<p><p>რატომ იტანს "ისტლენდელთა" თავკაცი თავისი ფეხბურთელებისგან ნებისმიერ გამოხდომას</p> <br> <p>რობერტო მანჩინი თავისი ფეხბურთელებისგან ნებისმიერ გამოხდომას აიტანს და იცით რატომ? იმიტომ რომ ახალგაზრდობაში თვითონ ათჯერ უარესი იყო. გუშინ, ფეხბურთის ასოციაციის თასზე, მანჩინის „მანჩესტერ სიტი“ მისი სამპდორიასა და ლაციოსდროინდელი თავკაცის სვენ გორან ერიკსონის „ლესტერს“ შეხვდა - ეს იყო ერიკსონისა და მანჩინის პირველი დაპირისპირება ცხოვრებაში. სწორედ ამიტომ გაახსენდა ბრიტანულ პრესას ერთი ძველი ამბავი, რომელიც მანჩინის ექვსთამაშიანი დისკვალიფიკაციით დასრულდა. დღეს ისტლენდელების თავკაცი აღიარებს, რომ ყველაფერი მისი ბრალი იყო: „დამნაშავე თავიდან ბოლომდე მე ვიყავი, რადგან ძალიან ახალგაზრდა გახლდით“.</p><p>ძალიან ახალგაზრდისა რა მოგახსენოთ, რობერტო მანჩინი იმხანად 30 წლისა იყო და „სამპდორიაში“ თამაშობდა. ერიკსონის დამოძღვრილი გენუელები „ინტერს“ ხვდებოდნენ.</p> <p> </p> <p>მატჩის ერთ-ერთ ეპიზოდში მეტოქემ მანჩინი საჯარიმოში წააქცია, მსაჯმა კი არათუ პენალტი არ დანიშნა, სიმულაციისთვის „მანჩო“ გააფრთხილა. ამ უსამართლობამ ფეხბურთელი გადარია. მან ნერვები ვეღარ მოთოკა და საქმე იქამდე მივიდა, რომ მეკარე ჯანლუკა პალიუკა იძულებული გახდა, გამოვარდნილიყო და თავდამსხმელი ჩაებღუჯა.</p> <p> </p> <p>პალიუკა 16 წლის წინანდელ ამბავს ასე იგონებს:</p><p>„რობერტო ისე იქცეოდა, გეგონება მსაჯს შეჭმას უპირებდა. შემეშინდა, რამე ისეთი არ ექნა, რის გამოც ფეხბურთის თამაშს სამუდამოდ აუკრძალავდნენ.“</p><p>მანჩინი კი მართლა აღარ იყო სრულ ჭკუაზე: კაპიტნის სამკლავური მოიგლიჯა და ერიქსონს მიაყვირა, მოედანზე ცხოვრებაში აღარ გავალო. შვედ მწვრთნელს დიდი ძალისხმევა დასჭირდა ფეხბურთელი მოედანზე რომ დაებრუნებინა, მაგრამ, თურმე ნუ ჩქარობ - დაბრუნდა „მანჩო“ მოედანზე და პოლ ინსს ეკვეთა, რაც მსაჯმა ვეღარ აიტანა და ის მოედნიდან გააძევა.</p><p>როგორც ზემოთ ავღნიშნეთ, მას მერე 16 წელიწადი გავიდა და ახლა, რობერტო მანჩინის თავისი შეგირდების „ოფოფებთან“ უწევს გამკლავება. ხან კარლოს ტევესი აუწევს ხმას, ხან ემანუელ ადებაიორი და კოლო ტურე დააყრიან ერთმანეთს მუშტებს ვარჯიშის დროს.</p> <p> </p> <p>თუმცა, ზემოთ მოყოლილი ინციდენტის მიუხედავად ერიკსონი მანჩინის ძალიან კარგად იხსენებს. მათი თანამშრომლობა განსაკუთრებით ნაყოფიერი „ლაციოში“ გამოდგა.</p><p>„სამ წელიწადში „ლაციომ“ ექვსი თუ შვიდი ჯილდო მოიგო და ეს დიდწილად რობერტო მანჩინის დამსახურება იყო. ის ფეხბურთელობის დროსაც კი მწვრთნელივით იყო.</p> <p> </p> <p>ყველაფერს კისრულობდა, ჩანთების თრევით დაწყებული ავტობუსის მძღოლობით დამთავრებული. „სამპდორიაში“ რომ ვიყავით, ვარჯიშის წინ სწორედ ის ამოწმებდა, ყველაფერი რიგზე იყო თუ არა. რამდენჯერ მითქვამს: „მანჩო“, ნუ იღლები, ყველაფრის შემოწმება დაგქანცავს, შენ კი კვირას ფეხბურთი უნდა ითამაშო. არავინ იფიქროთ, რომ რობერტო მანჩინი მშვიდი ადამიანია. ის ვერასდროს ისვენებს.</p><p>მესმის ჭორები, რომ „მანჩესტერ სიტიში“ მას კონფლიქტებთან უწევს გამკლავება. იცით, რას გეტყვით: „მანჩო“ მენტალურად ძლიერი ადამიანია და ყოველთვის ზუსტად იცის, ფეხბურთელისგან რა უნდა. ის მოედანზე ჩემი წარგზავნილი გახლდათ. ფეხბურთელებს, რაც საჭირო იყო, იმას აკეთებინებდა. ხანდახან, თუ დაინახა, რომ ვიღაცას ერთი რამ დაავალა ის კი მეორეს აკეთებს, შესაძლოა გადაირიოს.“</p> <p> </p> <p> </p> <p> </p> <p> </p> <p>.</p></p>
უგოლო ფრე ბირმინგემში - "ასტონ ვილა" "ნიუკასლს" დაუზავდა
ედერსონი "გალათასარაისთან" ახლოს - დონარუმა "სიტიში" მიდის
ჯეიდონ სანჩო "რომაში" გადასვლასთან ახლოსაა
17-წლამდე ვაჟთა ნაკრები საწვრთნელ შეკრებას იწყებს
სიგუა შვეიცარიაში გუნდს გამოიცვლის
15-წლამდე გოგონათა ნაკრები განვითარების თასისთვის ემზადება
ტონი კროოსმა ფეხბურთის ისტორიაში საუკეთესო მეკარე დაასახელა
"ტოპ გუნდის წინააღმდეგ ჩვენგან ასეთი დომინაცია დიდი ხანია არ მინახავს" - ფერდინანდი "არსენალთან" მარცხის შემდეგ
ლიდერის შთამბეჭდავი მოგება; "გაგრას" გამარჯვება ბათუმში; ათკაციანი "თელავის" ფრე ქუთაისში
"სპორტინგმა" ისევ მოიგო, ქოჩორაშვილი ისევ შეცვლაზე შევიდა
[VIDEO] კვერნაძე შევიდა, გაიტანა და "ფროზინონე" 1/16-ფინალში გაიყვანა
"ნანტთან" მატჩში პსჟ-ს სასტარტო შემადგენლობა ცნობილია
"მეცი" სახლში "სტრასბურგთან" დამარცხდა - წიტაიშვილმა შეუცვლელად ითამაშა
"ვალენსია" ჩაკვეტაძის ტრანსფერზე "უოტფორდს" დაუკავშირდა
"სტრასბურგთან" მატჩში წიტაიშვილი სასტარტოშია, აბუაშვილი - სათადარიგოა
საქართველოს ნაკრები ევრობასკეტისთვის მზადებას ჩეხეთთან 2 მატჩით დაასრულებს
"ლევერკუზენმა" შესაძლოა, "იუნაიტედის" ყოფილი მცველი დაიმატოს
"თუ ფეხბურთელს წასვლა უნდა, უნდა წავიდეს" - პეპ გვარდიოლამ ედერსონ მორაეშზე ისაუბრა
"მან მხოლოდ კრივი იცის, მე მომავალი ჩემპიონი ვარ" - არმან ცარუკიანი
"წელს ჩვენი მთავარი მიზანი ეს იქნება" - რა თქვა ლუის ენრიკემ "ნანტთან" მატჩამდე?
"რეალში" ფიქრობენ, რომ ახალი იამალი შეიძინეს, მაგრამ..." - ლევანდოვსკიმ "ბლანკოსზე" ისაუბრა
"იცით, პსჟ-ში თამაშის დროს ბონუსს რაში იღებდა?" - ბრიტანელმა მწვრთნელმა ნეიმარზე შოკისმომგვრელი დეტალი გაამხილა
ხამზატ ჩიმაევი UFC-ის საშუალო წონის ახალი ჩემპიონია