<p>ჯერარდი გამოვიდა, ჯერარდი წავიდა <br> "მანჩესტერ იუნაიტედმა" "ენფილდზე" უმნიშვნელოვანესი მატჩი მოიგო და უახლოეს მდევარ "ლივერპულთან" სხვაობა 5 ქულამდე გაზარდა.</p><p>ლუი ვან გაალმა "წითელი ეშმაკები" მშვენიერი ტაქტიკით ათამაშა და შემადგენლობაც გამოიცნო. ერთხელაც გავიხსენოთ, რომ 63 წლის ჰოლანდიელ სპეციალისტს ჩემპიონის ტიტული ჰოლანდიაში "ალკმაართან" და "აიაქსთან" ერთად აქვს მოგებული, ესპანეთში - "ბარსელონასთან" და გერმანიაში - "ბაიერნთან" ერთად. ჰოლანდიელმა ყველაზე დიდ გამარჯვებას კი ამსტერდამელებთან ერთად 1994/95 წლების სეზონში მიაღწია, როდესაც ჩემპიონთა ლიგა მოიგო.</p><p>მანჩესტერელთა რიგებში ხუან მატამ გაიბრწყინა, რომელმაც დუბლი შეასრულა და თანაც ორივე გოლი კარგი გახლდათ, განსაკუთრებით კი, მეორე, რომელიც ესპანელმა დახვეწილი "მაკრატელათი" გაიტანა. "ენფილდის" სტუმრები პირველ ტაიმში ჩინებულად გამოიყურებოდნენ და, რაოდენ გასაკვირიც უნდა იყოს, უფრო მეორე ნახევარში გაუჭირდათ, როდესაც "ლივერპული" ათი კაცით თამაშობდა, მაგრამ საბოლოოდ დამსახურებულად იმარჯვეს. საინტერესოა, რომ მეტოქის კარში ზუსტად "მანჩესტერმა" სულ 4-ჯერ დაარტყა და აქედან ორჯერ გაიტანა.</p><p>"გუნდურად ვითამაშეთ, იმაზე მეტად, ვიდრე ოდესმე ამ სეზონში.</p><p>განსაკუთრებულად კარგი თამაში პირველ ტაიმში ვაჩვენეთ. "ლივერპული" ფანტასტიკურ ფორმაში იყო და მეტოქე მისივე იარაღით დავამარცხეთ - ბურთის კონტროლი და ზეწოლა. მეორე ტაიმში, იმის მიუხედავად, რომ ერთი კაცით მეტნი ვიყავით, ცოტა მოვუკელით, ისეთი წნეხი აღარ გამოგვდიოდა და "ლივერპულს" თამაში გაუადვილდა, რაც კარგი არ არის. თუმცა, საბოლოოდ, მოვიგეთ და ეს ჩემს კარიერაში ერთ-ერთი უმნიშვნელოვანესი გამარჯვებაა" - განაცხადა ვან გაალმა.</p><p><p><div style="text-align: center;"><strong style="font-size: 12.1599998474121px; line-height: 1.3em;"><span style="color: #ff0000;">მატას ეფექტი</span></strong></div></p> მატას მეორე გოლი იმდენად ეფექტური იყო, რომ ტიმ ბარტონმა "ედვარდ მაკრატელხელას" გაგრძელება უნდა გადაიღოს და ჯონი დეპის ნაცვლად მატა ათამაშოს მთავარ როლში - "ხუან მაკრატელფეხა". ესპანელისადმი ქება-დიდება არც ვან გაალს დაენანა. იგი მატას, თითქოს, არ სწყალობდა ხოლმე, მაგრამ წინა მატჩში "ტოტენჰემთან" იანვრის მერე პირველად დააყენა ძირითად შემადგენლობაში და მერსისაიდელებთანაც დატოვა სასტარტოში. ასეთ მნიშვნელოვან მატჩებში ენდო, არც შემცდარა.</p><p>"ხუანი ჩემი ერთ-ერთი საუკეთესო მოთამაშეა. მე ბალანსს ვეძებდი, რომელიც ვიპოვე და მივაგენი პოზიციას, რომელითაც მატა ყველაზე უკეთ გვეხმარება. პლუს, ორი ბრწყინვალე გოლი გაიტანა" - დასძინა ვან გაალმა.</p><p>ხუან მატა: " ჩემთვის განსაკუთრებული დღეა. ძალიან ბედნიერი ვარ და არა მხოლოდ ჩემი გოლების გამო, არამედ იმიტომ, რომ გუნდმა კარგად ითამაშა და ძალიან მნიშვნელოვანი 3 ქულა ავიღეთ".</p><p>"შესამჩნევია, რომ "მანჩესტერი" ბურთს ძალიან სწრაფად ათამაშებდა და მათ მიერ ერთი-ორი შეხებით გათამაშებული კომბინაციების ხარისხმა და პროდუქტიულობამაც საგრძნობლად იმატა. "იუნაიტედი" გასნაკუთრებით შთამბეჭდავი პირველი 45 წუთის განმავლობაში გახლდათ, როდესაც უბურთოდ ყოფნისასაც, გასაქანს არ აძლევდა მეტოქეს" - ასე შეაფასა მანჩესტერელების თამაში ალან შირერმა.</p><p>პრემიერლიგაში გოლების რაოდენობის მხრივ, შირერის რეკორდის მოხსნის თეორიული შანსი უეინ რუნის აქვს, რომელმაც მატჩის მიწურულს პენალტი ვერ გაიტანა ("მანჩესტერის" მეოთხე ზუსტი დარტყმა სწორედ ეს იყო, სიმონ მინოლემ "სეივი" შემოგვთავაზა). მატჩის მერე "შრეკმა" დანანებით აღნიშნა - ვწუხვარ, დარტყმის უფლება მატას რომ არ დავუთმე, რომელსაც ჰეთ-თრიკის შესრულება შეეძლოო.</p><p>"ლივერპულს" პრემიერლიგაში 13-მატჩიანი წაუგებელი სერია ჰქონდა - 10 მოგება და 3 ფრე. ბოლო მარცხი მერსისაიდელებს სწორედ "მანჩესტერთან" ჰქონდათ - "ოლდ ტრაფორდზე" 0:3. და აი, ახლა "ენფილდის" ბინადრები კვლავაც "წითელმა ეშმაკებმა" შეაჩერეს. კიდევ სამი ცუდი ამბავი:</p><p>ადამ ლალანას ტრავმა, რომლის გამოც იგი, სულ ცოტა, 7-10 დღე დაისვენებს; მარტინ შკრტელის მომავალი დისკვალიფიკაცია, სლოვაკმა შეხვედრის მიწურულს დავიდ დე ხეას დააბიჯა და ფეხბურთის ასოციაციამ დაადასტურა, რომ იგი სასჯელს ვერ გადაურჩება და სტივენ ჯერარდის გამოხდომაა, სადამდეც მივალთ...</p><p>ჰო, კიდევ ამ ყველაფერს დანიელ სტარიჯის მიკროტრავმა დაემატა, რის გამოც, შესაძლოა, ვერც ის დაეხმაროს ინგლისის ნაკრებს, მაგრამ "ლივერპულს" შემდეგი ტურისთვის, წესით, აუცილებლად უნდა დაუბრუნდეს. შემდეგ ტურში კი, სანაკრებო პაუზის მერე, ბრენდან როჯერსის ბიჭები კარგ ფორმაში მყოფ "არსენალს" ესტუმრებიან და თუ ეს შეხვედრაც წააგეს, ოხეულში მოხვედრის შანსები ძალიან შეუმცირდებათ; ეს კი არა, "ტოტენჰემი" და "საუთჰემპტონი" სულ რაღაც ერთ ქულაში არიან.</p><p><p><div style="text-align: center;"><strong style="font-size: 12.1599998474121px; line-height: 1.3em;"><span style="color: #ff0000;">სიგიჟის 38 წამი და ოპტიმისტი როჯერსი</span></strong></div></p> მატჩზე დიდი გავლენა იქონია ჯერარდის წითელმა ბარათმა. "ლივერპულის" ლეგენდა, რომელიც სეზონის ბოლოს "ლოს ანჯელეს გელექსიში" მიდის, მინდორზე შესვენების მერე გავიდა და შესვლიდან 38 წამში გააძევეს.</p><p>მას მოედნის ცენტრში კარგად მოთამაშე ანდერ ერერა ეუხეშა, ხოლო წყობიდან გამოსულმა ჯერარდმა წაქცეულ ესპანელს ფეხზე დააბიჯა. სტივი ჯიმ თავისი გუნდი დააღალატა. მას წინა სეზონში "ჩელსისთან" ფეხის დაცდენაც უხსენეს. ახლა მას დისკვალიფიკაციის გამო სამი მატჩის გამოტოვება მოუწევს. მერსისაიდელთა კაპიტანმა საჯაროდ მოიბოდიშა.</p><p>"არბიტრი მართალი გახლდათ, როდესაც წითელი ბარათი მიჩვენა. ჩემი თანაგუნდელები და ფანები დავაღალატე. სრულ პასუხისმგებლობას საკუთარ თავზე ვიღებ. არ ვიცი, რამ გამოიწვია ეს. ალბათ, რეფლექსური პასუხი იყო უხეშობაზე. ამაზე საუბარი აღარ მსურს და მეტი სათქმელი არც არაფერი მაქვს. უბრალოდ, მინდა მოვიბოდიშო, ბოდიშს ვუხდი გულშემატკივრებსა და გუნდს" - აღნიშნა ჯერარდმა.</p><p>"სტივენმა, ალბათ, პირველი ტაიმის ყურებისას შენიშნა, რომ ვარდნები გვაკლდა და სურდა, უფრო ხისტად გვეთამაშა. რასაკვირველია, მას ის არ სურდა, რაც გამოვიდა. იგი ბრწინვალე კაპიტანი და ადამიანია, უკვე მოიბოდიშა და ამით საკითხი დახურულია. ბრძოლას ვაგრძელებთ. ბიჭებმა, წითელი ბარათის მიუხედავად, სცადეს მატჩის გადარჩენა. სამწუხაროდ, ეს არ გამოგვივიდა.</p><p>ახლა კი მეც და სხვებიც ძველებურად გავაგრძელებთ მუშაობას. ბოლომდე ჩართული ვიქნები საქმეში და შევეცდებით, საუკეთესო თამაში ვაჩვენოთ და კარგ შედეგს მივაღწიოთ. ოთხეულში მოხვედრის რეალური შანსი ისევ გვაქვს" - თქვა როჯერსმა, რომელიც ოპტიმიზმს ინარჩუნებს.</p><p><p><div style="text-align: center;"><strong style="font-size: 12.1599998474121px; line-height: 1.3em;"><span style="color: #ff0000;">იესოდან პელემდე</span></strong></div></p> შეგახსენებთ, რომ "ლივერპულის" ხანგრძლივი და შთამბეჭდავი წაუგებელი სერია დაიწყო მას მერე, რაც "ენფილდზე" იესოს იერსახის მქონე ადამიანი გამოჩნდა, ხელში შემდეგი შინაარსის ბანერით - "ბრენდან, მე შენ გვერდით ვარ". "მანჩესტერთან" მატჩს კი თვით პელე ესწრებოდა, რომლის ვიზიტიც ენფილდელთათვის ფეხბედნიერი ვერ გამოდგა.</p><p>პელეს თემაზე უამრავი ხუმრობა და ვარიაცია გავრცელდა. "და აი, პელე წამოდგა და ყვირილით ამტკიცებს, რომ მას 1000-ზე მეტი გოლი აქვს გატანილი" - ეწერა სურათის ქვეშ, რომელზედაც ფეხზე წამომდგარი პელე, რომელსაც ფანები შეჰყურებენ, რაღაცას ამბობს. ლეგენდარული ბრაზილიელი ბობი ჩარლტონის სიახლოვეს იჯდა და... "მსოფლიოს ერთ-ერთი უდიდესი ფეხბურთელი... და პელე" - ამბობდნენ ერთნი. "პელესთვის დიდი პატივია მარუან ფელაინის ცოცხლად ხილვა" - ამტკიცებდნენ მეორენი და ასე შემდეგ...</p><p><strong>ყოველდღიური სპორტული გაზეთი "ლელო"</strong></p>
fraternity
რა გინდა შეასწორეს :) :)
fraternity-ს
მაგას ისეთი ტელევიზორი აქვს მომავალი სეზონის თამაშებს უჩვენებს და აერია კაცს სტატიები:)))
fraternity
ავტორ, რაიმე სხვა თამაშს ხომ არ უყურე? მესამე გოლი სად დანახე ჩვენც გვითხარი :) :)
"თუ "არსენალი" წელს ტიტულს ვერ მოიგებს, არტეტას გაათავისუფლებენ" - რობერ პირესი
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"მანჩესტერ იუნაიტედი" ამორიმის შემცვლელად, ინგლისის ნაკრების ყოფილი მწვრთნელს მოიაზრებს
საერთაშორისო აღიარება - საქართველოს ხმა მსოფლიო ველოსპორტის არჩევნებში
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
წიტაიშვილი და აბუაშვილი შეცვლაზე და "მეცის" ფრე "ჰავრთან"
იური ტაბატაძე შეცვალეს - "კადისი" "სეუტასთან" ფრეს დასჯერდა
გოგლიჩიძე ისევ არ ათამაშეს - "უდინეზე" დამარცხდა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
ფრე ქუთაისში... და "თელავის" მოგება "გაგრასთან"
ლუის ენრიკემ კვარაცხელიას ტრავმაზე კომენტარი გააკეთა
[VIDEO] ლომინაძე და ქოჩორაშვილი შეცვლაზე შევიდნენ - "სპორტინგმა" "ნაპოლიმდე" "ეშტორილს" სძლია
"[VIDEO] ბარსელონასთან" მატჩის წინ ხვიჩამ ტრავმა მიიღო - პსჟ-მ "ოსერს" მცველების გოლებით მოუგო
მიქაუტაძის 73 წუთი - "ვილიარეალმა" "ატლეტიკი" დაამარცხა და ზედიზედ მესამე გამარჯვება მოიპოვა
დავითაშვილი შეცვალეს - "სენტ-ეტიენი" სახლში "გენგამთან" დამარცხდა
პირველი ტაიმის შემდეგ პსჟ "ოსერს" 1:0 ამარცხებს
"ოსერთან" მატჩში პსჟ-ს სასტარტო შემადგენლობა ცნობილია
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ
ამორიმი პრემიერ ლიგაში დათხოვნის პირველი კანდიდატია და პორტუგალიაში დაბრუნების ვარიანტიც გამოუჩნდა
"გვეგონა, დინოზავრები გადაშენდნენ" - ფემინისტები "სელტიკის" მწვრთნელ ბრენდან როჯერსისგან ბოდიშის მოხდას ითხოვენ
"ყველაზე საშინელი მწვრთნელია ვინც კი მყოლია და ამის გამეორებით არ დავიღლები" - ანხელ დი მარია
24 წლის შემდეგ - ფიგუს ერთადერთი სინანული აქვს და ეს "ბარსელონადან" "რეალში" გადასვლა არაა
"საუთჰემპტონთან" მატჩში "ლივერპულის" შემადგენლობა ცნობილია
“ჩემს ცოლს უთხრა, შენ ქმარს ძლიერი სპერმა აქვსო” - რუნიმ ვან გაალთან გატარებული პერიოდი გაიხსენა
ვან გაალი: მესი შეიძლება ჩვენთან ყველაზე სუსტი რგოლი გახდეს - ბრაზილია მხოლოდ კონტრშეტევის გუნდია
[VIDEO] მამარდაშვილის დებიუტი, ისაკის პირველი გოლი და ეკიტიკეს უცნაური წითელი - "ლივერპულმა" "საუთჰემპტონი" მინიმალური ანგარიშით დაამარცხა
ამორიმს შედეგების გამოსასწორებლად 3 მატჩი მისცეს - "იუნაიტედის" ხელმძღვანელები მის შემცვლელად 5 სპეციალისტს განიხილავენ
"ლესტერი" როჯერსის გათავისუფლებას განიხილავს - "მელიებს" ორი კანდიდატი ჰყავთ
სლოტი: მამარდაშვილმა კარგი მატჩი ჩაატარა - საუკეთესოდ ვერ ვითამაშეთ
"ეკვადორის ნაკრები ნიდერლანდებთან გამარჯვებას იმსახურებდა" - ლუი ვან გაალი
"რეინჯერსი" სეზონის ბოლომდე ბარი ფერგიუსონს ჩააბარეს
სტივენ ჯერარდს მოსკოვის "სპარტაკის" ჩაბარება შესთავაზეს - ინგლისელის პასუხი ცნობილია
რედნაპი: თუ გნებავთ, გიჟი მიწოდეთ, მაგრამ მინდა "ლივერპული" ჯერარდმა ჩაიბაროს
რუნი შესაძლოა, კიდევ ერთი ინგლისური გუნდიდან დაითხოვონ
"მესი რონალდოს სწორედ ამიტომ მირჩევნია" - უეინ რუნი
ხუან მატა: ახლაც, ყოველი მატჩის წინ დედას ვურეკავ
"ლივერპულმა" 17 წლის ფეხბურთელს პირველი პროფესიონალური კონტრაქტი გაუფორმა
"ნიუკასლის" ფეხბურთელი რომ ვიყო, ისაკის გუნდში დაბრუნება არ მენდომებოდა" - უეინ რუნი შვედი თავდამსხმელის სატრანსფერო საგას გამოეხმაურა
"მე და დეპაი ერთმანეთს ტუჩებში ვკოცნით" - ვან გაალმა დი მარიას უპასუხა
"იუნაიტედის" სტილი მისი შესაფერისი არ არის და იქ გადასვლით შეცდომა დაუშვა" - მერსონმა შეშკო გააკრიტიკა
"ბევრს ვმღერი და კროსვორდებს ვავსებ, რადგან..." - სერ ალექს ფერგიუსონმა მის ყოველდღიურობაზე ისაუბრა
"ლივერპულმა" შესაძლოა, "ბაიერნის" მცველი უფასოდ დაიმატოს
"ლესტერის" მწვრთნელი: პრემიერლიგის ისტორიის საუკეთესო 2 გუნდთან წავაგეთ
ჯერ კიდევ მოქმედი ფეხბურთელი ხუან მატა ერთ-ერთი გუნდის თანამფლობელი გახდა
მოურინიო "რომაში" ძირეულ ცვლილებებს გეგმავს
"შესანიშნავი მწვრთნელია" - რუნიმ ტენ ჰაგი დაიცვა
ხუან მატა: ის პრემიერლიგის საუკეთესო ფეხბურთელი იყო
[VIDEO] ნკეტიამ ალისონს ზედ საფინალო სასტვენის წინ გაუტანა - "ლივერპული" "კრისტალ პალასთანთან" დამარცხდა
რუნი "პლიმუთს" აღარ გაწვრთნის
The Telegraph: "სიტიმ" გვარდიოლას შემცვლელად 2 ვარიანტს განიხილავს
"ეს სირცხვილია" - ტიერი ანრიმ დაასახელა ფეხბურთელი, რომელიც "ოქროს ბურთის" მოგებას აუცილებლად იმსახურებდა
ვან გაალი: არგენტინის მსოფლიო ჩემპიონობა დაგეგმილი იყო
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
სეზონის 10 საუკეთესო მწვრთნელი, ზიდანის დაუფასებლობა თუ გადაჭარბებული მოლოდინი?
The Daily Mail: სოლსკიაერი "მანჩესტერ იუნაიტედიდან" 6 ფეხბურთელს გაუშვებს
გერმანიის ნაკრები შესაძლოა ვან გაალმა გაწვრთნას
ჯერარდი: საუდის არაბეთში სამუშაოდ ფულის გამო არ წავსულვარ
ჯერარდი საუდის არაბეთში რჩება - "ლივერპულის" ლეგენდას ახალი კონტრაქტი გაუფორმეს
"მანჩესტერ იუნაიტედი" ამორიმის შემცვლელად, ინგლისის ნაკრების ყოფილი მწვრთნელს მოიაზრებს
"ბარსელონა" ხუან მატათი დაინტერესდა