<p>რაგბისა და ხინკლის ერთ-ერთმა გულშემატკივარმა საინტერესო პლაკატი დაამზადა, რომელიც 22 თებერვალს "დინამო არენისკენ" მოგვიწოდებს <br> 10 თებერვალს ზაზა ფაჩულია 30 წლის გახდა და მსოფლიოს ყველა კუთხიდან უამრავი მილოცვა მიიღო. დღის ბოლოს მან ოთხი ფოტო შეაწება და "ფეისბუქზე" გამოაქვეყნა მინაწერით: ჩემი დაბადების დღის "ჰაილაითები".</p><p>სამ ფოტოს კომენტარი არ სჭირდება, ქვედა მარჯვენა კუთხეში კი ტიმ დანკანის მაისურაა "სან ანტონიოს" კალათბურთელთა ხელმოწერით.</p><p>ტიმი NBA-ს ოთხგზის ჩემპიონია და ზაზა ფაჩულიას თანაკლუბელი არასოდეს ყოფილა. სწორედ ამიტომაა მისი საჩუქარი მეტად ღირებული. ქართველებმა კი უნდა ვიამაყოთ, რომ ჩვენიანს მსოფლიოს N1 ლიგაში მოწინააღმდეგეებიც ასე აფასებენ.</p><p><img src="pictures/artimages/image17/26de21cd43c28f79c199840fc209ace9.jpg" border="0" alt="Sportall.Ge" title="TimeLine: XXL - რას ნიშნავს ლელო?" /></p><p><p><div style="text-align: center;"><span style="color: #ff0000;"><strong>XXL დესერტი</strong></span></div></p> დაბადების დღემდე მცირე ხნით ადრე ფაჩულიამ ერთი მადისაღმძვრელი ფოტო გამოაქვეყნა. სათაურიც შესაბამისი მოუგონა - XXL დესერტი.</p><p><img src="pictures/artimages/image18/7338a8d3c811af8be2e4dbf9c8d73542.jpg" border="0" alt="Sportall.Ge" title="TimeLine: XXL - რას ნიშნავს ლელო?" /></p><p><p><div style="text-align: center;"><span style="color: #ff0000;"><strong>ხორვატიული ვახშამი</strong></span></div></p> რადგან სასუსნავზე ჩამოვარდა სიტყვა, აქვე ხუთშაბათ დილას გავრცელებულ ფოტოსაც შემოგთავაზებთ. იგი ხორვატიის ქალაქ ზაგრებშია გადაღებული "ცედევიტა"-"სარაგოსას" მატჩის შემდეგ.</p><p><img src="pictures/artimages/image18/3259c024bdac363cc0ddcca8a5afb3de.jpg" border="0" alt="Sportall.Ge" title="TimeLine: XXL - რას ნიშნავს ლელო?" /></p><p>ქეიფის საბაბი სარაგოსელებს ნამდვილად ჰქონდათ: ის იყო, თამაში ოვერტაიმში უნდა გადასულიყო, რომ ხორვატმა დამიან რუდეზმა მასპინძლებს სამქულიანი მახვილი ჩასცა და თანამემამულეები 77:74 დაამარცხა.</p><p><p><div style="text-align: center;"><span style="color: #ff0000;"><strong>ხინკალი VS პელმენი</strong></span></div></p> მადა მხოლოდ კალათბურთელებს როდი აქვთ... რაგბისა და ხინკლის ერთ-ერთმა გულშემატკივარმა საინტერესო პლაკატი დაამზადა, რომელიც 22 თებერვალს "დინამო არენისკენ" მოგვიწოდებს.</p><p>ამ დღეს საქართველოს მორაგბეთა ნაკრები რუსებს უმასპინძლებს. წესითა და რიგით, ძალთა პლაკატისეული შეფარდება უნდა ვიხილოთ.</p><p><p><div style="text-align: center;"><span style="color: #ff0000;"><strong>ბურთაობა</strong></span></div></p> კალათბურთზე დავწერეთ, რაგბიზეც, ახლა ფეხბურთის ჯერია, რასაც მოჰყვება ვირბურთი და ძალოსნობა...</p><p>ჯერ პუბლიკაციას შემოგთავაზებთ და შემდეგ მივაწერთ, რომელ წელს სად არის დაბეჭდილი.</p><p>"ბათუმში პირველად ბურთაობა გაიმართა 24 აპრილს. დიდძალმა ხალხმა მიიღო მონაწილეობა. მობურთავენი ორ ნაწილად იყვნენ გაყოფილნი: ცალ მხარეს მეგრელნი და მეორეს - გურულნი.</p><p>მეგრელნი ერთიორად მეტი იყვნენ გურულებზედ, მაგრამ მაინც გული არ გაიტეხეს და დიდის ხალისით დაიწყეს თამაშობა. ბინდამდე გასტანა ამ ამბავმა და ბოლოს ვიღაც პირშავმა კაცმა გასჭრა ბურთი გურულების საზღვარზედ.</p><p>ბათუმის ნავთ-სადგურში მუდამ რამდენიმე ცეცხლის გემი სდგას უცხოელებისა. რამდენიმე ინგლისელი გადმოვიდა ნაპირად და, ბურთაობა რომ დაინახა, ისე შეექმნათ იმათაც გული, რომ თვითონაც ჩაერივნენ: ისე თამაშობდნენ ისინი ბურთაობას, რომ ჩვენებურები გეგონებოდათ. აღტაცებაში იყვნენ ასეთის დროის გატარებით."</p><p><img src="pictures/artimages/image18/ddf78a7d118f93212face9222efa6712.jpg" border="0" alt="Sportall.Ge" title="TimeLine: XXL - რას ნიშნავს ლელო?" /></p><p>მოკლედ, "პირველი მერცხლის" სიუჟეტია... თუმცა კითხვის ნიშანი უამრავია. მთავარი შეკითხვა: სპორტის რა სახეობაზეა ლაპარაკი? ჯერ პუბლიკაციის წარმომავლობა გავარკვიოთ - გაზეთი "ივერია", 1894 წლის N89. სადაც ეს მინიშნებაა, იქვე წერია: "პირველი ფეხბურთი ბათუმში".</p><p><p><div style="text-align: center;"><span style="color: #ff0000;"><strong>რას ნიშნავს ლელო?</strong></span></div></p> მაინც საკითხავია - რაგბის ტიპის თამაშთან ხომ არ გვაქვს საქმე? ამის სასარგებლოდ ერთი ნიუანსი მეტყველებს: პუბლიკაციის ავტორი ამბობს, რომ ინგლისელებიც ჩვენებურებივით ათამაშდნენო. ვითომ 1894 წელს ფეხბურთს ინგლისელებზე უკეთ ვთამაშობდით?</p><p>უმჯობესია, გადავშალოთ "ვიკიპედია": "ლელო - სპორტის სახეობა, რაგბის ქართული წინამორბედი. დასავლეთ საქართველოში გავრცელებული სპორტის უძველესი ეროვნული სახეობა, გუნდური თამაში ბურთით.</p><p>აკადემიკოს ნიკო მარის მიხედვით, ლელოს მსგავსი თამაში გავრცელებული ყოფილა ბასკეთშიც, სადაც გამარჯვებული გუნდის წევრები ლელოს გატანის დროს სიხარულს გამოხატავდნენ საბრძოლო შეძახილით - "ლელო!" რაც მზის კულტთან დაკავშირებული წარმართული ღვთაების სახელი იყო. გურია-სამეგრელოში ლელოს თამაში ბოლო დრომდე შემორჩა".</p><p>დასკვნები თავად გამოიტანეთ.</p><p><p><div style="text-align: center;"><span style="color: #ff0000;"><strong>ვირბურთი</strong></span></div></p> მკითხველს კიდევ უფრო გაუჭირდება სპორტის იმ სახეობის დადგენა, რომელიც ამ ფოტოზეა გამოსახული.</p><p><img src="pictures/artimages/image17/5b29c2d52f7bccd08caeb20a2ed3afc3.jpg" border="0" alt="Sportall.Ge" title="TimeLine: XXL - რას ნიშნავს ლელო?" /></p><p>ეს სურათი "ფეისბუქზე" რომ გამოქვეყნდა, უამრავი კომენტარი მოჰყვა. ზოგმა ვირკალათა უწოდა, ზოგმა ვირაობა, შაურმბურთი, ვირბურთი...</p><p>ძნელი განსასაზღვრია, რომელი ქვეყანაა, თუმცა ფაქტია, რომ სპორტის სახეობასთან გვაქვს საქმე. თუ არ გჯერათ, შეხედეთ დარბაზში გამოკიდებულ ტაბლოს. საფინალო სირენამდე დარჩენილია 4:03 წუთი, ანგარიშია 6:2. წითლები იგებენ თუ ლურჯები, ამას ვეღარ გეტყვით...</p><p>დავიტოვოთ იმედი, რომ საქმე ცივილიზებულ ხალხთან გვაქვს და წაგებულ ვირებს შაურმად არ აქცევენ.</p><p><p><div style="text-align: center;"><span style="color: #ff0000;"><strong>ეს კი ძალოსნობაა</strong></span></div></p> ზემოთ "პირველი მერცხალი" ვახსენეთ. ამ ქვეთავის ამბავი კი პირდაპირ პარალელს პოულობს კიდევ ერთ ქართულ ფილმთან, "რეკორდთან". აი, თუ არ გჯერათ:</p><p>"დედოფლისწყაროს რაიონში 84 წლის გიორგი მჭედლიშვილი გინესის რეკორდსმენის სტატუსის მინიჭებას ითხოვს.</p><p>როგორც "პირველს" კახეთის საინფორმაციო ცენტრიდან აცნობეს, სასამართლომ გიორგი მჭედლიშვილი 2007 წელს 5-ტონიანი ავზის ქურდობისთვის გაასამართლა და დამნაშავედ სცნო. ამასთან, ბრალდების თანახმად, მოხუცმა დანაშაული მარტომ ჩაიდინა.</p><p><img src="pictures/artimages/image18/d34e5bb1de6f5db8ad4dac7fa4e70173.jpg" border="0" alt="Sportall.Ge" title="TimeLine: XXL - რას ნიშნავს ლელო?" /></p><p>"დამცველის რჩევით, დაპატიმრების თავიდან აცილების მიზნით მოხუცმა ჩაუდენელი დანაშაული აღიარა. სასამართლომ მას 2-წლიანი პირობითი სასჯელი შეუფარდა. განაჩენი კანონიერ ძალაშია შესული და გასაჩივრებას არ ექვემდებარება" - აცხადებენ კახეთის საინფორმაციო ცენტრში. მოხუცი კი სასამართლოს ამ განაჩენის საფუძველზე გინესის რეკორდსმენობაზე პრეტენზიას აცხადებს".</p><p><strong></p><p>ყოველდღიური სპორტული გაზეთი "ლელო"</strong></p>
ტიაგო მოტამ შესაძლოა, ბუნდესლიგის ბინადარი გუნდი ჩაიბაროს
"ფენერბაჰჩეს" მოურინიოს შესაძლო შემცვლელებს შორის ორი კანდიდატი ჰყავს
უარი ხავისგან - "ლევერკუზენი" ახალი მწვრთნელის ძიებაშია
ხარატიშვილი ჩეხურ კლუბში გადავიდა
„Milan Junior Camp ჩვენი ახალგაზრდა ფეხბურთელებისთვის უდიდესი შესაძლებლობაა“ - გიორგი ფოფხაძე
პსჟ ბარკოლასთან კონტრაქტის გაგრძელებაზე მოლაპარაკებას აწარმოებს
საქართველოს ნაკრებს ევრობასკეტზე მიღწეული ისტორიული შედეგისთვის მთავრობა ფულადი პრემიის სახით 3 მილიონ ლარს გადასცემს
"სპალეტი ნომერ პირველი კანდიდატი იყო" - "ფენერბაჰჩეს" პრეზიდენტმა იტალიელ სპეციალისტზე ისაუბრა
"ამას ფეხბურთთან საერთო არაფერი აქვს" - "ბაიერნის" პრეზიდენტმა "ნიუკასლი" გააკრიტიკა
"ალბათ ამ პასუხს ნაკლებად ელოდით" - გვარდიოლამ დაასახელა ფეხბურთელი, რომლის "სიტიდან" გაშვებასაც ყველაზე მეტად ნანობს
"რუსეთის საფეხბურთო ნაკრებს სათადარიგოთა სკამზეც კი სუპერვარსკვლავები ჰყავს" - "რეალისა" და ესპანეთის ნაკრების ყოფილი მწვრთნელი
მე-6 ტიტული დიდი სლემის ტურნირზე - კარლოს ალკარასი აშშ-ის ღია პირველობის გამარჯვებულია
პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა
მამუკელაშვილი: შემიძლია ვემბანიამას მივწერო - საფრანგეთს მასთან ერთდაც მოვუგებდით
[VIDEO] დუბლი 2 წუთში - ტაბატაძე "კადისის" ფანების საყვარელი მოთამაშე ხდება
ხიზანიშვილი: საუკეთესო გაგნიძე იყო - კაშიამ ართამაშის გადაწყვეტილება ისე მიიღო, როგორც უნდა მიეღო
"მადლობა საბერძნეთს" - გოგა ბითაძე სოციალურ ქსელში პოსტს აქვეყნებს [PHOTO]
პირველი ტაიმის შემდეგ საქართველოს ნაკრები ბულგარეთს 2:0 ამარცხებს
მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო
კაპიტანი კვარაცხელია - ბულგარეთთან მატჩში საქართველოს ნაკრების შემადგენლობა ცნობილია
ოფიციალურად: "კოლოსმა" ზურაბ რუხაძე წარადგინა
ტიაგო მოტამ შესაძლოა, ბუნდესლიგის ბინადარი გუნდი ჩაიბაროს
ონანა კარიერას სავარაუდოდ, თურქეთში განაგრძობს
გიორგი მჭედლიშვილი: მჯერა, "სამტრედია" გულშემატკივარს კიდევ ბევრჯერ გაახარებს
NBA-ის, თითქმის, შემდგარი სუპერგუნდები
ევროპა ლიგა: ვაკომ და "ლეგიამ" გოლის გატანა დაივიწყეს, "გენტმა" კი - ქართველები
"ერთმანეთს თავებს ურტყამდნენ, სრული სიგიჟე იყო" - NBA-ის ყოფილმა ვარსკვლავმა ფაჩულიას და გარნეტის ეს დაპირისპირება გაიხსენა [VIDEO]
"არა რუსულ კანონს - ჩვენ უკეთესები უნდა ვიყოთ" - ქართველი სპორტსმენები ქვეყნის ევროპულ მომავალს უჭერენ მხარს
ტიმ დანკანი MMA-ის მებრძოლი ხდება?
ასეთი მეორე აღარ იქნება: ტიმ დანკანის წასვლის გამოხმაურება
NBA. რეგულარული ჩემპიონატი: "უორიორზის" სერია, "ვაშინგტონის" ტიტული
NBA. 18 დეკემბერს დანკანს დააფასებენ
გიორგი მჭედლიშვილი კარიერას "ვენტსპილსში" გააგრძელებს
"რთულია უყურო ამ კადრებს და არ გაგიჩნდეს პროტესტი" - ზაზა ფაჩულია ქვეყანაში განვითარებულ მოვლენებს გამოეხმაურა
გოგა ბითაძემ იაო მინისა და ტიმ დანკანის მიღწევა გაიმეორა!
ფაჩულია კვარაცხელიას საგულშემატკივროდ ნეაპოლში ჩავიდა და ძოლასთან ერთად ისაუბრა
ზაზა ფაჩულია: შენგელიას მსგავსად მოქცევა მხოლოდ გამორჩეულ ლიდერებს ახასიათებთ
ხვიჩა კვარაცხელიას, კახა კალაძესა და ზაზა ფაჩულიას წმინდა გიორგის სახელობის გამარჯვების ორდენზე წარადგენენ
უგოლო შაბათი ქართველი ლეგიონერებისთვის
ევროპა ლიგა. II საკვალიფიკაციო ეტაპი: ქართული ლეგიონის ამბები
გიორგი მჭედლიშვილმა ხორვატიული "გორიცა" დატოვა