ვინ ზევით, ვინ ქვემოთ და ვინ ბაზარში

ჯეიმი რედნაპის ტურის მიმოხილვა ინგლისში „ბოქსინგ დეი“ ჩატარდა - ტური, რომელიც ერთი შეხედვით სხვა ტურებისგან არაფრით განსხვავდება, მაგრამ, ვინაიდან, ტრადიციულად შობის მეორე დღეს იმართება, მას სახალხო დღესასწაულის მნიშვნელობას ანიჭებენ. ამ ტურის ბოლო, მთავარი მატჩი, „არსენალსა“ და „ჩელსის“ შორის მთლად „ბოქსინგ დღეს“ არ ჩატარებულა, ჩაროზად შემოინახეს და ამდენად ყოფილი ფეხბურთელის, ჯეიმი რედნაპის მიმოხილვაში ვერ შევიდა, მაგრამ დანარჩენზე ყოფილ ლივერპულელს ასეთი აზრი შეექმნა: ირწმუნე, კარლტონამ ტურში ერთხელაც გამოჩნდა, რომ კარლტონ კოული ყოველმხრივ ნიჭიერი ფეხბურთელია, მაგრამ სტაბილურობა აკლია. რაგინდ უცნაურად გეჩვენოთ, განსაკუთრებით საკუთარი ფანების წინაშე უჭირს. „ვესტ ჰემის“ გულშემატკივრები არასდროს არიან დარწმუნებული, რომ მათი თავდამსხმელი კარგად ითამაშებს. ახლაც სტუმრად გამოიჩინა თავი: „კრეივენ კოტეჯზე“ „ფულჰემის“ კარში ორი გოლი შეაგდო. მეორე მართლა განსაკუთრებული იყო. ასე ფერნანდო ტორესს რომ გაეტანა ტელევიზიები მაისამდე გაიმეორებდნენ. მოკლედ, დროა ამ ზორბა კაცმა საკუთარი ძალიებისა ირწმუნოს. ყიდვის დროაყოველთვის მარკ ჰიუზის დიდი პატივისმცემელი გახლდით. მწამს, „ფულჰემში“ შექმნილ რთულ მდგომარეობასაც გაართმევს თავს, მაგრამ ამ საქმეში თავმჯდომარის დახმარება დასჭირდება. ჩახედეთ ცხრილს, მიმდინარე ჩემპიონატში ლონდონელებს ორად ორი თამაში აქვთ მოგებული, რაც იმას ნიშნავს, რომ იანვარში სატრანსფერო ბაზარზე აქტიურობაა საჭირო. „ფულჰემის“ მეპატრონემ, ბატონმა მოჰამად ალ ფაიედმა საახალწლო ვაჭრობის ამბები კარგად იცის – დიდხანს ფლობდა ლონდონის ერთ-ერთ გამოჩენილ მაღაზიას. ახლა მას თავად მოუწევს ჯიბეზე ხელის გაკვრა. თავდამსხმელია საჭირო.შვიდი ქულაპრემიერლიგის ცხრილი ძალიან მეტყველი რამ გახლავთ: მეცხრე ადგილზე მყოფ „ნიუკასლსა“ და აუტსაიდერ „ვულვერჰემპტონს“ შორის სხვაობა მხოლოდ 7 ქულაა. „ვულვზი“ კვირას მასავით გასავარდნთა ზონაში მყოფმა „უიგანმა“ დაამარცხა, რაც რობერტო მარტინესისთვის ბრწყინვალე შედეგი იყო, თუმცა აქ სხვა რამეზე მინდა თქვენი ყურადღების გამახვილება – ნებისმიერმა აუტსაიდერმა ძალ-ღონე რომ მოიკრიბოს, თავისუფლად შეუძლია არათუ თავის გადარჩენა, არამედ ცხრილის შუაში დამკვიდრებაც კი. მეორე მხრივ, დღეს, ცხრილის შუაში ყოფნა სულაც არ ნიშნავს, რომ თავი ქუდში გაქვს. ფეხის დაცდენა და ნებისმიერი ფსკერზე აღმოჩნდება. ქირაობას ცოდნა უნდაფეხბურთელის დაქირავების სისტემას იმთავითვე უამრავი კრიტიკოსი ჰყავდა, მაგრამ დრომ აჩვენა, რომ ნიჭიერ ახალგაზრდათა განვითარების საქმეს ეს მეთოდი კარგად ემსახურება – თუ ახალგაზრდა ნიჭიერია, მაგრამ ჯერ თავისი გუნდის ძირითად შემადგენლობაში ვერ ხვდება, მას სხვა გუნდში აქირავებენ, სადაც იგი გამოცდილებას იღებს. თავის დროზე ასე გაატარეს გარკვეული ხანი სხვადასხვა სუსტ გუნდებში ისეთმა ვარსკვლავებმა, როგორებიც არიან: დევიდ ბექჰემი (პრესტონში), ფრენკ ლამპარდი (სუონსიში) და რიო ფერდინანდი (ბურნმუთში). ამ პრაქტიკას ერთგულად მისდევს „მანჩესტერ იუნაიტედი“ - დენი უელბეკი „სანდერლენდში“ ჰყავს, ტომ კლივერლი კი შარშან „უოტფორდში“ ჰყავდა, ხოლო წლეულს „უიგანში“ გაუშვა. სწორედ 21 წლის ნახევარმცველმა გაიტანა შობის მეორე დღეს გოლი „ვულვერჰემპტონის“ კარში. მშვენიერი მანჩესტერიდიმიტარ ბერბატოვმა უკვე 14 გოლი გაიტანა, „მანჩესტერ იუნაიტედმა“ კი „არსენალი“ და „ჩელსი“ ჩამოიტოვა – რა თავისებური სანახაობაა ქალაქ მანჩესტერის ორი გუნდი ცხრილის სათავეში პირველ და მეორე ადგილებზე, არა? ამ ორი გუნდიდან ერთი ტრადიციულია, ასე ვთქვათ, ლიდერთა ძველი გვარდიის წარმომადგენელი, მეორე კი „ახალი სისხლი“ გახლავთ, წინა ტურში „ევერტონთან“ დამარცხების შემდეგ გონს მოგებული. საჭიროა დახმარება„ბლექბერნის“ ახალ მეპატრონეებს სეზონის მეხუთე ადგილზე ჩამთავრება სურთ, მაგრამ, თუ ასე გააგრძელეს, პრემიერლიგისა რა მოგახსენოთ და „ჩემპიონშიფში“ კი შეიძლება მართლა გამოკრან მეხუთეობას ხელი – გაისად, რასაკვირველია. ბლექბერნელები ნიჭიერ ხალხს კარგავენ. ჯერ იყო და მუხლის ტრავმის გამო ფილ ჯონსი დაკარგეს, ახლა კი განრისხებულმა კრისტოფერ სამბამ მოიგლიჯა კაპიტნის სამკლავური. თუ ახალ მეპატრონეებს დებიუტანტი მწვრთნელის, სტივ კინის დახმარება სურთ, იანვრის სატრანსფერო ბაზარზე ჯიბეზე ხელი უნდა გაიკრან. შეუპოვართა გუნდირაც მე ფეხბურთს ვუყურებ, არ მახსოვს „ტოტენჰემ ჰოთსპურს“ ასეთი თამაში მოეგოს: ლონდონელები ბირმინგემში, „ასტონ ვილას“ წინააღმდეგ ათნი დარჩნენ და თამაშის უმეტესი ნაწილი ჯერ კიდევ წინ იყო. ეს სხვას არაფერს ნიშნავს თუ არა იმას, რომ ამ გუნდში შეკრებილ მოთამაშეთა ჯგუფს უტეხი სული და გამარჯვებულის მენტალიტეტი აქვს. კიდევ, ვატყობ, რომ ამ ფეხბურთელებს ერთად თამაში სიამოვნებთ. ორი გოლით რაფაელ ვან დერ ვაარტმა ყველას თვალი მოჭრა, მაგრამ ბენუა ასუ-ეკოტომ უმაღლესი დონის ფეხბურთი ითამაშა. იონ ქაბულის ბადალი ახალგაზრდა ცენტრალური მცველი დღეს პრემიერლიგაში არ თამაშობს, უილსონ პალასიოსი კი ძველებურად საუკეთესო ფორმაშია.

"ნოტინგემში" სექტემბერში დანიშნული პოსტეკოღლუ შესაძლოა, დაითხოვონ

ჩაკვეტაძის "უოტფორდს" ახალი მწვრთნელი ჰყავს

კონტრაქტი იგივე რჩება, ხელფასი მნიშვნელოვნად გაიზრდება - რაიამ საწადელს მიაღწია

ფრე დინამოების დაპირისპირებაში; წყალტუბოელთა მოგება ფოთში

ქოჩორაშვილი სათადარიგოთა შორის დატოვეს - "სპორტინგი" 1/16-ფინალში ძლივს გავიდა

საქართველო 3:2 ყირგიზეთი

39 დღე გაძლო - "ნოტინგემმა" პოსტეკოღლუ გაათავისუფლა

"აქ ნებისმიერ მწვრთნელს კრიზისამდე ერთი მატჩი აშორებს" - ბრუნო ფერნანდეშმა რუბენ ამორიმი დაიცვა

"ქუთაისმა" რუსთავში იმარჯვა, "ორბმა" ტყიბულში თსუ-ს სძლია

"ალბათ, სეზონის ბოლოს "ბარსელონას" დატოვებს" - ცნობილი გერმანელი ჟურნალისტი ლევანდოვსკის მოამვალზე წერს

რაფაელ ბენიტესი ბერძნულ გუნდს ჩაიბარებს

[VIDEO] მამუკელაშვილის 17 წუთი - "ტორონტო რაპტორსმა" პრესეზონი "ბრუკლინთან" გამარჯვებით დაასრულა

ლიდერი შეიცვალა... "გარეჯმა", "ტორპედომ" და "იბერია 1999"-მა მოიგეს

საქართველოს ნაკრები - ორი მარცხი და ორი ადგილით უკუსვლა რეიტინგში

როგორი შეფასებები მიიღეს პსჟ-ს ფეხბურთელებმა "სტრასბურგთან" მატჩში?

ხვიჩა შეცვლაზე და პსჟ-ს საბრძოლო ფრე "სტრასბურგთან"

"შავი ლომი" | არის რევანში - "ჩიტასი" დამარცხებულია

მიქაუტაძემ შეიძლება "ბეტისთან" ვერ ითამაშოს - ცნობილი გახდა მიზეზი

"სტრასბურგთან" მატჩში პსჟ-ს შემადგენლობა ცნობილია

ფუტსალი | საქართველოს ნაკრები ორ ამხანაგურ მატჩს გამართავს

კვიპროსში კლუბის პრეზიდენტი მოკლეს, რომელიც მატჩების "ჩაწყობაში" ფიგურირებდა

საქართველო - ესპანეთი | ინფორმაცია ბილეთების შესახებ

კანტე ევროპაში ბრუნდება? - ფრანგს სერიოზული მსურველი ჰყავს