<p><p>„ვულვერჰემპტონთან“ 1:0 წაგების შემდეგ „ლივერპულის“ თავკაც როი ჰოჯსონს რისხვის მორიგი ტალღა დაატყდა თავს</p> <br> <p>„ვულვერჰემპტონთან“ 1:0 წაგების შემდეგ „ლივერპულის“ თავკაც როი ჰოჯსონს რისხვის მორიგი ტალღა დაატყდა თავს.</p> <p> </p> <p>თამაშის მიმოხილვაშივე მოგახსენეთ, რომ ტრიბუნებიდან ისმოდა ირონიული შეძახილი: ჰოჯსონი ინგლისის ნაკრებში! და, რასაკვირველია, „კოპი“ („ენფილდ როუდის“ ისტორიული ტრიბუნა, რომელზეც განსაკუთრებით მხურვალე ფანები იკრიბებიან) გუნდის მწვრთნელად კენი დალგლიშის მიყვანას ითხოვდა - ჯერ კიდევ ზაფხულზე, როდესაც „ლივერპული“ რაფა ბენიტესმა დატოვა, ხალხს მის შემცვლელად ლეგენდარული სქოთი ესახებოდა.</p><p>იმის გასააზრებლად თუ რას ნიშნავდა ამ შეხვედრის შედეგი: „ვულვზს“ „ლივერპულთან“ სტუმრად 1984 წლის იანვრის შემდეგ არ მოუგია! მატჩის ერთადერთი გოლი სტივენ უორდმა გაიტანა. საინტერესოა, რომ გასულ სეზონში, „ლივერპულისა“ და „ვულვზის“ შეხვედრაში უორდი მოედნიდან გააძევეს. ამ გამარჯვების შემდეგ მიკ მაკარტის გუნდი ბოლოსწინა ადგილზე გადავიდა - საბრალო „ვესტ ჰემმა“, შობის შემდეგ ერთი თამაში მოიგო და ერთიც ფრედ ითამაშა, მაგრამ მაინც გადაახტნენ - „ლივერპული“ კი 22 ქულით ცხრილის ძალიან სახიფათო მონაკვეთში ტრიალებს: გასავარდნთა ზონას სულ 3 ქულა აშორებს.</p><p>და რით უპასუხა ჰოჯსონმა განრისხებულ ფანობას? - მოთმინებისკენ მოუწოდა მათ:</p><p>„მე ტრიბუნიდან შეძახილების მოსმენას შეჩვეული ვარ. რასაკვირველია, ამაში სასიამოვნო არაფერია, მაგრამ მუშაობას ვაგრძელებ და ვცდილობ, რაც შეიძლება უკეთესად გავაკეთო ჩემი საქმე. რაც შეეხება კენის, ის „ლივერპულის“ ლეგენდაა.</p> <p> </p> <p>ერთი სიტყვით, შეძახილებთან ვერაფერს გავხდები. ასეა, „კოპს“ უკმაყოფილების გამოხატვის თავისი მეთოდი აქვს.</p><p>რასაკვირველია, პასუხისმგებლობა ყოველთვის მწვრთნელს ეკისრება. ეს პროფესიის შემადგენელი ნაწილია და მას არ გავურბივარ. ერთადერთი, რასაც ვისურვებდი, ფანების მხარდაჭერაა. დღეს „ლივერპულს“ ყველაზე მეტად სწორედ მხარდაჭერა სჭირდება. რაც „წითლების“ თავკაცი გავხდი, ველოდები, როდის აგუგუნდება „ენფილდ როუდი“ ისე, როგორც ისტორიულად სჩვეოდა, მაგრამ ამას ერთხელაც ვერ ვეღირსე. ბოლოს და ბოლოს ძალად ხომ არ ვაგებთ. განა ყველამ კარგად არ ვიცით, რა დონის ფეხბურთელებიც გვყავს და რისი შემძლენიც არიან ისინი? ამიტომაც, ყველას დახმარებას გთხოვთ, ამისკენ მოგიწოდებთ. ჩვენ თამაშის ხარისხის გარდა საკუთარი თავის რწმენა გვაკლია.</p><p>ეს ფეხბურთელები ცუდ ფორმაში ადრეც ყოფილან, მაგრამ მე საკუთარი შესაძლებლობები კარგად ვიცი და იმასაც ვხედავ, რომ ისინი შრომას არ იზარებენ. გუნდი დაუღალავად ვარჯიშობს, რათა მდგომარეობა გამოასწოროს. რასაკვირველია, ამწუთას ცუდი შედეგი გვაქვს - ამას ყველანი კარგად ვხედავთ, მაგრამ ეს უნდა გამოსწორდეს.</p><p>დღეს, თამაშის ტემპი იმაზე გაცილებით დაბალი იყო, ჩვენ რომ ვისურვებდით და გვინდოდა. მართალი გითხრათ ცოტა იღბალმაც ზურგი გვაქცია - წაგებას ნამდვილად არ ვიმსახურებდით. 0:0 უფრო სამართლიანი შედეგი იქნებოდა. „ვულვზს“ გაუმართლა, რის გამოც ჩვენ ფანები კიდევ ერთხელ გავანაწყენეთ“.</p><p>ამ საღამოს ჰოჯსონისა და მისი შეგირდების მისამართით მარტო „კოპი“ როდი იძახდა მწარე სიტყვებს, არც „ვულვერჰემპტონის“ ფანებმა დააკლეს. ისინი ომახიანად გაიძახოდნენ: „ხომ გრძნობთ, რა ცუდებიც ხართ? ჩვენ სტუმრად გეთამაშებით.“</p><p>გამარჯვებულთა თავკაცმა მიკ მაკარტიმ თქვა: „კარგად მახსოვს რა მოხდა შარშან. უორდი გაგვიგდეს. პეპე რეინამ მთელი მოედანი გადმოირბინა, რათა მსაჯს მივარდნოდა და დაერწმუნებინა, რომ სტივი გასაგდები იყო. როგორც ხედავთ, სამართალმა მთელი სეზონი იცადა და ერთი წლის შემდეგ მაინც მოაღწია ჩვენამდე.“</p> <p> </p> <p> </p> <p>.</p></p>
არისაბალაგა შეიძლება ფაბრეგასის გუნდში გადაბარგდეს
"თუ "არსენალი" წელს ტიტულს ვერ მოიგებს, არტეტას გაათავისუფლებენ" - რობერ პირესი
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
არისაბალაგა შეიძლება ფაბრეგასის გუნდში გადაბარგდეს
დუდუ დადიანის მემორიალზე ნახევარფინალისტები დაწყვილდნენ
ბოლო წუთების ფასი... "დილამ" და "სამგურალმა" მოიგეს, "იბერია 1999"-"გარეჯი" ფრედ დასრულდა
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
Le Parisien-ი კვარაცხელიას ტრავმის შესახებ ინფორმაციას ავრცელებს
U17 | საქართველო 3:0 ლიეტუვა
წიტაიშვილი და აბუაშვილი შეცვლაზე და "მეცის" ფრე "ჰავრთან"
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში
იური ტაბატაძე შეცვალეს - "კადისი" "სეუტასთან" ფრეს დასჯერდა
ლოჩოშვილმა ტრავმა მიიღო - "ნიურნბერგი" სახლში "ჰერტასთან" განადგურდა
გოგლიჩიძე ისევ არ ათამაშეს - "უდინეზე" დამარცხდა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"რეალს" გიულერის თაობაზე ორი კლუბი დაუკავშირდა - "სამეფო კლუბმა" გადაწყვეტილება მიიღო
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
[VIDEO] სათადარიგოთა სკამიდან შევიდა და ყველაზე შედეგიანი იყო - შერმადინის მაგარი მატჩი "რეალთან"
ფრე ქუთაისში... და "თელავის" მოგება "გაგრასთან"
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ