ინდიან უელსი: როჯერ ფედერერმა გაისეირნა

პირველი დანაკლისი სტენ ვავრინკაა ინდიან უელსის მასტერსზე მამაკაცები გუშინ მეორე წრეს ასრულებდნენ და ამ რაუნდმა სენსაციის გარეშე არ ჩაიარა. მოულოდნელად შვეიცარიელმა სტენ ვავრინკამ ჰოლანდიელ რობინ ჰაასესთან წააგო, რომელიც მანამდე ზედიზედ ექვსჯერ ჰყავდა დამარცხებული. ამასთან, ჰაასეს ამ მასტერსამდე, 2015 წელს ზედიზედ ექვსი მატჩი ჰქონდა წაგებული.ჰოლანდიელს განსაკუთრებული არაფერი გაუკეთებია; უფრო მეტიც, პირველი მოწოდებით ქულების მხოლოდ 46 პროცენტი აიღო. მიუხედავად ამისა, სტაბილურობის ხარჯზე მოიგო პირველი სეტი, ხოლო მესამეში მის ნაცვლად საქმე მეტოქემ შეასრულა, როცა უამრავი უხეში შეცდომა დაუშვა.ნამდვილი სპექტაკლი შესთავაზეს მაყურებელს გრიგორ დიმიტროვმა და ნიკ კირგიოსმა. ორგანიზატორებს შემთხვევით არ დაუყენებიათ ახალგაზრდა მოთამაშეები ცენტრალურ კორტზე. ბულგარელმა გაუძლო მეტოქის უძლიერეს მოწოდებებს და ეისების რაოდენობით გაუსწრო კიდეც ავსტრალიელს - 16:12, თან პირველი მოწოდებით ქულების 83 პროცენტი აიღო.ყველაფერი მესამე სეტის ტაი-ბრეიკზე გაირკვა. აქ გარკვეული როლი ითამაშა დიმიტროვის გამოცდილებამ. ის გაუმკლავდა დაძაბულობას და ტაი-ბრეიკი 7:4 მოიგო. არადა, მესამე სეტში იყო მომენტი, როცა კირგიოსი ბრეიკით იგებდა, მაგრამ უპირატესობა ვერ შეინარჩუნა.ახალგაზრდების შემდეგ ჯერი როჯერ ფედერერსა და რაფაელ ნადალზე მიდგა. არგენტინელი დიეგო შვარცმანი და ჰოლანდიელი იგორ სისლინგი მათი დონის მოთამაშეები არ აღმოჩნდნენ.ფედერერმა ძალიან მალე მოამთავრა საქმე - 6:3, 6:4. მის მეტოქეს ერთი ბრეიკ-პოინტიც არ ჰქონია. ანგარიშის მიხედვით, თითქოს კორტზე ბრძოლა მიმდინარეობდა, მაგრამ სინამდვილეში, ფედერერი უბრალოდ ყოველგვარი ზედმეტი დაძაბულობის გარეშე თამაშობდა.შემდეგ შეხვედრაში როჯერი იტალიელ ანდრეას სეპის შეხვდება. აპენინელი ერთადერთია, ვინც 2015 წელს შვეიცარიელი ლეგენდა დაამარცხა. ეს ავსტრალიის ღია პირველობაზე მოხდა და ახლა ფედერერმა რევანშზე უნდა იზრუნოს.რაც შეეხება ნადალისა და სისლინგის თამაშს, რეალური ბრძოლა მხოლოდ ჰოლანდიელის მოწოდებაზე იყო. რაფამ შეხვედრა ფენომენალური მონაცემებით დაასრულა - საკუთარ მოწოდებაზე ქულების 96 პროცენტი აიღო. ესპანელისთვის ამ მოგებას ფსიქოლოგიური თვალსაზრისით აქვს დიდი მნიშვნელობა, რადგან ჯერ დამაჯერებლობა აშკარად აკლია.კაცებიII წრერაფაელ ნადალი (ესპ, 3)-იგორ სისლინგი (ჰოლ) 6:4, 6:2; გრიგორ დიმიტროვი (ბულ, 11)-ნიკ კირგიოსი (ავსტრა) 7:6(2), 3:6, 7:6(4); როჯერ ფედერერი (შვეიც, 2)-დიეგო შვარცმანი (არგ) 6:4, 6:2; დონალდ იანგი (აშშ, 31)-ჟერემი შარდი (საფ) 6:4, 6:2; მილოშ რაონიჩი (კან, 6)-სიმონე ბოლელი (იტა) 6:3, 6:4; რობინ ჰაასე (ჰოლ)-სტენ ვავრინკა (შვეიც, 7) 6:3, 3:6, 6:3; ტომაშ ბერდიხი (ჩეხ, 9)-სერგეი სტახოვსკი (უკრ) 6:1, 6:4; ტომი რობრედო (ესპ, 17)-ანდრეი გოლუბევი (ყაზ) 6:4, 6:7(5), 6:4; ჯეკ სოკი (აშშ)-ჟილ მიულერი (ლუქ) 3:6, 6:3, 7:6(7); ალექსანდრ დოლგოპოლოვი (უკრ, 29)-სანტიაგო ხირალდო (კოლ) 6:1, 7:6(4); სეტ ჯონსონი (აშშ)-ივო კარლოვიჩი (ხორ, 21) 6:3, 7:6(5); ჟილ სიმონი (საფ, 13)-მალიკ ჟაზირი (ტუნ) 6:3, 4:6, 6:2; მიხაელ ბერერი (გერ)-რიშარ გასკე (საფ, 22) 7:6(6), 4:6, 3:1 უარი; ანდრეას სეპი (იტა, 30)-ვიქტორ ჰანესკუ (რუმ) 6:4, 6:4; ლუკაშ როსოლი (ჩეხ, 27)-მარტინ კლიჟანი (სლოვაკ) 4:6, 6:0, 6:3; რობერტო ბაუტისტა აგუტი (ესპ, 15)-დენის ისტომინი (უზბ) 6:4, 6:3.ყოველდღიური სპორტული გაზეთი "ლელო"

სენსაციებით დატვირთული დღე შანხაიში - ტურნირს რამდენიმე ვარსკვლავი ერთიანად გამოეთიშა

ბასილაშვილი ჩილიჩთან დამარცხდა და ჯოკოვიჩთან კიდევ ერთხელ დაპირისპირების შანსი დაკარგა

ბასილაშვილი შანხაის მასტერსის ძირითად ბადეში შევიდა და ასეულში დაბრუნდა

კანავარო უზბეკეთის ნაკრებში კაპაძეს შეცვლის და სოლიდურ თანხასაც გამოიმუშავებს

უარი სუპერლიგას - ''ბარსელონა" გაზრდილი შემოსავლებით კმაყოფილია

ლოჩოშვილის "ნიურნბერგმა" დიუსელდორფში გაიმარჯვა

ახალი ეტაპი "იბერიაში" - გუნდს გუგა ნერგაძე უხელმძღვანელებს

ალექსანდრე იაშვილი: დარწმუნებული ვარ, ჩაკვეტაძე ისევ ისეთი ძლიერი დაგვიბრუნდება

"ჩაკვეტაძე რთულ სიტუაციაშია, მას 7 თვეა არ უთამაშია... ბოლო დროს ხაჭაპურსა და ხინკალს ნაკლებად მივირთმევ" - ვილი სანიოლის პრესკონფერენცია

"ყველა დროის საუკეთესო ვარ და ამას კიდევ ერთხელ დავამტკიცებ" - მერაბ დვალიშვილი

ფოტო უკვე სხვა ფასი ღირს - ცნობილია, რა დაგიჯდებათ იამალის დედასთან ერთად ვახშმობა

ევროპალიგაზე "მიდტიულანდთან" სენსაციური მარცხი შემდეგ "ნოტინგემის" ფანები პოსტეკოღლუს გათავისუფლებას ითხოვენ

"მინდა გვარდიოლამ ესპანეთის ნაკრები ჩაიბაროს" - დავიდ სილვა

ვსა-მ დუდუ დადიანის თასი ზედიზედ მეორედ მოიგო

[VIDEO] თურქი მეკარის ეს სიგიჟე ნახეთ? - ოზერმა "რომასთან" 2 წუთში 3 პენალტი მოიგერია

"პსჟ კი არა, ჩემპიონთა ლიგის ფავორიტი ეს გუნდია" - ლუის ენრიკეს მოულოდნელი არჩევანი

20 წლამდელთა ნაკრებს ვიტო კოლელიშვილი ჩაიბარებს

კონფერენს ლიგა: სიგუას ლამაზი სოლო-რეიდი და საგოლე პასი

[VIDEO] კიტეიშვილი გოლით დაბრუნდა - "შტურმმა" "რეინჯერსს" მოუგო

[VIDEO] კიტეიშვილი დაბრუნდა და "რეინჯერსს" გაუტანა

The Athletic: ალისონის ტრავმა ნავარაუდევზე სერიოზული აღმოჩნდა - მამარდაშვილს შანსი და გამოცდა ელის

კვერნაძე ერთმატჩიანი დისკვალიფიკაციით დასაჯეს

უიმბლდონი. I დღე: ვავრინკა უკვე შინ წავიდა

"ბატონო ნადალ, ფოტო შეიძლება?!" - ფედერერმა გულშემატკივრებთან საუბარში სასაცილო ისტორია გაიხსენა

"მგრძნობიარე ადამიანი ვარ, განსაკუთრებით მაშინ, თუ საქმე ეხება პიროვნებას, რომელსაც ძალიან ვაფასებ" - რაფაელ ნადალის ემოციური ინტერვიუ

US OPEN 2016 დიდი მატჩების კაცი

ვარსკვლავები ბრუნდებიან - ავსტრალიის ღიაზე ენდი, ნოვაკი და სტენი ითამაშებენ

ფინალებში სტენ ვავრინკა ყველაზე მაგარია

ავსტრალიის ღია პირველობა: თავიდანვე ბრძოლაში

ფერდინანდმა ყველა დროის საუკეთესო ოთხ სპორტსმენში არცერთი ფეხბურთელი არ შეიყვანა

ინდიან უელსის "მასტერსი": როცა მარეი არ არის...

"როჯერ, ახლახან ჩამოვფრინდი ბაზელში, საიდანაც..." - როგორ გაეხუმრა მარი ფედერერს

ყველა დროის ყველაზე ხანგრძლივი პირველობა მამაკაცებსა და ქალებშიც - ჯოკოვიჩმა ისტორიული მიღწევა დააფიქსირა

ოფიციალურად: როჯერ ფედერერი მილიარდერი გახდა