ინდიან უელსის მასტერსი: მთელი ელიტა ამერიკაშია

ნოვაკ ჯოკოვიჩი ტიტულის დასაცავად მზად არის ინდიან უელსში დაიწყო ქალთა ტურნირი, მამაკაცებს შორის კი ჯერ საკვალიფიკაციო მატჩები მიმდინარეობს. გუშინ, წილისყრაც გაიმართა და კაცების ბადე შედგა. ტურნირის სტარტზევე რამდენიმე საინტერესო მატჩი მივიღეთ...წელს ინდიან უელსის "მასტერსზე" ტოპ-ათეულის ყველა წევრს ვიხილავთ, განთესილთა სიას კი სათავეში უდგას მოქმედი ჩემპიონი და მსოფლიოს პირველი ჩოგანი, სერბი ნოვაკ ჯოკოვიჩი.ნოვაკი წელსაც გამარჯვების ერთ-ერთი მთავარი კანდიდატია. მისი პირველი მეტოქე კვიპროსელ მარკოს ბაღდატისსა და ჩეხ ირჟი ვესელის შორის მატჩში გაირკვევა. მესამე რაუნდში სერბის მოწინააღმდეგე შეიძლება გახდეს ფრანგი ჟულიენ ბენეტო, მეოთხეში კი, შესაძლოა, ამერიკელ ჯონ ისნერთან ან სამხრეთაფრიკელ კევინ ანდერსონთან მოუწიოს შეხვედრა.მეოთხედფინალში ნოვაკის სავარაუდო მეტოქედ ესპანელი დავიდ ფერერი მოჩანს, რომელმაც განთესვის მერვე ნომერი მიიღო და წელს მხოლოდ ერთი მატჩი აქვს წაგებული. დავიდი მეორე რაუნდში ხორვატ ივან დოდიგსა და პორტუგალიელ ჟოაო სოუზას შორის მოგებულს შეხვდება.ამავე მეოთხედშია აშშ-ის ღია პირველობის ჩემპიონი, ხორვატი მარინ ჩილიჩი, რომელიც ხანგრძლივი პაუზის შემდეგ უბრუნდება კორტს.* * *ბადის მეორე მეოთხედში აშკარა ფავორიტები არიან შოტლანდიელი ენდი მარეი და იაპონელი კეი ნიშიკორი. მეოთხე ნომრად განთესილი მარეი სტარტს აიღებს კანადელ ვაშეკ პოსპიშილთან ან ყაზახ მიხაილ კუკუშკინთან მატჩით. ნიშიკორის პირველი მეტოქე კი გაირკვევა ამერიკელების - რაიან ჰარისონისა და მარდი ფიშის შეხვედრაში. ეს უკანასკნელი სერიოზული ავადმყოფობის შემდეგ დაბრუნდა პროფესიულ ტურში.მარეისა და ნიშიკორის მეოთხედფინალს, შესაძლოა, ხელი შეუშალონ ლატვიელმა ერნესტ გულბისმა, იტალიელმა ფაბიო ფონინიმ ან ურუგვაელმა პაბლო კუევასმა. ასევე, არ უნდა დაგვავიწყდნენ ლუქსემბურგელი ჟილ მიულერი და გერმანელი ფილიპ კოლშრაიბერი.* * *მესამე მეოთხედში მთელი ყურადღება მიპყრობილი იქნება ესპანელი რაფაელ ნადალისკენ. მსოფლიოს მესამე ჩოგანმა არ აიღო პაუზა ავსტრალიის ღია პირველობის შემდეგ და სათამაშო პრაქტიკის მისაღებად სამხრეთ ამერიკაში გაემგზავრა, სადაც ბუენოს აირესის ტურნირი მოიგო და ნახევარფინალამდე მიაღწია რიო-დე-ჟანეიროში.ინდიან უელსში ნადალის პირველი მეტოქე იქნება ჰოლანდიელი იგორ სისლინგი ან კვალიფიკაციიდან ძირითად ბადეში მოხვედრილი ჩოგბურთელი. ესპანელის პირველი სერიოზული მოწინააღმდეგე უნდა გახდეს ფრანგი ჟილ სიმონი ან მისი თანამემამულე რიშარ გასკე. მეოთხედფინალში გასვლის შემთხვევაში, დიდი ალბათობით, რაფას დაუპირისპირდება კანადელი მილოშ რაონიჩი ან ბულგარელი გრიგორ დიმიტროვი.მილოში მეექვსე ნომრად არის განთესილი და სასტარტო მეტოქეს იტალიელი სიმონე ბოლელისა და ბრაზილიელი ტომაშ ბელუჩის მატჩში დაელოდება. დიმიტროვს კი მოუწევს მატჩი ავსტრალიელ ნიკ კირგიოსთან ან ამერიკელ დენის კუდლასთან.* * *ბოლო მეოთხედში მთავარ პრეტენდენტებად მიიჩნევიან შვეიცარიელები - როჯერ ფედერერი და სტენ ვავრინკა, მაგრამ მათ ბრძოლაში ჩარევა შეუძლიათ ჩეხ ტომაშ ბერდიხს და ხორვატ ივო კარლოვიჩს.ფედერერიც სტარტს მეორე რაუნდიდან აიღებს და შეხვდება არგენტინელ დიეგო შვარცმანს ან პოლონელ იერჟი იანოვიჩს. მეოთხე რაუნდში ლეგენდა შეიძლება შეხვდეს ესპანელ რობერტო ბაუტისტა აგუტს.ამავდროულად, ვავრინკა სასტარტო მატჩში უნდა დაუპირისპირდეს ჰოლანდიელ რობინ ჰაასეს ან კვალიფიკაციაგამოვლილ რომელიმე ჩოგბურთელს. კარლოვიჩს ან ბერდიხს შვეიცარიელი მეოთხე წრემდე არ შეხვდება.საინტერესოა, რომ ამავე მეოთხედშია იტალიელი ანდრეას სეპი, რომელმაც ავსტრალიის ღიაზე როჯერ ფედერერი დაამარცხა.* * *ბოლო 11 წელია ინდიან უელსის მასტერსზე როჯერ ფედერერის, რაფაელ ნადალისა და ნოვაკ ჯოკოვიჩის ჰეგემონია მხოლოდ ივო კარლოვიჩმა დაამხო 2010 წელს, თუმცა ახლა გამარჯვებაზე პრეტენდენტთა რიცხვი გაცილებით ფართოა და გულშემატკივრებს ძალიან საინტერესო ტურნირი ელოდებათ.ყოველდღიური სპორტული გაზეთი "ლელო"

"რაც არ უნდა მოხდეს ტურინში, მე ამ მომენტით უკვე სასწაულად ბედნიერი ვარ" - იანიკ სინერმა წელს მე-8 ტიტული მოიგო

უდიდესი სენსაცია პარიზში - ალკარასმა ნორისთან წააგო

[PHOTO] პირველი ქალი ჩოგბურთელი, რომელმაც მკერდი გაიდიდა - ფრანგმა გოგონამ მიზეზი ახსნა

[VIDEO] აშორტიას გოლი, გაფრინდაშვილის საგოლე პასი...

"ბორჯღალოსნები" | ნამატით კანადასთან

პსჟ-ს აკრიტიკებენ - ლუის ენრიკე დაცვის თამაშით უკმაყოფილოა

[VIDEO] ქვილითაია ნაკრებში გოლით ბრუნდება, ინჯგიამ ქულა გადაარჩინა

[VIDEO] ...ასე გამოუვიდა კიტეიშვილს საგოლე პასი

"ვან დეიკის გოლი უნდა ჩათვლილიყო" - რუნი მსაჯების გადაწყვეტილებას არ ეთანხმება

მეორე ვადით - "ბენფიკას" პრეზიდენტად კვლავ რუი კოშტა აირჩიეს

იურიჩს მოხსნას უპირებენ - "ატალანტას" სეზონის ძალიან ცუდი სტარტი გამოუვიდა

"სევილია" შესაძლოა, მალე გაიყიდოს - ახალ მფლობელებს კლუბში დიდი ვალი დახვდებათ

ტენ ჰაგი პრემიერ ლიგაში არ დაბრუნდება - ვულვზმა მწვრთნელად სხვა დამრიგებელი აირჩია

საქართველო 5:0 ესტონეთი

[VIDEO] პირველი გოლი ლიგა 1-ის ახალ სეზონში - "კვარამ" "ლიონს" გაუტანა

"ლიონთან" მატჩში პსჟ-ს შემადგენლობა ცნობილია

[VIDEO] გიორგი მამარდაშვილმა ერლინ ჰოლანის დარტყმული პენალტი მოიგერია

[VIDEO] "ნაპოლის" მესამე უგოლო მატჩი და მარცხი "ბოლონიასთან"

"რათა შეცდომები არ განმეორდეს" - რა ითქვა აშშ-სთან მატჩის შემდეგ

14 ქულა და გამარჯვება "ბურგოსთან" | შერმადინი ახალ რეკორდს მიუახლოვდა

[VIDEO. ეროვნული ლიგა 2] "რუსთავი" ცალი ფეხით უმაღლესშია!

ერთი მწვრთნელის ხელმძღვანელობით ყველაზე მეტი გოლი - გრიზმანმა მესის გადაასწრო

დოვბიკმა შესაძლოა, იტალია დატოვოს - უკრაინელის დამატება თურქულ გუნდს სურს

ჯოკოვიჩი ავსტრალიის ღია პირველობის 1/2 ფინალიდან ტრავმის გამო მოეხსნა

ნანატრი მიზანი ასრულებულია - ჯოკოვიჩი ოლიმპიური ოქროს მფლობელია! [VIDEO]

"მოუსმინეთ ახალგაზრდებს, მათი სურვილი უკეთესი მომავალია!" - ჯოკოვიჩმა სერბეთში მთავრობის წინააღმდეგ ქუჩაში გამოსულ სტუდენტებს მხარდაჭერა გამოუცხადა

ჯოკოვიჩი შესრულებული მისიით, პირადი ტრაგედიები, სამშობლოს პატრიოტობა და ქველმოქმედება - რატომ არის ნოვაკი ყველა დროის ერთ-ერთი უდიდესი სპორტსმენი

მეოთხედ მოგებული დიდი სლემის ტიტული 21 წლის ასაკში - ალკარასმა უიმბლდონის ფინალში ჯოკოვიჩი დაამარცხა [VIDEO]

ბასილაშვილი ჩილიჩთან დამარცხდა და ჯოკოვიჩთან კიდევ ერთხელ დაპირისპირების შანსი დაკარგა