- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
ფორმულა 1. "რედ ბული": გზა ჩემპიონობისკენ
<p>როგორ იქმნებოდა ოთხგზის ჩემპიონი "რედ ბული" <br> ფორმულა 1-ის გუნდი "რედ ბულ რეისინგი" ენერგეტიკული სასმელების მწარმოებელი კონცერნის შეფს დიტრიხ მატეშიცს ეკუთვნის. გუნდის ბაზა ინგლისის ქალაქ მილტონ კეინსშია განთავსებული. ამასთან, საჯინიბო მსოფლიოს ჩემპიონატში ავსტრიული ლიცენზიით გამოდის.</p><p>გუნდის წარმოშობის ისტორია 2004 წლიდან იწყება. სექტემბერში კომპანია "ფორდმა" საჯაროდ გამოაცხადა, რომ წყვეტს მონაწილეობას ფორმულა 1-ის სერიაში და გასაყიდად გამოაქვს საკუთარი გუნდი - "იაგუარ რეისინგი".</p><p>მაშინ ფორმულას სამყაროში ამ გადაწყვეტილებას ძალიან ნეგატიურად შეხვდნენ და ერთი პირობა დაფიქრდნენ - 2005 წელს წამყვან გუნდებს ტრასაზე სამ-სამი ბოლიდი გამოეყვანათ, რათა ჩემპიონატის ჩასატარებლად მონაწილეთა საჭირო რაოდენობა ყოფილიყო უზრუნველყოფილი. მაგრამ ასეთი რადიკალური ნაბიჯის გადადგმა საჭირო არ გახდა. ძალიან მალე "იაგუარს" მყიდველი გამოუჩნდა - კომპანია "რედ ბულის" მფლობელი, ავსტრიელი მილიარდერი დიტრიხ მატეშიცი.</p><p>ბიზნესმენისთვის ეს არ ყოფილა დებიუტი ფორმულა 1-ში - მისი კომპანია მრავალი წელი "ზაუბერის" ერთ-ერთი სპონსორი იყო. ერთი პირობა ჭორიც დადიოდა იმაზე, რომ მატეშიცს პეტერ ზაუბერის გუნდის შეძენა სურდა, მაგრამ გარიგება არ შედგა. ავსტრიელმა ოცნება მაინც განახორციელა - 2004 წელს გაჩნდა მოქმედი გუნდის შეძენის საშუალება და მატეშიცმა ეს შანსი ხელიდან არ გაუშვა.</p><p>"რედ ბულმა" 2004 წლის 15 ნოემბერს, 2005 წლის სეზონისთვის განაცხადების წარდგენის ბოლო დღეს დაადასტურა ეს გარიგება. ერთ-ერთი ინგლისური გაზეთი წერდა, რომ "ფორდმა" თავისი გუნდი სიმბოლურ ფასად - ერთ დოლარად გაყიდა, სანაცვლოდ კი ახალმა მფლობელებმა მომდევნო სამი წლის განმავლობაში გუნდში 400 მილიონი დოლარის ინვესტიციების დაბანდების ვალდებულება აიღეს.</p><p>"რედ ბულ რეისინგის" ხელმძღვანელად დანიშნეს ამბიციური კრისტიან ჰორნერი, რომელმაც რანგით დაბალ სარბოლო სერიებში მიღწეული წარმატებებით გაითქვა სახელი. ტექნიკური დირექტორი და ბოლიდების მთავარი კონსტრუქტორი ედრიან ნიუი გახდა. ამ გენიოსის მიერ სხვადასხვა გუნდებში შექმნილმა მანქანებმა ჯამში 109 რბოლა მოიგეს. სწორედ ნიუი იყო "უილიამსისა" და "მაკლარენის" ჩემპიონობის ერთ-ერთი მთავარი შემოქმედი.</p><p>ასევე ძლიერი იყო პილოტების შემადგენლობა - "მაკლარენიდან" გადაიყვანეს დევიდ კულტჰარდი, რომელსაც ორი მეწყვილე ჰყავდა - კრისტიან კლინი და ვიტანტონიო ლიუცი. თავიდან გამოცხადდა, რომ ისინი მორიგეობით მიუჯდებოდნენ მეორე ბოლიდის საჭეს, მაგრამ საბოლოოდ, ლიუციმ 2005 წელს მხოლოდ ოთხი რბოლა ჩაატარა.</p><p>თავიდან გუნდმა "კოსუორტის" ძრავების გამოყენება გააგრძელა, რადგან ცოტა დრო რჩებოდა სხვა ვარიანტის მოსაძებნად, მომდევნო სეზონისთვის კი "ფერარის" ძრავების გამოყენებაზე კონტრაქტს მოეწერა ხელი. ასე გამოჩნდა 2005 წლის ჩემპიონატში ახალი გუნდი - "რედ ბული".</p><p><strong>2005</p><p></strong>პირველ წელს "რედ ბულმა" უფრო მეტს მიაღწია, ვიდრე მისმა წინამორბედმა - "იაგუარმა". დიდი ხანი გუნდი მეექვსე იყო კონსტრუქტორთა დავაში, მაგრამ ბოლოს ეს პოზიცია BAR-ს დაუთმო. სადებიუტო სეზონში გუნდმა უფრო მეტი ქულა დააგროვა, ვიდრე "იაგურმა" 2003 და 2004 წლებში ერთად. სამმა პილოტმა ჯამში 34 ქულას მოუყარა თავი: კულტჰარდი - 24, კლინი - 9, ლიუცი - 1. "რედ ბული" რეგულარულად აგროვებდა ქულებს და ხშირად პოდიუმის კანდიდატიც იყო.</p><p><strong>2006</p><p></strong>"რედ ბული" "ფერარის" ძრავებზე გადავიდა. გუნდმა სეზონის სტარტი აშკარად ჩააგდო, მაგრამ რამდენიმე წარუმატებელი რბოლის შემდეგ, მონაკოში კულტჰარდმა მესამე ადგილი დაიკავა და გუნდს არსებობის ისტორიაში პირველი პოდიუმი მოუტანა.</p><p>ავსტრიელებმა სეზონი ისევ მეშვიდე ადგილზე დაასრულეს ჯამური 16 ქულით. აქედან 14 ქულა კულტჰარდს ეკუთვნოდა, 2 - კლინს.</p><p><strong>2007</p><p></strong>ამ სეზონში კულტჰარდის პარტნიორი გახდა ავსტრალიელი მარკ უებერი, გუნდი კი "რენოს" ძრავებზე გადავიდა.</p><p>ჩემპიონატში "რედ ბულს" კვლავ ერთი პოდიუმი ჰქონდა - ევროპის გრან-პრიზე მესამე ადგილი უებერმა დაიკავა. საერთო გუნდურმა მონაგარმა 24 ქულა შეადგინა, რისი წყალობითაც მატეშიცის საჯინიბომ შარშანდელთან შედარებით ორი საფეხურით წაიწია წინ კონსტრუქტორთა თასზე და მეხუთე პოზიციაზე აღმოჩნდა.</p><p><strong>2008</p><p></strong>"რედ ბულმა" შეინარჩუნა პილოტთა შემადგენლობა და შედეგიც თითქმის იგივე აჩვენა, რაც წინა სეზონში - ხუთით მეტი ქულა დააგროვა, ერთხელ ავიდა პოდიუმზე (კულტჰარდი, კანადა) და ორი ადგილით ჩამოქვეითდა კონსტრუქტორთა თასზე.</p><p>სეზონის შემდეგ კულტჰარდმა კარიერის დასრულების შესახებ გამოაცხადა და მისი ადგილი სებასტიან ფეტელმა დაიკავა.</p><p><strong>2009</p><p></strong>"რედ ბულისთვის" ეს იყო ნამდვილი პროგრესის წელი. ჩინეთის გრან-პრიზე გუნდს ისტორიაში პირველი პოული ფეტელმა მოუტანა, მეორე დღეს კი წვიმიან რბოლაში გერმანელმა ეტაპი მოიგო, რაც ასევე პირველი წარმატება იყო "რედ ბულის" არსებობის ისტორიაში.</p><p>სეზონის 17 რბოლიდან 16-ში "რედ ბულმა" პოდიუმი მოიპოვა, ხუთჯერ მოიგო პოული და ექვსჯერ რბოლა. ამან გუნდს 153 ქულა და კონსტრუქტორთა თასზე მეორე ადგილი მოუტანა.</p><p><strong>2010</p><p></strong>გუნდმა შემადგენლობაში დატოვა მარკ უებერი და სებასტიან ფეტელი, აგრეთვე გააგრძელა კონტრაქტი "რენოსთან" ძრავების მოწოდებაზე.</p><p>ახალი მანქანა - RB6 ყველაზე სწრაფი აღმოჩნდა ისტორიაში. საერთო აღიარებით, ედრიან ნიუიმ 2010 წელს საუკეთესო ბოლიდი შექმნა. მაგრამ "რედ ბულმა" ძალიან ბევრი ქულა გაანიავა ტექნიკური და ტაქტიკური შეცდომების გამო.</p><p>სეზონის მსვლელობისას იყო კონფლიქტი პილოტებს შორის (ავარია თურქეთში), წინა ანტიფრთასთან დაკავშირებული სკანდალი (ბრიტანეთის გრან-პრი), როცა უებერის მანქანიდან ახალი დეტალი მოხსნეს და ფეტელის ბოლიდზე დაამონტაჟეს...</p><p>მიუხედავად ამისა, თითქმის მთელი სეზონი უებერი უსწრებდა პარტნიორს და აბუ დაბიში ბოლო გრან-პრის წინ ფერნანდო ალონსოსთან ("ფერარი") ერთად ჩემპიონობის ყველაზე რეალურ პრეტენდენტად მიიჩნეოდა. მაგრამ კვალიფიკაციაში უებერმა მხოლოდ მეხუთე დრო აჩვენა და კონკურენტებზე უკან აღმოჩნდა. პოული ფეტელს ჰქონდა და ამან გადამწყვეტი როლი ითამაშა ტიტულისთვის ბრძოლაში. დრამატულ რბოლაში ალონსომ და უებერმა მეშვიდე და მერვე ადგილები დაიკავეს, ახალგაზრდა გერმანელმა პირველმა გადაკვეთა ფინიშის ხაზი და გუნდს პირველი გამარჯვება მოუტანა პირად ჩათვლაში. ასევე პირველი იყო "რედ ბული" კონსტრუქტორთა თასზე.</p><p>სეზონის 19 რბოლაში ავსტრიელთა ანგარიშზე 9 მოგება, 20 პოდიუმი, 15 პოული და 498 ქულა მოდიოდა.</p><p>* * *</p><p>სხვათა შორის, "რედ ბულსს" "უმცროსი ძმა" ჰყავს, რომელსაც "ტორო როსო" ჰქვია. ის 2006 წელს შეიქმნა, როცა დიტრიხ მატეშიცმა "მინარდი" შეიძინა. "ტორო როსო" თავიდანვე "რედ ბულის" "დუბლიორად" მიიჩნეოდა და "უფროსი ძმის" შასის იყენებდა. მაგრამ ახლა ეს პრაქტიკულად დამოუკიდებელი გუნდია, რომლის ბოლიდის შექმნაში "რედ ბულის" სპეციალისტები პრაქტიკულად აღარ იღებენ მონაწილეობას.</p><p>საგულისხმო მომენტია ის, რომ "ტორო როსომ" უფრო ადრე მოასწრო გრან-პრის მოგება, ვიდრე "რედ ბულმა". 2008 წელს გუნდს პირველი პოული და პირველი გამარჯვება სებასტიან ფეტელმა მოუტანა. ეს ერთადერთი პოდიუმია გუნდის 9-წლიანი არსებობის ისტორიაში.</p><p><strong>რედ ბული</p><p></strong>სრული სახელწოდება - Infiniti Red Bull Racing</p><p>ბაზა - მილტონ კეინსი, ბრიტანეთი</p><p>ხელმძღვანელი - კრისტიან ჰორნერი</p><p>ტექნიკური დირექტორი - ედრიან ნიუი</p><p>დამფუძნებელი - დიტრიხ მატეშიცი</p><p><strong>პილოტები</p><p></strong>3. დანიელ რიკარდო</p><p>26. დანიილ კვიატი</p><p>შასი - RB11</p><p>ძრავა - Renault Energy F1-2015</p><p>სტატისტიკა ფორმულა 1-ში</p><p>დებიუტი - ავსტრალია 2005</p><p>ბოლო რბოლა - აბუ დაბი 2014</p><p>კონსტრუქტორთა თასი - 4 (2010, 2011, 2012, 2013)</p><p>მსოფლიოს ჩემპიონი - 4 (2010, 2011, 2012, 2013)</p><p>გრან-პრი - 184</p><p>მოგება - 50</p><p>პოული - 57</p><p>საუკეთესო წრე - 44</p><p><strong>ყოველდღიური სპორტული გაზეთი "ლელო"</strong></p>
მოდელს მომღერალი არჩია - ლამინ იამალს არგენტინელ ქალბატონთან რომანი აქვს
მაუროს თავს ცუდი ამბებია, შვილები აღარ ელაპარაკებიან და ერთ-ერთმა გვარის შეცვლა გადაწყვიტა
[VIDEO] ზურაბ კახაბრიშვილის გმირობა - მადლიერი უნგრელი სპორტსმენის ინტერვიუ
17-წლამდე ვაჟთა ნაკრები საწვრთნელ შეკრებას იწყებს
სიგუა შვეიცარიაში გუნდს გამოიცვლის
15-წლამდე გოგონათა ნაკრები განვითარების თასისთვის ემზადება
"ტოპ გუნდის წინააღმდეგ ჩვენგან ასეთი დომინაცია დიდი ხანია არ მინახავს" - ფერდინანდი "არსენალთან" მარცხის შემდეგ
ლიდერის შთამბეჭდავი მოგება; "გაგრას" გამარჯვება ბათუმში; ათკაციანი "თელავის" ფრე ქუთაისში
[VIDEO] კვერნაძე შევიდა, გაიტანა და "ფროზინონე" 1/16-ფინალში გაიყვანა
"ნანტთან" მატჩში პსჟ-ს სასტარტო შემადგენლობა ცნობილია
"მეცი" სახლში "სტრასბურგთან" დამარცხდა - წიტაიშვილმა შეუცვლელად ითამაშა
"ვალენსია" ჩაკვეტაძის ტრანსფერზე "უოტფორდს" დაუკავშირდა
"სტრასბურგთან" მატჩში წიტაიშვილი სასტარტოშია, აბუაშვილი - სათადარიგოა
საქართველოს ნაკრები ევრობასკეტისთვის მზადებას ჩეხეთთან 2 მატჩით დაასრულებს
"ლევერკუზენმა" შესაძლოა, "იუნაიტედის" ყოფილი მცველი დაიმატოს
"თუ ფეხბურთელს წასვლა უნდა, უნდა წავიდეს" - პეპ გვარდიოლამ ედერსონ მორაეშზე ისაუბრა
"მან მხოლოდ კრივი იცის, მე მომავალი ჩემპიონი ვარ" - არმან ცარუკიანი
"წელს ჩვენი მთავარი მიზანი ეს იქნება" - რა თქვა ლუის ენრიკემ "ნანტთან" მატჩამდე?
"რეალში" ფიქრობენ, რომ ახალი იამალი შეიძინეს, მაგრამ..." - ლევანდოვსკიმ "ბლანკოსზე" ისაუბრა
"იცით, პსჟ-ში თამაშის დროს ბონუსს რაში იღებდა?" - ბრიტანელმა მწვრთნელმა ნეიმარზე შოკისმომგვრელი დეტალი გაამხილა
ხამზატ ჩიმაევი UFC-ის საშუალო წონის ახალი ჩემპიონია
"დინამო თბილისი": სამი გოლი, სამი ქულა
ლუის ენრიკე რევოლუციურ ცვლილებებს აპირებს - იქნება კვარაცხელია სასტარტოში?