სამთო თხილამურები. მსოფლიოს თასი: ვონი სტენმარკის გვერდით

ამერიკელის მე-19 გლობუსი საფრანგეთის კურორტ მარიბელში, სამთო თხილამურებში მსოფლიოს თასის ფინალის მეორე დღეს მაყურებელს ერთგვარი დეჟავიუ ჰქონდა - მათ წინაშე ბროლის მცირე გლობუსებით ხელში ისევ ამერიკელი ლინდსი ვონი და ნორვეგიელი ჩეტილ იანსრუდი იდგნენ.ეს მოთხილამურეები წინა დღეს სწრაფდაშვებაში გახდნენ სეზონის ლაურეატები, გუშინ კი სუპერგიგანტში ზეიმობდნენ ანალოგიურ წარმატებას. ვონი ბოლო ორი დღის განმავლობაში მეორედ ავიდა პოდიუმის უმაღლეს საფეხურზე და მისი ყოველი გამარჯვება რაღაც სტატისტიკური მიღწევით არის გამორჩეული.გუშინ ამერიკელმა მე-19 ბროლის გლობუსი მოიპოვა და გაიმეორა ლეგენდარული შვედის, ინგემარ სტენმარკის ყველა დროის რეკორდი. გარდა ამისა, კარიერაში 67-ე ეტაპი მოიგო, რაც ასევე რეკორდია ქალებს შორის.გუშინდელი სტარტის წინ ვონი სუპერგიგანტის ჩათვლაში მხოლოდ ოთხ ქულას უგებდა ანა ფენინგერს. ავსტრიელი უფრო ადრე გავიდა სტარტზე და საუკეთესო დრო დააფიქსირა. ეს გარკვეული ზეწოლა უნდა ყოფილიყო ლინდსისთვის, მაგრამ მან პირველ საშუალედო ფინიშზე 0.01-წამიანი უპირატესობა 0.49 წამამდე აიყვანა და დამაჯერებლად დაამარცხა კონკურენტი.ფენინგერი ბოლომდე უკმაყოფილო ვერ დარჩებოდა გუშინდელი სტარტით, რადგან გენერალურ კლასიფიკაციაში მთავარი კონკურენტი ტინა მაზე დაამარცხა და მასთან სხვაობა 32 ქულამდე გაზარდა. ახლა ბროლის დიდი გლობუსის ბედი შაბათს და კვირას გაირკვევა, როცა სლალომისა და გიგანტური სლალომის სტარტები გაიმართება.სუპერგიგანტი. ქალები1. ლინდსი ვონი (აშშ) - 1:07.70; 2. ანა ფენინგერი (ავსტრია) - +0.49; 3. ტინა მაზე (სლოვენ) - +0.80; 4. ტინა ვაირატერი (ლიხ) - +1.20; 5. ნიკოლ ჰოსპი (ავსტრია) - +1.39; 6. ფრანჩესკა მარსალია (იტა) - +1.49...სუპერგიგანტის ჩათვლა1. ლინდსი ვონი (აშშ) - 540; 2. ანა ფენინგერი (ავსტრია) - 512; 3. ტინა მაზე (სლოვენ) - 390; 4. კორნელია ჰუტერი (ავსტრია) - 286; 5. ლარა გუტი (შვეიც) - 261; 6. ნიკოლ ჰოსპი (ავსტრია) - 255...საერთო ჩათვლა1. ანა ფენინგერი (ავსტრია) - 1453; 2. ტინა მაზე (სლოვენ) - 1421; 3. ლინდსი ვონი (აშშ) - 1042; 4. მიკაელ შიფრინი (აშშ) - 900; 5. ნიკოლ ჰოსპი (ავსტრია) - 658; 6. ელიზაბეტ გიორგლი (ავსტრია) - 638...* * *მამაკაცების სუპერგიგანტში უფრო მარტივად იყო საქმე, რადგან ამ სახეობაში ბროლის მცირე გლობუსი ნორვეგიელმა ჩეტილ იანსრუდმა ერთი კვირით ადრე მოიპოვა. თუმცა მას გამარჯვება სჭირდებოდა გენერალურ კლასიფიკაციაში ბრძოლის გასაგრძელებლად.მაგრამ, ნორვეგიელისთვის სამწუხაროდ, მაინცდამაინც გუშინ მოუნდა კარიერაში პირველი გამარჯვების მოპოვება კანადელ დასტინ კუკს. ამ მოთხილამურეს სეზონის ფანტასტიკური დასასრული გამოუვიდა: ერთი თვის წინ მსოფლიოს ჩემპიონატზე ვერცხლის მედალი მიიღო, ორი კვირის წინ მსოფლიოს თასზე პირველი პოდიუმი მოიპოვა, ახლა კი პირველ გამარჯვებასაც მიაღწია.იანსრუდმა კუკთან მხოლოდ 0.05 წამი წააგო და მეორე ადგილი დაიკავა. ნორვეგიელს იმ მხრივაც არ გაუმართლა, რომ მსოფლიოს თასის ლიდერმა, სლალომის სპეციალისტმა მარსელ ჰირშერმა მეოთხე ადგილის დაკავება შეძლო მისთვის არც ისე მოსახერხებელ დისციპლინაში. მართალია, გუშინდელი სტარტის შემდეგ ჰირშერსა და იანსრუდს შორის სხვაობა გენერალურ კლასიფიკაციაში 34 ქულამდე შემცირდა, მაგრამ წინ გიგანტური სლალომი და სლალომია და აქ ჰირშერი ორი თავით მაღლა დგას იანსრუდზე.ასე რომ, თუ რაიმე სასწაული არ მოხდა, ავსტრიელი ზედიზედ მეოთხედ მოიპოვებს ბროლის დიდ გლობუსს, რაც ისტორიაში არც ერთ მოთხილამურეს არ გაუკეთებია.სუპერგიგანტი. კაცები1. დასტინ კუკი (კან) - 1:06.04; 2. ჩეტილ იანსრუდი (ნორ) - +0.05; 3. როჟე ბრისი (საფ) - +0.08; 4. მარსელ ჰირშერი (ავსტრია) - +0.09; 5. მაურო კავიზელი (შვეიც) - +0.11; 6. მაქს ფრანცი (ავსტრია) - +0.27...სუპერგიგანტი. ჩათვლა1. ჩეტილ იანსრუდი (ნორ) - 556; 2. დომინიკ პარისი (იტა) - 353; 3. მატიას მაიერი (ავსტრია) - 274; 4. ჰანეს რაიხელტი (ავსტრია) - 243; 5. დასტინ კუკი (კან) - 239; 6. ვინსენტ კრიხმაირი (ავსტრია) - 196...საერთო ჩათვლა1. მარსელ ჰირშერი (ავსტრია) - 1298; 2. ჩეტილ იანსრუდი (ნორ) - 1264; 3. ალექსის პინტურო (საფ) - 924; 4. ფელიქ ნოიროიტერი (გერ) - 816; 5. ჰანეს რაიხელტი (ავსტრია) - 760; 6. დომინიკ პარისი (იტა) - 745...

სილქნეტის მხარდაჭერით საქართველოს თასის გათამაშების მეოთხე ეტაპი გუდაურში გაიმართება

ფიგურულ სრიალში ქართულმა წყვილმა გრან პრიზე ოქროს მედალი მოიპოვა

მომავალ სეზონებზე ბაკურიანი და გუდაური მსოფლიო თასის ეტაპებს უმასპინძლებენ

"მანჩესტერ იუნაიტედთან" მატჩში "ლივერპულის" შემადგენლობა ცნობილია

ფრე დინამოების დაპირისპირებაში; წყალტუბოელთა მოგება ფოთში

ქოჩორაშვილი სათადარიგოთა შორის დატოვეს - "სპორტინგი" 1/16-ფინალში ძლივს გავიდა

დავითაშვილის "სენტ-ეტიენმა" შინ მარცხი განიცადა

[VIDEO] ვენდეტა არგენტინულად - სიმეონემ "ტორინოს" "ნაპოლისთან" გამარჯვება მოუპოვა

მიქაუტაძის გარეშე - "სიტისთან" მატჩამდე "ვილიარეალმა" "ბეტისთან" გამარჯვება ხელიდან გაუშვა

საქართველო 3:2 ყირგიზეთი

გოჩოლეიშვილს სახეზე 6 ნაკერი დაადეს - "ჰამბურგი" "ლაიფციგთან" დამარცხდა

კვერნაძე შეცვლაზე შევიდა - "ფროზინონე" "მონცასთან" დამარცხდა

39 დღე გაძლო - "ნოტინგემმა" პოსტეკოღლუ გაათავისუფლა

ზივზივაძე დაბრუნდა - "ჰაიდენჰაიმი" "ვერდერს" ფრედ ეთამაშა

"აქ ნებისმიერ მწვრთნელს კრიზისამდე ერთი მატჩი აშორებს" - ბრუნო ფერნანდეშმა რუბენ ამორიმი დაიცვა

"ქუთაისმა" რუსთავში იმარჯვა, "ორბმა" ტყიბულში თსუ-ს სძლია

"ალბათ, სეზონის ბოლოს "ბარსელონას" დატოვებს" - ცნობილი გერმანელი ჟურნალისტი ლევანდოვსკის მოამვალზე წერს

რაფაელ ბენიტესი ბერძნულ გუნდს ჩაიბარებს

გვარდიოლამ გაამხილა, როდის იფიქრებს მწვრთნელის კარიერის დასრულებაზე

კვარაცხელია და იამალი თანაგუნდელები გახდებიან? - პირველადი მოლაპარაკებები გაიმართა

[VIDEO] მამუკელაშვილის 17 წუთი - "ტორონტო რაპტორსმა" პრესეზონი "ბრუკლინთან" გამარჯვებით დაასრულა

ლიდერი შეიცვალა... "გარეჯმა", "ტორპედომ" და "იბერია 1999"-მა მოიგეს

კანტე ევროპაში ბრუნდება? - ფრანგს სერიოზული მსურველი ჰყავს