<p>საქართველოს ეროვნული ჩემპიონატი. უმაღლესი ლიგა. XX ტური <br> მაშინაც მარტი იყო, ლანჩხუთმა ისტორიულ "გურია"-"დილას" რომ უმასპინძლა - საქართველოს ეროვნულ ჩემპიონატში ამ გუნდების პირველ მატჩს. "ევგრაფი შევარდნაძეს" მას შემდეგ აღარ ახსოვს 10 ათასი მაყურებელი...</p><p>არა, 25 წლის შემდეგაც, ჩვენი ფეხბურთის მდგომარეობისა და მაყურებელთა დასწრების შემხედვარე, მაინც გვარიანად მოვიდა ლანჩხუთელი ქომაგი საკუთარი გუნდის მხარდასაჭერად, თუმცა თავიდანვე უნდა ვთქვათ, რომ ლამაზი თამაში ვერ იხილა.</p><p>ლანჩხუთელებმა გორელები წელსაც შეაჩერეს - გასულ სეზონში თუ ეს ერთგვარ სენსაციად ჩაითვალა ("ჩელე არენაზე" "გურიამ" ევროსარბიელზე ნაქები "დილა" 2:0 დაამარცხა), "გურიამ" ეს წელი ისე დაიწყო, "დილას" სიფრთხილე მთელი თამაში ეტყობოდა - მეტოქის დარად, მოგებაზე კი ფიქრობდა, მაგრამ თავს არწასაგებადაც გვარიანად იზღვევდა. ამიტომაც იყო, თითქოს გახსნილ თამაშში მწვავე მომენტები თითქმის რომ არ იქმნებოდა.</p><p>პირველი ხიფათი სტუმრებისა იყო - <strong>მიხაილ გორელიშვილის</strong> ჩაწოდებული მცველებმა გამოიტანეს და <strong>ნიკა კვეკვესკირის</strong> დამატება აუღებელთა კატეგორიას ნაღდად არ განეკუთვნებოდა.</p><p>მერე <strong>ვილი ისიანმა</strong> გააძვრინა მცველებს შორის ბურთი, მაგრამ დარტყმას ის ძალა ვერ მისცა, პრობლემა უკვე <strong>გიორგი სომხიშვილს</strong> რომ შექმნოდა.</p><p>ერთხელ <strong>თორნიკე მოსიაშვილმაც</strong> სცადა გატანა, მაგრამ წინა საშინაო მატჩებში ორი სამქულიანის "მსროლელს" მიზანმა უმტყუნა.</p><p>უკეთესი შანსი კი ტაიმის მიწურულს გურულებს მაშინ მიეცათ, როცა <strong>ალეკო კოშკაძის</strong> ჩაწოდებულს <strong>გიგა ჭეიშვილმა</strong> თავი შეაგება - ბურთი კარს ზემოდან გადაევლო.</p><p>თამაშის სცენარი არც მეორე ტაიმში შეცვლილა. გორელებს თითქმის არაფერი გამოსდიოდათ საიმედოდ მოთამაშე "გურიის" მცველებთან - <strong>ერეკლე კილაძე</strong> და <strong>ბუკა ცინცაძე</strong> საიმედოდ ზღუდავდნენ ცენტრალურ ზონას, ფლანგებიდან კი სტუმრებს ღირებულის შექმნა უჭირდათ.</p><p>ერთხელ იყო ეპიზოდი, როცა "გურია" ხიფათს გადაურჩა - დასწრებაზე <strong>ლუკა რაზმაძეს</strong> მცველებმა "დაუფარეს".</p><p>თითქმის არ ჰქონდა საქმე <strong>მიხეილ გოგუაძეს</strong>, თუმცა "გურიის" მეკარე მეტოქესთან შეჯახებისას ისე დაშავდა, შესაცვლელი გახდა. არადა, მას ყველაზე გრძელი მიმდინარე "მშრალი" სერიის (333 წუთი) გაგრძელება 360 წუთამდე შეეძლო, რაკი მის შემცვლელსაც არ დასდგომია ჯაფა - <strong>რატი იმერლიშვილმა</strong> ვაჟიშვილის დაბადება ასევე კარის უვნებლად შენახვით აღნიშნა.</p><p>ვერც "გურია" ქმნიდა საგოლე მომენტებს: მატჩის მიწურულს ისიანს მეკარემ აუღო, ერთხელაც ვილიმ მეკარის ბაქანში ბურთი ვერ მოიხელთა და "დილა" საფრთხეს გადაურჩა, ხოლო კოშკაძის პასზე შალამბერიძეს თავი უკეთ რომ დაეხვედრებინა...</p><p>სულ ბოლოს "დილამ" მწვავედ შეუტია, ერთხელ გაიტანა კიდეც, ოღონდ თამაშგარედან და სტუმრებმა საჯარიმოში წაქცეული <strong>ირაკლი მოდებაძის</strong> გაფრთხილებისას (სიმულაციის მოტივით) მსაჯთან ის დავა გააგრძელეს, ლამის პირველი წუთებიდან რომ დაიწყეს. არადა, <strong>დავით ხარიტონაშვილს</strong> შეცდომა თითქმის არ დაუშვია.</p><p>მისმა სასტვენმა კი 0:0-თან ერთად ისიც დააფიქსირა, რომ "გურიამ" "დილა" შეაჩერა, ხოლო "დილამ" ლანჩხუთელთა წაუგებელი საშინაო სერია - ვერა...</p><p><span style="color: #3366ff;"><strong>საქართველოს ეროვნული ჩემპიონატი. უმაღლესი ლიგა. XX ტური</strong></span></p><p>18.03. ლანჩხუთი. "ევ. შევარდნაძე"</p><p><em><strong>გურია-დილა 0:0</strong></em></p><p><span style="text-decoration: underline;"></p><p>გურია (4-5-1):</span> გოგუაძე (63. იმერლიშვილი) - ჭეიშვილი, ე. კილაძე, ბ. ცინცაძე, მჭედლიშვილი - ინგოროყვა (63. ბენაშვილი), მოსიაშვილი, ზოზულია, კოშკაძე, შალამბერიძე - ისიანი (88. მათიაშვილი).</p><p>სათადარიგოები: გოგიაშვილი, გაბრიჩიძე, შეველი, წილოსანი</p><p>მწვრთნელი: თემურ ლორია</p><p><span style="text-decoration: underline;">დილა (4-3-2-1):</span> სომხიშვილი - ხურცილავა, ბაგაევი, ქარქუზაშვილი, მარიჩი - რაზმაძე (52. წიქარიძე), ფალავანდიშვილი, გვალია (56. სეთურიძე) - ახალკაცი, გორელიშვილი - კვეკვესკირი (86. მოდებაძე).</p><p>სათადარიგოები: მიგინეიშვილი, ხიდეშელი, ერისთავი, თექთურმანიძე</p><p>მწვრთნელი: უჩა სოსიაშვილი</p><p><span style="text-decoration: underline;">გაფრთხილება:</span> ხურცილავა (43), შალამბერიძე (45+2), ჭეიშვილი (54), მოსიაშვილი (73), მოდებაძე (90)</p><p><span style="text-decoration: underline;">არბიტრი:</span> დ. ხარიტონაშვილი</p><p>(იბეჭდება მცირე ცვლილებით)</p><p><strong>ყოველდღიური სპორტული გაზეთი "ლელო"</strong></p>
gori
დილამ საიტი გააუქმა თუ რა ხდება?რამე ხოარ იცის ვინმემ?
edo
დაწერთ ხოლმე თამაშს რამდენი მაყურებელი დაესწრო.
ბოლო წუთების ფასი... "დილამ" და "სამგურალმა" მოიგეს, "იბერია 1999"-"გარეჯი" ფრედ დასრულდა
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში
ფრე ქუთაისში... და "თელავის" მოგება "გაგრასთან"
დუდუ დადიანის მემორიალზე ნახევარფინალისტები დაწყვილდნენ
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
U17 | საქართველო 3:0 ლიეტუვა
წიტაიშვილი და აბუაშვილი შეცვლაზე და "მეცის" ფრე "ჰავრთან"
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში
იური ტაბატაძე შეცვალეს - "კადისი" "სეუტასთან" ფრეს დასჯერდა
ლოჩოშვილმა ტრავმა მიიღო - "ნიურნბერგი" სახლში "ჰერტასთან" განადგურდა
გოგლიჩიძე ისევ არ ათამაშეს - "უდინეზე" დამარცხდა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"რეალს" გიულერის თაობაზე ორი კლუბი დაუკავშირდა - "სამეფო კლუბმა" გადაწყვეტილება მიიღო
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
[VIDEO] სათადარიგოთა სკამიდან შევიდა და ყველაზე შედეგიანი იყო - შერმადინის მაგარი მატჩი "რეალთან"
ფრე ქუთაისში... და "თელავის" მოგება "გაგრასთან"
ლუის ენრიკემ კვარაცხელიას ტრავმაზე კომენტარი გააკეთა
[VIDEO] ლომინაძე და ქოჩორაშვილი შეცვლაზე შევიდნენ - "სპორტინგმა" "ნაპოლიმდე" "ეშტორილს" სძლია
"[VIDEO] ბარსელონასთან" მატჩის წინ ხვიჩამ ტრავმა მიიღო - პსჟ-მ "ოსერს" მცველების გოლებით მოუგო
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ