<p>გავრცელდა ინფორმაცია, თითქოს თბილისის "დინამოს" "დნიპროს" ქართველი ნახევარმცველის, სანდრო კობახიძის შეძენა სურს <br> გავრცელდა ინფორმაცია, თითქოს თბილისის "დინამო" დნეპროპეტროვსკის "დნიპროს" ქართველი ნახევარმცველის, სანდრო კობახიძის შეძენით დაინტერესდა.</p><p>თბილისელთა ახალ ხელმძღვანელებს კობახიძისადმი ინტერესი მართლაც ჰქონდათ, მაგრამ სანდროს "დნიპროსთან" აქვს ურთიერთობა გასარკვევი და საეჭვოა, უკრაინელებმა საქართველოში გამოუშვან. ამაზე სანდროს კომენტარიც მეტყველებს.</p><p><strong>- მართალია, რომ თბილისის </strong>"<strong>დინამოში" ბრუნდები?</p><p></strong>- დღემდე "დნიპროს" საკუთრება ვარ და კლუბი არ მიშვებს. ამდენად, "დინამო" იქნება დაინტერესებული თუ სხვა რომელიმე კლუბი, მოლაპარაკებას აზრი არ აქვს.</p><p><strong>- შეკრებას დნეპროპეტროვსკელებთან ერთად გაივლი?</p><p></strong>- "დნიპროს"? არა მგონია. უფრო სავარუდოა, სხვა უკრაინულ კლუბში გამანათხოვრონ და იქ მოვემზადო.</p><p><strong>- ისევ </strong>"<strong>კრივბასში"?</p><p></strong>- ალბათ, არა. ჯერ არც უთქვამთ, სად გამიშვებენ. "დნიპროს" პრეზიდენტმა მითხრა, ჩამოდი, დავილაპარაკოთო და ველოდები, რას შემომთავაზებს.</p><p><strong>- </strong>"<strong>კრივბასში" თამაშს რატომ გამორიცხავ?</p><p></strong>- იმიტომ რომ მთავარ მწვრთნელ იური მაქსიმოვთან ურთიერთობა ამერია და დაბრუნება არ უნდა. ეს "დნეპრის" პრეზიდენტმაც იცის. კაცს ქართველების გაგონება არ სურს და სკამზე დასაჯდომად ხომ არ მივაკითხავ?</p><p><strong>- და თუ უკრაინაში კლუბის მოძებნა გაგიჭირდა, საქართველოში დაბრუნებაზე უარს იტყვი?</p><p></strong>- მე არც ვამბობ, რომ საქართველოში არ ვითამაშებ. თუ დნეპროპეტროვსკელები იჯარით გამომიშვებენ, ჩვენს რომელიმე ლიდერ კლუბში სიამოვნებით დავბრუნდები, ოღონდ ვითამაშო და ფორმა აღვიდგინო. მაგრამ ჯერ კონკრეტული შეთავაზება საქართველოშიც არ მაქვს, რადგან იციან, რომ საკითხი უკრაინელებთან არის შესათანხმებელი.</p><p>"დინამოში" დნეპროპეტროვსკელთა კლუბის ქართველთაგან მხოლოდ კობახიძე არ აინტერესებდათ - სანდო ამბავია, რომ 31 დეკემბერს დიღმის ბაზაზე მოსალაპარაკებლად ეროვნული, ახალგაზრდული ნაკრებებისა და "დნიპროს" თავდამსხმელი ბექა გოცირიძეც მიიწვიეს, მაგრამ მერე ბაზაზე აღარ უნახავთ. კობახიძის მსგავსად, ბექაც ბოლო დროს "კრივბასში" იჯარით თამაშობდა.</p><p>როგორც ჩანს, "დინამოს" ხელმძღვანელები ახალ ფეხბურთელებთან მოლაპარაკებების გამჟღავნებას არ აპირებენ. ფაქტია, რომ მოლაპარაკება იყო, გოცირიძე და კობახიძე კი მას საჯაროდ მაინც უარყოფენ.</p><p><strong>- ბექა, შენთვის </strong>"<strong>დინამოს" შეთავაზება საინტერესოა?</p><p></strong>- "დინამოსთან" მოლაპარაკება არც დამიწყია, ამას აზრიც არ აქვს.</p><p><strong>- დიღმის ბაზაზე მოსალაპარაკებლად ხომ იყავი?</p><p></strong>- გეუბნებით, "დინამოში" ჩემს გადმოსვლაზე ლაპარაკი უადგილოა, რადგან ვეკუთვნი "დნიპროს", რომელიც არსად მიშვებს.</p><p><strong>- ანუ შეკრებაზე დნეპროპეტროვსკელებს გაჰყვები?</p><p></strong>- არა მგონია. ჯერ არ ვიცი, ახალი წლიდან რომელ გუნდში ჩავირიცხები. გარკვეული პრობლემებია მოსაგვარებელი და ყველაფერი მალე გადაწყდება. ისე არ გაიგოთ, თითქოს "დინამოში" თამაშს ვუკადრისობ, პირიქით, ამ კლუბის ფორმას სიამოვნებით მოვირგებდი, მაგრამ ახლა ამაზე ლაპარაკი არასწორი იქნება.</p><p>ერთი ექსკლუზიური ინფორმაცია: "დნიპრომ" თბილისის "დინამოს" კობახიძის საფასურად 800 ათასი დოლარი, გოცირიძეში კი მილიონი ევრო მოსთხოვა, ანუ იმდენივე, რამდენიც მათში, შესაბამისად, თბილისის "დინამოსა" და "ზესტაფონს" გადაუხადეს.</p><p>და კიდევ: ორივე ფეხბურთელს კონტრაქტში უწერია, რომ საქართველოში მათ მხოლოდ "ზესტაფონში" გაანათხოვრებენ.</p><p>"ზესტაფონი" და "დნიპრო" დიდი ხნის პარტნიორები არიან. ზოგი იმასაც ამტკიცებს, რომ კიევის "დინამოს", "დნიპროს", კიევის "არსენალისა" და კრივოი როგის "კრივბასის" მფლობელ ცნობილ უკრაინელ ბიზნესმენ იგორ კოლომოიცკის "ზესტაფონის" დაფუძნებასთანაც ჰქონდა კავშირი. ჩავთვალოთ, რომ ეს ჭორია, მაგრამ "დნიპრო" და "ზესტაფონი" პარტნიორები მაინც არიან და საეჭვოა, დნეპროპეტროვსკელებმა ქართველი პარტნიორის კონკურენტს გაძლიერებაში ხელი შეუწყონ.</p><p>.</p>
zhilina
საინტერესოა, რატომ ემართებათ ეს ყველაფერი მხოლოდ ქარტველებს? იქნებ ეს არასწორი სატრანსფერო პოლიტიკის ბრალია და მეტი არაპერი... ასე არ სშეიდზლება ბიჭები ხომ ცოდოები არიან? დროა საქარტველოს პფეხბურტის ფედერაციამ სათანადოდ იზრუნოს ამ პრობლემაზე!!!
"მანჩესტერ იუნაიტედთან" მატჩში "ლივერპულის" შემადგენლობა ცნობილია
[VIDEO] კიტეიშვილის გამარჯვების გოლი და საგოლე გადაცემა - "შტურმმა" 4:3 მოიგო
ლოჩოშვილის მორიგი კარგი მატჩი - "ნიურნბერგმა" გამარჯვება ხელიდან გაუშვა
ფრე დინამოების დაპირისპირებაში; წყალტუბოელთა მოგება ფოთში
ქოჩორაშვილი სათადარიგოთა შორის დატოვეს - "სპორტინგი" 1/16-ფინალში ძლივს გავიდა
დავითაშვილის "სენტ-ეტიენმა" შინ მარცხი განიცადა
[VIDEO] ვენდეტა არგენტინულად - სიმეონემ "ტორინოს" "ნაპოლისთან" გამარჯვება მოუპოვა
მიქაუტაძის გარეშე - "სიტისთან" მატჩამდე "ვილიარეალმა" "ბეტისთან" გამარჯვება ხელიდან გაუშვა
საქართველო 3:2 ყირგიზეთი
გოჩოლეიშვილს სახეზე 6 ნაკერი დაადეს - "ჰამბურგი" "ლაიფციგთან" დამარცხდა
39 დღე გაძლო - "ნოტინგემმა" პოსტეკოღლუ გაათავისუფლა
"აქ ნებისმიერ მწვრთნელს კრიზისამდე ერთი მატჩი აშორებს" - ბრუნო ფერნანდეშმა რუბენ ამორიმი დაიცვა
"ქუთაისმა" რუსთავში იმარჯვა, "ორბმა" ტყიბულში თსუ-ს სძლია
"ალბათ, სეზონის ბოლოს "ბარსელონას" დატოვებს" - ცნობილი გერმანელი ჟურნალისტი ლევანდოვსკის მოამვალზე წერს
რაფაელ ბენიტესი ბერძნულ გუნდს ჩაიბარებს
გვარდიოლამ გაამხილა, როდის იფიქრებს მწვრთნელის კარიერის დასრულებაზე
[VIDEO] მამუკელაშვილის 17 წუთი - "ტორონტო რაპტორსმა" პრესეზონი "ბრუკლინთან" გამარჯვებით დაასრულა
ლიდერი შეიცვალა... "გარეჯმა", "ტორპედომ" და "იბერია 1999"-მა მოიგეს
საქართველოს ნაკრები - ორი მარცხი და ორი ადგილით უკუსვლა რეიტინგში
როგორი შეფასებები მიიღეს პსჟ-ს ფეხბურთელებმა "სტრასბურგთან" მატჩში?
ხვიჩა შეცვლაზე და პსჟ-ს საბრძოლო ფრე "სტრასბურგთან"
"შავი ლომი" | არის რევანში - "ჩიტასი" დამარცხებულია
კანტე ევროპაში ბრუნდება? - ფრანგს სერიოზული მსურველი ჰყავს