არც სული, არც გული, არც ფული

მხოლოდ ბუნდოვანი პერსპექტივა და გადაპიარებული მაგათი სეზონის წინ ფელიქს მაგათის „შალკედან“ გათავისუფლებას ვერავინ წარმოიდგენდა. არა, „დესპოტი ფელიქსი“ გელზენკირხენული კლუბიდან ჯერ არავის გაუგდია, მაგრამ დიდი შანსია, რომ ძალიან მალე მოხდეს ის, რასაც გელზენკირხენში უკანასკნელი ოპტიმისტები დღემდე უტოპიად მიიჩნევენ. წლეულს, ბუნდესლიგაში სამი ტური დარჩა ჩასატარებელი და სწორედ ეს სამი მატჩი გადაწყვეტს მაგათის მომავალს, რომელიც, მიუხედავად „შალკეს“ ჩემპიონთა ლიგის მერვედფინალში გასვლისა, ძალიან ბუნდოვანია. არის ერთი საკითხიც, რის გამოც „შალკეს“ შეფები დღემდე თავს იკავებენ იმის ხმამაღლა თქმაზე, რომ ფელიქს მაგათი ხელშეუხებელი აღარ არის – მწვრთნელის გაგდება გუნდს დიდ ფინანსურ ზარალს მოუტანს.იმის გამო, რომ მაგათი „შალკეში“ არა მარტო მწვრთნელი, არამედ დირექტორატის მდივანი და სპორტული დირექტორიცაა, მისი გათავისუფლება არც ისე იოლია, როგორც ეს ზოგადად სხვა გუნდებშია ხოლმე. სპორტულ მხარეზე ზრუნვის და მისი კონტროლის უფლება სამეთვალყურეო საბჭოსაც ფაქტობრივად ჩამორთმეული აქვს – „ვოლფსბურგის“ მაგალითით აღფრთოვანებულმა „შალკემ“ მაგათს თავის დროზე სრული ძალაუფლება მისცა და ვინ იცის, როგორ ნანობენ ამას „ხუმარების“ ბოსები დღეს. რეალურად, სამეთვალყურეო საბჭო ფინანსურ საკითხებზე ზრუნავს და დირექტორატს აკონტროლებს, სპორტულ მხარეში ჩარევის უფლება კი არ აქვს. მაგრამ რაკი სპორტული მხარე და ფინანსები ხშირად ერთმანეთიდან გამომდინარეობს, მაგათი ოთხშაბათს სამეთვალყურეო საბჭოში იყო დაბარებული და რამდენიმე არასასიამოვნო კითხვაზე პასუხის გაცემა მოუხდა. საქმე, რა თქმა უნდა, „კაიზერსლაუტერნთან“ სამარცხვინო წაგებას (0:5) და არა მარტო ამ წაგებას ეხებოდა.მაგათთან ერთად, საბჭოს თავმდჯომარე კლემენს ტიონიესთან ფელიქსის კოლეგები, დირექტორატის წევრები ჰორსტ ჰელდტი და პეტერ პეტერსი იყვნენ დაბარებულები. შეხვედრა თავიდან სამშაბათს იყო დაგეგმილი, მაგრამ მაგათმა ოთხშაბათისთვის გადადო, რაც ტაქტიკური მანევრი გახლდათ – მას არ სურდა ტიონიესთან იმ დროს გამოცხადება, როცა მან დაიბარა და ამით კიდევ ერთხელ გაუსვა ხაზი, რომ გელზენკირხენულ კლუბში მისი ძალაუფლება გაცილებით დიდია, ვიდრე ჩვეულებრივ მწვრთნელებს აქვთ ხოლმე. ოთხშაბათს კი, დაძაბული საუბარი მაინც შედგა, რომლის შემდეგაც ორივე მხარემ ოფიციალურად განაცხადა, რომ „შალკეს“ სამეთვალყურეო საბჭო ჯერ კიდევ ენდობა მაგათს, მაგრამ ფაქტია, რომ ფელიქსსა და ტიონიესს შორის ურთიერთობა აღარ არის ისეთი უპრობლემო და იდეალური, როგორიც თუნდაც ერთი წლის წინ იყო.ცხადია, კრიზისული სხდომის მიზეზი მარტო „კაიზერსლაუტერნთან“ გამანადგურებელი ანგარიშით წაგება არ ყოფილა. ზოგადად, „შალკე“, რომელიც გასულ სეზონში გერმანიის ვიცე-ჩემპიონი გახდა და ლოგიკურად, წელს უკვე ჩემპიონობისთვის უნდა ებრძოლა, ბუნდესლიგაში ძალიან ცუდად ასპარეზობს და 14 ტურის შემდეგ, 13 ქულით მე-15 ადგილზეა. მართალია, „ხუმარებმა“ ჩემპიონთა ლიგაში ყველაფერი კარგად გააკეთეს და მერვედფინალის საგზური ერთი ტურით ადრე გაინაღდეს, მაგრამ „შალკესთვის“ პრიორიტეტული მაინც ბუნდესლიგაა. კლუბის შეფებს არ მოსწონთ ისიც, რომ მაგათი ფეხბურთელებს ძალიან მკაცრად, მათი აზრით, ზედმეტად მკაცრად ექცევა. არადა, შეფებმა შესანიშნავად იცოდნენ, რომ ფელიქსი უმკაცრესი მწვრთნელია – მან სახელი სწორედ ამით გაითქვა. ხელმძღვანელებს არც ის მოეწონათ, რომ მაგათმა გუნდი სამშაბათს, მინუს სამ გრადუს ყინვაში ხელთათმანების, ქუდებისა და გრძელი სპორტული შარვლების გარეშე ავარჯიშა. ხელმძღვანელობა მიიჩნევს, რომ მაგათის რეჟიმი ზედმეტად მკაცრი და რაც მთავარია, მოძველებულია. არადა, ფელიქსმა ასეთი მიდგომითა და რეჟიმით ორი წლის წინ, შემადგენლობით, ისტორიითა და ტრადიციებით „შალკეზე“ გაცილებით სუსტი და ღარიბი კლუბი „ვოლფსბურგი“ გააჩემპიონა.დისკუსიას იწვევს ფელიქსის მიერ განხორციელებული ტრანსფერებიც. მაგათმა ზაფხულში და მანამდეც ბევრი ახალი ფეხბურთელი შეიძინა, რომელთაგან უმეტესობა იმედებს ოდნავადაც ვერ ამართლებს. არადა, ბრმად უსმენდნენ და ენდობოდნენ, რადგან „ვოლფსბურგში“ მაგათის მიერ მიყვანილმა ყველა ფეხბურთელმა გაამართლა. „შალკე“ „ვოლსბურგი“ არ არის, „შალკეს“ სხვანაირი მიდგომა სჭირდებაო, როგორც იქნა, ხვდებიან, გელზენკირხენული კლუბის შეფები, მაგრამ უკვე გვიანია – ფელიქსის კონტრაქტს, რომლის მიხედვითაც ის არა მარტო მწვრთნელია, არამედ სპორტული დირექტორისა და მენეჯერის ძალაუფლებაც აქვს, ვადა 2013 წლამდე აქვს და მისი ნაადრევი გაწყვეტა იმას გამოიწვევს, რომ ისედაც ვალებში ჩაფლულმა კლუბმა ფელიქსს ძალიან დიდხანს დიდი კომპენსაცია უნდა უხადოს. კომპენსაცია კი დაახლოებით იმდენივე იქნებოდა, რამდენიც „შალკემ“ უეფასგან ჩემპიონთა ლიგის მერვედფინალში გასვლით გამოიმუშავა, უფრო სწორად, გამოიმუშავებს. მოკლედ, „შალკეს“ ფელიქსის გაგდება არ უღირს!არ უღირს, მაგრამ ყველაფერს აქვს საზღვარი. ჩვენი გერმანელი კოლეგების ცნობით, ტიონიესი და „შალკეს“ სხვა შეფები კულუარებში უკვე დაუფარავად საუბრობენ იმაზე, რომ ფელიქსის გათავისუფლება გამორიცხული ნამდვილად არ არის. და თუკი ჯერ ტიონიესი და კომპანია ამ საკითხზე მხოლოდ კულუარებში საუბრობენ, საკმარისია, „შალკემ“ პირველი წრის დარჩენილ სამ ტურშიც წარუმატებლად იასპარეზოს, რომ მაშინვე ხმამაღლა ალაპარაკდებიან.

[VIDEO] "ბაიერნის" 16-მატჩიანი მოგებათა სერია შეწყდა - "რეკორდმაისტერმა" "უნიონ ბერლინი" ვერ დაამარცხა

"ბაიერნი" 23 წლის კოსოვოელი ფორვარდის დამატებას აპირებს

მძიმე ტრავმის შემდეგ ჯამალ მუსიალამ ვარჯიში დაიწყო

კომისარ-მსაჯები განაწილდნენ: რატიშვილი სკოპიეში, თვაური და შალამბერიძე – ბაქოში

საქართველო 10:1 ესტონეთი

"ბორჯღალოსნები" | ნამატით კანადასთან

"ვან დეიკის გოლი უნდა ჩათვლილიყო" - რუნი მსაჯების გადაწყვეტილებას არ ეთანხმება

მეორე ვადით - "ბენფიკას" პრეზიდენტად კვლავ რუი კოშტა აირჩიეს

"ბარსელონას" მთავარი მწვრთნელი გაათავისუფლეს - შენგელიას გუნდი "ზენიტის" ყოფილ თავკაცს დაუკავშირდა

იურიჩს მოხსნას უპირებენ - "ატალანტას" სეზონის ძალიან ცუდი სტარტი გამოუვიდა

"სევილია" შესაძლოა, მალე გაიყიდოს - ახალ მფლობელებს კლუბში დიდი ვალი დახვდებათ

ტენ ჰაგი პრემიერ ლიგაში არ დაბრუნდება - ვულვზმა მწვრთნელად სხვა დამრიგებელი აირჩია

[VIDEO] ბითაძის 3 დაფარება 14 წუთში - "ორლანდო მეჯიქი" "ბოსტონ სელტიქსთან" დამარცხდა

[VIDEO] ლუკა გაგნიძის მეორე საგოლე პასი ესპანეთში

საქართველო 5:0 ესტონეთი

ბურჯანაძის "გრანადამ" ლიდერი "ვალენსია" დაამარცხა, შენგელიას "ბარსა" კი "ხირონასთან" დამარცხდა

[VIDEO] პირველი გოლი ლიგა 1-ის ახალ სეზონში - "კვარამ" "ლიონს" გაუტანა

კიტეიშვილის მაღალი შეფასებები და "შტურმის" ფრე "ზალცბურგთან"

"ლიონთან" მატჩში პსჟ-ს შემადგენლობა ცნობილია

წიტაიშვილმა შეუცვლელად ითამაშა - "მეცმა" ზედიზედ მესამე გამარჯვება იზეიმა

პენალტის მოგერიება არ დაუფასდა - როგორი შეფასებები მიიღო გიორგი მამარდაშვილმა "მანჩესტერ სიტისთან" მატჩში?

[VIDEO] გიორგი მამარდაშვილმა ერლინ ჰოლანის დარტყმული პენალტი მოიგერია

[VIDEO] "ნაპოლის" მესამე უგოლო მატჩი და მარცხი "ბოლონიასთან"