სტივმა ჯეკოს დაუსტვინა

მაკლარენი ბოსნიელის სასჯელს ასაიდუმლოებს თითქოს „ვოლფსბურგს“ ის არ ეყოფოდა, რომ ბუნდესლიგაში ძალიან ცუდად ასპარეზობს, გერმანიის ექს-ჩემპიონს ახლა ახალი პრობლემა დაემატა, უფრო სწორად, ძველი პრობლემა ისევ აქტუალური გაუხდა. ყურადღების ცენტრში, რა თქმა უნდა, ისევ ედინ ჯეკოა - „მგლების“ გოლუხვი თავდამსხმელი, რომელსაც დიდი ხანია, რომელიმე სუპერგრანდში გადასვლა უნდა და არც მთხოვნელები აკლია, მაგრამ „ვოლფსბურგი“ არ უშვებს. უფრო სწორად, ძალიან ძვირად, მინიმუმ 40 მილიონ ევროდ აფასებს.ჯეკოს გარშემო ატეხილი დისკუსიის შესახებ კომენტარი „ვოლფსბურგის“ დამრიგებელმა სტივ მაკლარენმაც გააკეთა. ინგლისელი სპეციალისტის თქმით, მისთვის აბსოლუტურად გასაგები და მისაღებია ის, რომ ბოსნიელი გოლეადორი „ვერდერთან“ მატჩის მერე ძალიან გაბრაზებული იყო, რადგან პენალტი ვერ გამოიყენა, მერე კი, შეცვლის დროს მაკლარენს ხელი არ ჩამოართვა. „ამაში გასაკვირი არაფერია. პირიქით, ძალიან მიხარია, რომ ფეხბურთელი წარუმატებლობის გამო გაბრაზდა, ეს იმაზე მეტყველებს, რომ ყოველთვის ძალიან მონდომებულია. ფეხბურთი სპორტის ემოციური სახეობაა მე არც იმის გამო გავბრაზებულვარ, რომ ხელი არ ჩამომართვა,“ - განუცხადა მაკლარენმა „კიკერს“.მაკლარენს არ უთქვამს, დაეკისრება თუ არა ჯეკოს ჯარიმა - ჩვენ ასეთ დეტალებს არ ვახმაურებთ, ეს კლუბის საიდუმლოაო. „ფაქტი ის არის, რომ პრობლემა მოგვარდა, თემა კი ამოწურულია,“ - ამბობს სტივი. თვითონ ჯეკო კი კომენტარის გაკეთებას თავს არიდებს.ისე, თვითონ მაკლარენიც საკმაოდ მძიმე წნეხის ქვეშაა მოქცეული, რადგან „ვოლფსბურგის“ ხელმძღვანელებს ნამდვილად არ აკმაყოფილებთ ის, რომ გუნდი, რომელსაც ჯერ კიდევ გასულ სეზონში მოქმედი ჩემპიონის სტატუსი ჰქონდა, დღეს მე-13 ადგილზეა და ბოლო ცხრა მატჩიდან მხოლოდ ერთი აქვს მოგებული. მაგრამ როგორც ჩანს, შეფები სტივს ჯერ კიდევ ენდობიან. შესაბამისად, მაკლარენი თავს ძალიან კომფორტულად გრძნობს. ინგლისელი თავის შეგირდებს პირველ წრეში დარჩენილ ორ ტურში („კაიზერსლაუტერნთან“ და „ჰოფენჰაიმთან“) ექვსი ქულის მოპოვებას სთხოვს.ამასობაში, „მგლების“ მენეჯერი დიტერ ჰიონესი აცხადებს, რომ ჯეკოს კონტრაქტიდან იმ პუნქტის ამოშლა უნდა, რომლის გამოც ბოსნიელ თავდამსხმელზე მითქმა-მოთქმა არ წყდება. საუბარია პუნქტზე, რომლის მიხედვით, ჯეკოს „ვოლფსბურგის“ დატოვება იმ შემთხვევაში შეუძლია, თუ მისი მსურველი კლუბი 40 მილიონ ევროს გადაიხდის. ჰიონესი ჯეკოს დათანხმდებას ახალი პირობებით აპირებს: ხელფასის წელიწადში ექვს მილიონამდე გაზრდა, რაც ედინს „ვოლფსბურგის“ ყველაზე მაღალანაზღაურებად ფეხბურთელად აქცევს.ჰაინალი თხებში?ჩვენი გერმანელი კოლეგების ცნობით, თითქმის გადაწყვეტილია, რომ იანვარში დორტმუნდის „ბორუსიას“ უნგრელი გამთამაშებელი ტამაშ ჰაინალი გაცილებით მოკრძალებულ კლუბში, „კიოლნში“ გადავა. მიზეზი ის არის, რომ ჰაინალს „ბორუსიაში“ ძალიან იშვიათად ათამაშებენ - გუნდის მთავარი მწვრთნელი იურგენ კლოპი ჰაინალზე მეტად ზაფხულში ნაყიდ იაპონელ ტალანტ შინჯი კაგავას ენდობა, რომელიც ბრწყინვალე სეზონს ატარებს. შესაბამისად, უნგრელ ნახევარმცველს ძირითად შემადგენლობაში დაბრუნების შანსი ფაქტობრივად არ აქვს. „კიოლნერ ექსპრესის“ ინფორმაციით, 29 წლის ჰაინალმა „კიოლნს“ უკვე თანხმობა უთხრა.შვაინშტაიგერი: დორტმუნდს ვჯობივართ!მიუხედავად იმისა, რომ დორტმუნდის „ბორუსია“ მიუნხენის „ბაიერნს“ ბუნდესლიგის სატურნირო ცხრილში 17 ქულით უსწრებს, ბავარიელთა ნახევარმცველ ბასტიან შვაინშტაიგერს მიაჩნია, რომ რეკორდმაისტერი „ბორუსიაზე“ გაცილებით ძლიერი გუნდია. „მართალია, დორტმუნდელები დიდი სხვაობით გვისწრებენ და ჩვენც მოგვიგეს, მაგრამ მე მაინც დარწმუნებული ვარ, რომ „ბაიერნი“ „ბორუსიაზე“ უკეთესი გუნდია. ცხადია, BVB-საც აქვს თავისი პლუსები. მაგალითად, დორტმუნდელები ძალიან სწრაფები და აგრესიულები არიან, მაგრამ ჩვენ „ვესტფალენშტადიონზე“ მაინც დაუმსახურებლად წავაგეთ (0:2),“ - უთხრა შვაინშტაიგერმა „ბილდს“.როგორც იცით, 26 წლის შვაინის რეკორდმაისტერთან კონტრაქტი 2012 წელს უმთავრდება, რის გამოც მის გარშემო უკვე დიდი დისკუსიაა ატეხილი. „3-4 კარგი ვარიანტი მაქვს, სადაც შეიძლება კარიერა გავაგრძელო. ცხადია, „ბაიერნიც“ მათ შორისაა,“ - ამბობს შვაინშტაიგერი.ლაბადია შტუტგარტში?მას მერე, რაც კრისტიან გროსი გაათავისუფლეს, „შტუტგარტს“ დროებით იენს კელერი წვრთნის. ამ სპეციალისტს ნამდვილად ჰქონდა იმის შანსი, რომ წარმატების მიღწევის შემთხვევაში, მთავარი მწვრთნელის თანამდებობაზე დანიშვნა დაემსახურებინა, მაგრამ ყველაფერი იქითკენ მიდის, რომ კელერს ამის შანსი არ აქვს. ჩვენი გერმანელი კოლეგების ცნობით, შვაბური კლუბის შეფები ორ ვარიანტზე ფიქრობენ: ან სერიოზულ დროებით მწვრთნელზე, რომელიც ზაფხულამდე იმუშავებს, ანაც რომელიმე თავისუფალ სპეციალისტთან ხანგრძლივი კონტრაქტის გაფორმებაზე. „კიკერის“ ცნობით, ფავორიტი ბრუნო ლაბადიაა. ამავდროულად, „შტუტგარტის“ ხელმძღვანელებმა დაადასტურეს, რომ კრისტოფ დაუმზე არ ფიქრობენ.ზე რობერტო ალბათ წავაბრაზილიელ ზე რობერტოს სეზონის ბოლოს „ჰამბურგთან“ კონტრაქტი უმთავრდება. ჩრდილოგერმანულ კლუბს 36 წლის ნახევარმცველთან ახალი ხელშეკრულების გაფორმება ძალიან უნდა, მაგრამ ფეხბურთელს კარიერის გაგრძელება სამშობლოში ან აშშ-ში სურს. „კიკერის“ ცნობით, ზე რობერტოს რამდენიმე ბრაზილიურ კლუბში და ნიუ იორკის „რედ ბულში“ ეპატიჟებიან.

ტიაგო მოტამ შესაძლოა, ბუნდესლიგის ბინადარი გუნდი ჩაიბაროს

"ფენერბაჰჩეს" მოურინიოს შესაძლო შემცვლელებს შორის ორი კანდიდატი ჰყავს

უარი ხავისგან - "ლევერკუზენი" ახალი მწვრთნელის ძიებაშია

პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა

"მადლობა საბერძნეთს" - გოგა ბითაძე სოციალურ ქსელში პოსტს აქვეყნებს [PHOTO]

პირველი ტაიმის შემდეგ საქართველოს ნაკრები ბულგარეთს 2:0 ამარცხებს

მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო

კაპიტანი კვარაცხელია - ბულგარეთთან მატჩში საქართველოს ნაკრების შემადგენლობა ცნობილია

ოფიციალურად: "კოლოსმა" ზურაბ რუხაძე წარადგინა

ტიაგო მოტამ შესაძლოა, ბუნდესლიგის ბინადარი გუნდი ჩაიბაროს

ონანა კარიერას სავარაუდოდ, თურქეთში განაგრძობს

როდრიმ მისი აზრით "ოქროს ბურთის" ორი ფავორიტი დაასახელა

"სექსის დროს არ მინახავს, არ იცოდა, რომ კამერებზე წვდომა მქონდა..." - როგორ გაიგო ღალატის შესახებ არგენტინელი ვარსკვლავის მეგობარმა გოგონამ

ფრენკ ლამპარდი შესაძლოა, სამუშაოდ პრემიერ ლიგაში დაბრუნდეს

მოულოდნელი ამბავი - ზიდანი სამწვრთნელო საქმიანობას შესაძლოა, თურქეთში დაუბრუნდეს

ქოჩორაშვილი: აქამდე სწორედ იმიტომ მოვედით, რომ არასდროს ვნებდებით

ევრობასკეტის მთავარი სენსაცია - სერბეთის ნაკრები ფინეთთან დამარცხდა და ტურნირს გამოეთიშა

"შავი ლომი" "ძებრესთან" დამარცხდა

ლუქსემბურგის ახალგაზრდული ნაკრების ავტობუსი გზაში გადატრიალდა

გატუზო თავის სტიქიაშია - ზოგს წაუთაქა, ზოგს სილა გააწნა

დუე და დემბელე ლაზარეთში, ლუის ენრიკე საოპერაციო მაგიდაზე - რა ხდება პსჟ-ში?

ბულგარელთა მწვრთნელი: შეგვიძლია ის დანაკლისი აღმოვფხვრათ, რაც ჩვენი და საქართველოა ნაკრების ფეხბურთელების ხარისხს შორისაა

მატჩის დღე - ქართველებსა და ბულგარელებს ცუდად დაწყებულის გამოსწორება სურთ!