<p>ჩემპიონთა ლიგა. 1/8-ფინალი. I მატჩის წინ <br> პირეოსში დევიდ მოიესის "მანჩესტერ იუნაიტედი" ჩადის. შოტლანდიელი სპეციალისტისთვის ჩემპიონთა ლიგას უდიდესი მნიშვნელობა აქვს, რადგან პრემიერლიგის მოგება "იუნაიტედს" აღარ ძალუძს.</p><p>ინგლისელთა ბანაკში მატჩს კარგ განწყობაზე ხვდება უეინ რუნი, რომელმაც 2019 წლამდე გაახანგრძლივა კონტრაქტი, რომლის თანახმადაც, ის კვირაში 300 ათას ფუნტ სტერლინგს მიიღებს...</p><p>ჩემპიონთა ლიგის სამგზის ტრიუმფატორი ამ დაპირისპირებაში აშკარა ფავორიტია. შესაძლოა, პრემიერლიგაში მოიესის გუნდს ბევრი ვერაფერი გამოსდის, მაგრამ ჩემპიონთა ლიგაზე ის ბრწყინვალედ ასპარეზობს. A ჯგუფი ისე მოიგო "იუნაიტედმა", მატჩი არ წაუგია და მხოლოდ 3 გოლი გაუშვა 6 მატჩში.</p><p>ბოლო ტურში "იუნაიტედმა" "კრისტალ პალასი" ლონდონში 2:0 დაამარცხა და ერთ-ერთი გოლი სწორედ უეინ რუნიმ შეაგდო. მოიესისთვის კარგი ნიშანია ტრავმებისგან გატანჯული რობინ ვან პერსის მწყობრში ჩადგომაც: ბოლო 5 შეხვედრაში ჰოლანდიელმა 4 გოლი გაიტანა.</p><p>ინგლისელებს დაცვაში უჭირთ, რის გამოც 25 თებერვალს შეიძლება ვეტერანების დუეტი ვიხილოთ დაცვის ცენტრში (ვიდიჩი-ფერდინანდი). ფილ ჯონსს, რაფაელ და სილვას და ჯონი ევანსს ტრავმები აწუხებთ, დენი უელბეკს კი მტკივანი მუხლი ნამდვილად არ მისცემს თამაშის საშუალებას.</p><p>იანვარში დამატებული ხუან მატა, ბუნებრივია, ინგლისში დარჩა. მას ჩემპიონთა ლიგაზე "იუნაიტედის" მაისურით ამ სეზონში თამაში არ შეუძლია. უფრო პოზიტიური სიახლეც არის გუნდში - დარენ ფლეტჩერი ჯანზეა და ის მატჩის განაცხადში იქნება.</p><p><img src="pictures/artimages/image17/d14504ec0b42a64dc51cca66ae055d10.jpg" border="0" alt="Sportall.Ge" title="ოლიმპიაკოსი VS მანჩესტერი - რუნის და ვან პერსის იმედად" /></p><p>შესაძლოა, ევროპაში გრანდად არ ითვლება, მაგრამ მშობლიურ საბერძნეთში "ოლიმპიაკოსი" ორი თავით სჯობს ყველას. მიჩელის გუნდს საბერძნეთის ჩემპიონატში ზუსტად ერთი წელია, არ წაუგია. ამ სეზონში გუნდმა მხოლოდ 9 გოლი გაუშვა და პლუს 69 გოლთა შეფარდებით იწონებს თავს.</p><p>ბერძნებმა პლეი ოფის საგზური მეტად დრამატულ სიტუაციაში მოიპოვეს. C ჯგუფში წინ მხოლოდ პსჟ გაუშვეს, "ბენფიკას" კი ურთიერთშეხვედრებში უკეთესი მაჩვენებლის წყალობით გადაულოცეს ევროპალიგის საგზური.</p><p>გასულ უქმეებზე მიჩელის გუნდმა ოფი-ს წირვა გამოუყვანა, 4:0 მოუგო. ამ შეხვედრაში მარკო შჩეპოვიჩმა ჰეთ-თრიქი შეასრულა, მაგრამ, როგორც მატას, სერბ ფორვარდსაც ვერ ვიხილავთ, რადგან არც მას აქვს თამაშის უფლება - ზაფხულში მან "პარტიზანის" რიგებში ითამაშა ლიგის საკვალიფიკაციო ეტაპზე.</p><p>სხვათა შორის, შჩეპოვიჩს ოფი-სთან თავის გამოჩენის საშუალება ხავიერ სავიოლას ტრავმამ მისცა. არგენტინელი ვერც "იუნაიტედთან" ითამაშებს, რაც დიდი დანაკლისია "ოლიმპიაკოსისთვის".</p><p>იანვარში შემომატებულები - ერნან პერესი და ივან მარკანო აუცილებლად ითამაშებენ; აი, კიდევ ერთი ახალწვეულის, პარაგვაელი ნელსონ ვალდესის გამოსვლა კი ტრავმის გამო საეჭვოა.</p><p>ურთიერთშეხვედრების ისტორია "ოლიმპიაკოსს" კარგს არაფერს უქადის - ჩემპიონთა ლიგაზე ბერძნული კლუბი 4-ჯერ შეხვდა "იუნაიტედს" და ოთხჯერვე წააგო, მეტოქეს კი მხოლოდ 2 გოლი გაუტანა, მაგრამ მაშინ ინგლისელებს სერ ალექსი წვრთნიდა...</p><p><strong>მიჩელი (ოლიმპიაკოსი):</strong><em></p><p>"ძალიან ბედნიერები ვართ, რომ აქამდე მოვედით და ერთი სული გვაქვს, როდის დაიწყება ხვალინდელი შეხვედრა. ფსონი დიდია და ჩვენ არაფერს დავთმობთ. მართალია, ჩვენ ნაკლები გამოცდილება გვაქვს ევროსარბიელზე, მაგრამ სხვა პლუსები გაგვაჩნია.</p><p>ყველაფერს გავიღებთ, რომ "იუნაიტედის" დამარცხება შევძლოთ. ახლა უფრო კარგ ფორმაში ვართ, ვიდრე ჯგუფურ ეტაპზე, გუნდი მზად არის საბრძოლველად. სხვა გზა არა გვაქვს, წარმატებისთვის 100%-ით დახარჯვა მოგვიწევს"</em>.</p><p><strong>დევიდ მოიესი (იუნაიტედი):</strong><em></p><p>"ჯგუფური ეტაპის მოგებამ ძალები შეგვმატა. "ოლიმპიაკოსი" ძნელი მეტოქეა. მიზნად ტურნირის მოგება დავისახეთ, თუმცა წინ ნაბიჯ-ნაბიჯ უნდა წავიდეთ.</p><p>რუნის და ვან პერსის ფორმა იმედს მაძლევს, მათ გოლებიც გააქვთ და მეტოქე მცველებსაც ატერორებენ".</em></p><p><span style="color: #3366ff;"><strong>ჩემპიონთა ლიგა. 1/8-ფინალი. I მატჩი</strong></span></p><p><span style="text-decoration: underline;">25 თებერვალი. პირეოსი. გეორგიოს კარაისკაკისი. 23:45</p><p></span><strong>ოლიმპიაკოსი-მანჩესტერ იუნაიტედი</p><p></strong>დისკვალიფიკაცია: მარკო შჩეპოვიჩი - ხუან მატა</p><p>ტრავმა: ხავიერ სავიოლა, ნელსონ ვალდესი (?) - დენი უელბეკი, ფილ ჯონსი (?), რაფაელ და სილვა (?), ჯონი ევანსი (?)</p><p>ბოლო 6 მატჩი ლიგაზე</p><p>+3=1-2 +4=2-0</p><p>ოლიმპიაკოსი: რობერტო - ლეანდრო, მანოლასი, მარკანო, ოლებასი - მანიატისი, ნდინგა - კემპბელი, დომინგესი, პერესი - ოლაიტანი</p><p>იუნაიტედი: დე ხეა - რაფაელი, ფერდინანდი, ვიდიჩი, ევრა - ვალენსია, ფელაინი, კერიკი, იანუზაი - ვან პერსი, რუნი</p><p>არბიტრი: ჯანლუკა როკი (იტალია)</p><p><strong>ყოველდღიური სპორტული გაზეთი "ლელო"</strong></p>
[VIDEO] ნორვეგიული ზღაპარი გრძელდება - "ბოდო გლიმტმა" "ინტერს" სტუმრადაც სძლია
[VIDEO] სიორლოტის ჰეთ-თრიკი - "ატლეტიკომ" "ბრიუგე" დაამარცხა და მერვედფინალში გავიდა
"ვინისიუსი პროვოკატორია - ესაა დეგრადაციის დონე" - ყოფილი მსაჯი პრესტიანის დასჯის გამო აღშფოთებულია
კალანდაძე თბილისის "დინამოში" დაბრუნდა
საქართველოს 15-ქალა ნაკრების წინსვლა რეიტინგში
გრიზმანი MLS-ში - მოლაპარაკებები დასკვნით სტადიაშია
ცვლილებები დაცვით ხაზში - "რეალიდან" ალაბას წასვლა გადაწყვეტილი ამბავია
"ხვიჩა ძალიან მომწონს, სალაჰის შეცვლის კარგი ვარიანტია" - "ლივერპულის" ყოფილმა ფეხბურთელმა კლუბს კვარაცხელიას ყიდვა შესთავაზა
კიდევ დიდი ხნით პსჟ-ში - ჟოაო ნევეში კონტრაქტს გაახანგრძლივებს
პარიზელთა შეტევა დემბელეს არყოფნაში - ყველაფერი ლიგის განმეორებით მატჩებზე
ქალთა ნაკრები საბერძნეთთან მატჩისთვის მზადებას განაგრძობს
ლეგიონერები/ცინცაძე MVP გახდა. დიხამინჯიამ და კბილაშვილმა 4-4 გოლი გაიტანეს
15-ქალა | ხორვატებთან ახალი რეკორდით
20 წ. | კარგი ტაიმით მსოფლიოს ჩემპიონთან
კვარაცხელია, დუე და ბარკოლა დემბელეს გარეშე - როგორი იქნება "მონაკოსთან" პსჟ-ს შემადგენლობა?
"ბარსელონაში" დაბრუნებისას, საუკეთესო ფორმაში არ ვიყავი" - ჟოაო კანსელო
"სერია A-ში თამაში ყველაზე რთულია" - ალეგრი "პარმასთან" მარცხის შემდეგ
L'Équipe: პსჟ-ში შევალიეს ბედი საფონოვზეა დამოკიდებული
ლებრონ ჯეიმსმა მორიგი რეკორდი დაამყარა
თბილისური შეკრება დასრულდა | 9 ლეგიონერს ჯიკიჩმა სუპერლიგის 5 მოთამაშე დაამატა
"მწვრთნელი გამარჯობასაც კი არ მეუბნება" - საზონოვი "ტორინოს" განრისხებულ ფანებს შეხვდა
[VIDEO] მამუკელაშვილის შედეგიანი მატჩი ყოფილ გუნდთან - "ტორონტომ" "მილუოკი" დაამარცხა
[VIDEO] მიქაუტაძემ ამჯერად ვერ გაიტანა - "ვილიარეალმა" "ვალენსია" დაამარცხა
თემურ ქეცბაიას შანსები "ნიუკასლის" მწვრთნელობაზე მკვეთრად გაიზარდა
ვან ნისტელროიმ შესაძლოა, კიდევ ერთი ყოფილი კლუბი ჩაიბაროს
"ვესტ ჰემს" მაგუაიერი სურს - ტრანსფერს პირადად მოიესი ითხოვს
ხაბი ალონსომ შესაძლოა, პრემიერ ლიგის კლუბი ჩაიბაროს
"დეილი მეილი": ასეთი მწვრთნელი უნდა გაუშვა
"ევერტონმა" დაიჩი გაათავისუფლა, "კანფეტებს" დიდი ალბათობით, მოიესი ჩაიბარებს
"ბარსელონამ" ხავის შესაძლო შემცვლელი ლა ლიგაში შეარჩია
სამწვრთნელო საქმე: ბოლო 3 თვეში 13 მწვრთნელი მოიხსნა
ამ გუნდს არაფერი დაეწუნება: წინ ქეცბაია, შუაში მიჩელი, დაცვაში დე ბური, კარში პრიუდომი
ჩასათვლელი იყო თუ არა დეულოფეუს გოლი?
ოფიციალურად: მოიესმა "ევერტონი" მეორედ ჩაიბარა
"მანჩესტერ იუნაიტედმა" სტანდარტები დაბლა დასწია" - დევიდ მოიესმა "წითელ ეშაკებში" მუშაობის პერიოდი გაიხსენა