ლეონარდო უკვე შეაქეს

"ინტერის" ფეხბურთელებს ახალ თავკაცზე სულ რამდენიმე დღეშიც ძალიან დადებითი წარმოდგენა შეექმნათ სეზონის განახლებისთვის "ინტერი" ახალ მთავარ მწვრთნელთან, ლეონარდოსთან ერთად ემზადება. მიუხედავად იმისა, რომ ბრაზილიელი სულ რამდენიმე დღეა, რაც გუნდს ავარჯიშებს, ფეხბურთელებს ახალ თავკაცზე ძალიან დადებითი წარმოდგენა შეექმნათ. "გაძეტა დელო სპორტის" მტკიცებით, ლეოს წვრთნები ხალისიანად მიმდინარეობს და აშკარაა, რომ "ნერაძურის" ბანაკში კარგი ატმოსფეროა. საპირისპირო ვითარება გახლდათ რაფაელ ბენიტესის დროს, როდესაც ვარჯიშები მეტწილად მშვიდ ვითარებაში მიმდინარეობდა. დიეგო მილიტოს სიტყვები ზემოთთქმულის ნათელი დადასტურებაა:"მიუხედავად იმისა, რომ ლეონარდოს სულ რაღაც რამდენიმე დღეა ვიცნობ, ისეთი შეგრძნება მაქვს, რომ დიდი ხნის მეგობრები ვართ. ძალიან იოლად შემოვიდა კონტაქტში და ყველაფერს მარტივ ენაზე გვიხსნის. სიმართლე გითხრათ, მისით მოხიბლული ვარ და მჯერა, რომ სეზონის მეორე ეტაპს მაღალ დონეზე ჩავატარებთ. რაფაელ ბენიტესი ცუდი სპეციალისტი არ არის, მაგრამ მასთან ვერაფრით გამოვნახეთ საერთო ენა, აშკარად რაღაც გვაკლდა წარმატების მისაღწევად. რაფა უკვე წარსულია და ვფიქრობ, "ინტერის" საქმეები უკეთესობისკენ წავა".მილიტოს პათოსს იზიარებს დუგლას მაიკონიც, რომელსაც სეზონის პირველი ნახევარი პირწმინდად ჩაუვარდა. მაიკონს ბევრი მსოფლიოს საუკეთესო მარჯვენა მცველად მიიჩნევს, თუმცა თუ მიმდინარე სეზონის პირველი ნახევრით ვიმსჯელებთ, ამ მოსაზრების გაზიარება ცოტა გაგვიჭირდება. მისი წარუმატებელი ასპარეზობის სიმბოლოდ კი "ტოტენჰემთან" ინგლისში გამართული მატჩი უნდა მივიჩნიოთ, რომელშიც გარეთ ბეილთან დუელში აშკარად დაიჩაგრა. მაიკონმა ვერავითარი წინააღმდეგობა ვერ გაუწია ნიჭიერ უელსელს და ეს უკანასკნელიც ისე დანავარდობდა მარცხენა ფლანგზე, როგორც მოესურვებოდა. ბევრი დაიწერა იმის შესახებ, რომ მაიკონს "რეალში" სურდა გადასვლა და რადგან ტრანსფერი არ შედგა, "ინტერში' ასპარეზობისთვის მოტივაცია არ ჰყოფნის. თავად ფეხბურთელი ამ მოსაზრებას უარყოფს და ყველაფერს ბენიტესს აბრალებს: "პიროვნულად ბენიტესის საწინააღმდეგი ნამდვილად არაფერი მაქვს, მაგრამ ფაქტია, რომ მის ხელში გუნდმა დათმო პოზიციები და ლიდერთა მარაქას ჩამოშორდა. გასაგებია, რომ ტრავმების ეპიდემიამ შეუწყო ამას ხელი, მაგრამ რაც თავი მახსოვს, ანალოგიური პრობლემების წინაშე ყოველთვის ვიდექით. არც ჟოზე მოურინიოს ჰქონდა ამ მხრივ დალხენილად საქმე, მაგრამ თამაშს თამაშზე ვიგებდით. ლეონარდომ "მილანში" საკმაოდ კარგად იმუშავა, საჭირო გამოცდილება მიიღო და ვფიქრობ, მასთან ერთად არაერთ წარმატებას მივაღწევთ. ენთუზიაზმით ვარ აღსავსე და მსურს, სეზონის მეორე ნახევარი უმაღლეს დონეზე ჩავატარო".ბენიტესის მიმართ კრიტიკა არც დეიან სტანკოვიჩმა დაიშურა, რომელიც თურმე მხოლოდ იმიტომ არ იმაღლებდა აქამდე ხმას, რომ გუნდში ატმოსფერო არ გაეფუჭებინა. სერბი განსაკუთრებულად მაშინ აღშფოთებულა, როდესაც რაფამ საკლუბო მუნდიალის ფინალურ მატჩზე სათადარიგოთა სკამზე გაამწესა. დეიანის მტკიცებით, შესანიშნავ ფორმაში იყო, ნახევარფინალი იდეალურად ჩაატარა და ყველა ლოგიკით, სასტარტო თერთმეტეულში უნდა ეასპარეზა. მოკლედ, ბენიტესს ყველამ გადაუარა, ესპანელი მწვრთნელი განტევების ვაცად აქციეს და წარსული წარუმატებლობები მთლიანად მას მიაწერეს. ლეონარდომ ახალი იმედები ჩაუსახა თითოეულ ფეხბურთელს, მათ შორის სამუელ ეტოოს, რომელიც სკუდეტოზე ოცნობებს:"ლიდერს ცამეტი ქულით ჩამოვრჩებით, თუმცა ორი თამაშით ნაკლები გვაქვს ჩატარებული და ამ სხვაობას აუცილებლად შევამცირებთ. მიუხედავად იმისა, რომ "მილანი" წინ არის გაჭრილი, სკუდეტოზე ფიქრს არ ვეშვებით. მჯერა, რომ ლეონარდოს ხელში გაცილებით უკეთ ავთამაშდებით და ამ ჩამორჩენას ბოლომდე აღმოვფხვრით. "ინტერი" დღემდე საუკეთესო გუნდია იტალიაში, უბრალოდ კრიზისია დასაძლევი და ჩვენ ამას აუცილებლად გავაკეთებთ. რაც მთავარია, ლაზარეთი დღითი დღე იცლება და ფეხბურთელები გვიბრუნდებიან. მე თვითონ საკმაოდ კარგ ფორმაში ვარ და ერთი სული მაქვს როდის განახლდება სეზონი". .

იტალიაში საუკეთესოები აღიარეს - მაკტომინეი, "ნაპოლი", კონტე

[VIDEO] ნერესს ვეღარ აჩერებენ - "ნაპოლიმ" სტუმრად "რომას" სძლია

ინსინიე სერია A-ში ბრუნდება - კონტრაქტი უკვე შეთანხმებულია

ფუტსალის ნაკრები საერთაშორისო ტურნირზე იასპარეზებს

[VIDEO] პარაგვაის ჩემპიონატის შეხვედრაში ცვლილებაზე 51 წლის კლუბის პრეზიდენტი შევიდა

[VIDEO] დიდი პატივისცემა - რა გააკეთა ფლიკმა "ატლეტიკოსთან" საფინალო სასტვენის შემდეგ

[VIDEO] ნიკოლოზ ბასილაშვილი და მისი გერმანელი მეგობარი გოგონა ქართულად ამღერდნენ

სრულ მზადყოფნაშია - 2 თვეზე მეტის გასვლის შემდეგ, პალმერს დღეს "ჩელსის" ძირითადში ელიან

"შავი ლომი" ჩელენჯ თასს "მონპელიეთი" იწყებს

[VIDEO] "ბარსელონამ" სახლში "ატლეტიკოს" მოუგო

20 წ. | დიდი სხვაობით "კუდუსთან"

"კვარაცხელიას აშკარად ორი სახე აქვს" - ფრანგმა ჟურნალისტებმა პსჟ-ს ფეხბურთელების საქმისადმი განსხვავებულ დამოკიდებულებაზე ისაუბრეს

"სსრკ-ს ნაკრები წარმოსახვაში: მამარდაშვილი, კვარაცხელია, მიქაუტაძე, მწვრთნელი კლოპი" - რუსული გამოცემა ფანტაზიაში გადავარდა

მამის ნაკვალევზე - ისაგო სილვამ "ჩელსისთან" კონტრაქტი გააფორმა

"შეცდომებს დაუშვებს - დრო მიეცით" - ზაბარნიზე კომენტარი საფრანგეთის ნაკრების ყოფილმა მცველმა გააკეთა

იტალიაში საუკეთესოები აღიარეს - მაკტომინეი, "ნაპოლი", კონტე

რაფინიას პრემიერ ლიგაში უხმობენ - "ბარსელონას" ფინანსური პრობლემების გამო შესაძლოა, ფეხბურთელის დათმობა მოუწიოს

"ბრენტფორდს" კიდევ ერთ ფორვარდს გამოსტაცებენ? - 50-მილიონიანი ტრანსფერი დაიგეგმა

"ბაიერნის" პრეზიდენტმა ჰარი კეინის მომავალზე ისაუბრა

დიდი დაბრუნება სამწვრთნელო პოსტზე "რეალში"? - ალონსოს მუშაობა შესაძლოა, ძალიან მოკლევადიანი აღმოჩნდეს

ლუის ენრიკეს ახალი გეგმა - რა განუცხადა მან პსჟ-ის ფეხბურთელებს "მონაკოსთან" მარცხის შემდეგ

ონანას არ დაუძახეს - ის აფრიკის თასზე კამერუნის ნაკრებში არ იქნება

ტერ შტეგენმა ვარჯიში დაიწყო - გერმანელი შესაძლოა, ზამთარში "ბარსელონადან" წავიდეს