პრობლემებში ჩაძირული "ივერია" - ხაშურელი ქომაგი ყურადღებას ითხოვს

ხაშურის გრიგოლ ჯომართიძის სახელობის სტადიონი სავალალო მდგომარეობაშია ინტერნეტსივრცეში ბოლო ხანს ხშირად ნახავთ ხაშურის გრიგოლ ჯომართიძის სახელობის სტადიონის ფოტოებს, სადაც მოედანი მთლიანად წყლითაა დაფარული.მართალია, ამ სტადიონზე დღესდღეობით ნამდვილად არ დგას წყალი და ფოტოებიც 2011 წელს რაიონში მომხდარი წყალდიდობის შემდეგაა გადაღებული, მაგრამ ეს იმას არ ნიშნავს, თითქოს არენა ამჟამად უკეთეს მდგომარეობაშია...<img src="pictures/artimages/image17/7b3f5a7e4df0e35e521deeff115a8f92.jpg" border="0" alt="Sportall.Ge" title="პრობლემებში ჩაძირული "ივერია" - ხაშურელი ქომაგი ყურადღებას ითხოვს" />ფეხბურთის ადგილობრივი ქომაგებიც სწორედ ბოლო ხანს გააქტიურდნენ გვარიანად და "ივერიის" სტადიონის კეთილმოწყობისთვის ინტერნეტაქცია წამოიწყეს. "ლელო" ხშირად აშუქებს ინფრასტრუქტურულ პრობლემებს და ხაშურის სტადიონზე შექმნილი ვითარებაც არ გამოგვრჩენია მხედველობიდან.სათამაშო მინდორი არც ადრე ყოფილა მაინცდამაინც სახარბიელო მდგომარეობაში, მაგრამ ახლა გაცილებით უარესი ვითარებაა. ტრიბუნებზე დიდი ხანია სკამები აღარ დგას (ხის ძველებურ სკამებზეა ლაპარაკი, თორემ ინდივიდუალური დასაჯდომები არც არასოდეს ყოფილა). დანგრეულია ადმინისტრაციის ოთახები, ლოჟა, გასახდელები და ასე შემდეგ.ხაშურის მუნიციპალიტეტის ხელმძღვანელობას სხვადასხვა წელს არაერთხელ მივმართეთ და დავინტერესდით იმით, თუ როდის იქნებოდა შესაძლებელი სტადიონის რემონტი.<img src="pictures/artimages/image17/6a18aee3f23ea4a232c81848de80965b.jpg" border="0" alt="Sportall.Ge" title="პრობლემებში ჩაძირული "ივერია" - ხაშურელი ქომაგი ყურადღებას ითხოვს" />ყველა ხელისუფლის პოზიცია ყოველჟამს ერთი იყო - ვწუხვართ არსებული მდგომარეობის გამო, მაგრამ ადგილობრივ მუნიციპალიტეტს სარემონტო სახსრები არ აქვსო...დღესაც იგივე სიტუაციაა - ხაშურელებს მხოლოდ ცენტრალური ბიუჯეტიდან გამოყოფილი დაფინანსების იმედი აქვთ. 4-5 წლის წინათ ლაპარაკი იყო ცხინვალის "სპარტაკის" მესვეურთა მხრიდან სტადიონით დაინტერესების თაობაზე. ისინი ფიქრობდნენ, გამოენახათ სახსრები სარემონტოდ და "სპარტაკს" საშინაო მატჩები სწორედ ხაშურში ჩაეტარებინა, მაგრამ...ხაშურის სტადიონზე ადგილობრივი საფეხბურთო კლუბი "ივერია" საქართველოს პირველი ეროვნული ჩემპიონატიდან თამაშობდა. საშინაო მატჩებში "ივერიას" ქომაგი არ აკლდა. მართალია, ეს გუნდი უმაღლესი ლიგის მუდმივი ბინადარი არ ყოფილა, მაგრამ ქვედა ლიგებში მაინც ბევრისთვის ანგარიშგასაწევი ძალა იყო."ივერიას" ისეთი დროებაც ედგა, საერთოდ გუნდიც რომ აღარ არსებობდა. მერე, ისევ და ისევ ადგილობრივი საფეხბურთო სკოლის წარმომადგენელთა დიდი ძალისხმევით, მუნიციპალიტეტმა გამონახა სახსრები კლუბის აღსადგენად და მეორე ლიგაში საასპარეზოდ, თუმცა... მესამე წელიწადია, "ივერიას" გაპარტახებულ მშობლიურ არენაზე საშინაო მატჩების თამაშის უფლება არ აქვს და ამიტომ სტუმრებს ბორჯომის სტადიონზე მასპინძლობს.<img src="pictures/artimages/image17/78f560c8454427f5da8baad107ce6d0c.jpg" border="0" alt="Sportall.Ge" title="პრობლემებში ჩაძირული "ივერია" - ხაშურელი ქომაგი ყურადღებას ითხოვს" />"ივერია" ადგილობრივი საფეხბურთო სკოლის აღზრდილებითაა დაკომპლექტებული. უკანასკნელი სამი საფეხბურთო სეზონი ამ გუნდმა II ლიგის ლიდერებს შორის გაატარა და ცოტა დააკლდა I ლიგაში აღზევებამდე.ხაშურელებს იმედი აქვთ, რომ ქვეყანაში სპორტის მესვეურთა ყურადღებას მიიქცევენ და ცენტრალური და ადგილობრივი ხელისუფლება ერთობლივი ძალებით პრობლემის გადაჭრას შეძლებს.ხაშურში ფეხბურთის გულშემატკივრებისგან შევიტყვეთ, რომ ისინი არა მხოლოდ ინტერნეტსივრცის საშუალებით აპირებენ აქტიურობას, არამედ სხვა ტიპის აქციების გამართვასაც გეგმავენ საზოგადოების ყურადღების მისაპყრობად.<img src="pictures/artimages/image17/72e4f3c328487b3e135931438f80298b.jpg" border="0" alt="Sportall.Ge" title="პრობლემებში ჩაძირული "ივერია" - ხაშურელი ქომაგი ყურადღებას ითხოვს" />(იბეჭდება მცირე ცვლილებით)ყოველდღიური სპორტული გაზეთი "ლელო"

კარგი ამბავი - ბათუმის "დინამოს" ახალი მფლობელი ჰყავს

"მომავალ წელს კლუბში მინიმუმ 20 მილიონი ლარის ინვესტირება მოხდება" - ტარიელ ხეჩიკაშვილმა "იბერიას" სამომავლო გეგმებზე ისაუბრა

"იბერია 1999"-მა ბათუმში მოიგო

ტერ შტეგენი გუნდს გამოიცვლის, თუმცა კატალონიაში დარჩება

სერხიო რამოსი შეიძლება საფრანგეთში დაბრუნდეს

სასაჩუქრე ნაკრებები მამაკაცისთვის - PSP-ში საახალწლო ფასდაკლება გელოდებათ

"ლიგის ფინალიდან რამდენიმე თვის შემდეგაც ამ მატჩზე ფიქრობდა" - ვისენსმა გავრდიოლასთან მუშაობის პერიოდი გაიხსენა

"ფლორენტინო პერესმა საფეხბურთო სამყარო შეცვალა" - რონალდომ "რეალის" პრეზიდენტის მიმართ უდიდესი პატივისცემა გამოხატა

ერთ ნაბიჯში "სიტისთან" - დღეს სემენიო "ბორნმუთში" სავარაუდოდ, ბოლო მატჩს ჩაატარებს

"ეს ძალიან რთული დრო იყო, ერთი გუნდი არ ვიყავით" - ვიტინიამ პსჟ-ში მძიმე პერიოდი გაიხსენა

"რომამ" მარტივად მოიგო და მე-4 ადგილზე გადავიდა

საქართველოს ნაკრებმა სეზონის ბოლო მატჩში საუდის არაბეთთან ფრედ ითამაშა

[VIDEO] მატჩისას მეკარე იძულებული გახდა ჩაი დაელია

სპერციანი სერია A-ში - "ინტერში" სომხური დუეტი იქნება?

7-კაცა | გიორგი ნოზაძე - შეიყვარე და გამოგვყევი

საქმე სერიოზულადაა. წიტაიშვილს რიგი დაუდგა - ბუნდესლიგის კლუბი წინადადებას ამზადებს

"შახტარს" აზაროვი და კიდევ შვიდი ფეხბურთელი დატოვებს

სუპერლიგის პირველი წრე დრამატული მატჩით დასრულდა – ორბმა რუსთავი ოვერტაიმში დაამარცხა

ხორდი კრუიფი "აიაქსის" სპორტულ დირექტორად დაინიშნა

"გერმანია და ბრაზილია ტოპ 5-ში არ არიან" - კროოსმა მსოფლიო ჩემპიონატის ფავორიტები დაასახელა

ედინსონ კავანიმ ფეხბურთელის კარიერა დაასრულა

ხვიჩა კვარაცხელია „არქის“ მასშტაბური პროექტის, „გრანდ ავენიუს“ ინვესტორი და პარტნიორი გახდა

[VIDEO] მამუკელაშვილის 22 წუთი და ბარნსის საოცარი მატჩი - "ტორონტომ" "გოლდენ სტეიტი" ოვერტაიმში დაამარცხა

ქალთა ლიგის მე-4 ტური - პოკერი და დაძაბული ბრძოლა ჩემპიონატის სტარტზე

როდის გაბრწყინდება "ივერია"? ხაშურის მთავარი არენა რეაბილიტაციის მოლოდინშია

ხელჩართული ჩხუბისათვის "ივერიასა" და "გლდანს" წაგება ჩაეთვალათ [VIDEO]

ხაშურის "ივერიის" სტადიონზე სარეაბილიტაციო სამუშაოები განხორციელდება

"შენი დედას შე**ი" - ხელჩართული ჩხუბი და მოედანზე შევარდნილი გულშემატკივარი... - "ივერიასა" და "გლდანის" მატჩი დაპირისპირებით დასრულდა [VIDEO]