშანდლამდე გორში საქართველოს პირველობა ცურვაში აღარ ჩატარებულა...</p><p></strong>- დიახ, გორში შეჯიბრებები მართლაც აღარ ტარდებოდა. ამჯერად ეს სამხედრო აკადემიის აუზზე, ცურვის ფედერაციისა და გორის სპორტის სამსახურის ერთობლივი ძალისხმევით მოხერხდა.</p><p><strong>- თქვენი აუზის შენობა დიდი ხანია სარემონტოა, რატომ ჭიანურდება საქმე?</p><p></strong>- ქალაქის მუნიციპალიტეტმა ბიუჯეტში 2014 წელს გაითვალისწინა საფუძვლიანი სარეაბილიტაციო სამუშაოების თანხა. ასე რომ, პირობების გაუმჯობესების მოლოდინში ვართ. ამ აუზის რემონტის შემდეგ გორს საქართველოში ცურვის ერთ-ერთ სერიოზულ ცენტრად ვაქცევთ. შეჯიბრებებიც მრავლად გაიმართება, სპორტსმენთა რაოდენობაც მოიმატებს.</p><p>მერწმუნეთ, ვინც თავად გამოცდის საკუთარი შედეგის თუნდაც წამის მეათედით გაუმჯობესების სიხარულს, ის ადვილად ვეღარ დაანებებს თავს სპორტის ამ სახეობას. გვინდა აგრეთვე, რომ ჩვენი აუზი საქართველოს ასაკობრივი ნაკრებებისთვისაც სასურველი ადგილი გახდეს შეკრებების ჩასატარებლად.</p><p><strong>- თავადაც ხომ აპირებთ აქტიურ სპორტში დაბრუნებას?</p><p></strong>- ტრავმა ისევ მაწუხებს. არადა, ცურვის გარეშე ძალიან მიჭირს, ტკივილგამაყუჩებლებით მაინც ვვარჯიშობ.</p><p><strong>- აუზზე მეცადინეობა ალბათ ფასიანია. ეს არ გიქმნით პრობლემას სპორტსმენებთან?</p><p></strong>- წარმატებული მოცურავეებისთვის გათვალისწინებულია შეღავათები. გადასახადი მიღწევების ზრდის შესაბამისად მცირდება. სხვათა შორის, ასეთი მიდგომა საქართველოში იშვიათობაა. ერთხანს თბილისში, თავად რომ ვვარჯიშობდი, მიუხედავად იმისა, რომ სპორტის ოსტატი ვარ, ჩვეულებრივ გადასახადს ვიხდიდი.</p><p><strong>- დღევანდელი მოსწავლეები სკოლას დაამთავრებენ, მერე...</p><p></strong>- ეს საერთო პრობლემაა. იმისათვის, რომ მოცურავეებმა შემდეგაც გააგრძელონ დაოსტატება, საქართველოს ცურვის ფედერაციაში მნიშვნელოვანი ღონისძიებების გატარებას აპირებენ. ვნახოთ!</p><p><strong>ყოველდღიური სპორტული გაზეთი "ლელო"</strong></p>
69 გოლი 2 მატჩში - საქართველოს წყალბურთელთა ნაკრებმა ევროპირველობის საგზური მოიპოვა
საქართველოს წყალბურთელთა ეროვნული ნაკრები, 2025 წლის მსოფლიო თასის საკვალიფიკაციო ეტაპზე 1/4 ფინალში გავიდა
საქართველოს წყალბურთელთა ნაკრები რუმინეთთან დამარცხდა
პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა
პირველი ტაიმის შემდეგ საქართველოს ნაკრები ბულგარეთს 2:0 ამარცხებს
მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო
კაპიტანი კვარაცხელია - ბულგარეთთან მატჩში საქართველოს ნაკრების შემადგენლობა ცნობილია
ოფიციალურად: "კოლოსმა" ზურაბ რუხაძე წარადგინა
ტიაგო მოტამ შესაძლოა, ბუნდესლიგის ბინადარი გუნდი ჩაიბაროს
როდრიმ მისი აზრით "ოქროს ბურთის" ორი ფავორიტი დაასახელა
"სექსის დროს არ მინახავს, არ იცოდა, რომ კამერებზე წვდომა მქონდა..." - როგორ გაიგო ღალატის შესახებ არგენტინელი ვარსკვლავის მეგობარმა გოგონამ
ფრენკ ლამპარდი შესაძლოა, სამუშაოდ პრემიერ ლიგაში დაბრუნდეს
ქოჩორაშვილი: აქამდე სწორედ იმიტომ მოვედით, რომ არასდროს ვნებდებით
ევრობასკეტის მთავარი სენსაცია - სერბეთის ნაკრები ფინეთთან დამარცხდა და ტურნირს გამოეთიშა
"შავი ლომი" "ძებრესთან" დამარცხდა
ლუქსემბურგის ახალგაზრდული ნაკრების ავტობუსი გზაში გადატრიალდა
გატუზო თავის სტიქიაშია - ზოგს წაუთაქა, ზოგს სილა გააწნა
დუე და დემბელე ლაზარეთში, ლუის ენრიკე საოპერაციო მაგიდაზე - რა ხდება პსჟ-ში?
ბულგარელთა მწვრთნელი: შეგვიძლია ის დანაკლისი აღმოვფხვრათ, რაც ჩვენი და საქართველოა ნაკრების ფეხბურთელების ხარისხს შორისაა
დავითაშვილი: ასეთები ხდება, მთავარია, ახლა არ გავიმეოროთ
სანიოლი: ისე ხდება, როგორც სკოლაში - გვირჩევნია ახალ ტაქტიკაზე ახლავე გადავეწყოთ
ანრის გაუთანაბრდა - მბაპე საფრანგეთის ნაკრებში ყველა დროის რეკორდისკენ მიდის
მატჩის დღე - ქართველებსა და ბულგარელებს ცუდად დაწყებულის გამოსწორება სურთ!