- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
კალჩოს ცხელი ორშაბათი
<p><p>სერია A მომავალი წლის 6 იანვრამდე დაგვემშიდობა, თუმცა ეს არ ნიშნავს, რომ ჩემპიონატის განახლებამდე მოსაწყენად გვექნება საქმე</p> <br> <p>სერია A მომავალი წლის 6 იანვრამდე დაგვემშიდობა, თუმცა ეს სულაც არ ნიშნავს იმას, რომ ჩემპიონატის განახლებამდე მოსაწყენად გვექნება საქმე. გუშინ არაერთი ძალიან საინტერესო ინფორმაცია გავრცელდა, რომელთა შორის უდავოდ რაფაელ ბენიტესის "ინტერის" მთავარი მწვრთნელის პოსტიდან გათავისუფლება უნდა გამოვარჩიოთ. ქვემოთ, ყველა იმ თემაზე ვისაუბრებთ, რომლებიც იტალიურ სპორტულ პრესაში აქტიურად განიხილება.</p> <p></p><p><strong>რაფამ ჩემოდნები ჩაალაგა</p><p></strong>რაფაელ ბენიტესის მილანური კარიერა მეტად ხანმოკლე და წარუმატებელი გამოდგა. მართალია, ესპანელის თავკაცობით "ნერაძური" საკლუბო მუნდიალის გამარჯვებული გახდა, მაგრამ ეს ტურნირი ევროპული საფეხბურთო სამყაროსთვის არასდროს ყოფილა პრესტიჟული და განსაკუთრებულად საინტერესო. ყველაფერს რომ თავი დავანებოთ, ფინალურ მატჩში ლომბარდიელებმა არც მეტი, არც ნაკლები, "მაზემბე" დაამარცხეს. სწორედ ამ ტურნირში გამარჯვების შემდეგ შეუთვალა "ინტერის" მესვეურებს ბენიტესმა: ან პატივი მეცით, ან კონტრაქტი გავწყვიტოთო. თუ რატომ გააკეთა რაფამ ასეთი განცხადება, რთული სათქმელია, მაგრამ ფაქტია, რომ შეთავაზებული ორი ვარიანტიდან მასიმო მორატიმ მისი გათავისუფლება აირჩია. დიახ, ბენიტესი "ინტერის" მთავარი მწვრთნელი აღარ არის - შეუძლია ჩაალაგოს ჩემოდნები და ახალი წინადადებების განხილვას შეუდგეს.</p><p>რაც შეეხება "ინტერს", დღის წესრიგში ბენიტესის შემცვლელის პოვნაა. ჟურნალისტებმა ყველა ღონე იხმარეს საიმისოდ, რომ მორატისთვის საინტერესო ინფორმაცია გამოეტყუათ, მაგრამ მხოლოდ ამას გამორჩნენ: "მშვიდად, მშვიდად - ამდენ კითხვას ერთად ნამდვილად ვერ ვუპასუხებ. და საერთოდაც, რაიმე კონკრეტულის თქმა გამიჭირდება. მეტიც, დღეს ლაპარაკს საერთოდ არ ვაპირებ, ასე რომ, კარგად იყავით".</p><p>აი, ასეთი "მრავლისმთქმელი" კომენტარი გააკეთა მორატიმ, თუმცა ჟურნალისტები არ დანებდნენ და გარკვეული ინფორმაციები მაინც მოიპოვეს. ალბათ არ გიკვირთ, რომ ბენიტესის შესაძლო შემცვლელთა შორის ფავორიტად ლუჩანო სპალეტის კანდიდატურა მოიაზრება. ერთ-ერთმა ყველაზე ნიჭიერმა იტალიელმა სპეციალისტმა "ზენიტს" რუსეთის ჩემპიონატი მოაგებინა და კიდევ ერთხელ დაგვანახვა, რომ კვალიფიკაცია არ დაეწუნება. "გაძეტა დელო სპორტის" ცნობით, მორატი უკვე დაუკავშირდა სპალეტის და მოლაპარაკებების დაწყება შესთავაზა. ავტორეტეტული გამოცემის მტკიცებით, ლუჩანომ მიიღო შეთავაზება და უახლოეს დღეებში "ინტერის" პრეზიდენტთან საქმიან შეხვედრას გამართავს. დრო არ ითმენს, ჩემპიონატში გამოცხადებული შესვენება მალე გაირბენს და "ინტერის" მესვეურებმა უნდა იჩქარონ. ამიტომ, მორატი-სპალეტის შეხვედრა წესით ძალიან მალე უნდა შედგეს.</p><p>მასიმო მორატი სატრანსფერო საკითხებზეც აქტიურად მუშაობს და გუშინ, კიდევ ერთი მეტად საინტერესო ინფორმაცია გავრცელდა. დიდი ხანია ვიცით, რომ "ინტერის" მესვეურებს "ჯენოას" მცველის, ანდრეა რანოკიას გადაბირება სურთ. რაც მთავარია, თავად ფეხბურთელსაც ძალიან უნდა მილანურ გრანდში გადაბარგება და ამის შესახებ უკვე არაერთხელ განაცხადა. და აი, მხარეები ძალიან ახლოს არიან საწადელთან, რადგან "ჯენოას" მესვეურებმა ფეხბურთელის გასხვისების გადაწყვეტილება მიიღეს. "გაძეტას" ცნობით, შეთანხმება უკვე შედგა და იანვრიდან რანოკია "ინტერის" მაისურს მოირგებს. რას მიიღებს სანაცვლოდ "ჯენოა"? - 8 მილიონ ევროს და ნიჭიერ ახალგაზრდა მცველ ნატალინოს. აქვე ვთქვათ, რომ ნატალინო ფლანგის მოთამაშეა და დიდ მომავალს უწინასწარმეტყველებენ. ეს ამბავი იმადაც გახლავთ საინტერესო, რომ გენუურ გუნდში ქართველი მცველი კახა კალაძე ასპარეზობს. რანოკიას "ინტერში" გადასვლამ წესით კახას წისქვილზე უნდა დაასხას წყალი, რადგან ანდრეა ძირითადი შემადგენლობის უცვლელი წევრი იყო.</p> <p> </p> <p><strong>მილანი, კასანო და 5 მილიონი ევრო</p><p></strong>ანტონიო კასანოს "მილანში" შესაძლო გადასვლასთან დაკავშირებით იტალიურ პრესაში სულ უფრო და უფრო ხშირად იწერება. ის, რომ მოლაპარაკებები მიმდინარეობს და შესაძლოა შეთანხმებით დასრულდეს, ამას აღარავინ უარყოფს, მათ შორის არც თავად ფეხბურთელი. აქვე, "სამპდორიას" პრეზიდენტის რიკარდო გარონეს კომენტარს გაგაცნობთ: "მოლაპარაკებები მართლაც მიმდინარეობს, მაგრამ სიმართლე გითხრათ, დღეს არ ვიცი გადავა თუ არა კასანო "მილანში". საქმე ძალიან მარტივად არის - "რეალთან' ხელშეკრულება გვაქვს გაფორმებული, რომლის მიხედვითაც ანტონიოს გასხვისების შემთხვევაში 5 მილიონი ევრო სამეფო კლუბმაც უნდა მიიღოს. ჩვენი სურვილია, რომ კასანოში 10 მილიონი ევრო ავიღოთ და ამ თანხიდან ნამდვილად არ ვაპირებთ ესპანელთა დაკმაყოფილებას. ანუ, ფეხბურთელი მსურველს 15 მილიონი დაუჯდება. თუ "მილანი" ამ თანხის გადახდისთვის მზად არის, ვფიქრობ, გარიგება შედგება".</p><p>თუ იტალიელ ჟურნალისტებს დავუჯერებთ, "მილანი" მზად არის კასანოში მაქსიმუმ ათი მილიონი ევრო გადაიხადოს და დარჩენილი ხუთი მილიონის გადახდას თავად ფეხბურთელს სთავაზობს. ანუ, თუ კასანოს უნდა, რომ ევროპული ფეხბურთის აღიარებულ გრანდში გააგრძელოს კარიერა, ჯიბეზე ხელის გაკვრა მოუწევს. თუმცა, თავად კასანოს სხვა მოსაზრება აქვს - ანტონიოს თქმით, "სამპას" არ აქვს უფლება მასში თანხა მოითხოვოს და ასეთ შემთხვევაში, "მილანს" მხოლოდ "რეალის" ბიუჯეტში მოუწევს 5 მილიონის გადარიცხვა. მოკლედ, ეს საკითხიც გასარკვევია და შესაბამისად, ჯერაც სრულიად გაუგებარია, სად გააგრძელებს კარიერას ანტონიო კასანო - "სამპდორიაში" დარჩება თუ "მილანში" გადაბარგდება.</p><p>აქვე, კიდევ ერთი ინფორმაცია "მილანთან" დაკავშირებით. "რომასთან" მატჩი ლომბარდიული გრანდისთვის ყოველმხრივ წარუმატებელი გამოდგა - გარდა იმისა, რომ "როსონერიმ" მარცხი იწვნია, ტრავმა მიიღო გუნდის ერთ-ერთმა ლიდერმა ანდრეა პირლომ. შეხვედრის 22-ე წუთი მიმდინარეობდა, როდესაც იტალიის ნაკრების ნახევარმცველმა ფეხში ტკივილი იგრძნო და შეცვლა მოითხოვა. გამოკვლევებმა ცხადყო, რომ პირლოს კუნთი აქვს დაზიანებული და ერთი თვით მოუწევს უქმობა. ექიმთა რჩევით, ანდრეა გუნდთან ერთად დუბაიში დაგეგმილ შეკრებაზე გაემგზავრება, თუმცა თანაგუნდელებისგან განსხვავებით, მხოლოდ იმიტომ, რომ თბილ კლიმატში ტრავმის მოშუშების პროცესი დაჩქარდეს.</p> <p> </p> <p></p><p><strong>ბოლონიას პატრონი გამოუჩნდა</p><p></strong>დიახ, ასეთი საკითხები არამარტო საქართველოში, იტალიაშიც აქტუალურია. სერჯო პორჩედას პრეზიდენტობის პერიოდში "ბოლონია" ფინანსურ კრიზისში გახლდათ, რამაც იქამდე მიიყვანა საქმე, რომ სერია A-ს მიმდნარე გათამაშებაში "ფედერკალჩომ" გუნდს ერთი ქულა ჩამოაკლო. ამასთან, სადისციპლინო კომიტეტმა პორჩედას კლუბში მისვლის პროცედურის და ზოგადად, საქმიანობის შესწავლა დაიწყო, შედეგად, უამრავი დარღვევა აღმოაჩინა. პორჩედა იძულებული გახდა "ბოლონია" გაესხვისებინა და კლუბი გასაყიდად გაიტანა.</p><p>დიდი ხნის განმავლობაში საუბრობდნენ იმაზე, რომ საფეხბურთო კლუბ "ბოლონიას" საკალათბურთო გუნდის "ვირტუსის" მფლობელი კლაუდიო საბატინი შეიძენდა, თუმცა რეალობა სხვაგვარი აღმოჩნდა. "როსობლუს" ახალი მფლობელები ჰყავს: ჯოვანი კონსორტე და მასიმო ძანეტი - ცნობილი ბიზნესმენები, რომლებიც სწორედ ბოლონიიდან არიან და ყავის მწარმოებელ კომპანიას: "სეგაფრედოს" ფლობენ. მოვლენათა ასეთ განვითარებას "ბოლონიას" მთავარი მწვრთნელი ალბერტო მალეზანი დიდი სიხარულით შეხვდა:</p><p>"როგორც იქნა, "ბოლონიას" ისეთი პატრონი გამოუჩნდა, რომელსაც კლუბის განვითარების ახალ ეტაპზე აყვანა შეუძლია. საიმედო ხელში ვართ, რაც ძალიან მახარებს. პორჩედა გონიერი ადამიანია, მასთან საუბარი ერთი სიამოვნებაა, მაგრამ ფაქტია, რომ საქმეებს თავი კარგად ვერ გაართვა. ნებისმიერ შემთხვევაში, მადლობა მინდა გადავუხადო, რომ კლუბი საიმედო ხალხს გადააბარა".</p> <p></p><p><strong></strong></p></p>
"ფიორენტინამ" ახალი მთავარი მწვრთნელი შეარჩია
[VIDEO] კრიშტიანოსა და მესის გარეშე - მოდრიჩმა მისთვის ყველა დროის 5 საუკეთესო ფეხბურთელი დაასახელა
5 წლის შემდეგ - რობერტო დონადონიმ სამწვრთნელო საქმიანობა განაახლა
ქოჩორაშვილი არ ათამაშეს - "სპორტინგმა" რთულ მატჩში გაიმარჯვა
ვიქტორ სანიკიძე საქართველოს კალათბურთის ფედერაციის პრეზიდენტად მეორე ვადით აირჩიეს
[VIDEO. ეროვნული ლიგა] "პოკერი", 3 პენალტი, ავტოგოლი... "ტორპედომ" ბათუმის "დინამო" გაანადგურა
ზესტაფონის მარგვეთმა ბათუმში იმარჯვა და სუპერლიგაში გალიდერდა
კალათბურთის განვითარების პროგრამის ახალი სეზონი ქართლ-კახეთიდან დაიწყო
მოლაპარაკებები ჩიხში შევიდა - "რეალი" ვინისიუსის გასაყიდად მზადაა
ახალი ძალა ბორჯღალოსნებს ბუნებიდან - სვანიძის ზეთისხილი საქართველოს რაგბის ოფიციალური სპონსორი გახდა
[VIDEO] მამუკელაშვილის კარგი მატჩი - "ტორონტომ" ზედიზედ მეოთხე შეხვედრა მოიგო
19-წლამდელების შემადგენლობა საკვალიფიკაციო რაუნდის მატჩებისთვის
[VIDEO] შენგელიას 13 ქულა "რეალთან" - "ბარსელონა" კლასიკოში დამარცხდა
მიქაუტაძემ შიძლება "ესპანიოლთან" ვერ ითამაშოს
[VIDEO. ეროვნული ლიგა] დაგვიანებული ხომ არ არის? "კოლხეთმა" თბილისში "გაგრა" დაამარცხა....
18 წ. | მზადების დასკვნითი ფაზა
[VIDEO. ეროვნული ლიგა] თბილისის "დინამომ" ლუკა ლაცაბიძის სადებიუტო გოლით გაიმარჯვა
16-წლამდე ვაჟთა ნაკრები მოლდოვას დაუპირისპირდება
დე ლა ფუენტემ თბილისში წამოსასვლელად ესპანეთის ნაკრები დარაზმა
მამარდაშვილის კიდევ ერთი შანსი. როდის დაბრუნდება ალისონი? - სლოტმა კომენტარი გააკეთა
"ბორჯღალოსნები" | ქოქრილმა "არწივებისთვის" 23 შეარჩია
საბა ლობჟანიძეს "ატლანტა იუნაიტედი" "ბარსელონას" ყოფილმა თავკაცმა მეორედ ჩაიბარა
მბაპეს აღარ შეეცილებიან - "რეალში" პენალტების შემსრულებელი ფრანგი იქნება