<p>"უაით ჰართ ლეინზე" ერთმანეთს "ტოტენჰემი" და "არსენალი" შეხვდებიან, "გუდისონ პარკზე" - "ევერტონი" და "ლივერპული" <br> პრემიერლიგაში ტური არ გავა ისე, რომ მინიმუმ ერთი განსაკუთერებულად დამაინტრიგებელი მატჩი არ იყოს, ახლა კი ერთბაშად ორია ასეთი: ყველაფერი "უაით ჰართ ლეინზე" ყველაზე ისტორიული და "პირველი" ლონდონური დერბით დაიწყება.</p><p>შაბათსვე, დღის ბოლო და ტკბილ ლუკმად მერსისაიდული დერბი გველოდება "გუდისონ პარკზე".</p><p><p><div style="text-align: center;"><strong style="font-size: 12.1599998474121px; line-height: 1.3em;"><span style="color: #ff0000;">ლონდონური დერბი</span></strong></div></p> "ტოტენჰემი" კარგ ხასიათზეა, მშვენიერ ფორმაში მყოფი კრისტიან ერიკსენი შეუჩერებელია და გუნდის ლიდერად ქცეული ჰარი კეინიც არ აპირებს გაჩერებას. ახალი კონტრაქტით გამხნევებული კეინი, ერიკსენთან ერთად, თანაგუნდელების აყოლიებას შეეცდება და "დეზები" ყველაფერს გააკეთებენ იმისთვის, რომ "მეთოფეებმა" "იარაღი დაყარონ" და კაპიტულაცია გამოაცხადონ. მაურისიო პოჩეტინოს გუნდი თანაქალაქელს 2 ქულით ჩამორჩება.</p><p>გუნება-განწყობილება არც "არსენალს" დაეწუნება, რომელსაც ზედიზედ 5 მოგება აქვს და აქედან 4 მატჩში გოლიც კი არ გაუშვია. მართალია, "მეთოფეებს" "ტოტენჰემის" დარად სრული შემადგენლობა არ ჰყავთ განკარგულებაში, მაგრამ შედარებაც არ არის ცოტა ხსნის წინანდელ პერიოდთან, ახლა არსენ ვენგერის ლაზარეთი შეთხელებულია.</p><p>პირველი წრის მატჩი ფრედ (1:1) დასრულდა, იქამდე კი ეს გუნდები ზედიზედ 7 შეხვედრა არ დაზავებულან, აქედან 5-ჯერ გამარჯვება "არსენალს" დარჩა და მხოლოდ ორჯერ იძალა "ტოტენჰემმა", რომელსაც "მეთოფეები" 4 დუელია, აღარ დაუმარცხებია.</p><p><p><div style="text-align: center;"><strong></p><p></strong></div></p> <strong> <p><div style="text-align: center;"><strong style="font-size: 12.1599998474121px; line-height: 1.3em;"><span style="color: #ff0000;">მერსისაიდური დერბი</span></strong></div></p> </strong>"ევერტონს" 13 მატჩიდან ერთადერთში ემარჯვა და 8-თამაშიანი მოუგებელი სერიით გახლდათ, რომლის შეწყვეტაც წინა ტურში ეღირსა "კრისტალ პალასთან" რომელუ ლუკაკუს ადრეული გოლით. ასეა თუ ისე, რობერტო მარტინესის გუნდს მიმდინარე სოზონი პრემიერლიგაში ნამდვილად ჩაუვარდა და ევროპალიგაზე წარმატებით თუ მოახდენს კომპენსირებას.</p><p>"ევერტონი" ყველანაირად ეცდება გულშემატკივრებს გოლი მოფხანოს და თანაქალაქელი გაამწაროს და საქმე გაუფუჭოს "ლივერპულს".</p><p>თუმცა "ევერტონს" 9 მატჩია, თანაქალაქელები არ წაუქცევია: 4 წაგება, 5 ფრე.</p><p>ბრენდან როჯერსის გუნდს კი აშკარა პროგრესი აქვს. ძირითად დროში "ენფილდის" ბინადრებს 13 შეხვედრაა, არ წაუგიათ, "მანჩესტერთან" 0:3-ის მერე და ბოლო 19 შეხვედრაში ოდენ ერთხელ დამარცხდნენ, სწორედ "იუნაიტედთან" და პლუს ერთხელ "ჩელსისთან" დამატებით დროში.</p><p>როჯერსი ყოველდღიურად აღფრთოვანებით საუბრობს ფილიპე კოუტინიოზე და ბოლოს თქვა, მას ლუის სუარესის დონეზე შეუძლია ასვლაო. რაჰიმ სტერლინგი ისევ ფორმაშია, ცოტა მოუმატა ფაბიო ბორინიმ, მშვენიერია ლაზარ მარკოვიჩი, ძალიან კარგად ათამაშდა ცოტა ხნის წინ ტრავმამოშუშებული ემრე ჯანი, დაბრუნდა დანიელ სტარიჯი...</p><p><p><div style="text-align: center;"><strong style="font-size: 12.1599998474121px; line-height: 1.3em;"><span style="color: #ff0000;">სხვა მატჩები</span></strong></div></p> არაფერი დაეწუნება "ასტონ ვილა"-"ჩელსისა" და "ვესტ ჰემი"-"მანჩესტერის" დაპირისპირებებსაც.</p><p>ბირმინგემელები რა დღეშიც არიან, კი ხედავთ და ხუან კუადრადოთი გაძლიერებული ლიდერი "ვილა პარკზე" რომ 3 ქულისთვის ითამაშებს ამას თქმაც არ უნდა, მაგრამ ჯერ ასეც ნუ გავასწრებთ მოვლენებს და ბოლომდე ნუ გადავხაზავთ პოლ ლამბერტის გუნდს.</p><p>"ვესტ ჰემზე" ის ვთქვათ, რომ "ჩაქუჩები" ფიფამ გააფრთხილა და 71 ათასი გირვანქით დასაჯა. ეს კიდევ მსუბუქი სასჯელია.</p><p>ამ გადაწყვეტილებამ "ბრისტოლს" დაწყვიტა გული. საქმე ისაა, რომ "ვესტ ჰემი" შეიძლებოდა ასოციაციის თასიდან მოეკვეთათ ან გადათამაშება მაინც დაენიშნათ, თან დიაფრა სახოს დისკვალიფიკაცია მიეღო, რადგან გუნდმა სახო მხრის ტრავმის მიზეზით არ გაუშვა აფრიკის ერთა თასზე, სადღაც ორ-სამ კვირაში კი თასზე ათამაშა და სენეგალელმაც "ბრისტოლს" გამარჯვების გოლი გაუტანა.</p><p>მოკლედ, სანერვიულომ ჩაიარა და 25 წლის ფორვარდი ახლა "წითელი ეშმაკების" კარს შეუტევს.</p><p>სათასო ბატალია ამ ეტაპისთვის ლუი ვან გალმაც მოილია და გადათამაშებაში მოუგო "კემბრიჯს", მერე კი აღნიშნა კარგ ფორმაში შევდივართო. ამის დამტკიცება ჰოლანდიელის გუნდს "ბოლეინ გრაუნდზე" მოუწევს.</p><p>ვან გაალის თანამემამულე და მეზობელი რონალდ კუმანი თავის "წმინდანებთან" ერთად "ლოფტუს როუდზე" ჩადის და ჰარი რედნაპის გარეშე დარჩენილ ქპრ-სთან მოუწევს პაექრობა.</p><p>სანამ "ქუინზ პარკმა" მყარად გაიდგა ფესვები გასავარდნ ზონაში, ქულები უნდა მოიპოვოს და სად თუ არა საშინაო შეხვედრაში. თუმცა ფილიპ ჯურიჩიჩით მოძლიერებულ "სოტონს" სხვა გეგმები აქვს.</p><p>"სიტი" კიდევ ერთ აუტსაიდერ "ჰალს" უმასპინძლებს და წესით, ცალი ფეხით მოუგებს, სტივ ბრიუსის ბიჭებს "ვეფხვობის" არაფერი სცხიათ და აბსოლუტურად დეზორიენტირებულნი არიან.</p><p>სწორედ ნახსენებ "ჰალთან" საგარეო ჭიდილში მოიპოვა ჯონ კარვერმა "ნიუკასლის" მწვრთნელის ამპლუაში სადებიუტო გამარჯვება, მაგრამ ახლა პირველი საშინაო მოგება აქვს დაგეგმილი "სტოკის" წინააღმდეგ.</p><p>"სანდერლენდი", რომელმაც სულ ცოტათი ამოისუნთქა, თავისზე ათი ქულით წინ და ათეულში მყოფ "სუონსის" სტუმრობს.</p><p>უელსური გუნდის რიგებში ახლა ერთგვარი რეკონსტრუქცია-რეორგანიზაციაა და წინა ტურში "საუთჰემპტონთან" ტრიუმფის ერთერთ მთავარ შემოქმედსა და გმირს, "თეთრი გედების" კაპიტანს, ეშლი უილიამსს სჯერა, რომ გარი მონკი ამ პროცესს ღირსეულად გაართმევს თავს - დაახლოებით ერთი წელია, რაც მწვრთნელობა დაიწყო და ხედავთ უკვე რა კარგად მუშაობს, თითქოს ზურგს უკან მრავლწლიანი გამოცდილება ჰქონდეს, მასთან ერთად წარმატებების მიღწევა შეგვიძლიაო.</p><p>აუტსაიდერების ჯახებიც არ გვაკლია, "ტარფ მურზე" და "კინგ პოუერ სტედიუმზე" "ექვსქულიანი" მატჩებია - "ბარნლი"-"ვესტ ბრომვიჩი" და "ლესტერი-"კრისტალ პალასი".</p><p><strong><span style="color: #3366ff;">ინგლისი. პრემიერლიგა. XXIV ტური</span></strong></p><p><span style="text-decoration: underline;">შაბათი. 7 თებერვალი</span></p><p><strong>ტოტენჰემი-არსენალი 16:45</p><p></strong>დისკვალიფიკაცია: არავინ</p><p>ტრავმა: - სანჩესი, დიაბი, უელბეკი, უილშირი, არტეტა, დებიუში</p><p>ბოლო 6 მატჩი</p><p>+4 =1 -1 +5 =0 -1</p><p>ურთიერთშეხვედრები</p><p>სულ 155 თამაში: +49 =42 -64 (211-243)</p><p><strong>ასტონ ვილა-ჩელსი 19:00</p><p></strong>დისკვალიფიკაცია: - დიეგო კოშტა</p><p>ტრავმა: ჯ. კოული, ვლაარი, კოზაკი, სენდეროსი " ობი მიკელი, ფაბრეგასი, ფილიპე ლუიში</p><p>ბოლო 6 მატჩი</p><p>+0 =2 -4 +3 =2 -1</p><p>ურთიერთშეხვედრები</p><p>სულ 135 თამაში: +51 =32 -52 (201-206)</p><p><strong>ლესტერი-კრ. პალასი 19:00</p><p></strong>დისკვალიფიკაცია: არავინ</p><p>ტრავმა: ბაკაიოგო - ჯ. უილიამსი, ტომასი</p><p>ბოლო 6 მატჩი</p><p>+2 =1 -3 +2 =2 -2</p><p>ურთიერთშეხვედრები</p><p>სულ 11 თამაში: +3 =4 -4 (10-11)</p><p><strong>სიტი-ჰალი 19:00</p><p></strong>დისკვალიფიკაცია: არავინ</p><p>ტრავმა: მანგალა, ნასრი - ჩესტერი, როსენიორი, სნოდგრასი</p><p>ბოლო 6 მატჩი</p><p>+2 =3 -1 +2 =0 -4</p><p>ურთიერთშეხვედრები</p><p>სულ 7 თამაში: +4 =2 -1 (17-8)</p><p><strong>ქპრ-საუთჰემპტონი 19:00</p><p></strong>დისკვალიფიკაცია: - ბერტრანი</p><p>ტრავმა: ფორლინი, ტაარაბტი - შნედერლენი, მაიუკა, ჯეი როდრიგესი, გალაჰერი, ლონგი, ვანიამა</p><p>ბოლო 6 მატჩი</p><p>+0 =2 -4 +4 =1 -1</p><p>ურთიერთშეხვედრები</p><p>სულ 35 თამაში: +13 =8 -14 (50-54)</p><p><strong>სუონსი-სანდერლენდი 19:00</p><p></strong>დისკვალიფიკაცია: სიგურდსონი -</p><p>ტრავმა: რუტლეჯი - კატერმოლი, უიქჰემი, როდუელი</p><p>ბოლო 6 მატჩი</p><p>+2 =2 -2 +1 =1 -4</p><p>ურთიერთშეხვედრები</p><p>სულ 11 თამაში: +5 =5 -1 (16-6)</p><p><strong>ევერტონი-ლივერპული 21:30</p><p></strong>დისკვალიფიკაცია: არავინ</p><p>ტრავმა: პიენაარი, ოსმანი - ჯოუნსი, ფლენეგანი</p><p>ბოლო 6 მატჩი</p><p>+1 =2 -3 +5 =1 -0</p><p>ურთიერთშეხვედრები</p><p>სულ 191 თამაში: +57 =61 -73 (224-264)</p><p><span style="text-decoration: underline;">კვირა. 8 თებერვალი</p><p></span><strong>ბარნლი-ვესტ ბრომვიჩი 16:00</p><p></strong>დისკვალიფიკაცია: არავინ</p><p>ტრავმა: უარდი, ლონგი - მულუმბუ, მაიჰილი</p><p>ბოლო 6 მატჩი</p><p>+1 =2 -3 +1 =2 -3</p><p>ურთიერთშეხვედრები</p><p>სულ 87 თამაში: +36 =17 -34 (144-143)</p><p><strong>ნიუკასლი-სტოკი 18:05</p><p></strong>დისკვალიფიკაცია: არავინ</p><p>ტრავმა: დამეტი, აარონსი, ელიოტი, ს. ტეილორი - პიტერსი, ოდემვინგი, დიონატანი, ბოიანი</p><p>ბოლო 6 მატჩი</p><p>+2 =1 -3 +4 =1 -1</p><p>ურთიერთშეხვედრები</p><p>სულ 69 თამაში: +31 =16 -22 (113-83)</p><p><strong>ვესტ ჰემი-მანჩესტერი 20:15</p><p></strong>დისკვალიფიკაცია: არავინ</p><p>ტრავმა: ჯენკინსონი, ტომკინსი, სახო - კერიკი</p><p>ბოლო 6 მატჩი</p><p>+1 =2 -3 +3 =2 -1</p><p>ურთიერთშეხვედრები</p><p>სულ 105 თამაში: +30 =23 -52 (135-204)</p><p><span style="color: #3366ff;"><strong>ბომბარდირები:</strong></span></p><p>17 - დიეგო კოშტა (ჩელსი); 14 - სერხიო აგუერო (სიტი); 13 - ჩარლი ოსტინი (ქპრ); 12 - ალექსის სანჩესი (არსენალი); 10 - ჰარი კეინი (ტოტენჰემი)</p><p><strong>ყოველდღიური სპორტული გაზეთი "ლელო"</strong></p>
ფაბიო ბორინი ინგლისის მე-4 ლიგის კლუბში ჩაირიცხა
რობერტო მანჩინი შესაძლოა, სამუშაოდ პრემიერ ლიგაში დაბრუნდეს
"ნოტინგემში" სექტემბერში დანიშნული პოსტეკოღლუ შესაძლოა, დაითხოვონ
ფუტსალი | საქართველო 2:2 ყირგიზეთი
პსჟ პაჩოს კონტრაქტს გაუგრძელებს
შენგელიას 18 ქულა და გამარჯვება, ბურჯანაძის 7 ქულა და ბრძოლაში მარცხი
ქალთა ნაკრები ორ ამხანაგურ მატჩს გამართავს
"ინტერის" სპორტულმა დირექტორმა ნეიმარის შესაძლო ტრანსფერზე ისაუბრა
ბენზემა ევროპაში დაბრუნდება? - ფრანგი ფორვარდის დამატება თურქულ გრანდს უნდა
აბუაშვილის და წიტაიშვილის "მეცმა" მორიგი მარცხი განიცადა
[VIDEO] გამორჩეული დაპირისპირება მოულოდნელი გმირით - მამარდაშვილის "ლივერპული" სახლში "მანჩესტერ იუნაიტედთან" დამარცხდა
"მანჩესტერ იუნაიტედთან" მატჩში "ლივერპულის" შემადგენლობა ცნობილია
[VIDEO] კიტეიშვილის გამარჯვების გოლი და საგოლე გადაცემა - "შტურმმა" 4:3 მოიგო
ლოჩოშვილის მორიგი კარგი მატჩი - "ნიურნბერგმა" გამარჯვება ხელიდან გაუშვა
"შოთა არველაძის სამშობლოში ვართ და სამწუხაროა, რომ ის ვერ ითამაშებს" - ფრანკ დე ბური ლეგენდების მატჩის წინ
"ესპანური სწრაფად ვისწავლე, რადგან ეს პატივისცემის ნიშანია" - კილიან მბაპე მადრიდულ ცხოვრებაზე
"წლის საუკეთესო მებრძოლად მერაბ დვალიშვილი უნდა დასახელდეს" - უმარ ნურმაგომედოვი
"როცა გულის შეტევით საავადმყოფოში ვიწექი, მესის ქმედებით გაოგნებული დავრჩი" - კასილასმა აქამდე უცნობი ისტორია გაიხსენა
"საფონოვი მოთმინებას კარგავს" - რას წერს ფრანგული გამოცემა რუს მეკარეზე?
[VIDEO] შერმადინის და უერტასის დუეტი კვლავ ბრწყინავს - "ტენერიფემ" "მურსია" დაამარცხა
[VIDEO] აქ სიტყვები ზედმეტია - მესის ჰეთ-თრიქი და საგოლე პასი "ნეშვილთან"
[VIDEO] 40 წლის კრიშტიანო რონალდოს ფანტასტიკური გოლი საუდის არაბეთში
გვარდიოლამ გაამხილა, როდის იფიქრებს მწვრთნელის კარიერის დასრულებაზე
"ყველა მწვრთნელს ვახშამზე დავპატიჟებ" - გვარდიოლას პრემიერ ლიგაში 250 გამარჯვება დაუგროვდა
პრიზი პსჟ-ს ფეხბურთელსაც ერგო - მსოფლიო საკლუბო ჩემპიონატზე საუკეთესოები დაასახელეს
"ფინალები მიყვარს და ეს კვლავ დამტკიცდა" - პალმერი მატჩის შემდეგ
"ტოტენჰემმა" პოსტეკოგლუ დაითხოვა და მის შემცვლელთან მოლაპარაკებებს უკვე აწარმოებს
თავისი მაინც გაიტანა - დიოკერეში უახლოეს საათებში "არსენალის" ფეხბურთელი გახდება
როგორ მიიღება კვარაცხელიას საუკეთესო ვერსია - პსჟს წაგების მიზეზები
"არსენალმა" "ტოტენჰემს" მთავარი სატრანსფერო სამიზნე წაართვა - ეზეს მომავალი გაირკვა
"ბარსადან" უთქმელი სიტყვებით გამომაგდეს - ბრაზილიელი მცველი
ქოჩორაშვილი არ ათამაშეს - "სპორტინგი" "ნაპოლისთან" დამარცხდა
"მეორე ადგილისთვის პრიზს არ აძლევენ" - გალასმა "არსენალი" გააკრიტიკა
"ეს ერთადერთი რამაა, რისიც მეშინია" - ერლინ ჰოლანის გულახდილი ინტერვიუ
"არსენალი" "ჩელსის" შემტევს 52 მილიონ ევროდ შეიძენს
"მინდა გვარდიოლამ ესპანეთის ნაკრები ჩაიბაროს" - დავიდ სილვა
დღეს პსჟსა და კვარაცხელიას მორიგი დიდი ფინალი აქვს
გუნდში დარჩა კეინი და დაიმატეს უძლიერესი მცველი - თუ კვარაცხელია "ტოტენჰემში" გადავა, სუპერშემადგენლობა დახვდება
გვარდიოლამ გაამხილა, როდის იფიქრებს მწვრთნელის კარიერის დასრულებაზე
"მანჩესტერ სიტი" პრემიერლიგას ვერ მოიგებს" - მაიკლ ოუენი
"აქ ნებისმიერ მწვრთნელს კრიზისამდე ერთი მატჩი აშორებს" - ბრუნო ფერნანდეშმა რუბენ ამორიმი დაიცვა
"პორტოს" "არსენალის" მცველების დამატება სურს - რას ითხოვენ "მეთოფეები"?
"ჩელსი" ნიკოლას ჯექსონში 100 მილიონ ევროს ითხოვს
კონტე ლონდონში საკუთარი სიით მიდის
"არსენალს" პრემიერლიგაში საუკეთესო შემადგენლობა ჰყავს, მაგრამ მნიშვნელოვან დროს, არტეტა უკან იხევს" - კარაგერმა "მეთოფეების" მთავარი მწვრთნელი გააკრიტიკა
რატომ გააქტიურდა "ტოტენჰემი" ხვიჩას ტრანსფერზე - მიზეზი ერთი ადამიანია...
"მანჩესტერ იუნაიტედთან" მატჩში "ლივერპულის" შემადგენლობა ცნობილია
[VIDEO] გამორჩეული დაპირისპირება მოულოდნელი გმირით - მამარდაშვილის "ლივერპული" სახლში "მანჩესტერ იუნაიტედთან" დამარცხდა
როგორი შეფასებები მიიღო მამარდაშვილმა "მანჩესტერ იუნაიტედთან" მატჩში?
კვარაცხელია კვლავ გასატანად, მიქაუტაძე დონარუმას წინააღმდეგ - ყველაფერი ლიგაზე
რატომ ჩაითვალა მამარდაშვილის კარში პირველი გოლი - VAR-ის გადაწყვეტილების მიზეზი სადავო ეპიზოდზე
[VIDEO] "რა დაემართა ჩვენს გუნდს?! ეს სასაცილო აღარაა!" - "მანჩესტერ იუნაიტედთან" მარცხის შემდეგ გაბრაზებულმა ალექსანდერ-არნოლდის ძმამ მიმართვა გაავრცელა
ესპანელთა მორიგი დიდი დანაკლისი - იამალთან ერთად საქართველოსთან "ფურია როხას" კიდევ ერთი ლიდერი ვერ დაეხმარება