<p>ჩვენებურმა წინასწარ შეხვედრებში საკმაოდ კარგი შთაბეჭდილება დატოვა და დაამტკიცა, რომ სეზონს კარგ ფორმაში ხვდება <br> ამირან პაპინაშვილი (60) კარიერაში მეორედ გავიდა (პირველი 2009 წელს იყო) ქართველთათვის ძნელად მოსაგები პარიზის "დიდი მუზარადის" ფინალში, მაგრამ ამჯერადაც ვერცხლის მედალს დასჯერდა.</p><p>ჩვენებურმა წინასწარ შეხვედრებში საკმაოდ კარგი შთაბეჭდილება დატოვა და დაამტკიცა, რომ სეზონს კარგ ფორმაში ხვდება, მაგრამ ფინალში ვერაფერი მოუხერხა "მონღოლურ სინდრომს" - პირწმინდად წააგო ბოლდბაატარ განბატთან, ვისთანაც კარიერაში უკვე ზედიზედ მესამე მარცხი დაუგროვდა ოთხი შეხვედრიდან.</p><p>ძალიან ცუდია, რომ ჩვენებურს მონღოლები გადაულახავ ჯებირად ექცნენ - შეგახსენებთ, რომ მსოფლიოს პირველობაზე ამარტუვშინ დაშდავაასთან წააგო.</p><p>პაპინაშვილს თითქოს ცოტა გახსნაც გაუჭირდა და პირველ შეხვედრაში, მოულოდნელად, მხოლოდ მინიმალური ანგარიშით - იუკოთი დაამარცხა პერუელი ხუან პოსტიგოსი.</p><p>სამაგიეროდ, მერე გახურდა და ჯერ ფრანგ ადრიან რაიმონდს, შემდეგ კი აზერბაიჯანელთა მსოფლიოს პრიზიორი ილგარ მუშკიევს რეტი დაასხა იპონებით.</p><p>აღსანიშნავია, რომ მუშკიევს უკვე მეხუთედ მოუგო კარიერაში და ჯერ ერთიც არ წაუგია მასთან...</p><p>ჩვენებურმა ნაკლები დღე არც ტაივანელ მინგ იენ ცაის აყარა ნახევარფინალში - ორი იუკოც აართვა, ორჯერ ვარაზეც დააგდო და პირდაპირ ათრია ტურნირის მომავალი მესამე პრიზიორი.</p><p>სამწუხაროდ, პაპინაშვილი ფინალში ვერაფერს გახდა განბატთან და ორი იუკოც ხომ დაკარგა, ვაზარზეც დაეცა, ბოლოს კი პირდაპირ ბეჭებზე დავარდა.</p><p>ვფიქრობთ, მან უფრო ფსიქოლოგიურად წააგო, თორემ დანარჩენებთან ნაჩვენები სწორი ტაქტიკის, კარგი ტექნიკის და ფიზმომზადების ფინალში ბევრი არაფერი ეტყობოდა.</p><p>მონღოლთან დამარცხდა ამ წონაში ჩვენი მეორე მონაწილე ლუხუმ ჩხვიმიანიც - კერლენ განბოლთან იპონით წააგო. მანამ ჩხვიმიანმა ორი შეხვედრა მოიგო - ლიბიელი მოჰამედ ელჰადი ელკავისენი გაფრთხილებებით მოახსნევინა, პერუელი დილმერ კალესი კი ბეჭებზე დააგდო.</p><p>9 თებერვალს პარიზში ჩვენი გუნდის დარჩენილი წევრები იასპარეზებენ. 81 კილოგრამში პირველ წრეში თავისუფალია ევროპის ჩემპიონი, მსოფლიოს ფინალისტი ავთანდილ ჭრიკიშვილი, რადგან განთესილია, მასთან შეხვედრის უფლების მოსაპოვებლად კი ჰოლანდიელი ნაელ ვან დე კამერი და ლატვიელი ევროპის პრიზიორი კონსტანტინ ოვჩინიკოვსი იჭიდავებენ ერთმანეთში.</p><p>ლატვიელთან ჩვენებურმა 2012 წელს ევროპის პირველობაზე წააგო. ამავე ჯგუფშია იაპონელი ტაკანორი ნაგასე, ვისთანაც ჭრიკიშვილი შარშან ნოემბერში ძიგორო კანოს მემორიალზე დამარცხდა, ნახევარფინალის სავარაუდო მეტოქეთა შორის კი კორეელი მსოფლიოს ორგზის და ოლიმპიური ჩემპიონი კიმ ჯაე ბუმიცაა, ვინც ისევ დაუბრუნდა ტატამს. ამ წონაშინ უშანგი მარგიანის მეტოქე ახალზელანდიელი ივიცა პავლინიჩია.</p><p>90 კილოგრამში ჭიდაობს კუბელი მსოფლიოს ჩემპიონი ეშლი გონსალესიც, რომელიც ჯგუფში ბექა ღვინიაშვილთან მოხვდა, თუმცა მეოთხედფინალამდე ვერ შეხვდებიან ერთმანეთს.</p><p>პირველ წრეში ორივე ისვენებს, მეორეში კი ჩვენებურს ჩილელი რაფაელ რომო ელოდება. ამავე ჯგუფშია კანოს ტურნირის იაპონელი ჩემპიონი მასუი ბეიკერი, ვინც იმ შეჯიბრებაზე ვალერი ლიპარტელიანს სძლია. თავად ლიპარტელიანი პირველ წრეში დაისვენებს, თან ფრანგი ვინსენტ მასიმინოს და რუმინელ ვალენტინ რადუს შეხვედრას დაელოდება.</p><p>ვერ ვიტყვით, რომ ასე ადრეულ ეტაპზე მასიმინო წილისყრის საჩუქარია, თუმცა ეს კიდევ არაფერი - იაპონელი ჰიროტაკა კატოც ამავე ჯგუფშია.</p><p>იოსებ მსხალაძე (100) ლიტველ ზილვინას ლეკავიჩიუსს ხვდება, მასთან მოგების შემთხვევაში კი არგენტინელი ჰექტორ კამპოსი ელოდება.</p><p>მძიმე წონაში არ ჭიდაობს ფრანგთა ლიდერი ტედი რინერი, ადამ ოქრუაშვილი კი პირველ წრეში ისვენებს, ხოლო მეორეში მეტოქედ, სავარაუდოდ, იაპონელი რუი სიჩიონოე ეყოლება. ყოველ შემთხვევაში, მას არ უნდა გაუჭირდეს კუვეიტელი ჰუსეინ მისრის ძლევა.</p><p>სიჩინოეს ოქრუაშვილი ერთხელ შეხვდა - შარშან თბილისში, ნახევარფინალში და მოუგო. ჩვენებური საკმაოდ ძლიერ ჯგუფშია - ფრანგი იან-სებასტიან ბონვოისინი, ჰოლანდიელი როი მეიერი და სლოვენიელი მატიას სერაი - ყველა ანგარიშგასაწევია.</p><p>ლევან მატიაშვილი პირველ წრეში ალჟირელ მოჰამედ ამინე ტაიებს ხვდება. მის ჯგუფში მოხვდნენ იაპონელი მასარუ მომოსე და ტუნისელი ფაიცელ ჯაბალაჰი, ვინც მსოფლიოს შარშანდელ პირველობაზე ოქრუაშვილს ბრინჯაოს მედლისთვის შეხვედრა მოუგო.</p>
ფულადი ჯილდო და ეროვნული ორდენები - პრემიერმა ძიუდოისტთა ნაკრები დააჯილდოვა
"ქართველები და საუკეთესოები ვართ!" - ბექაურის კომენტარი და ოლიმპიადის საიტი საქართველოს ნაკრების მსოფლიო ჩემპიონობაზე
"ყველანი მეუბნებოდნენ, ქალს რა უნდა ძიუდოში, ეს კაცების სპორტია და თავი დაანებეო" - ინტერვიუ ძიუდოში პირველ ქართველ მსოფლიო ჩემპიონ ქალთან
პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა
პირველი ტაიმის შემდეგ საქართველოს ნაკრები ბულგარეთს 2:0 ამარცხებს
მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო
კაპიტანი კვარაცხელია - ბულგარეთთან მატჩში საქართველოს ნაკრების შემადგენლობა ცნობილია
ოფიციალურად: "კოლოსმა" ზურაბ რუხაძე წარადგინა
ტიაგო მოტამ შესაძლოა, ბუნდესლიგის ბინადარი გუნდი ჩაიბაროს
როდრიმ მისი აზრით "ოქროს ბურთის" ორი ფავორიტი დაასახელა
"სექსის დროს არ მინახავს, არ იცოდა, რომ კამერებზე წვდომა მქონდა..." - როგორ გაიგო ღალატის შესახებ არგენტინელი ვარსკვლავის მეგობარმა გოგონამ
ფრენკ ლამპარდი შესაძლოა, სამუშაოდ პრემიერ ლიგაში დაბრუნდეს
ქოჩორაშვილი: აქამდე სწორედ იმიტომ მოვედით, რომ არასდროს ვნებდებით
ევრობასკეტის მთავარი სენსაცია - სერბეთის ნაკრები ფინეთთან დამარცხდა და ტურნირს გამოეთიშა
"შავი ლომი" "ძებრესთან" დამარცხდა
ლუქსემბურგის ახალგაზრდული ნაკრების ავტობუსი გზაში გადატრიალდა
გატუზო თავის სტიქიაშია - ზოგს წაუთაქა, ზოგს სილა გააწნა
დუე და დემბელე ლაზარეთში, ლუის ენრიკე საოპერაციო მაგიდაზე - რა ხდება პსჟ-ში?
ბულგარელთა მწვრთნელი: შეგვიძლია ის დანაკლისი აღმოვფხვრათ, რაც ჩვენი და საქართველოა ნაკრების ფეხბურთელების ხარისხს შორისაა
დავითაშვილი: ასეთები ხდება, მთავარია, ახლა არ გავიმეოროთ
სანიოლი: ისე ხდება, როგორც სკოლაში - გვირჩევნია ახალ ტაქტიკაზე ახლავე გადავეწყოთ
ანრის გაუთანაბრდა - მბაპე საფრანგეთის ნაკრებში ყველა დროის რეკორდისკენ მიდის
მატჩის დღე - ქართველებსა და ბულგარელებს ცუდად დაწყებულის გამოსწორება სურთ!
ავთანდილ ჭრიკიშვილმა და ვარლამ ლიპარტელიანმა აქტიური სპორტული კარიერა დაასრულეს
[მსოფლიო ჩემპიონატი] წილისყრა დასრულდა - ქართველი ძიუდოისტების ბადე ცნობილია
მსოფლიო ჩემპიონატი სამშობლოში - ქართველ ძიუდოისტებს იაპონელებთან დიდი ბრძოლა ელით!
ავთანდილ ჭრიკიშვილი პარიზის "დიდი მუზარადის" გამარჯვებულია [VIDEO]
მინსკი 2019. ლუკა მაისურაძემ ბრინჯაოს მედალი მოიპოვა, ლაშა შავდათუაშვილი მედლის გარეშე დარჩა
პაპინაშვილი და მხეიძე მე-3 ადგილისთვის იჭიდავებენ(განახლებადი)
ვალერი ლიპარტელიანს გამოკვლევა საფრანგეთის ოლიმპიური ბაზის სამედიცინო ცენტრში ჩაუტარდა
ირაკლი უზნაძემ პარიზის "დიდი მუზარადისთვის" შემადგენლობა დაასახელა
ოსაკას გრანდ სლემზე 4 ქართველი ძიუდოისტი იასპარეზებს
დიდი დანაკლისი - ტატო გრიგალაშვილი თბილისის გრან-სლემს მოეხსნა
ავთანდილ ჭრიკიშვილმა აბუ-დაბის გრან სლემზე ბრინჯაოს მედალი მოიპოვა
მსოფლიოს ჩეპიონატისთვის საქართველოს ძიუდოისტთა ნაკრების განაცხადი ცნობილია
მუზარადის ბრწყინვალება - პარიზის ტურნირის შეჯამება
"ზურა უმძიმეს დღეშია, 10 კილო დაიკლო, მას სრულიად ოლიმპიური გუნდი თავდებში უდგება" - ავთანდილ ჭრიკიშვილი
ქართველი ძიუდოისტების ბედისწერა ოლიმპიადაზე და ოქროს "დაწესებული" რაოდენობა - ბექაური, რომელსაც სწამს!..
[შეჯამება] დაცალკევებული ნაკრები, ოქროს ტურისტი და მსოფლიო ჩემპიონატი ძიუდოს სამშობლოში