<p>პროექტის ფარგლებში, სასპორტო და საჭიდაო სკოლების, აგრეთვე, მრგვალ დარბაზს გაარემონტებენ <br> კასპში მდებარე სპორტული ობიექტების ინფრასტრუქტურულ პრობლემებზე ჩვენს გაზეთში ადრე არაერთხელ დაწერილა.</p><p>აქ კომპლექსურად ერთ ფართობზე, ერთმანეთის გვერდიგვერდაა მოქცეული სასპორტო სკოლის და საჭიდაო სკოლის შენობები, მრგვალი დარბაზი და საფეხბურთო მოედანი.</p><p>ყველა ეს ობიექტი დიდი ხანია სარემონტოა, ხოლო მრგვალ და კალათბურთის დარბაზში შესვლაც კი სიცოცხლისთვის საშიში გახლდათ და ამიტომ რამდენიმე წლის წინათ დაკეტეს.</p><p>აღნიშნული სპორტული ობიექტების რეაბილიტაციის შესახებ თხოვნით კასპის მუნიციპალიტეტი, განსაკუთრებით, უკანასკნელი ათი წლის განმავლობაში ხშირად მიმართავდა ცენტრალურ ხელისუფლებას, რადგან ამისათვის საკმარისი მატერიალური სახსრები რაიონის ბიუჯეტს არ მოეპოვებოდა.</p><p>მშველელად წლეულს კასპელებს მსოფლიო ბანკი მოევლინათ, რომლის მუნიციპალური განვითარების ფონდის მხარდაჭერით გადაწყდა და ამ დღეებში დაიწყო კიდეც, სტადიონის გარდა, ყველა სხვა სპორტული ობიექტის რეაბილიტაცია.</p><p>პროექტის ფარგლებში, სასპორტო და საჭიდაო სკოლების, აგრეთვე, მრგვალ დარბაზს გაარემონტებენ.</p><p>აქვე განხორციელდება დამხმარე ნაგებობის რეაბილიტაცია, რომელსაც სპორტის სხვადასხვა სახეობის წარმომადგენლები წინასაშეჯიბროდ საჭირო შეკრებებისთვის გამოიყენებენ.</p><p>"ასეთი მასშტაბური მშენებლობა ჩვენს რაიონში გასული საუკუნის 50-იანი წლების შემდეგ არ ყოფილა. სამუშაოს დასრულების შემდეგ კასპის სპორტული კომპლექსი ჩვენი ქვეყნის მუნიციპალიტეტებში ამ სფეროში ფუნქციონირებად ნაგებობათაგან ერთ-ერთი გამორჩეული იქნება.</p><p>სრულყოფილად შეკეთდება სპორტული დარბაზები და კეთილმოეწყობა სპორტული კომპლექსის ეზო. კასპის მუნიციპალიტეტში ვარჯიშობენ როგორც ტიტულოვანი სპორტსმენები, ისე პერსპექტიული ახალგაზრდები, რომლებიც სათანადო ხელშეწყობას საჭიროებენ.</p><p>ამ ეტაპზე ვერ მოხერხდა სტადიონის რემონტისთვის სახსრების გამოძებნა, თუმცა ვპირდები საფეხბურთო სკოლის აღსაზრდელებს, რომ წლეულს შესაბამის პროექტს შევიმუშავებთ და გაისად აუცილებლად დავიწყებთ სტადიონის რემონტსაც.</p><p>სხვა მიმართულებიდან სახსრები თუ ვერ გამოჩნდა, სტადიონის რეაბილიტაციას როგორმე მუნიციპალიტეტის ბიუჯეტითაც შევეცდებით, გავწვდეთ" - გვითხრა კასპის მუნიციპალიტეტის გამგებელმა <strong>გოჩა გოჩიტაშვილმა</strong>.</p><p>სასპორტო და საჭიდაო სკოლების, აგრეთვე, მრგვალი დარბაზის რემონტი და სპორტული კომპლექსის ეზოს კეთილმოწყობის პროექტის ღირებულება მილიონ 700 ათასი ლარია.</p><p>გეგმის მიხედვით, სამუშაოები ერთი წლის განმავლობაში გაგრძელდება და 2016 წლის იანვარში დასრულდება.</p><p>ვიდრე სარემონტო სამუშაოები მიმდინარეობს, სპორტული ჯგუფები კასპში დროებით სხვადასხვა შენობაში გადაანაწილეს და მომავალ წლამდე იქ განაგრძობენ მუშაობას.</p><p><strong>ყოველდღიური სპორტული გაზეთი "ლელო"</strong></p>
"ბაიერნი" 23 წლის კოსოვოელი ფორვარდის დამატებას აპირებს
მძიმე ტრავმის შემდეგ ჯამალ მუსიალამ ვარჯიში დაიწყო
ყველა დროის რეკორდი ბუნდესლიგაში - ნოიერი პირველ ადგილზე გადავიდა
ყველაფერი ოზემპიკზე: გამოყენება, შედეგები და გვერდითი მოვლენები
პედრი თბილისში ვერ ჩამოვა
[VIDEO] წიტაიშვილის კარგი მატჩი და "მეცის" მოულოდნელი გამარჯვება "ლანსთან"
10:9 პენალტების სერიაში - კიტეიშვილის "შტურმი" მეოთხედფინალში გავიდა
"ლორიენთან" მატჩში პსჟ-ს შემადგენლობა ცნობილია
"კვარაცხელიას მარჯვენა ფლანგზე დაყენება ლუის ენრიკეს პრობლემური სიჯიუტეა" - ფრანგი ჟურნალისტი
"ვალენსიამ" შეიძლება "რეალის" ყოფილი ვარსკვლავი უფასოდ დაიმატოს
უეფა-ს კომიტეტის სხდომას ლევან კობიაშვილმა უხელმძღვანელა
დე ბრუინს ბელგიაში ოპერაცია გაუკეთეს
"რეალს" "ტოტენჰემის" მცველის დამატება სურს
უპირებენ თუ არა გათავისუფლებას სლოტს - ფაბრიციო რომანო "ლივერპულის" მწვრთნელის მომავალზე
"რეალთან" წაგების შემდეგ – "ბარსელონას" უჩვეულო გეგმა ფინანსურ სარგებელამდე
[VIDEO] დიდი შერიგება და სიყვარული - ვინისიუსის და ვირჯინიას ამ კადრებს 10 მილიონზე მეტი მოწონება აქვს
უდიდესი სენსაცია პარიზში - ალკარასმა ნორისთან წააგო
[VIDEO] "გოლდენ სტეიტი" სეზონს მაგრად იწყებს - "უორიორსმა" "კლიპერსი" მარტივად დაამარცხა
შენგელიას 11 ქულა და "ბარსას" მე-4 გამარჯვება ევროლიგაზე
სპალეტი "იუვენტუსს" უახლოვდება - "ნაპოლის" ყოფილი მწვრთნელი საქმეში მალე დაბრუნდება
[VIDEO] "გინდა, ვიჩხუბოთ?!... გასახდელში გავიდეთ!" - იამალისა და ვინისიუსის კონფლიქტის დეტალები
"ფეხბურთელს, რომელსაც ამდენი ნაკლი აქვს, ეს ფასი უნდა ღირდეს?!" - მენომ პსჟ-ის მოთამაშე გააკრიტიკა
დღეს "კვარა" თუ მბაიე? - 4 საგოლე პასით დაწყებულს მიქაუტაძე გააგრძელებს