<p>ინტერნეტგამოცემა "ფუტბოლმა" "შახტარის" 19-წლამდელთა გუნდის ქართველი, ბექა ვაჩიბერაძე დაახასიათა <br> უკრაინულ ინტერნეტგამოცემა "ფუტბოლს" აქვს რუბრიკა - "ახალგაზრდა ტალანტები". ამჯერად, დონეცკის "შახტარის" 19-წლამდელთა გუნდის ქართველი, ბექა ვაჩიბერაძე დაახასიათეს.</p><p><p><div style="text-align: center;"><span style="color: #ff0000;"><strong>ზოგადი ინფორმაცია</strong></span></div></p> ვაჩიბერაძე საქართველოდანაა (დაიბადა 1996 წლის 5 მარტს, ქუთაისში - რედ). ბექა უკრაინაში 2007 წლიდან თამაშობს და თავის დამკვიდრებას ცდილობს. თავიდან ის ოდესის "ჩერნომორეცის" საფეხბურთო აკადემიაში ჩაირიცხა, ხოლო 16 წლისა "შახტარის" სკაუტებმა შენიშნეს და დონეცკში გადაიყვანეს. უთამაშია უკრაინის ყველა ასაკობრივ ნაკრებში. მის საქმეებს ცნობილი უკრაინელი აგენტი ანდრეი გოლოვაში განაგებს.</p><p><p><div style="text-align: center;"><span style="color: #ff0000;"><strong>თამაში: პლუს-მინუსები</strong></span></div></p> "შახტარში" საყრდენი ნახევარმცველია. უეფას იუნიორთა ლიგაში გამოჩნდა, როგორც არა ტიპური ჩამშლელი, არამედ, როგორც კარგი ორგანიზატორული ნიჭის მქონე ახალი თაობის საყრდენი.</p><p>თავის ასაკთან შედარებით, ბექას მშვენიერი ტექნიკა გამოარჩევს. ეტყობა, რომ ბურთთან შეხება სიამოვნებს. ამიტომ, როცა ბურთს მიიღებს, ლამის გუნდის ცენტრალური ფიგურა ხდება. როცა პარტნიორები შეტევაში რთავენ, დარწმუნებულები არიან, რომ ის იერიშის საუკეთესო განვითარებას იპოვის.</p><p>ძირითადად, ბექა თამაშობს სწრაფად, შეტევებს მიმართულებას უცვლის, მასში ფლანგის მცველებს რთავს და პარტნიორებთან ბურთს ათამაშებს. ახერხებს ვითარების სწრაფად შეფასებას, შეტევის უმალ წამოწყებასა და პრესინგის თავიდან აცილებას.</p><p>საერთოდ, თავისი ამპლუიდან გამომდინარე, მოვალეობას თავს ძალიან კარგად ართმევს და საამისოდ, ბევრი სირბილი უხდება. ისიც ჩანს, რომ ფიზიკურად საკმაოდ კარგადაა განვითარებული.</p><p>რა თქმა უნდა, მცირე ნაკლიც აქვს - ეს მისი სიმაღლეა (168 სმ), რის გამოც დიდგაბარიტიან მოთამაშეებთან ბრძოლა უჭირს. ოღონდ, ვგულისმხობთ საჰაერო ორთაბრძოლებს, თორემ სხვაგვარად არავის არაფერს უთმობს.</p><p>აღნაგობითა და ბურთის ფლობის მანერით ჰგავს ესპანელ სანტი კასორლას, თუ ეს ხმამაღალ შედარებად არ მოგეჩვენებათ.</p><p>პოზიციის გათვალისწინებით, ვაჩიბერაძეს დიდი შავი სამუშაოს შესრულება უწევს.</p><p>ორთაბრძოლებში ფეხის "შედგმის" არ ეშინია, მაგრამ გვრჩება შთაბეჭდილება, რომ პოზიციურ ბრძოლებში ჯერ კიდევ დიდი შრომა სჭირდება. ეს ეხება არა მხოლოდ დაცვისა და ნახევარდაცვის პოტენციურად საშიში ზონების გადაკეტვას, არამედ, ფლანგებსაც, სადაც მოწინააღმდეგესთან პარტნიორის ერთი-ერთზე დატოვება სასურველი არ არის.</p><p>ერთსაც დავამატებთ - ვაჩიბერაძე "სტანდარტულების" კარგი შემსრულებელია, რაც მისი ტექნიკით გასაკვირი სულაც არ არის. ეს ეხება პენალტებსაც, რომელსაც ცივსისხლიანად ურტყამს.</p><p><p><div style="text-align: center;"><span style="color: #ff0000;"><strong>პოტენციალი</strong></span></div></p> თავის ასაკში ვაჩიბერაძე უკვე ერთ-ერთ ლიდერად ითვლება როგორც "შახტარში", ასევე უკრაინის 19-წლამდელთა ნაკრებში, რომელსაც ქვეყნის ერთ-ერთი საუკეთესო დამწყები მწვრთნელი ალექსანდრ გოლოვკო ხელმძღვანელობს.</p><p>ის ფაქტი, რომ ეს გუნდები წარმატებით თამაშობენ ("შახტარმა" იუნიორთა ჩემპიონთა ლიგის 1/4 ფინალამდე გააღწია, ხოლო ნაკრები ევრო 2015-ის ელიტრაუნდშია), უკვე ბევრზე მეტყველებს.</p><p>ბექაზე მისი თანაგუნდელები ძალიან თბილად ლაპარაკობენ. მათი ინტერვიუებიდან ირკვევა, თუ რამხელა ავტორიტეტი აქვს გუნდსა და ნაკრებში.</p><p>გასაგებია, რომ ახალგაზრდული გუნდების ლიდერები დიდების ფეხბურთში ყოველთვის გზას პირველები ვერ იკვლევენ. მაგრამ ვაჩიბერაძის შემთხვევაში ჩანს, რომ შესაძლოა, მას ყველაფერი კარგად აეწყოს.</p><p><strong>რეიტინგი (12-ბალიანი სისტემით)</strong></p><p>თამაშის გაგება 9</p><p>სისწრაფე 8</p><p>ძალა/გამძლეობა 8</p><p>დრიბლინგი 9</p><p>გადაცემა (გრძელი) 9</p><p>გადაცემა (მოკლე, საშუალო) 9</p><p>თავდადება 9</p><p>თავით თამაში 8</p><p>მიზანდასახულობა 10</p><p>დარტყმა 9</p><p>პოტენციალი 9</p><p>ახლანდელი ღირებულება 500 ათასი ევროა, პოტენციური - 2 მილიონი ევრო.</p><p>კონტრაქტი უმთავრდება 2015 წლის შემოდგომაზე</p><p><p><div style="text-align: center;"><span style="color: #ff0000;"><strong>ინტერესი</strong></span></div></p> იმის გათვალისწინებით, რომ უკრაინულ ფეხბურთში ცნობილი შემსრულებლების შესაძლო ტრანსფერებზე ცოტას ლაპარაკობენ, ვაჩიბერაძის ასაკის ახალგაზრდის შესახებ რაიმე მსგავსი ინფორმაციის მოსმენა, ფაქტობრივად, შეუძლებელია. თანაც, მას ახლა "შახტარში" წინსვლაზე ფიქრი უჯობს.</p><p><p><div style="text-align: center;"><span style="color: #ff0000;"><strong>პროგნოზი</strong></span></div></p> კოვალენკოსგან განსხვავებით, რომელთანაც უეფას იუნიორთა ჩემპიონთა ლიგასა და უკრაინის 19-წლამდელთა ნაკრებში თამაშობს, ბექა ჯერ მეშახტეების პირველ გუნდში არ მიუწვევიათ. მაგრამ არსებობს საფუძვლიანი ვარაუდი, რომ კლუბის აკადემიის გაზრდილი ამ ნიჭიერი ნახევარმცველით მირჩა ლუჩესკუ დაინტერესდა. მით უფრო, რომ რუმინელმა სპეციალისტმა უკრაინის მოქალაქეობის მქონე ახალგაზრდა მოთამაშეებს შანსი არაერთხელ მისცა, თუნდაც იმავე კოვალენკოს. ასე რომ, მთავარ გუნდში მოხვედრის შესაძლებლობა ვაჩიბერაძესაც უნდა ჰქონდეს.</p><p>იმ შემთხვევაში, თუ "შახტარი" გადაწყვეტს, რომ ამ შემსრულებელს "დამუშავება" და სხვა კლუბში სათამაშო პრაქტიკისთვის გაშვება სჭირდება, მაშინ მას ბევრი ვარიანტი გამოუჩნდება - საბედნიეროდ, "შახტარის" ახალგაზრდა ფეხბურთელებით უკრაინის პრემიერლიგის მრავალი კლუბია დაინტერესებული. თუ ტრავმები გვერდს აუქცევს, რასაც ვუსურვებთ კიდეც, პრემიერლიგაში ვაჩიბერაძის დებიუტს ნახევარ წელიწადში უნდა ველოდოთ - იმიტომ, რომ სულ მცირე, 19-წლამდელთა დონეზე მაინც გამოირჩევა.</p><p><strong>ყოველდღიური სპორტული გაზეთი "ლელო"</strong></p><p><span style="color: #ff0000;"><strong>ასევე იხილეთ:</strong></span><a href="/fexburti/qarthuli-fekhburthi/legionerebi/76573-qarthvelma-fekhburthelma-qshakhtariq-chempiontha-ligis-nakhevarfinalshi-gaiyvana-video.html" target="_blank"></p><p>ქართველმა ფეხბურთელმა "შახტარი" ჩემპიონთა ლიგის ნახევარფინალში გაიყვანა [VIDEO]</a></p>
გადრანი "კაირატიდან" "ბეითარში" გადავიდა
საზონოვი "ხეტაფეში" ტრანსფერის 120-წამიანი დაგვიანების გამო ვერ გადავიდა
ქართველი მეკარე ესპანურ გუნდში გადავიდა
პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა
პირველი ტაიმის შემდეგ საქართველოს ნაკრები ბულგარეთს 2:0 ამარცხებს
მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო
კაპიტანი კვარაცხელია - ბულგარეთთან მატჩში საქართველოს ნაკრების შემადგენლობა ცნობილია
ოფიციალურად: "კოლოსმა" ზურაბ რუხაძე წარადგინა
ტიაგო მოტამ შესაძლოა, ბუნდესლიგის ბინადარი გუნდი ჩაიბაროს
როდრიმ მისი აზრით "ოქროს ბურთის" ორი ფავორიტი დაასახელა
"სექსის დროს არ მინახავს, არ იცოდა, რომ კამერებზე წვდომა მქონდა..." - როგორ გაიგო ღალატის შესახებ არგენტინელი ვარსკვლავის მეგობარმა გოგონამ
ფრენკ ლამპარდი შესაძლოა, სამუშაოდ პრემიერ ლიგაში დაბრუნდეს
ქოჩორაშვილი: აქამდე სწორედ იმიტომ მოვედით, რომ არასდროს ვნებდებით
ევრობასკეტის მთავარი სენსაცია - სერბეთის ნაკრები ფინეთთან დამარცხდა და ტურნირს გამოეთიშა
"შავი ლომი" "ძებრესთან" დამარცხდა
ლუქსემბურგის ახალგაზრდული ნაკრების ავტობუსი გზაში გადატრიალდა
გატუზო თავის სტიქიაშია - ზოგს წაუთაქა, ზოგს სილა გააწნა
დუე და დემბელე ლაზარეთში, ლუის ენრიკე საოპერაციო მაგიდაზე - რა ხდება პსჟ-ში?
ბულგარელთა მწვრთნელი: შეგვიძლია ის დანაკლისი აღმოვფხვრათ, რაც ჩვენი და საქართველოა ნაკრების ფეხბურთელების ხარისხს შორისაა
დავითაშვილი: ასეთები ხდება, მთავარია, ახლა არ გავიმეოროთ
სანიოლი: ისე ხდება, როგორც სკოლაში - გვირჩევნია ახალ ტაქტიკაზე ახლავე გადავეწყოთ
ანრის გაუთანაბრდა - მბაპე საფრანგეთის ნაკრებში ყველა დროის რეკორდისკენ მიდის
მატჩის დღე - ქართველებსა და ბულგარელებს ცუდად დაწყებულის გამოსწორება სურთ!
ირაკლი აზაროვი "შახტარის" ფეხბურთელია!
ბექა ვაჩიბერაძე საქართველოს ჩემპიონატში ითამაშებს
ვაჩიბერაძე "მეტალისტში" გადავიდა
კვარაცხელიას შემცვლელი - "ნაპოლი" "შახტარის" ფეხბურთელის შეძენასთან ახლოსაა
"ჩერნომორეცმა" ვაჩიბერაძის მოპოვებული პენალტით ფრეს მიაღწია
რუსებს ოკუპირებულ დონეცკში ახალი "შახტარის" შექმნა უნდათ
წიტაიშვილი დაიტოვეს - დიდი წმენდა "ჩერნომორეცში"
ნიჭი, ძამიკო, ნიჭი! - წიტაიშვილმა ულამაზესი გოლი გაიტანა [VIDEO]
შახტარი ჩემპიონთა ლიგაზე თამაშს გერმანიაში აპირებს
ოფიციალურად - ბექა ვაჩიბერაძე "ტორპედოს" ფეხბურთელი გახდა
უკრაინის ფეხბურთის ფედერაციას პედრინიოს ნატურალიზაცია სურს
ბენზემამ საკუთარი მომავალი დააანონსა