ლიდერებმა პაუზა აიღეს

ველოსპორტი. ტურ დე ფრანსი 2010 მადლენის მთაზე მძიმე გარჩევის შემდეგ, ტურის მონაწილეებს გუშინ შედარებით იოლი ეტაპი ელოდათ. მართალია, აქაც იყო პირველი და მეორე კატეგორიის სირთულის მთები, მაგრამ შეიძლებოდა იმის ვარაუდი, რომ ლიდერები დაისვენებდნენ და გამარჯვება საერთო ჩათვლაში ჩამორჩენილ რომელივე ველომრბოლს შეხვდებოდა.გუშინ ტრასაზე ვიხილეთ ავსტრალიელი კეიდელ ევანსი, რომელმაც წინა ეტაპზე რვა წუთი წააგო გამარჯვებულებთან და ყვითელ მაისურთან ერთად ტურის მოგების შანსი დაკარგა. როგორც მოგვიანებით გაირკვა, ავსტრალიელის სუსტი გამოსვლის მიზეზი ტრავმა ყოფილა - ევანსს ხელი აქვს მოტეხილი, მაგრამ ჯერჯერობით აგრძელებს ტურზე გამოსვლას.შეტევები თავიდანვე დაიწყო, მაგრამ პელოტონი ყურადღებით იყო და ისეთ გამოცდილ მრბოლელებსაც არ უტოვებდა შანსებს, როგორიცაა, მაგალითად, ახალი "მთის მეფე" ანტონი შარტო. პირველი წარმატებული შეტევა ბელგიელებს - მარიო არტსუსა და დრის დევენინსს გამოუვიდათ, რომლებსაც მოგვიანებით პაულინიო და ვასილი კირიენკო შეუერთდნენ. პირველი მთის გადალახვის შემდეგ კი დაწინაურებულებს ფრანგები - პიერ როლანი და მაქსიმ ბუე მიეკედლნენ.ექვსნი უფრო კარგად ამუშავდნენ და პირველი კატეგორიის მთის ძირში პელოტონს ცხრა წუთს უგებდნენ. თუმცა ძირითად ჯგუფს გაქცეულების დაბრუნების სერიოზული მცდელობა არ ჰქონია - ლიდერებმა პაუზის აღება გადაწყვიტეს და დაწინაურებულებს ერთმანეთში ურთიერთობის გარკვევა აცალეს. ყველაზე მნიშვნელოვანი, რაც გუშინდელ ეტაპზე მოხდა ის იყო, რომ შარტომ დაკარგა "მთის მეფის" მაისურა, რომელიც მეორე ფრანგმა - ჟერომ პინომ დაიბრუნა.წინ წასულებს შორის ყველაზე მეტად ბელარუსი ვასილი კირიენკო აქტიურობდა. ორი წლის წინ ამ მრბოლელმა ჯირო დიტალიას ეტაპი მოიგო და გუშინ ძალიან უნდოდა იგივე ტურ დე ფრანსზეც გაეკეთებინა. თუმცა ბელარუსის მეტოქეებიც სერიოზულად იყვნენ განწყობილნი. მაგალითად, ფრანგებისთვის ეროვნული დღესასწაულის - ბასტილიის აღების დღეს ეტაპის მოგება დიდი პატივი იქნებოდა.თუმცა საბოლოოდ, ყველაზე კარგად კირილენკოსა და პაულინიოს ინტერნაციონალურმა დუეტმა იმუშავა, რომელიც დაშვებისას წუთნახევრით დაექცა ლიდერთა ჯგუფს. პორტუგალიელი მუდმივად უკან ედგა ბელარუსს. მათ შორის ტაქტიკური ბრძოლა ფინიშამდე კილომეტრით ადრე დაიწყო. პაულინიომ მოულოდნელად უკნიდან შეუტია კირილენკოს. ბელარუსი თითქმის დაეწია მეტოქეს, მაგრამ საბოლოოდ ნახევარი კორპუსი წააგო პორტუგალიელთან, რომელმაც "რადიოშეკს" პირველი გამარჯვება აჩუქა ამ ტურზე.15 წუთის შემდეგ მივიდა ფინიშთან ძირითადი ჯგუფი. მხოლოდ მოახლოებულმა ფინიშმა გამოაცოცხლა სპრინტერები, რომლებმაც მეცხრე ადგილი გაითამაშეს. ამ ტურზე ორი ეტაპის მომგებმა მარკ კევენდიშმა ალესანდრო პეტაკისა და ტორ ჰუშოვდს აჯობა. უკვე დღეს, ჩვენ ამ სპრინტერებს შორის არა მანუგეშებელ, არამედ მთავარ ფინიშზე ბრძოლას ვიხილავთ. დღევანდელ ეტაპზე სცენაზე სწორედ პლანეტის საუკეთესო სპრინტერები გამოვლენ.X ეტაპიშამბერი-გაპი (179 კმ)1. სერჟიო პაულინიო (პორ, RadioShack) - 5.10,56; 2. ვასილი კირიენკო (ბლრ, Caisse d'Epargne) - იგივე დრო; 3. დრის დევენინსი (ბელ, Quick Step) - +1,29; 4. პიერ როლანდი (საფ, Bbox Telecom) - იგივე დრო; 5. მარიო აერტსი (ბელ, Omega Pharma-Lotto) - +1,33; 6. მაქსიმ ბუე (საფ, Ag2r La Mondiale) - +3,19... 21. ანდი შლეკი (ლუქ, Team SaxoBank) - 14,19; 22. რომან კროიციგერი (ჩეხ, Liquigas-Doimo) - იგივე დრო; 23. ლევი ლაიპჰაიმერი (აშშ, Radioshack) - იგივე დრო... 25. ალბერტო კონტადორი (ესპ, Astana) - იგივე დრო... 28. რობერტ გესინკი (ლუქს, Rabobank) - იგივე დრო... 30. იურგენ ვან დენ ბრეკი (ბელ, Omega Pharma-Lotto) - იგივე დრო... 34. ივან ბასო (იტა, Liquigas) - იგივე დრო... 43. სამუელ სანჩესი (ესპ, Euskaltel) - იგივე დრო; 44. კეიდელ ევანსი (ავსტრა, BMC) - იგივე დრო... 46. დენის მენშოვი (რუს, Rabobank) - იგივე დრო... 72. კარლოს სასტრე (ესპ, Cervelo TestTeam) - იგივე დრო; 73. ალექსანდრ ვინოკუროვი (ყაზ, Astana) - იგივე დრო... 130. ლენს არმსტრონგი (აშშ, RadioShack) - +15,47...საერთო ჩათვლა1. ანდი შლეკი (ლუქ, Team SaxoBank) - 49.00,56; 2. ალბერტო კონტადორი (ესპ, Astana) - +0,41; 3. სამუელ სანჩესი (ესპ, Euskaltel) - +2,45; 4. დენის მენშოვი (რუს, Rabobank) - +2,58; 5. იურგენ ვან დენ ბრეკი (ბელ, Omega Pharma-Lotto) - +3,31; 6. ლევი ლაიპჰაიმერი (აშშ, RadioShack) - +3,59; 7. რობერტ გესინკი (ლუქს, Rabobank) - +4,22... 10 . ივან ბასო (იტა, Liquigas) - +5,09; 11. რომან კროიციგერი (ჩეხ, Liquigas-Doimo) - +5,11... 13. ალექსანდრ ვინოკუროვი (ყაზ, Astana) - +6,31; 14. მაიკლ როჯერსი (ავსტრა, HTC – Columbia) - +7,04; 15. კარლოს სასტრე (ესპ, Cervelo TestTeam) - +7,13; 16. ბრედლი ვიგინსი (ბრიტ, Sky) - +7,18... 18. კეიდელ ევანსი (ავსტრა, BMC) - +7,47...

საერთაშორისო აღიარება - საქართველოს ხმა მსოფლიო ველოსპორტის არჩევნებში

ინგლისში ტრანსგენდერები ქალთა ტურნირებიდან მოკვეთეს

ველოფესტივალი BIKE FEST-ი 15 ოქტომბერს დაარსებიდან უკვე მესამედ გაიმართება

დეკემბერში პსჟ-ს საუკეთესო ფეხბურთელად საფონოვი დაასახელეს

"ბაიერნი" "რეალს" და "მანჩესტერ სიტის" ფეხბურთელს მხოლოდ სარეკორდო თანხად მიჰყიდის

ბასტონიმ შესაძლოა, "ინტერი" დატოვოს - იტალიელის გადასაბირებლად ორი გრანდი იბრძვის

სანდრო ალთუნაშვილი "ჰაპოელის" ფეხბურთელი გახდა

ოფიციალურად - "ლიონმა" "რეალისგან" ენდრიკი ინათხოვრა

სპორტის სამინისტრომ 2025 წლის საუკეთესო სპორტსმენები დაასახელა

პსჟ-ს ტრავმის გამო შემტევი გამოაკლდა

ლევან კობიაშვილმა ფიფას კომიტეტის სხდომას უხელმძღვანელა

ტიკნიზიანი: სომხეთის დედაქალაქი მაიამია - ყოველ სომეხს აშშ-ს პასპორტი უნდა ჰქონდეს

პსჟ-ს და კვარაცხელიას უნიკალური მიღწევა - ამითაა ლუის ენრიკეს გუნდი გამორჩეული

18-წლამდელთა ნაკრები გიორგი ნემსაძემ ჩაიბარა

წლის საუკეთესო მებრძოლი - პოპულარულმა MMAJunkie-მ და ESPN-მა მერაბ დვალიშვილი აღიარეს

მეინუს აღარ გაუშვებენ - "მანჩესტერ იუნაიტედი" თავის აღზრდილს მინიმუმ ზაფხულამდე დაიტოვებს

"ბარსელონა" დაცვას გააძლიერებს - რა გეგმები აქვთ კატალონიელებს ზამთრის სატრანსფერო ფანჯარაზე

"მილანმა" ორიჯის კონტრაქტი გაუწყვიტა - თითქმის 2-წლის უთამაშებლობის მიუხედავად, ის 4 მილიონს გამოიმუშავებდა

"თამაშობ და იცი, რომ ალისონი დაბრუნდება, მაშინვე სათადარიგოთა სკამზე ხარ" - კელეჰერი "ლივერპულიდან" წასვლაზე

გვარდიოლას გვარდიოლის დიდი ხნით შენარჩუნება უნდა - "სიტი" იოშკოსთან ახალ კონტრაქტზე მუშაობს

[PHOTO] მხოლოდ პირსახოცით - "შახტარის" ფეხბურთელის მეუღლის მიერ სააბაზანოდან გამოქვეყნებულ თამამ ფოტოებს დიდი აჟიოტაჟი მოჰყვა

ზირკზე კვლავ სერია A-ში? - მოლაპარაკებები უკვე დაწყებულია

[VIDEO] ბითაძის 14 წუთი - "გოლდენ სტეიტმა" "ორლანდო მეჯიქი" დაამარცხა