- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
ლაშა შავდათუაშვილი: ჩემ უკან საქართველოა
<p>ოლიმპიური ჩემპიონი განვლილ შეჯიბრებასა და მომზადების პროცესს აფასებს <br> ოლიმპიური და ევროპის ჩემპიონი ლაშა შავდათუაშვილი (73) კვლავაც რჩება ქომაგთა განსაკუთრებული ინტერესის ქვეშ, რაც სავსებით ბუნებრივი ამბავია.</p><p>სამწუხაროდ, მას ძალიან გაუგრძელდა ახალ წონასთან ადაპტაციის პერიოდი, რაშიც დიდი როლი ტრავმებმაც ითამაშა. დასამალი არაა, რომ სპორტსმენის ცხოვრებაში იღბალი დიდ როლს თამაშობს, რაშიც ლაშას არ გაუმართლა - ოლიმპიადის შემდეგ რამდენიმე ოპერაცია გაიკეთა. მას ერთბაშად უწევდა ორ პრობლემასთან გამკლავება - ახალ წონასთან შეგუება და ჯანმრთელობის პრობლემებთან გამკლავება.</p><p>განსაკუთრებით დასანანი ბოლო ტრავმა იყო, როცა შარშან, ბუდაპეშტის "დიდი პრიზის" ფინალში გასულმა მუხლი იტკინა. არადა, კარგად ჭიდაობდა და ყველაფრით ეტყობოდა, რომ ფორმაში შედიოდა.</p><p>საბედნიეროდ, უკვე ყველა ნიშანია საიმისოდ, რომ ადაპტაციის პროცესი მთლად ბოლომდე დამთავრებულად თუ არა, დასასრულს მიახლოებულად მაინც მივიჩნიოთ.</p><p>ბუნებრივია, ყველა ტურნირს ვერც ახლა იგებს (თუმცა ასეთი სპორტსმენი ხომ ბუნებაში იშვიათია), მაგრამ ბევრად უფრო თავისუფლად მოქმედებს ტატამზე, გახსნილია, ფიზიკური მომზადებაც აშკარად უკეთესია და ვიზუალურადაც ეტყობა, რომ უფრო გაზრდილა, მომძლავრებულა, მოღონიერებულა.</p><p>ახლა ისეთ ვითარებაშია, როცა ადაპტაციაზე მეტად წონაში საკუთარ ნიშას იმკვიდრებს.</p><p>საბედნიეროდ, ეს პროცესი ლიდერთა დონეზე მიმდინარეობს და არა საშუალო ყალიბის ფალავნებს შორის და ვიქონიოთ იმედი, რომ აქაც უმაღლეს დონეზე დამკვიდრდება.</p><p>თუმცა, ფიზიკური კონდიციების გაუმჯობესების მიუხედავად, ამ მხრივ მაინც რჩება ერთი ბუნებრივი ნაკლი - აქაურ ლიდერებთან შედარებით, სიმაღლით ცოტა დაბალია და აზერბაიჯანელ რუსტამ ორუჯოვთან თბილისის ტურნირზე წაგების ერთ-ერთი მიზეზიც ეს იყო. ოღონდ ფიზიკური ძალის, ღონის მხრივ, ყველაფერი რიგზე თუ იქნება, ეს არ უნდა გამოდგეს დიდი პრობლემა - ლევან მატიაშვილიც ბევრად დაბალია ბრაზილიელ რაფაელ სილვასა და რუს ასლან კამბიევზე, მაგრამ როგორ კისრულებზე გადმოიღო ორივე!</p><p>ლაშა შავდათუაშვილი 7 აპრილს ნაკრებთან ერთად კორეაში გაფრინდა, სადაც ერთი თვით ერთობლივ შეკრებას გაივლის. მასთან ინტერვიუ სწორედ მზადების შესახებ საუბრით დავიწყეთ.</p><p><strong>- ამჟამად მომზადებისას რას უთმობთ უფრო მეტ ყურადღებას?</strong></p><p>- მოგეხსენებათ, წონა შევიცვალე და თავიდან ძალიან მიჭირდა. ეს რთული პროცესია, რადგან წინასწარ ვერაფერს დაგეგმავ. ბევრი უნდა იშრომო, რათა ჯერ კონკურენტთა დონეზე ახვიდე, მერე კი გაუსწრო და მოუგო კიდეც. ამისთვის ყველაფერს ვაკეთებ. თუნდაც ფიზიკური მომზადებით - ყოველდღიურად ვემზადები ამ კუთხით, ტექნიკაზეც ბევრს ვმუშაობ. ხშირად სამჯერად ვარჯიშებზეც ვარ, როცა შეკრებაზე ვარ, თუმცა გორში, ჩვენს დარბაზშიც ვაგრძელებ იმავეს.</p><p><strong>- ფიზიკური კონდიციებით რომ მოუმატე, ეს ვიზუალურადაც გეტყობა და - ჭიდაობის დროსაც...</strong></p><p>- რაღაც ნიუანსებზე კიდევ ვმუშაობთ. ჯერ არ ვარ იმ ასაკში, ზრდადასრულებული რომ იყოს, ყოველდღიურად უნდა მოვუმატო. მით უფრო, ძალიან რთული წონაა, უფრო მეტი კონკურენციაა და ყველაფერი უნდა გააკეთო წარმატების მოსაპოვებლად.</p><p><strong>- უფრო რა კუთხით გჭირდება მუშაობის გაძლიერება, ყურადღების გამახვილება?</strong></p><p>- დიდ სპორტში ერთი რაღაც არ უნდა გამოჰყო, წარმატების მოსაპოვებლად ყველაფერზე კომპლექსურად უნდა იმუშაო. წინასწარ ვერ განსაზღვრავ, ვისთან რა დაგჭირდება, ყველაფრისთვის მზად უნდა იყო.</p><p>ვერ იტყვი, ამასთან მალევე მოვიგებ და ენერგიას დავზოგავო. შეიძლება, შეგხვდეს მეტოქე, რომელიც არც რეიტინგშია შენზე წინ და არც ტიტულებითაა დახუნძლული, მაგრამ შენთვის უხერხული მოწინააღმდეგე იყოს. ისეც ხშირად ხდება, რომ რომელიმე სუსტ ფალავანს ვინმე შენზე უფრო იოლად უგებდეს, შენ კი უფრო გიჭირდეს მასთან. ამიტომ შეჯიბრებაზე ყველაფრისთვის მზად უნდა იყო.</p><p><strong>- ორუჯოვის თემასაც მივადექით, რომელიც არაა ტიტულოვანი, მაგრამ ბოლო სამი შეხვედრა მოგიგო, ანუ უხერხულ მეტოქედ გექცა. როგორ ფიქრობ, რის ხარჯზე უნდა აჯობო მას?</strong></p><p>- ფიზიკურად კიდევ მჭირდება მომატება. თანამედროვე ძიუდო დიდწილად "ფიზიკაზეა" აგებული და როცა ამ კომპონენტში აღემატები მეტოქეს, დიდ უპირატესობას ფლობ. თუმცა ტექნიკაც ძალიან მნიშვნელოვანია. თავიდან, როცა მას პირველად შევხვდი, იოლად მოვუგე, თუმცა მაშინვე ვამბობდი, ძალიან უხერხული მეტოქეა-მეთქი. ის ჩემზე მაღალი და მიუდგომელია, მაგრამ წარმატება თუ გინდა, ყველას უნდა მოუგო; არ უნდა იფიქრო იმაზე, ვინაა შენთვის უხერხული და არც კენჭისყრისას იოლი ბადე უნდა ეძებო. პირიქით - როცა ძლიერი ხარ, თვითონ იფიქრონ ამაზე და იმათ უნდა გაუჩინო საფიქრალი. ამისთვის გჭირდება ძალიან ბევრი შრომა და მომზადება ყველა მეტოქესთან. თუმცა სპორტია, ყველასთან წარმატებას ვერ მიაღწევ.</p><p>ძნელია, რომელიმე შეჯიბრებაზე წინასწარ დაგეგმო წარმატება. მით უფრო, მარტო შენ არ ემზადები - მსოფლიოში უამრავი სპორტსმენია, რომელიც შენსავით შრომობს და ვარჯიშობს. მხარ-თეძოზე წამოწოლილი არავინაა, თუმცა შეჯიბრების დღეს ვინ იქნება კვარცხლბეკის უმაღლეს საფეხურზე, წინასწარ ვერ გაიგებ.</p><p>ძალიან მნიშვნელოვანია განწყობა იმ კონკრეტულ დღეს; შეიძლება, შეგხვდეს უხერხული მეტოქე ან წამიერად შეცდე და დაკარგო ყველაფერი.</p><p><strong>- ეს - ზოგადად, მაგრამ ორუჯოვთან კონკრეტულად რა კოზირების გამოყენება შეიძლება, ამზადებთ მის წინააღმდეგ რამეს?</p><p></strong>- როგორც გითხარით, ის უხერხული მეტოქეა და ყველას სხვადასხვანაირად, ინდივიდუალურად მიდგომა სჭირდება. ცხადია, ჩვენც განვიხილავთ მასთან კონკრეტულ შეხვედრებს და იმ ილეთს, რასაც მიკეთებს.</p><p>მთავარია, ახალი პაექრობისას შემუშავებული დავალაგო და შევასრულო. ის არაა იმ დონის ფალავანი, ვისთან მოგებაც არ შეიძლება.</p><p><strong>- თბილისის ტურნირზე მასთან წაგებით ძალიან გულდაწყვეტილი იყავით...</strong></p><p>- მოგება ძალიან მინდოდა, თუნდაც იქიდან გამომდინარე, რომ ტურნირი ჩვენს ქვეყანაში ტარდებოდა, თუმცა რომელ ქვეყანაში იქნება შეჯიბრება, ამას დიდი მნიშვნელობა არ აქვს - ყველგან ერთნაირად გინდა წარმატების მოპოვება.</p><p><strong>- თუმცა საკუთარი მაყურებლის თვალწინ ჭიდაობა ორმაგად საპასუხისმგებლოა...</p><p></strong>- პასუხისმგებლობა არის, მაგრამ განა იგივე არაა სხვა ქვეყანაში? შენ პასუხისმგებლობა ქვეყნისა და ქომაგის წინაშე გაქვს - სახლში თუ ქვეყნის გარეთ. ჩემთვის არ აქვს მნიშვნელობა, აქ ვჭიდაობ თუ სხვაგან - ყველგან ერთია, რადგან ჩემ უკან ჩემი ქვეყანა დგას. მე ყველგან ვცდილობ, ვასახელო ის.</p><p><strong>- როგორც თქვენი სიტყვებით ვხვდები, გულდაწყვეტილი ხართ საზოგადოების ერთ ნაწილში გაჩენილი აზრით, რომ თითქოს ვარსკვლავური დაავადება შეგეყარათ...</strong></p><p>- ბევრჯერ მსმენია მსგავსი რამ, როცა ვაგებ, მაგრამ ეს ყოველთვის ასეა და, ალბათ, მომავალშიც ასევე დარჩება. ქომაგი მაქსიმალისტია და უნდა, სულ იგებდე, მაგრამ გულზე ხელდაკრეფილი და მხარ-თეძოზე წამოწოლილი არავინაა. მერე რა, რომ ოლიმპიური ჩემპიონი ვარ - მე ისევ ის ლაშა შავდათუაშვილი ვარ და ჩვეულებრივად ვაგრძელებ ვარჯიშს.</p><p><strong>- ასეთი ხმები სტიმულს გაძლევს თუ - პირიქით, ითრგუნები?</strong></p><p>- სტიმული მართლაც გეძლევა - დაუმტკიცო მათ, რომ ასე არაა და თან გინდა, ის სიტყვები ისევ არ განმეორდეს, რომ თითქოს არ ვარჯიშობ, ზარმაცობ და ამგვარები. ამასთან, გულდასაწყვეტიცაა, რადგან ყველაფერს აკეთებ იმისთვის, რომ ქვეყანას წარმატება მოუტანო. თუმცა ეს მარტო ჩემს შემთხვევაში არ ხდება, ბევრზე მსმენია ასე.</p><p>არადა, ყველა ვარჯიშობს და ცდილობს, ქვეყანა გაახაროს. გაცნობიერებული გვაქვს, რომ ჩვენს თავს არ ვეკუთვნით. კი, უპირველესად, წარმატება ჩვენთვის მოგვაქვს, მაგრამ როცა შედეგს აკეთებ, ეს მარტო შენი ბედნიერება არაა.</p><p><strong>ყოველდღიური სპორტული გაზეთი "ლელო"</strong></p>
-
კახა
მთელი საქართველო გგულშემატკივრობს,მესმის უდიდესი პასუხისმგებლობა დაგეკისრა იმით რომ ყველას დაუმტკიცო რომ შეგიძლია ქართველს შეუძლია შრომისმოყვარეობა რომ ქართველს ყველას არ უვარდება თავში რომ ჩვენც გვყავს პროფესიონალები. იბრძოლე გაგვახარე მთელი ერი ქართველებს პრესტიჟი შეუნახე დძაან ძნელი იქნება მაგრამ მჯერა შენი შეიძლება ვცდები მაგრამ კარგი გაგებით სპორტული სითავხსდე დაკარგე ავტორიტეტებს არაფრად აგდებდი მთლად გაუთვალისწინებლობაც არ იქნება მაგრამ ნუ მოგახვევენ თავს ინიციატივა ამით ანგრევდი ყველას.
-
bra
რას ბურდღუნებ?
ფულადი ჯილდო და ეროვნული ორდენები - პრემიერმა ძიუდოისტთა ნაკრები დააჯილდოვა
"ქართველები და საუკეთესოები ვართ!" - ბექაურის კომენტარი და ოლიმპიადის საიტი საქართველოს ნაკრების მსოფლიო ჩემპიონობაზე
"ყველანი მეუბნებოდნენ, ქალს რა უნდა ძიუდოში, ეს კაცების სპორტია და თავი დაანებეო" - ინტერვიუ ძიუდოში პირველ ქართველ მსოფლიო ჩემპიონ ქალთან
17-წლამდე ვაჟთა ნაკრები საწვრთნელ შეკრებას იწყებს
სიგუა შვეიცარიაში გუნდს გამოიცვლის
15-წლამდე გოგონათა ნაკრები განვითარების თასისთვის ემზადება
"ტოპ გუნდის წინააღმდეგ ჩვენგან ასეთი დომინაცია დიდი ხანია არ მინახავს" - ფერდინანდი "არსენალთან" მარცხის შემდეგ
ლიდერის შთამბეჭდავი მოგება; "გაგრას" გამარჯვება ბათუმში; ათკაციანი "თელავის" ფრე ქუთაისში
[VIDEO] კვერნაძე შევიდა, გაიტანა და "ფროზინონე" 1/16-ფინალში გაიყვანა
"ნანტთან" მატჩში პსჟ-ს სასტარტო შემადგენლობა ცნობილია
"მეცი" სახლში "სტრასბურგთან" დამარცხდა - წიტაიშვილმა შეუცვლელად ითამაშა
"ვალენსია" ჩაკვეტაძის ტრანსფერზე "უოტფორდს" დაუკავშირდა
"სტრასბურგთან" მატჩში წიტაიშვილი სასტარტოშია, აბუაშვილი - სათადარიგოა
საქართველოს ნაკრები ევრობასკეტისთვის მზადებას ჩეხეთთან 2 მატჩით დაასრულებს
"ლევერკუზენმა" შესაძლოა, "იუნაიტედის" ყოფილი მცველი დაიმატოს
"თუ ფეხბურთელს წასვლა უნდა, უნდა წავიდეს" - პეპ გვარდიოლამ ედერსონ მორაეშზე ისაუბრა
"მან მხოლოდ კრივი იცის, მე მომავალი ჩემპიონი ვარ" - არმან ცარუკიანი
"წელს ჩვენი მთავარი მიზანი ეს იქნება" - რა თქვა ლუის ენრიკემ "ნანტთან" მატჩამდე?
"რეალში" ფიქრობენ, რომ ახალი იამალი შეიძინეს, მაგრამ..." - ლევანდოვსკიმ "ბლანკოსზე" ისაუბრა
"იცით, პსჟ-ში თამაშის დროს ბონუსს რაში იღებდა?" - ბრიტანელმა მწვრთნელმა ნეიმარზე შოკისმომგვრელი დეტალი გაამხილა
ხამზატ ჩიმაევი UFC-ის საშუალო წონის ახალი ჩემპიონია
"დინამო თბილისი": სამი გოლი, სამი ქულა
ლუის ენრიკე რევოლუციურ ცვლილებებს აპირებს - იქნება კვარაცხელია სასტარტოში?
ლიპარტელიანმა ვერცხლის მედალი მოიპოვა - შავდათუაშვილი ბრინჯაოსთვის ბრძოლაში დამარცხდა
1 ოქრო და 2 ბრინჯაო - თბილისის გრანდ სლემის მეორე საშეჯიბრო დღე [VIDEO]
ლიპარტელიანი ფინალშია, შავდათუაშვილი მერვედფინალში დამარცხდა - მსოფლიო ჩემპიონატის მესამე საშეჯიბრო დღე
წარუმატებლად დაწყებულ ოლიმპიადაზე მედლების დროა! - დღეს შავდათუაშვილი, ლიპარტელიანი და გურული...
ლაშა შავდათუაშვილი პარიზის ოლიმპიადას პირველივე ეტაპიდან გამოეთიშა [VIDEO]
ლიპარტელიანი ოქროს, შავდათუაშვილი კი ბრინჯაოს შეუტევს - ევროპის ჩემპიონატის მეორე საშეჯიბრო დღე