სამტრედიელთა პასუხი ზვიად სიჭინავას

ზაზა ადეიშვილი ("სამტრედიას" პრეზიდენტი): "აშკარად ვიღაცამ ბატონი ზვიადი შეცდომაში შეიყვანა" ფეხბურთის ფედერაციის აღმასკომის გუშინწინდელი სხდომის შემდეგ, ფედერაციის პრეზიდენტმა ზვიად სიჭინავამ მედიასთან კლუბების სავალალო მდგომარეობაზე ილაპარაკა. მან ''სამტრედიაში'' შექმნილი მძიმე მდგომარეობა არასწორ მენეჯმენტს, ჩასული ფეხბურთელების დიდ რაოდენობასა და მაღალ ხელფასებს დააბრალა.''პრობლემები მხოლოდ ''სამტრედიასა" და ''ბაიაშია". შევეცდები, მეორე წრის დაწყებამდე, ანუ 12 თებერვლამდე სპონსორი მათაც მოვუძებნო. ამ კლუბების პრობლემა მენეჯმენტია. 14 ფეხბურთელი რომ ჩაგყავს, დავიჯერო, ადგილობრივი სათადარიგოებშიც ვერ ხვდება? ან უმაღლესში გადასვლამდე არ უნდა იცოდე, რა ბიუჯეტი გაგაჩნია? ''სამტრედიაში" ჩასულებს 1000-1200 ლარს შეჰპირდნენ. არ სჯობს, ამდენი ადგილობრივს მისცე, რომელმაც ბოლო ტურში ორი გოლი გაიტანა?!'' - განაცხადა სიჭინავამ.სტატისტიკას გადავხედეთ და ბოლო ორ ტურში ორი გოლი არა ადგილობრივმა, არამედ თბილისელმა ლაშა ქებაძემ გაიტანა.გელა სანაია, ''სამტრედიას'' ყოფილი მთავარი მწვრთნელი: ''სამტრედიელი ფეხბურთელების მოყვანა მინდოდა, მაგრამ უმაღლესში გამოსადეგი ათი ფეხბურთელი ვერ მოვძებნე. სამი ბათუმის ''დინამოშია'' და კლუბთან კონტრაქტი აკავშირებს, ორიც ქუთაისის ''ტორპედოშია'' და არც მათ გამოუშვებდნენ. ''სამტრედიას'' უმაღლესში ათი წელი არ უთამაშია და ეს დიდი წყვეტა ადგილობრივ კადრებზე და საფეხბურთო სკოლების მუშაობაზეც აისახა. ასე რომ, ეს საკითხი მხოლოდ ჩვენს სურვილზე არ იყო დამოკიდებული.''გუშინ რედაქციაში ''სამტრედიას'' პრეზიდენტი ზაზა ადეიშვილიც დაგვიკავშირდა: ''გავეცანი პრესკონფერენციაზე ბატონი ზვიადის ნათქვამს და აშკარაა, რომ ვიღაცამ შეცდომაში შეიყვანა. სიჭინავასთან პოლემიკა არ მინდა, რადგან გაჭირვების დროს შეძლებისდაგვარად გვეხმარებოდა, მაგრამ არასწორი ფაქტები მოიხმო: ''სამტრედიაში'' 1200 ლარს არათუ ჩამოყვანილი, საერთოდ არავინ არ იღებს. ყველაზე მაღალანაზღაურებად მოთამაშეს 1000 ლარს ვუხდიდით, ოთხს - 700-700 ლარს, დანარჩენებს კი - 600, 500, 400, 300 და რამდენიმეს 100 ლარსაც კი.რაც შეეხება ხელმძღვანელის დიდი ხელფას - მე 500 ლარს ვიღებ. სულ სახელფასო ფონდი 23500 ლარია, საიდანაც 4700 ლარს საშემოსავლო გადასახადის სახით ვიხდით. არა მგონია, ეს დიდი სახელფასო ფონდი და ხელფასები იყოს. ამის დამადასტურებელ უწყისს რედაქციაში აუცილებლად გამოგიგზავნით, გულშემატკივარი ჩემს სიმართლეში რომ დარწმუნდეს.ჩამოსულებს რაც შეეხებათ: ასეთი 12 ფეხბურთელი გვყავს, უფრო ნაკლები, ვიდრე ''ზესტაფონს'', მაგრამ რომელი ქართული კლუბი იტყვის უარს ამ კლუბის არაზესტაფონელ მოთამაშეებზე? მეც მირჩევნია სამტრედიელი ფეხბურთელები ვათამაშოთ, მაგრამ 1000 და 700 ლარით ''ტორპედოდან'' თოდუასა და მიგინეიშვილს, ''ჯენოდან'' კი კალაძეს ნაღდად ვერ ჩამოვიყვან.და რაც მთავარია: ''სამტრედიამ'' პირველ ლიგაში ბევრად მდიდარ კლუბებს სწორედ გამართული მენეჯმენტის წყალობით ვაჯობეთ და უმაღლესში ამის წყალობით გადავედით. იქ კი პირველივე სეზონში მეექვსე ადგილი დავიკავეთ, როდესაც ჩვენ ყველაზე მწირი ბიუჯეტი, სულ რაღაც 341 ათასი ლარი გვქონდა. არა მგონია, ეს არასწორი მენეჯმენტის შედეგი ყოფილიყო''.

japaneze

ორი სეზონის წინ, ზვიად სიჭინავა პირველ ლიგის "ბაიას" პრეზიდენტი იყო. იმავე ლიგაში გამოდიოდა "სამტრედია", რომლის ბიუჯეტიც დაახლოებით იმდენი იყო (175 ათასი ლარი), რამდენსაც ზუგდიდური კლუბის პრეზიდენტი სიჭინავა "ბაიას" მაშინდელი მთავარ მწვრთნელ გერმანელ ცანკერს უხდიდა - თვეში 8 ათასი ევროს, ანუ წელიწადში 96 ათასს, რაც იმ დროსითვის დაახლოებით 180 ათასი ლარი იყო. ცხადია, ზუგდიდელთა ბიუჯეტი,"სამტრედიისას" ბევრად აღემატებოდა. მაშინ "ბაია" პირველ ლიგაში ჩარჩა, "სამტრედია" კი, რომლის პრეზიდენტიც მასინ იგივე ადეიშვილი გახლდათ, უმაღლესში გადავიდა. ამ ყველაფრის შემდეგ სიჭინავამ ადეიშვილის მენეჯმენტზე არ უნდა ილაპარაკოს.
baraka

რა არასწორ მენეჯმენტზეა ლაპარაკი??? სადაც ფული არაა იქ რა მენეჯმენტზეა საუბარი. 1200 ლარს რო დიდ თანხას ეძახიან ნეტა მაგას და მის მოადგილეებს რამდენი აქვთ ხელფასი???

კარგი ამბავი - ბათუმის "დინამოს" ახალი მფლობელი ჰყავს

"მომავალ წელს კლუბში მინიმუმ 20 მილიონი ლარის ინვესტირება მოხდება" - ტარიელ ხეჩიკაშვილმა "იბერიას" სამომავლო გეგმებზე ისაუბრა

"იბერია 1999"-მა ბათუმში მოიგო

დეკემბერში პსჟ-ს საუკეთესო ფეხბურთელად საფონოვი დაასახელეს

"ბაიერნი" "რეალს" და "მანჩესტერ სიტის" ფეხბურთელს მხოლოდ სარეკორდო თანხად მიჰყიდის

ბასტონიმ შესაძლოა, "ინტერი" დატოვოს - იტალიელის გადასაბირებლად ორი გრანდი იბრძვის

სანდრო ალთუნაშვილი "ჰაპოელის" ფეხბურთელი გახდა

ოფიციალურად - "ლიონმა" "რეალისგან" ენდრიკი ინათხოვრა

სპორტის სამინისტრომ 2025 წლის საუკეთესო სპორტსმენები დაასახელა

პსჟ-ს ტრავმის გამო შემტევი გამოაკლდა

ლევან კობიაშვილმა ფიფას კომიტეტის სხდომას უხელმძღვანელა

ტიკნიზიანი: სომხეთის დედაქალაქი მაიამია - ყოველ სომეხს აშშ-ს პასპორტი უნდა ჰქონდეს

პსჟ-ს და კვარაცხელიას უნიკალური მიღწევა - ამითაა ლუის ენრიკეს გუნდი გამორჩეული

18-წლამდელთა ნაკრები გიორგი ნემსაძემ ჩაიბარა

წლის საუკეთესო მებრძოლი - პოპულარულმა MMAJunkie-მ და ESPN-მა მერაბ დვალიშვილი აღიარეს

მეინუს აღარ გაუშვებენ - "მანჩესტერ იუნაიტედი" თავის აღზრდილს მინიმუმ ზაფხულამდე დაიტოვებს

"ბარსელონა" დაცვას გააძლიერებს - რა გეგმები აქვთ კატალონიელებს ზამთრის სატრანსფერო ფანჯარაზე

"მილანმა" ორიჯის კონტრაქტი გაუწყვიტა - თითქმის 2-წლის უთამაშებლობის მიუხედავად, ის 4 მილიონს გამოიმუშავებდა

"თამაშობ და იცი, რომ ალისონი დაბრუნდება, მაშინვე სათადარიგოთა სკამზე ხარ" - კელეჰერი "ლივერპულიდან" წასვლაზე

გვარდიოლას გვარდიოლის დიდი ხნით შენარჩუნება უნდა - "სიტი" იოშკოსთან ახალ კონტრაქტზე მუშაობს

[PHOTO] მხოლოდ პირსახოცით - "შახტარის" ფეხბურთელის მეუღლის მიერ სააბაზანოდან გამოქვეყნებულ თამამ ფოტოებს დიდი აჟიოტაჟი მოჰყვა

ზირკზე კვლავ სერია A-ში? - მოლაპარაკებები უკვე დაწყებულია

[VIDEO] ბითაძის 14 წუთი - "გოლდენ სტეიტმა" "ორლანდო მეჯიქი" დაამარცხა