ბებრები ახალგაზრდების წინააღმდეგ

„მანჩესტერის“ ვეტერანმა ვივ ანდერსონმა გუნდის ახალგაზდრებს ნიჭი დაუწუნა „მანჩესტერ იუნაიტედის“ ვეტერანმა ვივ ანდერსონმა თქვა, რომ გუნდის დღევანდელი ახალგაზდრები დიდი ნიჭით ვერ დაიკვეხნიან. ძნელი მისახვედრი არ არის, ოდინდელი განაპირა მცველი, სამშაბათს, „ქარლინგის თასზე“, „ვესტ ჰემისა“ და „იუნაიტედის“ შეხვედრას დაესწრო – ეს გახლდათ მეოთხედფინალი, რომელიც ლონდონელებმა 4:0 მოიგეს.მათთვის ვისაც ჩემპიონთა თასის ორგზის მფლობელ ვივ ანდერსონზე არაფერი სმენია: მას ინგლისის ნაკრებში 30 შეხვედრა აქვს ჩატარებული, „იუნაიტედის“ შემადგენლობაში 1987-91 წლებში 54-ჯერ ითამაშა, თუმცა ყველაზე დიდი ხანი, 10 წელიწადი, „ნოტინგემ ფორესტში“ გაატარა, სადაც 1979 და 1980 წლებში მოიგო კიდეც ის ჯილდო, რომელსაც დღეს ჩემპიონთა ლიგას ვუწოდებთ. 1977-78 წლების სეზონში იყო ინგლისის ჩემპიონი. მოპოვებული აქვს სხვა ტიტულებიც, რომელთაც აქ აღარ ჩამოვთვლით.თუმცა დავუბრუნდეთ მანჩესტერელ ყვაწვილებს. ვინ ითამაშა „ჩაქუჩების“ წინააღმდეგ? დაცვის ცენტრში იდგნენ 22 წლის ჯონი ევანსი და 21 წლის კრის სმოლინგი. მარჯვენა მცველი გახლდათ 20 წლის ფაბიო. ნახევარდაცვაში ტრიალებდნენ 21 წლის გაბრიელ ობერტანი და 20 წლის ბებე, მაგრამ, ვაგლახ, ჩამოთვლილთაგან ყველამ საშინლად ითამაშა. 54 წლის ანდერსონმა „მანჩესტერ იუნაიტედის“ საკლუბო ტელევიზიას თავისი შთაბეჭდილებები გაუზიარა:„ძალიან მეეჭვება, ამ ფეხბურთელებს იმდენი ნიჭი და უნარი ჰქონდეთ ხალხს რომ ჰგონია. „ვესტ ჰემთან“ გუნდმა გადახალისებული შემადგენლობით ითამაშა, რამაც ბევრი კითხვისნიშანი გააჩინა. ფერგიუსონს სახეზე დაეტყო ყველაფერი. ვფიქრობ მას „იუნაიტედის“ ახალგაზრდებზე სერიოზული დაფიქრება მოუწევს. ეს ხალხი იმ დონისა არ არის ჩვენს გუნდს რომ სჭირდება“.მაგრამ, ასეთი დაუნდობელი კრიტიკა სამართლიანია? განა იგივე სმოლინგი და ევანსი არ იყვნენ წინა კვირას ჩემპიონთა ლიგაში „რეინჯერსს“ გოლი რომ არ გაატანინეს?ამაზე ანდერსონს პასუხი მზად აქვს: „ის სპეციფიური თამაში იყო. „რეინჯერსს“ წინ მარტო კენი მილერი ჰყავდა და ამდენად, შეიძლება ითქვას, რომ მეტოქის შეჩერებაშისისტემა გვიწყობდა ხელს. „ვესტ ჰემმა“ კი გლაზგოელებისგან განსხვავებით ორი ფორვარდით ითამაშა და, როგორც ნახეთ, რამდენიმე შოკისმომგვრელი გოლიც გავუშვით. ეს ჭკუისასწავლებელი საღამო იყო. იმედი მაქვს ბიჭები დასკვნებს გამოიტანენ. განსაკუთრებით მცველები“.ვივ ანდერსონის მსგავსად შეშფოთებული გახლდათ „იუნაიტედის“ კიდევ ერთი ვეტერანი, 61 წლის ლუ მაკარი. ეს იტალიური წარმოშობის შოტლანდიელი მანჩესტერში 1973-84 წლებში გამოდიოდა. ნახევარმცველი გახლდათ, 329 თამაშში 79 გოლი შეაგდო. სქოთთა ეროვნულ გუნდში 24 შეხვედრაში ხუთჯერ გამოიჩინა თავი. მან თქვა:„ვერ ვიხსენებ როდის ვნახე ბოლოს ახალგაზრდა ფეხბურთელი, რომელიც მოედანზე შევიდა და მის შემყურეს აღმომხდა: აი, ვარსკვლავი იზრდება! უფრო სწორედ, ასეთი რამ ბოლოს იმ დღეს იყო ახალგაზრდა პოლ სქოულზმა და რაიან გიგზმა „პორტ ვეილთან“ რომ ითამაშეს. ძალიან მინდოდა მაშინდელის მსგავსი განცდა ახლაც დამუფლებოდა, მაგრამ სულ ტყუილად. ფერგიუსონმა გუნდის ამჟამინდელ ახალგაზრდებს შანსი მისცა, მაგრამ მათ იმედი ვერ გაამართლეს“.მაკარი ყველაზე მეტად იმან შეაძრწუნა, რომ „ვესტ ჰემის“ ფეხბურთელები მანჩესტერელებს ბურთისთვის ბრძოლაში ნაფოტებივით ისროდნენ აქეთ-იქით. ვეტერანმა განაგრძო:„ვესტ ჰემმა გადაგვიარა, არადა ეს ის გუნდია, რომელსაც მეტოქის გადათელვის უნარი ყველაზე ნაკლებად შესწევს. რასაკვირველია, მესმის, როდესაც ამბობენ, რომ ფეხბურთელები იღლებიან, მაგრამ შემადგენლობის ასე ერთიანად შეცვლისა არ მწამს. ეს არაფერს იძლევა. როგორ ფიქრობთ, იმ შემადგენლობას, რომელმაც პრემიერლიგის ბოლო ტურში „ბლექბერნს“ 7:1 მოუგო „ვესტ ჰემთანაც“ რომ ეთამაშა შაბათს „ბლექპულთან“ ვეღარ ირბენდა? ან, თუ გნებავთ ასე ვიმსჯელოთ: ბერბატოვს, რომელმაც წინა შაბათს 5 გოლი შეაგდო, ერთი-ორი დღესაც რომ შეეგდო შემდეგ შეხვედრაში კიდევ უფრო ფრთაშესხმულს არ ვიხილავდით?“

გადაწყვეტილება შეცვალეს - "სიტისთან" განადგურების შემდეგ, "ლივერპულის" ხელმძღვანელობამ სლოტის მომავალზე იმჯელა

ვან დეიკმა "სიტისთან" განადგურების პასუხისმგებელ პირებზე ისაუბრა და პსჟ-ისთან მატჩამდე "ლივერპულის" ფეხბურთელებს მიმართა

დადასტურდა - სილვა სეზონის დასრულების შემდეგ "სიტის" დატოვებს

19-წლამდე გოგონათა ნაკრები საკვალიფიკაციო ეტაპის მატჩებისთვის ემზადება

17-წლამდე ვაჟთა ნაკრები სან მარინოში მიემგზავრება

ბონუსი მუნდიალზე გასვლისთვის - იტალიის ნაკრების ფეხბურთელები ფულს ითხოვდნენ

ფლიკმა გადაწყვეტილება მიიღო - კანსელო "ბარსელონასთვის" მნიშვნელოვანი მოთამაშეა

"ბაიერნი" ნოიერის შემცვლელად 23 წლის ნიდერლანდელი მეკარის ვარიანტს განიხილავს

ინძაგიმ გამორიცხა - იტალიის ნაკრების მთავარი მწვრთნელის პოსტზე მანჩინის ვარიანტი რჩება

კვერნაძის 74 წუთი და "ფროზინონეს" მორიგი გამარჯვება

ქართველების "მეცი" "ნანტთან" ფრეს დასჯერდა

კიტეიშვილმა მამაგეიშვილი შეცვალა - "შტურმმა" მნიშვნელოვანი გამარჯვება მოიპოვა

[VIDEOS] გულიაშვილმა ესპანეთში დუბლი შეასრულა

ლოჩოშვილის მორიგი კარგი მატჩი - "ნიურნბერგმა" "აინტრახტთან" ქულები გაიყო

სამწუხარო მარცხი ფინალში - ბასილაშვილი მონტეკარლოს ძირითად ბადეში ვერ მოხვდა

პაოლო მადლინი შესაძლოა, იტალიის ფეხბურთის ფედერაციის პრეზიდენტი გახდეს

[VIDEO] ლუკა გადრანმა "ბეითარში" სადებიუტო გოლი გაიტანა

[VIDEO] ყაზაიშვილმა ჩინეთის ჩემპიონატში ეფექტური გოლი გაიტანა

პეპ გვარდიოლამ "ლივერპულთან" პირადი რეკორდი დაამყარა

ოჩხიკიძის 21 პასი და ბათუმის რეკორდული გამარჯვება | თსუ რეგულარულის მოგების ზღვარზეა

ფუტსალის ნაკრები აზერბაიჯანთან ორ ამხანაგურ მატჩს გამართავს

[VIDEO] "ბარსელონა" "რეალს" 7 ქულით გაექცა

დე ბრუინს ჩემპიონობის ამ სეზონშიც სჯერა - ბელგიელმა "ნაპოლიში" გადასვლის მიზეზი ახსნა