<p>არის მეათასე გამარჯვება კარიერაში! <br> "სან ანტონიო სპურსის" მთავარმა მწვრთნელმა გრეგ პოპოვიჩმა მეორე ცდიდან შეძლო კარიერაში მე-1000 გამარჯვების მოპოვება. აღმოსავლეთში ტურნეში მყოფმა ჩემპიონმა ორი დღის წინ ვერ მოუგო "ტორონტოს", სამაგიეროდ, გუშინ დაამარცხა "ინდიანა" და იუბილეც შედგა.</p><p>პოპოვიჩს 19 წელი დასჭირდა ამ ზღვრის მისაღწევად. უფრო სწრაფად 1000 მოგებას ფილ ჯექსონმა და პეტ რაილიმ მიაღწიეს. გარდა ამისა, პოპოვიჩი მეორე მწვრთნელია ისტორიაში, ვინც ათასივე მოგებას ერთ გუნდთან მიაღწია. მანამდე ეს ჯერი სლოუნმა შეძლო "იუტა ჯაზთან" ერთად.</p><p>მაგრამ გუშინ იუბილე შეიძლებოდა არც შემდგარიყო. თანაბარი პირველი ტაიმის შემდეგ "ინდიანამ" 16 ქულით მოიგო მესამე მეოთხედი და ბოლო 12-წუთეულის წინ 14 ქულით იყო წინ. "სპურსმა" ოდნავ შეამცირა სხვაობა, მაგრამ სირენამდე ხუთწუთნახევრით ადრე "პეისერსის" უპირატესობა მაინც სოლიდური იყო - 91:82.</p><p>და ამის შემდეგ მასპინძლებმა თამაშიდან მხოლოდ ერთი ბურთი ჩააგდეს, "სპურსი" კი 9:0 გაიქცა და ანგარიში გაათანაბრა - 91:91. სათამაშო რჩებოდა კიდევ ორი წუთი. ამ დროში გუნდებმა თითო შეტევა გაცვალეს და თითქოს ყველაფერი ოვერტაიმისკენ მიდიოდა, მაგრამ სირენამდე 2.1 წამით ადრე მარკო ბელინელიმ ჩააგდო და საკუთარი მწვრთნელის იუბილეც სწორედ მან უზრუნველყო.</p><p>"არ ვარ მიჩვეული ხმაურიან ზეიმებს. მით უმეტეს, რომ ამ მიღწევაში განსაკუთრებულს ვერაფერს ვხედავ: დიდი ხანია ლიგაში ვარ და ყოველთვის კარგი მოთამაშეები იყვნენ ჩემს განკარგულებაში", - არაფრად ჩააგდო საკუთარი მიღწევა პოპოვიჩმა.</p><p>* * *</p><p>გუშინდელი დღის ცენტრალურ შეხვედრაში "დალასი" "კლიპერსს" მასპინძლობდა. მატჩის წინ გამოცხადდა, რომ კალიფორნიული კლუბის ტრავმირებულ ფორვარდს, ბლეიკ გრიფინს ორი კვირის გამოტოვება მოუწევს. წინა შეხვედრებში გამოჩნდა, რომ ვარსკვლავური ფორვარდის გარეშე "კლიპერსს" უჭირს, თუმცა გუშინ მისი არყოფნის კომპენსაცია კრის პოლმა მოახდინა.</p><p>მაგრამ შემადგენლობის მხრივ, მდგომარეობა მალე გათანაბრდა, რადგან მეოთხე წუთისთვის მოულოდნელი დაზიანებების გამო გასახდელში გაემართნენ ტაისონ ჩენდლერი და მონტა ელისი. "დალასი" ამ კალათბურთელების გარეშე თავდაპირველად თანაბრად ეთამაშებოდა მეტოქეს. არადა, "მავერიქსს" რაჟონ რონდოც აკლდა.</p><p>მაგრამ მასპინძელმა ბოლომდე ვერ გაძლო. მეორე მეოთხედში "კლიპერსმა" მოიპოვა სათამაშო უპირატესობა, რასაც ფარქვეშ დეანდრე ჯორდანის (გუნდური 53 მოხსნიდან 27 მას ეკუთვნოდა) ბატონობა და კრის პოლის კომბინაციები (11 შედეგიანი პასი) უწყობდა ხელს. ლოსანჯელესელები 20 ქულით დაწინაურდნენ და "დალასს" გმირული სპურტი დასჭირდა იმისთვის, რათა სხვაობა ხუთ ქულამდე შემცირებულიყო, მაგრამ ამის შემდეგ ჯორდანმა შეტევაში ზედიზედ დაიწყო ბურთის მოხსნა და ისევ მოუტანა თავის გუნდს ორნიშნა უპირატესობა.</p><p>კალიფორნიელებმა შეწყვიტეს ოთხმატჩიანი წაგებათა სერია - ყველაზე გრძელი ბოლო ორწელიწადნახევარში.</p><p><strong><em>ინდიანა-სან ანტონიო 93:95</p><p></em></strong>28:30, 17:17, 34:18, 14:30</p><p>ი: სტაკი (18), მაილზი (13), სკოლა (11), უესტი (10+18 მოხსნა+7 პასი), ჰიბერტი (10+8 მოხსნა), ჰილი (10).</p><p>ს-ა: პაკერი (19+6 პასი), დანკანი (15+8 მოხსნა+5 დაფარება), ბელინელი (12), ლეონარდი (10+6 მოხსნა), გრინი (8+12 მოხსნა+3 ჩაჭრა).</p><p><strong><em>ფილადელფია-გ. სტეიტი 84:89</p><p></em></strong>24:20, 20:26, 17:21, 23:22</p><p>ფ: კოვინგტონი (21+8 მოხსნა+3 ჩაჭრა), მბა ა მუტე (13+9 მოხსნა), ნოელი (11+7 მოხსნა), ფრეიზერი (10+7 პასი+6 მოხსნა), სემპსონი (10+6 მოხსნა).</p><p>გ-ს: კარი (20+6 პასი+3 ჩაჭრა), ბარბოზა (16+6 მოხსნა), იგუოდალა (13+4 ჩაჭრა), ტომპსონი (13), სპეიტსი (10).</p><p><strong><em>ვაშინგტონი-ორლანდო 96:80</p><p></em></strong>24:16, 19:19, 31:19, 22:26</p><p>ვ: ბატლერი (15), გორტატი (14+14 მოხსნა), ნენე (14), გუდენი (10), უოლი (9+10 მოხსნა+10 პასი).</p><p>ო: ფურნიე (18), ვუჩევიჩი (14+8 მოხსნა), ოლადიპო (13+5 პასი), პეიტონი (11+5 პასი+6 ჩაჭრა).</p><p><strong><em>მაიამი-ნიუ იორკი 109:95</p><p></em></strong>23:32, 29:24, 25:18, 32:21</p><p>მ: ბოში (32+6 პასი), ჩელმერსი (18+6 პასი+3 ჩაჭრა), დენგი (12+7 მოხსნა), კოული (12+8 პასი), ანდერსენი (10+3 დაფარება).</p><p>ნ-ი: ენტონი (26), სტაუდმაიერი (14+7 მოხსნა), ჰელოუეი (10+9 მოხსნა).</p><p><strong><em>მინესოტა-ატლანტა 105:117</p><p></em></strong>30:32, 23:25, 19:29, 33:31</p><p>მ: მარტინი (21), მუჰამადი (18+8 მოხსნა), უიგინსი (15+6 მოხსნა), პეკოვიჩი (14+8 მოხსნა), იანგი (11+7 მოხსნა+5 პასი+3 ჩაჭრა), დიენგი (6+12 მოხსნა+5 დაფარება).</p><p>ა: ჰორფორდი (28+8 მოხსნა), კეროლი (26+3 ჩაჭრა), მილსეპი (19+9 მოხსნა+7 პასი), ტიგი (12+7 პასი+3 ჩაჭრა), კორვერი (12).</p><p><strong><em>ნიუ ორლეანი-იუტა 96:100</p><p></em></strong>25:27, 27:15, 15:29, 29:29</p><p>ნ-ო: გორდონი (31), ევანსი (18+10 პასი+7 მოხსნა), ბებიტი (15+6 მოხსნა).</p><p>ი: ჰეივორდი (32+8 პასი+7 მოხსნა), ფეივორსი (18+7 მოხსნა), კანტერი (14+11 მოხსნა), ნოვაკი (12).</p><p><strong><em>დალასი-კლიპერსი 98:115</p><p></em></strong>31:32, 22:34, 27:28, 18:21</p><p>დ: ვილანუევა (26), ნოვიცკი (18+7 მოხსნა), პარსონსი (16+12 მოხსნა), ბარეა (15+7 პასი).</p><p>კ: პოლი (25+13 პასი+6 მოხსნა), ჯორდანი (22+27 მოხსნა+3 დაფარება), კროუფორდი (22), რედიკი (15), ბარნსი (12+7 მოხსნა).</p><p><strong><em>დენვერი-ოკლაჰომა 114:124</p><p></em></strong>18:38, 41:35, 33:33, 22:18</p><p>დ: ჩენდლერი (23), ფარიდი (22+10 მოხსნა), ლოუსონი (22+9 პასი), ნურკიჩი (16+14 მოხსნა).</p><p>ო: დურანტი (40), უესტბრუკი (26+9 პასი), მაკგერი (17+10 მოხსნა), რობერსონი (12).</p><p><strong>ყოველდღიური სპორტული გაზეთი "ლელო"</strong></p>
იქ, სადაც განსაკუთრებულად უყვართ - დემიენ ლილარდი "პორტლენდში" დაბრუნდა
იოკიჩმა "დენვერს" შეატყობინა, რომ კონტრაქტს არ გაახანგრძლივებს
"NBA-ის ისტორიაში საუკეთესო მექულე ვარ" - პოლ პირსი
პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა
პირველი ტაიმის შემდეგ საქართველოს ნაკრები ბულგარეთს 2:0 ამარცხებს
მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო
კაპიტანი კვარაცხელია - ბულგარეთთან მატჩში საქართველოს ნაკრების შემადგენლობა ცნობილია
ოფიციალურად: "კოლოსმა" ზურაბ რუხაძე წარადგინა
ტიაგო მოტამ შესაძლოა, ბუნდესლიგის ბინადარი გუნდი ჩაიბაროს
როდრიმ მისი აზრით "ოქროს ბურთის" ორი ფავორიტი დაასახელა
"სექსის დროს არ მინახავს, არ იცოდა, რომ კამერებზე წვდომა მქონდა..." - როგორ გაიგო ღალატის შესახებ არგენტინელი ვარსკვლავის მეგობარმა გოგონამ
ფრენკ ლამპარდი შესაძლოა, სამუშაოდ პრემიერ ლიგაში დაბრუნდეს
ქოჩორაშვილი: აქამდე სწორედ იმიტომ მოვედით, რომ არასდროს ვნებდებით
ევრობასკეტის მთავარი სენსაცია - სერბეთის ნაკრები ფინეთთან დამარცხდა და ტურნირს გამოეთიშა
"შავი ლომი" "ძებრესთან" დამარცხდა
ლუქსემბურგის ახალგაზრდული ნაკრების ავტობუსი გზაში გადატრიალდა
გატუზო თავის სტიქიაშია - ზოგს წაუთაქა, ზოგს სილა გააწნა
დუე და დემბელე ლაზარეთში, ლუის ენრიკე საოპერაციო მაგიდაზე - რა ხდება პსჟ-ში?
ბულგარელთა მწვრთნელი: შეგვიძლია ის დანაკლისი აღმოვფხვრათ, რაც ჩვენი და საქართველოა ნაკრების ფეხბურთელების ხარისხს შორისაა
დავითაშვილი: ასეთები ხდება, მთავარია, ახლა არ გავიმეოროთ
სანიოლი: ისე ხდება, როგორც სკოლაში - გვირჩევნია ახალ ტაქტიკაზე ახლავე გადავეწყოთ
ანრის გაუთანაბრდა - მბაპე საფრანგეთის ნაკრებში ყველა დროის რეკორდისკენ მიდის
მატჩის დღე - ქართველებსა და ბულგარელებს ცუდად დაწყებულის გამოსწორება სურთ!
"სანდრო ჩემი საყვარელი მოთამაშეა" - გრეგ პოპოვიჩი
29-წლიანი ისტორია დასრულდა - პოპოვიჩი "სან ანტონიოს" აღარ გაწვრთნის
"აი, ასეთი ბიჭია სანდრო" - პოპოვიჩმა მამუკელაშვილზე ისაუბრა
გრეგ პოპოვიჩის ორმაგი სტანდარტი?
5 წელიწადში 80 მილიონი - მამუკელაშვილს კვლავ პოპოვიჩი გაწვრთნის
"მამუს" "სან ანტონიო" მწვრთნელის გარეშეა - გრეგ პოპოვიჩი გუნდს გაურკვეველი ვადით გამოაკლდა