მაიამის "მასტერსი": ვაჟებში სენსაციები არ არის

დამაჯერებელი ენდი მარეი როგორც ეს ბოლო დიდ ტურნირებზე ხდება, ქალებისგან განსხვავებით, მამაკაცებში საწყის ეტაპებზე მოულოდნელი შედეგები ნაკლებად ფიქსირდება.თუმცა მოულოდნელი იყო მსოფლიოს პირველი ჩოგანის, ნოვაკ ჯოკოვიჩის მარცხი მეორე სეტში სლოვაკ მარტინ კლიჟანთან შეხვედრაში. ამის წარმოდგენა რთული იყო მას შემდეგ, რაც სერბმა პირველი სეტი 22 წუთში "მშრალი" ანგარიშით მოიგო. მეორე პარტიაში სლოვაკი დაბრუნდა თამაშში, თუმცა 5:3-ზე ჯოკოვიჩმა მატჩზე ჩაწოდების უფლება მიიღო და სწორედ აქ მოხდა გაუგებარი რამ - კლიჟანმა ზედიზედ 4(!) გეიმი აიღო და სეტებს შორის ანგარიში გაათანაბრა.თუმცა მესამე სეტში ყველაფერი თავის ადგილას დადგა. ნოვაკმა პარტია ზედიზედ რვა ქულის აღებით დაიწყო, 2:0 დაწინაურდა და იოლად მიიყვანა საქმე გამარჯვებამდე - 6:0, 5:7, 6:1. ჯოკოვიჩის მომდევნო მეტოქე ბელგიელი სტივ დარცისი იქნება, რომელმაც განთესილი ჟილ მიულერი გამოთიშა ბრძოლას.* * *დამაჯერებელი თამაში აჩვენა ენდი მარეიმ, რომელმაც 82 წუთში 6:4, 6:2 დაამარცხა ამერიკელი დონალდ იანგი. მაიამის ორგზის ჩემპიონმა საკუთარ მოწოდებაზე ქულების 75 პროცენტი აიღო და ოთხი ბრეიკი შეასრულა. ამ ჩოგბურთელებს შორის ანგარიში 5:1 გახდა ბრიტანელის სასარგებლოდ.ახლა მარეის ორი მოგება სჭირდება პროფესიულ ტურში 500 გამარჯვებამდე, რითაც მეცხრე მოქმედი ჩოგბურთელი გახდება, ვინც ამ ზღვარს მიაღწევს.* * *მაიამის "მასტერსის" წინ რაფაელ ნადალი თავის გულშემატკივრებს აფრთხილებდა, რომ საკუთარი მომზადების დონით არ იყო კმაყოფილი, თუმცა ესპანელს შესანიშნავი სტარტი გამოუვიდა. მან 89 წუთში მოუგო თანამემამულე ნიკოლას ალმაგროს - 6:4, 6:2 და გაზარდა მასთან უპირატესობა ურთიერთშეხვედრებში - 11:1.ნადალს მთელი შეხვედრის განმავლობაში სამი ბრეიკ-პოინტის მოგერიება მოუწია - სამივე მაშინ, როცა პირველ პარტიაში 5:4-ზე აწვდიდა. სხვა მხრივ, მსოფლიოს მეორე ჩოგანს პრობლემები არ ჰქონია.რაფას შემდეგი მეტოქეც ესპანელი ეყოლება - ფერნანდო ვერდასკო. შეგახსენებთ, რომ ნადალს ოთხჯერ უთამაშია მაიამის ფინალში, მაგრამ ტიტული არასოდეს მოუპოვებია.* * *პროფესიულ ტურში ახალი აზიელი ჩოგბურთელი გამოჩნდა. ეს არის 18 წლის კორეელი ჰიეონ ჩუნგი, რომელმაც პირველ წრეში ესპანელი მარსელ გრანოლერსის დამარცხებით ATP-ის დონეზე პირველი გამარჯვება გაიფორმა. ამის შემდეგ კორეელისთვის მაღალი დონე აღმოჩნდა ტომაშ ბერდიხი, თუმცა უშანსოდ მერვე ნომერთან არ ყოფილა. ჩუნგმა ორ სეტში შვიდი გეიმი აიღო, აგრეთვე, მეორე სეტში 4:2 იყო დაწინაურებული, მაგრამ შემდეგ ზედიზედ ოთხი გეიმი დათმო - 2:6, 4:6.ბერდიხს მესამე წრეში სერიოზული მეტოქე ეყოლება ბერნარდ ტომიჩის სახით, თუმცა ჩეხს სამიდან სამი მატჩი აქვს მოგებული ავსტრალიელისთვის.კაცებიII წრერაფაელ ნადალი (ესპ, 2)-ნიკოლას ალმაგრო (ესპ) 6:4, 6:2; ენდი მარეი (ბრიტ, 3)-დონალდ იანგი (აშშ) 6:4, 6:2; ტომაშ ბერდიხი (ჩეხ, 8)-ჰიეონ ჩუნი (კორ) 6:3, 6:4; სტენ ვავრინკა (შვეიც, 7)-კარლოს ბერლოკი (არგ) 6:7(9), 7:5, 6:2; კევინ ანდერსონი (ს. აფრ, 15)-სემ კუერი (აშშ) 6:7(5), 7:6(3), 6:4; დომინიკ ტიმი (ავსტრია)-ფელისიანო ლოპესი (ესპ, 10) 7:6(4), 4:6, 6:3; სანტიაგო ხირალდო (კოლ, 27)-რობინ ჰაასე (ჰოლ) 6:2, 3:6, 6:0; ბერნარდ ტომიჩი (ავსტრა, 25)-ოსტინ კრაიჩეკი (აშშ) 7:6(6), 7:5; ლეონარდო მაიერი (არგ, 24)-იარკო ნიემინენი (ფინ) 6:4, 7:6(5); გილერმო გარსია ლოპესი (ესპ, 23)-იან ლენარდ შტრუფი (გერ) 6:4, 6:4; ჟო-ვილფრიდ ცონგა (საფ, 11)-ტიმ შმიჩეკი (აშშ) 6:4, 3:6, 6:3; გრიგორ დიმიტროვი (ბულ, 9)-ვაშეკ პოსპიშილი (კან) 6:2, 6:2; ნოვაკ ჯოკოვიჩი (სერ, 1)-მარტინ კლიჟანი (სლოვაკ) 6:0, 5:7, 6:1; კეი ნიშიკორი (იაპ, 4)-მიხაილ იუჟნი (რუს) 6:2, 6:1; ტომაშ ბელუჩი (ბრა)-პაბლო კუევასი (ურუ, 19) 2:6, 6:2, 7:5; ჯონ ისნერი (აშშ, 22)-ანდრეი რუბლიოვი (რუს) 6:3, 6:4; მილოშ რაონიჩი (კან, 5)-თეიმურაზ გაბაშვილი (რუს) 6:1, 6:4; ალექსანდრ დოლგოპოლოვი (უკრ)-ტომი რობრედო (ესპ, 16) 6:7(1), 6:3, 7:5; ჯეკ სოკი (აშშ)-ფაბიო ფონინი (იტა, 21) 7:6(4), 6:1; დავიდ ფერერი (ესპ, 6)-ფედერიკო დელ ბონისი (არგ) 6:1, 6:1; ჟილ სიმონი (საფ, 12)-მიხაილ კუკუშკინი (ყაზ) 6:3, 6:7(5), 6:0; ჟერემი შარდი (საფ, 31)-იურგენ მელცერი (ავსტრია) 6:4, 6:1; დავიდ გოფენი (ბელ, 18)-ბორნა ჩორიჩი (ხორ) 6:0, 6:4; გაელ მონფილსი (საფ, 17)-ფილიპ კრაინოვიჩი (სერ) 3:6, 6:2, 7:6(4); ფერნანდო ვერდასკო (ესპ, 29)-ჯეიმს დაკუორტი (ავსტრა) 4:6, 6:2, 6:1; ალეხანდრო ფალა (კოლ)-ივო კარლოვიჩი (ხორ, 20) 6:4, 6:2; სტივ დარცისი (ბელ)-ჟილ მიულერი (ლუქ, 30) 6:4, 6:7(2), 6:3; ლუკაშ როსოლი (ჩეხ, 26)-ალექსანდრ ზვერევი (გერ) 7:6(0), 6:3; ადრიან მანარინო (საფ, 28)-ალბერტ რამოს-ვინოლასი (ესპ) 6:4, 3:6, 6:2; ხუან მონაკო (არგ)-ერნესტ გულბისი (ლატ, 14) 6:2, 6:4; ვიქტორ ტროიცკი (სერ, 32)-სიმონე ბოლელი (იტა) 7:5, 3:6, 6:4; იერჟი იანოვიჩი (პოლ)-რობერტო ბაუტისტა აგუტი (ესპ, 13) 6:4, 1:6, 6:4.ყოველდღიური სპორტული გაზეთი "ლელო"

თრილერი ცინცინატიზე - საბალენკამ რადუკანუ დაამარცხა

ერთი ნაბიჯი ტურნირის ძირითად ბადემდე - ბასილაშვილი ცინცინატის მასტერსის კვალიფიკაციის ფინალშია

სინერმა უიმბლდონზე ალკარასის დომინაცია დაასრულა - იანიკმა მეოთხე დიდი სლემის ტიტული მოიგო

Geo Team: არის პირადი კონტრაქტი - ჩაკვეტაძის "ვალენსიაში" ტრანსფერი ბოლომდეა მისაყვანი

17-წლამდე ვაჟთა ნაკრები საწვრთნელ შეკრებას იწყებს

სიგუა შვეიცარიაში გუნდს გამოიცვლის

15-წლამდე გოგონათა ნაკრები განვითარების თასისთვის ემზადება

"ტოპ გუნდის წინააღმდეგ ჩვენგან ასეთი დომინაცია დიდი ხანია არ მინახავს" - ფერდინანდი "არსენალთან" მარცხის შემდეგ

ლიდერის შთამბეჭდავი მოგება; "გაგრას" გამარჯვება ბათუმში; ათკაციანი "თელავის" ფრე ქუთაისში

[VIDEO] კვერნაძე შევიდა, გაიტანა და "ფროზინონე" 1/16-ფინალში გაიყვანა

"ნანტთან" მატჩში პსჟ-ს სასტარტო შემადგენლობა ცნობილია

"მეცი" სახლში "სტრასბურგთან" დამარცხდა - წიტაიშვილმა შეუცვლელად ითამაშა

"ვალენსია" ჩაკვეტაძის ტრანსფერზე "უოტფორდს" დაუკავშირდა

"სტრასბურგთან" მატჩში წიტაიშვილი სასტარტოშია, აბუაშვილი - სათადარიგოა

საქართველოს ნაკრები ევრობასკეტისთვის მზადებას ჩეხეთთან 2 მატჩით დაასრულებს

"ლევერკუზენმა" შესაძლოა, "იუნაიტედის" ყოფილი მცველი დაიმატოს

"თუ ფეხბურთელს წასვლა უნდა, უნდა წავიდეს" - პეპ გვარდიოლამ ედერსონ მორაეშზე ისაუბრა

"მან მხოლოდ კრივი იცის, მე მომავალი ჩემპიონი ვარ" - არმან ცარუკიანი

"წელს ჩვენი მთავარი მიზანი ეს იქნება" - რა თქვა ლუის ენრიკემ "ნანტთან" მატჩამდე?

"რეალში" ფიქრობენ, რომ ახალი იამალი შეიძინეს, მაგრამ..." - ლევანდოვსკიმ "ბლანკოსზე" ისაუბრა

"იცით, პსჟ-ში თამაშის დროს ბონუსს რაში იღებდა?" - ბრიტანელმა მწვრთნელმა ნეიმარზე შოკისმომგვრელი დეტალი გაამხილა

ხამზატ ჩიმაევი UFC-ის საშუალო წონის ახალი ჩემპიონია

"დინამო თბილისი": სამი გოლი, სამი ქულა

ენდი მარეი კორტს მომდევნო თვეში დაუბრუნდება

Dailymail: ენდი მარეი ბალახის სეზონისთვის დაბრუნდება

ახალგაზრდა ძიუდოისტებმა მსოფლიო ჩემპიონატზე, გუნდურ შეჯიბრებაში ბრინჯაოს მედლები მოიპოვეს - 20 ოქტომბრის დაიჯესტი

"28-ე ჩოგბურთელს სათამაშო პრაქტიკის გარეშე მოვუგე, არსად მივდივარ!" - მარეი ბასილაშვილთან მატჩის შემდეგ

თითქმის ერთწლიანი პაუზის შემდეგ ენდი მარეი კორტს უბრუნდება

საჩოგბურთო ბალახის სეზონი: ფედერერი კვლავ პირველია, მარეი 1 წლის შემდეგ დღეს დაბრუნდება