სამეფო გუნდის ფიესტა სამეფო თასზე

მოტობაიკები და სამთვალები "სამეფო თასის" მერვედფინალები ზანტად დაიწყო, სამ მატჩში სულ 2 გოლი გავიდა და ისიც ერთი პენალტით, თუმცა ოთხშაბათს ერთბაშად იხუვლეს გოლებმა - 5 შეხვედრაში 27 გოლი გავიდა. განსაკუთრებით კი თავი ჟოზე მოურინიოს შეგირდებმა გამოიჩინეს - საბრალო "ლევანტეს" 8 უპასუხო გოლი გაუტანეს და წყვილის ბედის საკითხი ძველ წელს გაატანეს."სანტიაგო ბერნაბეუზე" ვალენსიური კლუბის რბევა ვიხილეთ. "ლევანტე" ცუდ დროს ჩაუვარდა ხელთ ჟოზე მოურინიოს შეგირდებს. ბოლო დროს პორტუგალიელი თავკაცი ერთობ ცუდ ხასიათზეა... 8 გოლიდან 6 ორმა შეაგდო - ქარიმ ბენზემამ და კრიშტიანო რონალდომ ჰეთ თრიკები მიითვალეს. თითო გოლიც მესუთ იოზილმა და შესვლაზე შესულმა პედრო ლეონმა გაიტანეს. ბევრს გაუკვირდა, რომ ჟოზემ თასზეც საუკეთესო შემადგენლობა გამოიყვანა, მოედანზე რონალდოც ვიხილეთ, რომლის თამაშიც მცირე ტრავმის გამო საეჭვო იყო.დაიწყო მატჩი და ცხადი შეიქმნა, რომ ფეხბურთელებს მოურინიოსგან დავალება ჰქონდათ მიღებული - წყვილის ბედი ახლავე უნდა გარკვეულიყო. პირველი გოლი ბენზემამ გაიტანა, მან ხავი ტორესის უხეირო პასი ჩაჭრა, რობუსტეს ფეხებს შორის გაუტარა ბურთი, მოატყუა ტორესი და მეკარე გუსტავო მუნუა. მალევე რონალდოს პასით იოზილმა გაიტანა. ყველა გოლის აღწერას არ შევუდგებით, დავწერთ, რომ ტაიმი "რეალმა" 4:0 მოიგო, ხოლო გოლების უმეტესობა "ლევანტეს" მცველთა საშინელი თამაშის წყალობით გავიდა. 4 იანვარს "სიუტატ დე ვალენსიაზე" საპასუხო მატჩია, სადაც მოურინიო "რეალის" სარეზერვო შემადგენლობას გამოცდის. იცით რა თქვა წაგების შემდეგ "ლევანტეს" თავკაცმა ლუის გარსიამ? - ისინი მოტობაიკებით ასპარეზობდნენ, ჩვენ კი - სამთვალას ველოებითო."ვისენტე კალდერონზე" "ატლეტიკომ" "ესპანიოლს" უმასპინძლა და წვიმიან ამინდში მინიმალური ანგარიშით დაამარცხა. ცხადია, ამ წყვილში გამარჯვებულის ვინაობა მხოლოდ იანვარში, ბარსელონაში გაირკვევა. გამარჯვების გოლი პენალტით "ატლეტიკოს" კაპიტანმა სიმაომ გაიტანა, რომელიც ამ თამაშით დაემშვიდობა ესპანურ გუნდს. ამ თამაშში პირველივე ტრაიმში კოჭი იღრძო მუნდიალის საუკეთესო ფეხბურთელმა დიეგო ფორლანმა. ექიმთა დასკვნით, ის 3 კვირით გამოაკლდა "ატლეტიკოს".ოთხშაბათს "სანჩეს პისხუანზე" ნამდვილი ანდალუსიური თრილერი ვიხილეთ 8 გოლით - "სევილიამ" 2-ბურთიანი სხვაობით კი დაამარცხა "მალაგა", მაგრამ ვერ ვიტყვით, რომ მეოთხედფინალში გასვლის საკითხი უკვე გადაწყვიტა - 5:3. სევილიაშივე სეგუნდადივიზიონის "ბეტისი" 1:2 დამარცხდა "ხეტაფესთან". გვარიანად იმხიარულა მაყურებელმა ალმერიაშიც, სადაც ადგილობრივმა გუნდმა 4:3 მოუგო "მალიორკას". ატლეტიკო-ესპანიოლი 1:0ატლეტიკო (4-4-2): დე ხეა - უიფალუში, პერეა, დომინგესი, ფ. ლუიში - რეიესი, ასუნსაო, ტიაგო, სიმაო (82. რ. გარსია) - ფორლანი (13. დ. კოშტა), აგუერო (90. ფ. მერიდა).ესპანიოლი (4-2-3-1): ალვარესი - ჩიკა, ამატი, რუისი, დ. გარსია - ბაენა, ხ. მარკესი (46. ხ. კალეხონი) - ვერდიუ, ს. გარსია (70. ფორლინი), დატოლო (76. ალვარო) - ოსვალდო.გოლი: 1:0 სიმაო (32-პენ)გაძევება: რეიესი (41), რუისი (66) ბეტისი-ხეტაფე 1:2ბეტისი (4-4-2): კასტო - ისიდორო, ბელენგერი, დორადო, ვეგა - სევილია, არსუ (46. ესეკიელი), ბენატი (68. ხუანდე), ისრაელი (61. როდრი) - რ. კასტრო, მოლინა.ხეტაფე (4-2-3-1): უსტარი - მ. ტორესი, რაფა, მარკანო, მანე - ბოატენგი, პარეხო - პ. რიოსი (82. კასკერო), მანუ (64. არისმენდი), გავილანი (76. ვ. სანჩესი) - მიკუ.გოლები: 0:1 მიკუ (27), 0:2 პ. რიოსი (35), 1:2 მოლინა (87-პენ) სევილია-მალაგა 5:3სევილია (4-4-2): პალოპი - კონკო (46. ალექსისი), კასერესი, ესკუდე, ლუნა - ალფარო, ზოკორა, რომარიკი, კაპელი - ლ. ფაბიანო (54. კანუტე), ნეგრედო (75. როდრი).მალაგა (4-4-2): რუბენი - გასპარი, მალაგუენო, ველიგტონი, მტილიგა - პორტილიო (66. ფერნანდო), რესიო (73. მ. ტორესი), ს. სილვა, დუდა (56. ელიზეუ) - რონდონი, ქუინსი.გოლები: 1:0 ალფარო (11), 1:1 რონდონი (19), 1:2 რონდონი (26), 2:2 ნეგრედო (32), 2:3 ქუინსი (41), 3:3 რომარიკი (66), 4:3 რომარიკი (80), 5:3 კაპელი (82). ალმერია-მალიორკა 4:3ალმერია (4-3-3): ესტებანი - ლილიო, მ. სილვა, კ. გარსია, იაკობსენი - ხოსე ორტისი (62. კრუსატი), ბერნარდელო, ვარგასი - ვალერი (62. კ. უჩე), ულოა (77. კორონა), პიატი.მალიორკა (4-4-2): ლუქსი - რატინიო, კრესპი, რუბენი, კევინი - ნსუე, დე გუზმანი, ხ. ვიქტორი, პერეირა - ვებო, ვიქტორი (89. რამისი).გოლები: 1:0 ულოა (6), 1:1 დე გუზმანი (22), 2:1 ულოა (28), 2:2 ვიქტორი (44), 3:2 უჩე (65), 4:2 ულოა (72), 4:3 ვებო (88). რეალი-ლევანტე 8:0რეალი (4-2-3-1): კასილიასი - ლ. დიარა, პეპე, ალბიოლი, მარსელო - ჩაბი ალონსო, გრანერო (74. მ. დიარა) - დი მარია, იოზილი (74. პ. ლეონი), რონალდო - ბენზემა (77. მორატა).ლევანტე (4-2-3-1): მუნუა - სერა, ბალესტეროსი, რობუსტე, დელ ორნო - სერხიო (57. რ. სუარესი), ხ. ტორესი - მუნიოსი, პალიარდო, ხუანლუ (69. ვალდო) - ფ. კაისედო (46. სტუანი).გოლები: 1:0 ბენზემა (6), 2:0 იოზილი (9), 3:0 ბენზემა (31), 4:0 რონალდო (44), 5:0 ბენზემა (68), 6:0 რონალდო (71), 7:0 რონალდო (73), 8:0 პ. ლეონი (89).

real madrid

კაკა რეალში რჩება!!!
intereli

გილოცავთ რეალის გულშემატკივრებო!!! მორატიმ, ლეონარდო უკვე დანიშნა ინტერში და იცით რა თქვა??? ეს მწვრთნელი დავნიშნეო თორემ საჩუქრებს იანვარში გაგიკეთებთო... ალბათ მიხვდით საჩუქრებში რა იგულისხმა?! რა თქმა უნდა კაკა!!!
gi

საქმეც მაგაშია,რომ ბარსას ერთად გაზრდილი ფეხბურთელები ყავს და არა ხმაურიანი ტრანსფერებით შეძენილი.პერესი სადაც კი ვარსკვლავს ნახავს ყიდვაზე ჩალიჩობს.არადა ყველა ვარსკვლავი რომ გუნდს არ ნიშნავს კი უნდა მიმხვდარიყო უკვე.გაზარდოს ახალგაზრდები,ვინ უშლის?ხავი რომ ყავს და ინიესტა და ა.შ. იმიტომაა ძლიერი.დარწმუნებული ვარ ;ბარსას აკადემია; კიდევ ბევრ ეგეთ ვარსკვლავებს გაზრდის.
madridista

აპრილში ვინ ვის მოუგებს მაგასაც ვნახავთ!! შეთამაშება და დალაგება აკლია სამეფო გუნდს! კაკა გვაკლია!! ერთი ხავი არ გყავდეთ და ისე გვეთამაშეთ და მაინტერესებს რას იზამთ!! პროსტო ბარსა მაგარი იღბალა გუნდია - ელ კლასიკოზე მუდამ სრული შემადგენლობა ყავს + ერთად გაზრდილი ფეხბურთელები, რომლებიც ზურგის ტვინით გრძნობენ ერთმანეთს!!
4rmd

არაა გამორიცხული რომ ბარსამ რეალს აპრილშიც მოუგოს თუმცა არა მგონია ამის გამო მაურინიო გააგდონ,ჩემთვის მაგალითად ჩემპიონთა ლიგის მოგება და ლა ლიგაა,ბარსასთან წაგება კი ჯანდაბას!
bachanach

მართალია საჭირო იყო ეს შოუ და განადგურება, რადგან ბარსამ ისე გაანადგურა რეალი, რომ ყველანაირი რწმენა ჰქონდათ დაკარგული, მაგრამ აპრილში თუ იგივე განმეორდა მაშინ არ ვიცი მოურინიოს რას უზამენ...
4rmd

მართალია ცოდვაა ლევანტე ასე რომ შერცხვა მაგრამ,მეორეს მხრივ ეს აუცილებელი იყო ბენზემასთვის რათა მან თავის თავში ძალა იპოვოს და ათამაშდეს. ჩემის მხრივ კი ვულოცავ რეალის გულშემატკივარს ამ გამარჯვებას!

"პაუზა არ ნიშნავს დანებებებას" - არაუხოს ემოციური სერილი "რეალთან" გამარჯვების შემდეგ

"რეალმა" ჩაბი ალონსო გადააყენა და მის ნაცვლად არბელოა დანიშნა

[VIDEO] "ელ კლასიკო" მთელი თავისი დიდებულებით - "ბარსელონამ" სუპერთასის ფინალში "რეალი" დაამარცხა

"მანჩესტერ იუნაიტედს" ახალი მწვრთნელი ჰყავს

ზურაბ საკანდელიძისა და მიხეილ ქორქიას მემორიალის ფინალში თსუ "ქუთაისს" შეხვდება

"თასიდან გამოვარდნა სერიოზული დარტყმაა" - ზაბარნიმ "პარიზთან" მარცხის შემდეგ ისაუბრა

ლუის ენრიკემ "პარიზთან" მატჩში შემადგენლობა დაასახელა

მამარდაშვილი "ბარნსლისთან" მატჩის სასტარტოშია

"რეალმა" ჩაბი ალონსო გადააყენა და მის ნაცვლად არბელოა დანიშნა

"შავი ლომი" | "მონტობანთან" ისტორიული გამარჯვების შეფასება - ილია მაისურაძე და მიხეილ ბაბუნაშვილი

"დინამო თბილისი" 8 ფეხბურთელს დაემშვიდობა

ბასილაშვილი ავსტრალიის ღია პირველობას საკვალიფიკაციო ეტაპიდანვე დაემშვიდობა

იუნაიტედი FA თასზე მესამე წრიდან გამოვარდა

იანისის სუპერმატჩი საკმარისი არ აღმოჩნდა... ლიდერების გარეშე დარჩენილმა "დენვერმა" "ბაქსი" დაამარცხა

[VIDEO] სანდროს კარგი მატჩი არ გამოუვიდა... "რეპტორსმა" 12 წამით ადრე 4 ქულა ამოიღო და ოვერტაიმში მოიგო

ნინო ბაციაშვილი სწრაფ ჭადრაკში ევროპის ჩემპიონი გახდა!

ზურაბ საკანდილიძისა და მიხეილ ქორქიას მემორიალზე ნახევარფინალისტები დაწყვილდნენ

"რომ არა ის, "ბარსელონას" აუცილებლად დავტოვებდი, მან ჩემი ცხოვრება შეცვალა" - რაფინია

[VIDEO] "ტაშს ნუ უკრავთ!" - მბაპეს ამ ქმედებას დიდი კრიტიკა მოჰყვა

სულშერი ფავორიტი აღარაა - "მანჩესტერ იუნაიტედის" ხელმძღვანელობა მწვრთნელის პოსტზე ორ კანდიდატს განიხილავს

[VIDEO] ბითაძის სეზონის საუკეთესო მატჩი - "ორლანდომ" "ნიუ ორლეანი" დაამარცხა

"არსენალს" რეკორდსმენი აუტების მწვრთნელი ეყოლება