- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
სიმბოლური, გმირი, დებიუტი, ფრაზები...
<p><p>სერია A-ს XVI ტურს იტალიურ სპორტულ პრესაში ჯერ კიდევ აქტიურად არჩევენ.</p> <br> <p>სერია A-ს XVI ტურს იტალიურ სპორტულ პრესაში ჯერ კიდევ აქტიურად არჩევენ. სეზონის პირველი ნახევარი დასასრულს მიუახლოვდა და უკვე გადაწყვეტილი ამბავია, რომ ზამთრის ჩემპიონი “მილანი” გახდება. მართალია, იტალიაში იმდენად დიდ მნიშვნელობას არ ანიჭებენ ზამთრის ჩემპიონობას, როგორც მაგალითად გერმანიაში, მაგრამ ფაქტი მაინც აღსანიშნავია. “მილანმა” გასულ ტურში წარმატებით ითამაშა და ბუნებრივია, ამ გუნდის არაერთი ფეხბურთელი მოხვდა ტურის სიმბოლურ ნაკრებში...</p> <p></p><p><strong>ტურის სიმბოლური</p><p></strong>ჟილე (ბარი) – ბეგა (ბრეშა), კიელინი (იუვენტუსი), კამპანიარო (ნაპოლი) – კრასიჩი (იუვენტუსი), ბოატენგი (მილანი), პიატი (ლეჩე), აკვილანი (იუვენტუსი) – იბრაჰიმოვიჩი (მილანი), ნენე (კალიარი), პინილია (პალერმო).</p> <p>ტრადიციულად, სიმბოლური ნაკრები შემტევი გამოდის და ასეა ამ შემთხვევაშიც – მხოლოდ სამი მცველი, შემტევი ტიპის ნახევარმცველები და სამი თავდამსხმელი. მართალია, კევინ პრინც ბოატენგი და ალბერტო აკვილანი ნომინალური საყრდენები არიან, მაგრამ ბოლო დროს შეტევაში უფრო დიდ დროს ატარებენ, ვიდრე დაცვით ფაზაში. ბოატენგმა “ბოლონიასთან”, ხოლო აკვილანიმ “ლაციოსთან” ნაყოფიერი თამაშით დაიმსახურეს სიმბოლურში მოხვედრა. აქვე ვთქვათ, რომ მიმდინარე სეზონში ალბერტოს მეოთხეჯერ ერგო ასეთი პატივი. რაც შეეხება კევინ პრინცს, განელი მეორეჯერ მოხვდა რჩეულ ფეხბურთელთა შორის. ამ მხრივ, რეკორდსმენია მილოშ კრასიჩი, რომელიც მეექვსეჯერ მოხვდა სიმბოლურში და ეჭვი გვაქვს, რომ ამით არ დაკმაყოფილდება. სერბი მართლაც საუკეთესო იყო “ლაციოსთან” პაექრობაში, გააწამა რომაელთა უკანახაზელები და მატჩის უკანასკნელ წუთზე სამი ქულის მომტანი გოლიც გაიტანა. მესამეჯერ მოხვდა რჩეულთა შორის ზლატან იბრაჰიმოვიჩი, რომელიც ლიდერი გუნდის მთავარი დამრტყმელი ძალაა. პირველად მოხვდა სიმბოლურში “კალიარის” თავდამსხმელი ნენე, რომელმაც “კატანიას” სამი გოლი მიართვა – მასზე ქვემოთ ვისაუბრებთ...</p> <p></p><p><strong>ტურის გმირი</p><p></strong>2008/09 წლების სეზონში, ბრაზილიელი თავდამსხმელი ნენე პორტუგალიის ჩემპიონატის ბომბარდირი გახდა, არადა, ისეთ მოკრძალებულ გუნდში ასპარეზობდა, როგორიც “ნასიონალია”. ასეთმა წარმატებამ მას იტალიისკენ გაუზსნა გზა და სამხრეთამერიკელი “კალიარიში” აღმოჩნდა. სადებიუტო სეზონში რვა გოლის გატანა მოახერხა, რაც ნამდვილად არ იყო ურიგო მონაგარი. მიმდინარე სეზონის სტარტზე მისმა შედეგიანობამ იკლო და აი, როგორც იქნა, თავი საუკეთესო კუთხით წარმოაჩინა. “კატანიასთან” პაექრობაში ყველაფერი გამოსდიოდა და მეტოქეს სამი გოლი გაუტანა. აი, რა განაცხადა მატჩის შემდეგ “კალიარის” მთავარმა მწვრთნელმა რობერტო დონადონიმ:</p><p>“ნენემ ღვთაებრივად ითამაშა და არ გადავაჭარბებ თუ ვიტყვი, რომ გამარჯვებაში ლომის წილი დაიდო. დავინიშნე თუ არა “კალიარის” თავკაცად, მაშინვე მივხვდი, რომ ბრაზილიელი გუნდის მთავარი დამრტყმელი ძალა იქნებოდა. შესანიშნავი ტექნიკა აქვს, პასიც ეხერხება და არც დარტყმა დაეწუნება. ამიტომ, როდესაც მკითხეს, ვისურვებდი თუ არა გუნდში ანტონიო კასანოს გადმობირებას, ვუპასუხე, რომ ჩვენ ნენე გვყავს”.</p> <p></p><p><strong>ტურის დებიუტი</p><p></strong>უარყოფითი შედეგების გამო “ბრეშას” მესვეურებმა მთავარი მწვრთნელის პოსტიდან ჯუზეპე იაკინი გაათავისუფლეს და მის ნაცვლად მარიო ბერეტა დანიშნეს – სპეციალისტი, რომელიც ბოლოს ბერძნულ პაოკ-ს ედგა სათავეში და წარუმატებლად იმუშავა. სამაგიეროდ, წარმატებული გამოდგა მისი დებიური “ბრეშას” თავკაცის პოსტზე. ჩემპიონატის ერთ-ერთ აუტსაიდერს ამბიციური “სამპდორია” ესტუმრა და ბევრისთვის მოულოდნელად, მარცხი განიცადა. გენუელები მთელი შეხვედრის განმავლობაში ფლობდნენ უპირატესობას, მაგრამ მასპინძლების კარგად ორგანიზებული დაცვის წინააღმდეგ ვერაფერი გააწყვეს. “ბრეშამ” კი სტანდარტული სიტუაცია გამოიყენა და უმნიშვნელოვანესი სამი ქულა ჩაიწერა აქტივში. მატჩის შემდეგ, ბერეტამ შეგირდებს მადლობა გადაუხადა:</p><p>“ეს გამარჯვება ფეხბურთელების დამსახურებაა, რომლებმაც მთელი ენერგია ჩადეს თამაშში და ბოლო წუთამდე იბრძოლეს. ჩვენი მიზანი, უმაღლეს ლიგაში ადგილის შენარჩუნებაა და მჯერა, რომ მიზანი მიღწევადია. ასე რომ არ იყოს, “ბრეშას” არც ჩავიბარებდი. დიდი მადლობა გულშემატკივრებს, რომლებმაც ძალიან კარგად მიმიღეს”.</p> <p></p><p><strong>ტურის ფრაზები</strong></p> <p>ლუიჯი დელ ნერი (იუვენტუსი): “ბუფონი? – გაგვიხარდება თუ მალე გამოჯანმრთელდება, მაგრამ გუნდის თამაშის და შედეგების გაუმჯობესებას ჯიჯის დაბრუნებასთან არ გავაიგივებდი. ბუფონი აღარ არის გუნდისთვის იმდენად მნიშვნელოვანი ფიგურა, როგორიც თუნდაც ერთი წლის წინ იყო. გაუთავებელმა ტრავმებმა გულშემატკივარი უკვე მიაჩვია იმას, რომ გუნდს მის გარეშე უწევს ასპარეზობა”.</p> <p>კლაუდიო რანიერი (რომა): "რატომ არ ვათამაშებ დავიდე პისაროს? – ალბათ ფიქრობთ, რომ მასთან ურთიერთობა გამიფუჭდა. ცდებით და ნუ ეძებთ პრობლემას იქ, სადაც არ არის. უმჯობესია თამაში გაანალიზოთ და ბევრად უფრო სასარგებლო საქმით დაკავდეთ. მწვრთნელი ვარ და როგორც საჭიროდ ჩავთვლი, ისე მოვიქცევი. მაშინ გავალ ქუჩაში და ნებისმიერ შემხვედრს ავუხსნი თუ რატომ არ დავაყენე პისარო ძირითად შემადგენლობაში”...</p> <p></p><p><strong>ციფრები და ფაქტები</strong></p> <p>- “ბოლონიას” საკუთარ მოედანზე 11 აპრილის შემდეგ არ ჰქონდა წაგებული;</p> <p>- “ლაციოს” “იუვენტუსთან” გასვლით შეხვედრაში 2002 წლის დეკემბრის შემდეგ არ მოუგია;</p> <p>- ფრანჩესკო ტოტის 2007 წლის შემდეგ არ ჰქონდა გაცუდებული თერთმეტმეტრიანი და “ბარისთან” შეხვედრაში წარმატებული სერია შეწყვიტა. არადა, იქამდე 14 თერთმეტმეტრიანი მიჯრით გამოიყენა;</p> <p>- “ფიორენტინას” მარტის შემდეგ არ მოუგია გასვლით პაექრობაში, ცხრა მარცხი და ოთხი ფრე;</p></p>
"ნაპოლი" მთავარი თავდამსხმელის გარეშე დარჩა
[VIDEO] კონტე წყობიდან გამოვიდა - "ნაპოლის" ამხანაგურ შეხვედრაში ასეთი რამ მოხდა...
კონტეს მადლობა ხვიჩას და შედარება "ახალ კვარად" წოდებულ ნოასთან
17-წლამდე ვაჟთა ნაკრები საწვრთნელ შეკრებას იწყებს
სიგუა შვეიცარიაში გუნდს გამოიცვლის
15-წლამდე გოგონათა ნაკრები განვითარების თასისთვის ემზადება
ტონი კროოსმა ფეხბურთის ისტორიაში საუკეთესო მეკარე დაასახელა
"ტოპ გუნდის წინააღმდეგ ჩვენგან ასეთი დომინაცია დიდი ხანია არ მინახავს" - ფერდინანდი "არსენალთან" მარცხის შემდეგ
ლიდერის შთამბეჭდავი მოგება; "გაგრას" გამარჯვება ბათუმში; ათკაციანი "თელავის" ფრე ქუთაისში
"სპორტინგმა" ისევ მოიგო, ქოჩორაშვილი ისევ შეცვლაზე შევიდა
[VIDEO] კვერნაძე შევიდა, გაიტანა და "ფროზინონე" 1/16-ფინალში გაიყვანა
"ნანტთან" მატჩში პსჟ-ს სასტარტო შემადგენლობა ცნობილია
"მეცი" სახლში "სტრასბურგთან" დამარცხდა - წიტაიშვილმა შეუცვლელად ითამაშა
"ვალენსია" ჩაკვეტაძის ტრანსფერზე "უოტფორდს" დაუკავშირდა
"სტრასბურგთან" მატჩში წიტაიშვილი სასტარტოშია, აბუაშვილი - სათადარიგოა
საქართველოს ნაკრები ევრობასკეტისთვის მზადებას ჩეხეთთან 2 მატჩით დაასრულებს
"ლევერკუზენმა" შესაძლოა, "იუნაიტედის" ყოფილი მცველი დაიმატოს
"თუ ფეხბურთელს წასვლა უნდა, უნდა წავიდეს" - პეპ გვარდიოლამ ედერსონ მორაეშზე ისაუბრა
"მან მხოლოდ კრივი იცის, მე მომავალი ჩემპიონი ვარ" - არმან ცარუკიანი
"წელს ჩვენი მთავარი მიზანი ეს იქნება" - რა თქვა ლუის ენრიკემ "ნანტთან" მატჩამდე?
"რეალში" ფიქრობენ, რომ ახალი იამალი შეიძინეს, მაგრამ..." - ლევანდოვსკიმ "ბლანკოსზე" ისაუბრა
"იცით, პსჟ-ში თამაშის დროს ბონუსს რაში იღებდა?" - ბრიტანელმა მწვრთნელმა ნეიმარზე შოკისმომგვრელი დეტალი გაამხილა
ხამზატ ჩიმაევი UFC-ის საშუალო წონის ახალი ჩემპიონია