<p><p>ქართველი მწვრთნელებითა და ფეხბურთელებით მდიდარი აზერბაიჯანის პრემიერლიგა 12 თებერვლამდე შეისვენებს</p> <br> <p>აზერბაიჯანის პრემიერლიგა, სადაც 12 გუნდიდან ორს ქართველი წვრთნის და ყველაზე მეტი ჩვენებური თამაშობს, 12 თებერვლამდე შეისვენებს. გუშინ წლის ბოლო ტური გაიმართა, თუმცა პირველი ეტაპის 3 ტურს გუნდები თებერვალში დაასრულებენ და მოწინავე ექვსეულის ვინაობას გაარკვევენ. გასარკვევიც ბევრი არაფერია, მთავარი ისაა, შეძლებს თუ არა ვინი შეფერის "ბაქი" ჩამორჩენის აღმოფხვრას. I ეტაპის შემდეგ ქართველ მწვრთნელთა გზები გაიყოფა: კახა ცხადაძის "ინტერი" ჩემპიონის ტიტულის დასაცავად იბრძოლებს, რევაზ ძოძუაშვილის "თურანი" კი - პრემიერლიგაში ადგილის შესანარჩუნებლად.</p><p>ბუნებრივია, უპირველესად ყველაზე "ქართული გუნდის" ამბავი გვაინტერესებს - "ინტერი" შესვენებაზე გამარჯვებით გავიდა, თუმცა "განჯას" დამარცხება გაუჭირდა - 1:0. შეხვედრის დასრულებას თითქმის აღარაფერი უკლდა, როცა ლატვიელმა რობერტას პოშკუსმა "შაფაზე" შეკრებილი ათასი მაყურებელი გაახარა. მასპინძელთა რიგებში ითამაშეს ვალერი აბრამიძემ, კახა მჟავანაძემ და ილია კანდელაკმა. სამმა ჩვენებურმა ითამაშა სტუმართა გუნდშიც, ოღონდ, ინტერელთაგან განსხვავებით, სასტარტოში მხოლოდ ზურაბ ძამსაშვილი იყო, მეორე ტაიმში გამოვიდა გიორგი სეთურიძე, შეხვედრის მიწურულს კი - ლევან მდივნიშვილი. "ინტერი" 34 ქულით მე-4 ადგილზეა და "ნეფთჩის" 7 ქულით ჩამორჩება. "განჯას" 22 ქულა აქვს, მერვეა და ექვსეულში მოხვედრის თეორიულ შანსს ინარჩუნებს.</p><p>"სიმურგისა" და მოიკ-ის შეხვედრაში არმიელთა რიგებს დაუბრუნდა დისკვალიფიკაციამოხდილი მეკარე ამირან გვენცაძე. ამირანი კარგად გაისარჯა , მხოლოდ ერთი გოლი გაუშვა და გუნდს ქულა მოაპოვებინა - 1:1. მიუხედავად ამისა, მოიკ-ი 6 ქულით უიმედო აუტსაიდერია. ამ თამაშში სტუმართა გოლს (რომელიც, მასპინძელთა აზრით, თამაშგარე მდგომარეობიდან გავიდა) სახალისო ეპიზოდი მოჰყვა - სტუმართა გახარებული მწვრთნელი რამილ ალიევი მოედანზე შევარდა და ლაინსმენს შუბლზე აკოცა.</p><p>ძოძუაშვილის "თურანი" სტუმრად ლიდერ "ნეფთჩისთან" 0:2 დამარცხდა. "აზერიფუტბოლი" წერს, რომ გიორგი ჭედიას გარეშე დარჩენილი "თურანის" თავდასხმა უსარგებლო იყო. "თურანი" 12 ქულით მეათეა.</p><p>"გაბალა" და "ბაქი" უშუალო კონკურენტები არიან, ამიტომ ამ შეხვედრას დიდი მნიშვნელობა ჰქონდა - ტონი ადამსის "გაბალა" შინ 0:1 დამარცხდა ერთადერთ გუნდთან აზერბაიჯანში, რომელშიც ამ სეზონში ქართველს არ უთამაშია. "გაბალა" 30 ქულით მე-6 ადგილზეა, "ბაქი" მას უკვე მხოლოდ 2 ქულით ჩამორჩება. მასპინძელთა კაპიტანი გოგა ბერაია ამ დაპირისპირებაში ყვითელი ბარათით "გამოირჩა".</p><p>დავით სვანიძის "მუღანმა" ტურის სენსაცია შემოგვთავაზა, მესამეადგილოსანი აზალ-ი 3:1 დაამარცხა. სვანიძემ 90 წუთი ითამაშა, ისევე, როგორც ნუგზარ კვირტიამ სტუმართა რიგებში. აზალ-ს ქულებით ცხადაძის გუნდი გაუთანაბრდა. "მუღანი" კი 20 ქულით მე-9 ადგილზეა.</p><p>ტურის ბოლო მატჩში გიორგი ადამიას "ყარაბახმა" სტუმრად "ხაზარს" 2:1 სძლია. ადამია 71-ე წუთზე გამოჩნდა ამ შეხვედრაში. "ყარაბახი" 33 ქულით მე-5 ადგილზეა. ბომბარდირთა დავაში ორი ქართველი მონაწილეობს - ადამია 6 გოლით მე-5 ადგილზეა, ბაჩანა ცხადაძეს 5 გოლი აქვს გატანილი, თუმცა ის "სიმურგიდან" დიდი ხანია, წამოვიდა.</p> <p> </p> <p> </p></p>
აბურჯანია კარიერას საუდის არაბეთში გააგრძელებს
ხარატიშვილი ჩეხურ კლუბში გადავიდა
გადრანი "კაირატიდან" "ბეითარში" გადავიდა
"სამწუხაროდ, ესპანეთში მას არ აფასებენ" - დე ლა ფუენტემ საკუთარი გუნდის ფეხბურთელი გამოარჩია
„Milan Junior Camp ჩვენი ახალგაზრდა ფეხბურთელებისთვის უდიდესი შესაძლებლობაა“ - გიორგი ფოფხაძე
პსჟ ბარკოლასთან კონტრაქტის გაგრძელებაზე მოლაპარაკებას აწარმოებს
რატომ მოვიგეთ და როდის გავიმარჯვებთ "არმოსაგებში" - ბავშვებო, ისწავლეთ ხვიჩასგან!..
საქართველოს ნაკრებს ევრობასკეტზე მიღწეული ისტორიული შედეგისთვის მთავრობა ფულადი პრემიის სახით 3 მილიონ ლარს გადასცემს
"ამას ფეხბურთთან საერთო არაფერი აქვს" - "ბაიერნის" პრეზიდენტმა "ნიუკასლი" გააკრიტიკა
"ალბათ ამ პასუხს ნაკლებად ელოდით" - გვარდიოლამ დაასახელა ფეხბურთელი, რომლის "სიტიდან" გაშვებასაც ყველაზე მეტად ნანობს
"რუსეთის საფეხბურთო ნაკრებს სათადარიგოთა სკამზეც კი სუპერვარსკვლავები ჰყავს" - "რეალისა" და ესპანეთის ნაკრების ყოფილი მწვრთნელი
მე-6 ტიტული დიდი სლემის ტურნირზე - კარლოს ალკარასი აშშ-ის ღია პირველობის გამარჯვებულია
[PHOTO] არდა გიულერის ემოციები ესპანეთთან განადგურების შემდეგ
[VIDEO] შერჩათ თურქებს იამალი? - ესპანელი კურიოზულ სიტუაციაში აღმოჩნდა
შენგელია: გასაკვირია ჯიკიჩი ევროლიგის გუნდს რომ არ წვრთნის
[VIDEO] ესპანეთმა თურქეთი გააბითურა - საქართველოს ნაკრები მეორე ადგილზეა
პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა
მამუკელაშვილი: შემიძლია ვემბანიამას მივწერო - საფრანგეთს მასთან ერთდაც მოვუგებდით
[VIDEO] დუბლი 2 წუთში - ტაბატაძე "კადისის" ფანების საყვარელი მოთამაშე ხდება
ბულგარელთა მწვრთნელი: კვარაცხელია ფანტასტიკურია, ახლა ამ დონის ფეხბურთელები არ გვყავს
როგორი შეფასებები მიიღეს საქართველოს ნაკრების ფეხბურთელებმა ბულგარეთთან მატჩში?
"მადლობა საბერძნეთს" - გოგა ბითაძე სოციალურ ქსელში პოსტს აქვეყნებს [PHOTO]
[VIDEO] ისტორიაში პირველად - საქართველოს ნაკრებმა საფრანგეთი დაამარცხა და ევრობასკეტის მეოთხედფინალში გავიდა!