<p>გიორგი საკანდელიძე და მისი "ნენდინგენი" გერმანიის ჩემპიონები ჭიდაობაში ზედიზედ მეორედ გახდნენ <br> გიორგი საკანდელიძე და მისი "ნენდინგენი" გერმანიის ჩემპიონები ჭიდაობაში ზედიზედ მეორედ გახდნენ.</p><p>ოღონდ ჩვენებური ამ კლუბში წლეულს პირველ სეზონს ატარებდა და პირველად იზეიმა ეს გამარჯვება.</p><p>"ნენდინგენმა" განმეორებით შეხვედრაში, ერთი შეხედვით, შეუძლებელი შეძლო და შინ ფრედ დასრულებული პირველი რაუნდის შემდეგ (12:12) "გერმანია-ვაინგარტენს" სტუმრად 11:7 მოუგო და საჩემპიონო თასი ისევ ბადენ-ვიუტენბერგის მიწაზე დატოვა. აღსანიშნავია, რომ "ნენდინგენმა" ფინალში შარშანაც "ვაინგარტენი" დაამარცხა.</p><p>ჩვენთვის განსაკუთრებით სასიხარულოა, რომ ბადენ-ვიუტენბერგელთა ამ გამარჯვებაში წვლილი საკანდელიძემაც შეიტანა, ვინც თავისი წილი პაექრობა მოიგო.</p><p>"ნენდინგენმა" თავიდანვე მოიპოვა უპირატესობა, როცა საწყისი ორი შეხვედრა მოიგო ყველაზე მძიმე და ყველაზე მჩატე წონებში.</p><p>ჩვენ უკვე გითხარით, რომ ბუნდესლიგაში ყველაფერი განსხვავებულია - ქულათა დარიცხვის სისტემაც, შეჯიბრების ფორმატი და სხვა... აქ ისე ხდება, რომ 8-დან ოთხ წონაში თავისუფალი და ბერძნულ-რომაული სტილით მოჭიდავეები ენაცვლებიან ერთმანეთს, ოთხში კი ორივენი ერთდროულად ჭიდაობენ.</p><p>სწორედ ამ გაორებული ოთხი წონის გამო ბუნდესლიგაში 10 წონითი კატეგორია გამოდის, გამარჯვებული კი ვლინდება არა მოგებული ორთაბრძოლების, არამედ დაგროვილი ქულების მიხედვით, ოღონდ აქაც მხოლოდ ტექნიკური მაჩვენებლები დაითვლება.</p><p>მაგალითად, შეიძლება, კაცმა ქულებით 2:0 მოიგოს, მაგრამ ტექნიკურ შედეგში 1:0 ეწერება. 5-ქულიანი სხვაობით მოგება 2 ტექნიკურ ქულად ფასდება, დიდი ანგარიშით გამარჯვება - 3-ით და სწორედ ეს მონაცემები ჯამდება საბოლოო შედეგის დათვლისას. ამ განმეორებით ფინალშიც მეტოქეებმა 5-5 შეხვედრა მოიგეს, თუმცა ტექნიკური ქულებით "ნენდინგენმა" საკმაო უპირატესობა მიიღო.</p><p>კიდევ ერთი უცნაურობა ისაა, რომ წონების ასპარეზობის თანმიმდევრობა არეულია. მაგალითად, თავიდან ჭიდაობს ყველაზე მჩატე - 57 კილოგრამი, რასაც მოსდევს არა 61, არამედ ყველაზე მძიმე, 130 კილოგრამი.</p><p>"ნენდინგენმა" განმეორებით ფინალში თავიდანვე მოიპოვა უპირატესობა - ვიქტორ ციბანუმ დონიორ ისლამოვი დაამარცხა, საკანდელიძემ კი, ვისაც წინა შეხვედრაში არ უწევდა მონაწილეობა, გერმანული ვენახი წარმატებით გაკაფა - უილიამ ჰარტი 9:0 გააცამტვერა, რისთვისაც 3 ტექნიკური ქულა მიიღო. "ვაინგარტნერმა", ძირითადად, საშუალო წონებში იმარჯვა - ვასილ შუპტარმა გენადი ტულბეა დაამარცხა (3:2), იონუტ პანაიტმა - ბენჯამინ რაისერი (5:0), ანატოლი გუიდეამ - ალექსანდრ სემისოროვი (9:3), ადამ იურეცკომ - ფრენკ სტაბლერი (1:0), გეორგ ჰარტმა - სამეტ დულგერი (3:1). ოღონდ ყველამ მინიმალური ან მოკრძალებული ანგარიშით იმარჯვა და 1-2 ტექნიკური ქულა მიიღო.</p><p>"ნენდინგენმა" უფრო მძიმე წონებში იყოჩაღა. ხორვატთა მსოფლიოს პრიზიორმა" ნენად ზუგაიმ რევანში აუღო რამზინ აზიზსირს წინა ტურში მარცხისთვის, თუმცა ამჯერადაც ძალიან გაუჭირდა - მხოლოდ 1:0 სძლია.</p><p>სამაგიეროდ, პიოტრ იანულოვმა და პეტერ იოლერმა გაილაღეს - მათ ერთნაირი ანგარიშით, 8:0 დაამარცხეს, შესაბამისად, აჰმედ დუდაროვი და შვედთა ოლიმპიური პრიზიორი, მსოფლიოსა და ევროპის ფინალისტი ჯიმი ლიდბერგი, რისთვისაც 3 ტექნიკური ქულა მიიღეს, როგორც - საკანდელიძემ.</p><p>როგორც ვხედავთ, ყველაზე მაღალი ქულა ამ სამეულმა მიიღო, მაგრამ ჩვენებურმა მათ დაგროვილი საჭიდაო ქულებით აჯობა, ანუ გუნდში საუკეთესო შედეგი ჰქონდა - როგორც თავში გითხარით, 9:0 იმარჯვა. მთლიანობაში, საკანდელიძეს ამ გერმანული სოფლის კლუბში ჩინებული სეზონი ჰქონდა და შეხვედრათა დიდი უმეტესობა მოიგო.</p><p><strong>ყოველდღიური სპორტული გაზეთი "ლელო"</strong></p>
gio
ჩვენთანაც რომ იყოს მსგავსი საკლუბო ტურნირი მაგრათ გაასწორებდა. მაგრამ ამ გერმანელებს ყველაფერი გართულებული აქვთ და უფრო მარტივათ უნდა დაინერგოს საკლუბო ჭიდაობა საქართველოში.
საქართველოს თავისუფალი სტილით მოჭიდავე 20-წლამდელთა ნაკრები ევროპის ჩემპიონია!
პეტრიაშვილმა და ჭეჭელაშვილმა ევროპის ჩემპიონატზე ოქროს მედლები მოიპოვეს!
ევროპის ჩემპიონატზე ბოლქვაძემ და ხეცურიანმა ბრინჯაოს მედლები მოიპოვეს
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
პირველი ტაიმის შემდეგ პსჟ "ოსერს" 1:0 ამარცხებს
"ოსერთან" მატჩში პსჟ-ს სასტარტო შემადგენლობა ცნობილია
"იუნაიტედი" "ბრენტფორდთან" დამარცხდა - გაუშვებენ ამორიმს?
FIFA-მ მალაიზიის ფეხბურთის ფედერაცია და 7 ფეხბურთელი მკაცრად დასაჯა
დუდუ დადიანის მემორიალის 24-ე გათამაშება ოლიმპიურ სასახლეში დაიწყო
"ერთად დასაწყისიდან დასასრულამდე" - მესი ბუსკეტსის გადაწყვეტილებას ემოციური წერილით გამოეხმაურა
"პირველი იყო, ვინც "ოქროს ბურთის" მოგება მომილოცა" - უსმან დემბელემ ლიონელ მესიზე ისაუბრა
[VIDEO] რონალდოს 946-ე გოლი - "ალ ნასრმა" ბენზემას "ალ იტიჰადი" დაამარცხა
"მოურინიო გეი და ჰომოსექსუალია" - სკანდირებდნენ "პორტუს" გულშემატკივრები
Le Parisien: ფლანგებზე კვარაცხელია და ბარკოლა - დღეს "ბარსელონასთან" მატჩის გენერალური რეპეტიციაა
"უდინეზეს" მწვრთნელი: გოგლიჩიძე შანსის გამოსაყენებლად მზად უნდა იყოს
"ბარსელონას" კიდევ ორი ფეხბურთელი პსჟ-სთან ვერ ითამაშებს
ისრაელის გამო "საფეხბურთო ცივი ომი" დაიწყო - საქმეში აშშ-ის სახელმწიფო დეპარტამენტი ჩაერია
"ამ ქალაქებს რადიკალური უგუნური მემარცხენეები მართავენ" - ტრამპი მუნდიალის მატჩების სხვა ქალაქებში გადატანაზე
"იამალს გოგონების კალენდარი აქვს, თუ რომელ დღეს რომელ გოგოსთან გაატარებს" - ლამინის ყოფილი ქალბატონი ალაპარაკდა
პსჟ-ს ტრავმის გამო კიდევ ერთი ფეხბურთელი გამოაკლდა
პრობლემების მქონე პსჟ-ისა და კარგ ფორმაში მყოფი "ვილიარეალის" მატჩის დღე
"ლივერპულმა" შესაძლოა, "ბაიერნის" მცველი უფასოდ დაიმატოს
ფლიკი თანახმაა - "ბარსელონა" ლევანდოვსკის შემცვლელად გირასის დამატებას განიხილავს
გიორგი საკანდელიძემ და ელიზბარ ოდიკაძემ ინდოეთის საკლუბო ლიგა მოიგეს
"ევროპის ერთა თასი 2015": ქართველი მოჭიდავეების ბრინჯაო მოსკოვიდან
ინდოეთის პროფესიულ საკლუბო ლიგაში ქართველები კვლავაც იჭიდავებენ
ქართველმა "თავისუფლებმა" კუნაევის ხსოვნის ტურნირში 2-2 ოქრო-ვერცხლი მოიპოვეს
ვლადიმერ ხინჩეგაშვილის ნამდვილი საჭიდაო შოუ ინდოეთის ლიგაში [VIDEO]
თავისუფალი ჭიდაობა: ვლადიმერ ხინჩეგაშვილის სომხური ტრიუმფი