<p>"გუდისონ პარკი" აპლოდისმენტებისაგან კინაღამ დაინგრა. მხოლოდ რამდენიმე წამის მერე მივხვდი, რომ ეს ხალხი ტაშს მე მიკრავდა" <br> 2000 წლის 16 დეკემბერი სამუდამოდ ჩაიწერა მსოფლიო ფეხბურთის ისტორიაში. იტალიელმა <strong>პაოლო დი კანიომ</strong> დაინახა, რომ მოწინააღმდეგის მეკარე დაშავებული იყო და ცარიელ კარში გოლი არ გაიტანა.</p><p>ისე, ხომ არ გაგახსენდათ კადრი ლეგენდარული ქართული ფილმიდან - "პირველი მერცხალი"? როცა იასონ კვირკველიამ (დოდო აბაშიძის გმირი) არ იკადრა დაუცველ კარში გატანა...</p><p>ხუმრობა იქით იყოს და, დი კანიოს რომ გაეტანა, "ვესტ ჰემი" აუცილებლად მოუგებდა პრინციპულ მეტოქე "ევერტონს". გატანას კი არაფერი უნდოდა - დი კანიო პრაქტიკულად ცარიელი კარის წინ იდგა, ის კი არა, იმ გოლს ბავშვიც კი შეაგდებდა. არ დაგვავიწყდეს, რომ ამ დროს თამაშის დამატებული წუთი მიდიოდა...</p><p>მინდვრის ყველაზე "ცხელ" მონაკვეთში ზუსტად ასეთი მდგომარეობა იყო: კარს მხოლოდ მცველი ფარავდა. "ევერტონის" მეკარე პოლ ჯერარდი მინდორზე იწვა და ტკივილისგან იკლაკნებოდა...</p><p>ის დი კანიოს ხელს ვერაფრით შეუშლიდა. პაოლომ ამ დროს ბურთი ხელში აიღო და არბიტრს საშუალება მისცა, მატჩი შეეწყვიტა. მინდორზე მედპერსონალი გამოჩნდა. ფიფამ იტალიელი ფეხბურთელი სპეციალური პრიზით დააჯილდოვა...</p><p>მოგვიანებით, თავის ავტობიოგრაფიულ წიგნში დი კანიომ გაიხსენა თანამედროვე ფეხბურთის ერთ-ერთი დასამახსოვრებელი ეპიზოდი, რომელიც შემდეგ დაუწერელ კანონად იქცა ფეხბურთში:</p><p><img src="pictures/artimages/image17/43a1a0346a6bb25521706fdee1f42354.jpg" border="0" alt="Sportall.Ge" title="პაოლო დი კანიო - ფეხბურთის ფაშისტი რაინდი" /></p><p>"ასეთ რთულ სიტუაციებში მთავარია, დაზარალებულს დროულად აღმოუჩინონ სამედიცინო დახმარება. ხშირად ეს ფაქტორი გადამწყვეტიც კი ხდება. კვალიფიციურ ექიმს პირველ წუთებში შეუძლია მოთამაშისათვის მძიმე ტრავმის თავიდან აცილება.</p><p>კარში რომ დამერტყა, 60-80 წამი უაზროდ დაიკარგებოდა. შეიძლება, ეპიზოდი კიდევ უფრო დიდხანს გაგრძელებულიყო. ეს იმ შემთხვევაში მოხდებოდა, თუ მცველი დარტყმის ბლოკირებას მოახდენდა, ბურთი თამაშში დარჩებოდა და შეხვედრა გაგრძელდებოდა.</p><p>მე არაერთხელ მითქვამს, რომ როცა მინდორზე ვარ, ჩემთვის მოწინააღმდეგე - მტერია. მაგრამ იმ შემთხვევაში, ჯერარდი ვეღარ აღვიქვი მტრად.</p><p>მე გავიხსენე, რომ ის უბრალოდ ჩემი კოლეგა იყო და მას ძალიან უჭირდა. ის იმ წამს იყო ჩემი ძმა, ჩემსავით ფეხბურთზე უსაზღვროდ შეყვარებული და ჩემგან მხოლოდ წამიერი დახმარება სჭირდებოდა. მას შეეძლო, საერთოდ დაესრულებინა საფეხბურთო კარიერა. მოკლედ, რჩებოდა ერთადერთი ვარიანტი - თამაში აუცილებლად უნდა გაჩერებულიყო.</p><p>პუბლიკა ერთ წამს გაირინდა. წამებში ყველა მიხვდა, რაც მოხდა. "გუდისონ პარკი" აპლოდისმენტებისაგან კინაღამ დაინგრა. მხოლოდ რამდენიმე წამის მერე მივხვდი, რომ ეს ხალხი ტაშს მე მიკრავდა", - დაწერა დი კანიომ.</p><p>დი კანიოს მანამდე გაუგონარ საფეხბურთო რაინდობას რამდენიმე თანამედროვე გამოეხმაურა.</p><p>"ის ჩემთვის უბრალოდ ფეხბურთის რაინდია. ასეთები ალამაზებენ სპორტის იმ სახეობას, რომელიც ყველას ასე ძალიან გვიყვარს", - თქვა <strong>არსენ ვენგერმა</strong>.</p><p>"ერთია ქულები და მეორე - ადამიანის სიცოცხლე. დი კანიომ ისეთი რამ ჩაიდინა, რომ ამაზე, შესაძლოა, მთელი რომანი აიგოს", - ეს <strong>სვენ გორან ერიქსონის</strong> სიტყვებია.</p><p>დი კანიო ახლა 46 წლისაა. ფეხბურთელობისას ითამაშა "ლაციოში", "ტერნანაში", "იუვენტუსში", "ნაპოლიში", "მილანში", "სელტიკში", "შეფილდ უენსდეიში", "ვესტ ჰემში", "ჩარლტონსა" და "ჩისკო რომაში".</p><p>სამწვრთნელო ასპარეზზე მისი ბიოგრაფია შედარებით მოკრძალებულია. წვრთნიდა მხოლოდ ორ კლუბს - "სუინდონსა" და "სანდერლენდს". დიდი წარმატებისთვის არც ერთ კლუბში არ მიუღწევია.</p><p>საყოველთაოდაა ცნობილი დი კანიოს უცნაური პოლიტიკური გემოვნების შესახებ. მან საკუთარ თავს ღიად უწოდა "ფაშისტი", ოღონდ, იქვე განმარტა, რომ "ის ფაშისტია, მაგრამ არც ერთ შემთხვევაში არ არის რასისტი".</p><p>განსაკუთრებით "ლაციოში" ასპარეზობის დროს დი კანიოს არაერთხელ აღუნიშნავს გოლი ფაშისტური რიტუალით. ამიტომ ის კლუბის "ულტრასებს" განსაკუთრებით უყვართ.</p><p>დი კანიო არანაკლებ ცნობილი და პოპულარულია თავისი ტატუებით. მარჯვენა ბიცეფსზე მას ლათინურად აწერია "DUX", რაც ნიშნავს "ლიდერს" და თავის დროზე იტალიის დიქტატორის <strong>ბენიტო მუსოლინის</strong> საპატივცემულო აბრევიატურა გახლდათ იტალიაში.</p><p>პაოლოს ზურგზეც უამრავი ტატუ აქვს. აქ გამოირჩევა ბენიტო მუსოლინის რამდენიმე პორტრეტი. მხრებზე აქვს "ვესტ ჰემისა" და მამის გამოსახულებები.</p><p><img src="pictures/artimages/image17/83097337c9ab0732f97d0da8e14354e0.jpg" border="0" alt="Sportall.Ge" title="პაოლო დი კანიო - ფეხბურთის ფაშისტი რაინდი" /></p><p>ბოლო დროს დი კანიოს ცხოვრებაში მკვეთრად გაიზარდა იაპონური კულტურის როლი. ის სამურაების ყოფას ჩაუღრმავდა და რამდენჯერმე ეწვია იაპონიას, რათა უფრო ღრმად გარკვეულიყო მათი ყოფის რთულ თავისებურებებში.</p><p>დი კანიო გატაცებით სწავლობს ორ იაპონურ მიმდინარეობას - ჰაგარუკესა და ბუდიშოს, რომლებიც ასევე სამურაების ყოფასთანაა დაკავშირებული.</p><p>პარადოქსია, მაგრამ ფაქტია - დი კანიოს, ვინც მართლაც შესანიშნავი ფეხბურთელი იყო, არასოდეს უთამაშია იტალიის ნაკრებში...</p><p><span style="font-weight: bold;"></p><p></span><strong>ყოველკვირეული ჟურნალი "ლელო week"</strong></p>
laziale
პაულო დი კანიო!!! როდესაც პროფესიაზე მაგლა კაცობა დგას! ლაციოს ტიფოზი
ლაციალე
ჭეშმარიტად რაინდი!
მიშა
მადლობა ავტორს! კარგი მასალაა! დი კანიო უმაგრესი იყო. ლაციოს ფანი!
"მილანსა" და "ინტერს" ახალი სტადიონი ექნებათ - 2031 წლიდან კლუბები ლეგენდარულ "სან სიროზე" აღარ ითამაშებენ
კონტე: "მილანთან" დავმარცხდით და არა რომელიმე აუტსაიდერთან
[VIDEO] 55-ე წუთიდან კაცნაკლულმა "მილანმა" "ნაპოლის" მოუგო
ხავის "მანჩესტერ იუნაიტედის" გაწვრთნა სურს - ესპანელი "წითელი ეშმაკების" ჩაბარებაზე თანახმაა
ისრაელის ნაკრებსა და ქვეყნის კლუბებს საერთაშორისო შეჯიბრებიდან მოკვეთენ? - 48 სპორტსმენმა მოთხოვნას ხელი მოაწერა
Le Parisien: კვარაცხელია პსჟ-ს შეიძლება ბარსელონაში გაჰყვეს
არისაბალაგა შეიძლება ფაბრეგასის გუნდში გადაბარგდეს
ბერნალს 382 დღე გაუცდა და "ბარსელონამ" კონტრაქტი გაუხანგრძლივა
კონტე: "მილანთან" დავმარცხდით და არა რომელიმე აუტსაიდერთან
"მანჩესტერ იუნაიტედი" ამორიმის შემცვლელად, ინგლისის ნაკრების ყოფილი მწვრთნელს მოიაზრებს
საერთაშორისო აღიარება - საქართველოს ხმა მსოფლიო ველოსპორტის არჩევნებში
"ყველას უნდა ვაჩვენოთ, ვინ ვართ" - "კაირატის" მეკარე "რეალთან" მატჩამდე
დუდუ დადიანის მემორიალზე ნახევარფინალისტები დაწყვილდნენ
ბოლო წუთების ფასი... "დილამ" და "სამგურალმა" მოიგეს, "იბერია 1999"-"გარეჯი" ფრედ დასრულდა
[VIDEO] 55-ე წუთიდან კაცნაკლულმა "მილანმა" "ნაპოლის" მოუგო
პსჟ-სთან მატჩამდე "ბარსელონამ "სოსიედადი" დაამარცხა და გალიდერდა
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
Le Parisien-ი კვარაცხელიას ტრავმის შესახებ ინფორმაციას ავრცელებს
U17 | საქართველო 3:0 ლიეტუვა
წიტაიშვილი და აბუაშვილი შეცვლაზე და "მეცის" ფრე "ჰავრთან"
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში
იური ტაბატაძე შეცვალეს - "კადისი" "სეუტასთან" ფრეს დასჯერდა
დი კანიო: სერია А-ს სპილოების სასაფლაოა
"ხვიჩას მხოლოდ ამ ორ ლეგენდას შევადარებ" - დი კანიომ "კვარაზე" ისაუბრა
"კლოპი უკმაყოფილოა? იცით, რას გეტყვით?" - ვენგერმა მსოფლიო საკლუბო ჩემპიონატის კრიტიკოსებს უპასუხა
არსენ ვენგერმა, მისი აზრით, მუნდიალის მთავარი ფავორიტი დაასახელა
"ჭირვეულია და გამაღიზიანებელი" - დი კანიომ ოსიმენი გააკრიტიკა
პეტი: კლოპი თუ ვენგერი? - პასუხი მარტივია
ვენგერის აზრით, გერმანელთა წარუმატებლობის მიზეზი პოლიტიკურ აქციებში მონაწილეობაა
ჰიტლერისა და მუსოლინის საყვარელი კლუბები - "დუჩეს" ფავორიტი გუნდის მწვრთნელი ოსვენციმში მოკლეს...
კლაუდიო ლოტიტო, როგორც ბენიტო მუსოლინი - "ლაციოს" პრეზიდენტი მცირე კლუბებს თავს დაესხა
"იუვენტუსი", პსჟ და "რეალი" უარით გავისტუმრე - ვენგერმა "არსენალში" გატარებულ პერიოდზე ისაუბრა
100-იანთა კლუბში - სიმეონე ფერგიუსონისა და ვენგერის გზაზე
დი კანიო: ოსიმენთან და "კვარასთან" ერთად ახლა "ნაპოლის" ყველაფრის გაკეთება შეუძლია
"შევცდით, როცა კვარაცხელია კაკას შევადარეთ" - დი კანიო
"რაც მან გააკეთა, საგანგაშოა" - დი კანიო ოსიმენზე