<p>სილვიო ბერლუსკონის გეგმები, კავანი იტალიაში, პოგბა ინგლისში <br> სეზონის ფინიში ახლოვდება და იტალიურ საფეხბურთო სამყაროში სულ უფრო ხშირად საუბრობენ ზაფხულში მოსალოდნელ ტრანსფერებსა და ზოგადად, ცვლილებებზე.</p><p>ყურადღების ცენტრში რჩება "მილანი", სადაც რევოლუციაა მოსალოდნელი; "ინტერი", რომელიც იაია ტურეს თამადობით, რამდენიმე ექსტრა-კლასის ფეხბურთელის დამატებას ლამობს და რა თქმა უნდა, "იუვენტუსი", რომელიც ფულის ნაკლებობას არ უჩივის და ამბობენ, რომ ორი ტრანსფერი უკვე გაჩარხა კიდეც. გადავავლოთ თვალი ყველაზე აქტუალურ თემებს...</p><p><p><div style="text-align: center;"><strong style="font-size: 12.1599998474121px; line-height: 1.3em;"><span style="color: #ff0000;">გადაწყდა: დიბალა "იუვენტუსში"</span></strong></div></p> "კორიერე დელო სპორტის" მტკიცებით, გადაწყვეტილი ამბავია, რომ მომდევნო სეზონიდან პაულო დიბალა "იუვენტუსის" ღირსებას დაიცავს. ავტორიტეტული გამოცემის მტკიცებით, შეთანხმებას მხარეები "რეალი"-"იუვენტუსის" შემდეგ დაადასტურებენ, კონტრაქტს კი ხელი მოგვიანებით მოეწერება, როდესაც სატრანსფერო ფანჯარა გაიხსნება.</p><p>ითქვა ისიც, რომ დიბალას სანაცვლოდ "იუვენტუსი" "პალერმოს" 32 მილიონ ევროს გადაუხდის და თუ არგენტინელი პირველივე სეზონში გარკვეული რაოდენობის მატჩებს ჩაატარებს და გოლებს გაიტანს, სიცილიელები კიდევ 8 მილიონს მიიღებენ. ჯერჯერობით არ კონკრეტდება, თუ რა რაოდენობის მატჩებსა და გოლებზეა ლაპარაკი და არც ის ვიცით, რამდენწლიან კონტრაქტს გააფორმებს პაულო ტურინულ გრანდთან.</p><p>აქვე ვთქვათ, რომ "გაძეტა დელო სპორტის" ინფორმაციით, "იუვენტუსი" ედინსონ კავანისაც შეუთანხმდა და გადაწყვეტილია, რომ 28 წლის ურუგვაელი ფორვარდიც ტურინულ გრანდში გააგრძელებს კარიერას. მოკლედ, "იუვე" შეტევას სერიოზულად აძლიერებს და ეს ლოგიკურიც არის, რადგან მიმდინარე სეზონში, მასიმილიანო ალეგრის შედარებით მწირი არჩევანი მაინც წინა ხაზში აქვს.</p><p><p><div style="text-align: center;"><strong style="font-size: 12.1599998474121px; line-height: 1.3em;"><span style="color: #ff0000;">უცნაური ძამპარინი</span></strong></div></p> კიდევ ერთხელ უნდა მივუბრუნდეთ პაულო დიბალას, რომელსაც დიდი ალბათობით, მიმდინარე სეზონში ვეღარ ვიხილავთ მოედანზე. პარასკევს, "პალერმოს" პრეზიდენტმა მაურიციო ძამპარინიმ ჟურნალისტებს შემდეგი განუცხადა:</p><p>"მწვრთნელს ვთხოვე, რომ მიმდინარე სეზონში პაულო დიბალა აღარ ათამაშოს, რადგან შარის თავი არ მაქვს და მირჩევნია, ჯანმრთელი იჯდეს სათადარიგოთა სკამზე. პაულოს ტრანსფერი უახლოეს 10 დღეში გადაწყდება და ტრავმა რომ მიიღოს, ფასი საგრძნობლად დაეცემა. ევროსაგზურს ვერ შევწვდებით, დაქვეითება ჩვენ არ გვემუქრება და დიბალას გოლები არაფერში მჭირდება".</p><p>მაურიციო ძამპარინის სიტყვები ბევრმა ხუმრობად ჩათვალა, მაგრამ გასულ უქმეებზე, "პალერმო"-"ატალანტას" პაექრობამ მართლაც დიბალას გარეშე ჩაიარა. აი, ასეთი უცნაური კაცია ძამპარინი...</p><p><p><div style="text-align: center;"><strong style="font-size: 12.1599998474121px; line-height: 1.3em;"><span style="color: #ff0000;">ბოლო ამბები მილანიდან</span></strong></div></p> ტაილანდელი ბიზნესმენი ბი ტეჩაუბოლი იტალიელ ჟურნალისტებს ცოტა ხნით დაემშვიდობა და დაჰპირდა მათ, რომ სამ-ოთხ კვირაში ყველა ფორმალობა მოგვარდებოდა და მისი სახით, "მილანს" ახალი მეპატრონე ეყოლებოდა. როდესაც მისტერ ბი ამას ამბობდა, იქვე იყო სილვიო ბერლუსკონი და მანაც დაამატა, რომ ამიერიდან, კლუბის აღორძინებაზე ისინი ერთად იზრუნებდნენ. გასარკვევი მხოლოდ ის გახლდათ, თუ ვის დარჩებოდა კლუბის აქციათა 51%, ანუ საკონტროლო პაკეტი... რა მოხდა მას შემდეგ და როგორ განვითარდა პროცესები?..</p><p>ბი ტეჩაუბოლმა ტაილანდში რამდენიმე განცხადება გააკეთა და არ დამალა, რომ მისი სურვილი მარკო ვერატის, ედინსონ კავანის, რადამელ ფალკაოს და ანხელ დი მარიას გადაბირება გახლავთ - იქვე დაამატა, რომ სიამოვნებით იხილავდა გუნდის მთავარი მწვრთნელის პოსტზე კარლო ანჩელოტის. შემდეგ მისტერ ბი "ბარსელონა"-"ბაიერნის" თამაშს დაესწრო და იქაც გამოიჩინა თავი, როდესაც მოკლე კომენტარი გააკეთა და შემდეგი განაცხადა: "თუ პეპ გვარდიოლა "ბაიერნს" დატოვებს, მას აუცილებლად შევთავაზებ "მილანში" მუშაობას".</p><p>მოკლედ, მისტერ ბი გააქტიურდა, მაგრამ ეს ამბავი არ მოეწონა სილვიო ბერლუსკონის, რომელმაც ერთ-ერთ ყველაზე რეიტინგულ იტალიურ თოქ-შოუში შემდეგი განაცხადა:</p><p>"ჩემს ოჯახს არ შეუძლია "მილანისთვის" იმ თანხების გამოყოფა, რომელიც გუნდს ძველ დიდებას დაუბრუნებს და ამიტომ დავთანხმდი კლუბის აქციათა ნაწილის გაყიდვას. ეს მტკივნეული პროცესია, რადგან "მილანი" ჩემი სულის ნაწილია.</p><p>აქციებს მივყიდი მას, ვინც გარანტიას მომცემს, რომ "მილანს" მწვერვალზე დაბრუნებს. კლუბს ვერ მივყიდი იმას, ვისაც წუთიერი პოპულარობის მოპოვება სურს და რეალურად, თვითონაც არ იცის, რას აპირებს მომავალში. რაც შეეხება მისტერ ბის, მის ადგილას ნაკლებს ვილაპარაკებდი და თანაც "მილანის" სახელით, რადგან ჯერ კონტრაქტი არ გაფორმებულა. მეტი თავშეკავება მართებს, რომ ჩვენ შორის მიმდინარე მოლაპარაკებები ჩიხში არ შევიდეს. ჩვენ დავმეგობრდით, ყველაფერი კარგად მიდის და მინდა, რომ ასევე გაგრძელდეს".</p><p>ამასობაში, სილვიო ბერლუსკონიმ ჩინელ ინვესტორებთან გამართა შეხვედრა, ორიოდე დღის წინ კი სულაც ჩინეთის სახალხო რესპუბლიკის თავმჯდომარესთან, ანუ ქვეყნის პირველ პირთან ჰქონდა საუბარი და როგორც ამბობენ, მასთან "მილანის" თემაც განიხილა. თურმე, სი ცზიმპინი "როსონერის" მიმართ განსაკუთრებული სიმპათიით ყოფილა განსმჭვალული და დიდი სურვილი გამოთქვა, რომ ამ კლუბში სწორედ ჩინური ინვესტიცია ჩაიდოს.</p><p>როგორც "გაძეტა" წერს, ბერლუსკონის და ცზიმპინის შეხვედრა ამ უკანასკნელის ინიციატივა ყოფილა, ამ ყველაფრის უკან კი ჩინელი ბიზნესმენების ძალიან გავლენიანი ჯგუფი დგას, რომლებსაც უნდათ კიდეც "მილანის" აქციების შეძენა. ვნახოთ, ჩაუშლიან თუ არა ჩინელები გეგმებს ბი ტეჩაუბოლს და რით დასრულდება მთელი ეს ორომტრიალი...</p><p><p><div style="text-align: center;"><strong style="font-size: 12.1599998474121px; line-height: 1.3em;"><span style="color: #ff0000;">რაიოლა: ზლატანი არ დაბრუნდება</span></strong></div></p> ბოლო დღეებში აქტიურად საუბრობენ ზლატან იბრაჰიმოვიჩის "მილანში" შესაძლო დაბრუნების შესახებ. ითქვა ისიც, რომ ლომბარდიელები 33 წლის შვედ ფორვარდს 3-წლიან კონტრაქტს და სეზონში 7 მილიონ ევროს სთავაზობენ. ამ თემაზე კომენტარი იბრაჰიმოვიჩის აგენტმა მინო რაიოლამ გააკეთა და შემდეგი განაცხადა:</p><p>"არ ვიცი, საიდან ვრცელდება ასეთი ცნობები, მაგრამ ფაქტია, რომ ზლატანი მილანში დაბრუნებაზე არ ფიქრობს და რაც არანაკლებ მნიშვნელოვანია, პსჟ-ის მესვეურები არ აპირებენ მასთან განშორებას. ჯერჯერობით, არც "მილანის" მესვეურებს გამოუჩენიათ ინტერესი და გაუგებარია, ვის სჭირდება ასეთი ჭორების გავრცელება. იბრაჰიმოვიჩის "მილანში" დაბრუნება, პრაქტიკულად, გამორიცხულია".</p><p><p><div style="text-align: center;"><strong style="font-size: 12.1599998474121px; line-height: 1.3em;"><span style="color: #ff0000;">"ინტერი" და ტურე</span></strong></div></p> თვეებია, რაც იტალიურ სპორტულ პრესაში იაია ტურეს "ინტერში" შესაძლო გადაბარგების ამბავი იწერება. ორიოდე დღის წინ "კორიერე დელო სპორტმა" გვაუწყა, რომ შეთანხმება შედგა და 31 წლის ნახევარმცველი მილანურ გრანდში გააგრძელებს კარიერას. ამ თემაზე "ნერაძურის" მწვრთნელმა რობერტო მანჩინიმ გააკეთა კომენტარი და განაცხადა, რომ მის გუნდს და მთლიანად იტალიურ ფეხბურთს სწორედ ისეთი ჩემპიონები სჭირდება, როგორიც ტურეა.</p><p>მოკლედ, "ინტერისტებმა" ტურეს ტრანსფერი იზეიმეს, მაგრამ გუშინ მოულოდნელი ინფორმაცია გავრცელდა, რომლის მიხედვითაც, "მანჩესტერ სიტის" მესვეურები მზად არიან, "იუვენტუსს" პოლ პოგბას სანაცვლოდ, 60 მილიონი ევრო და სწორედ იაია ტურე შესთავაზონ. როგორც ჩანს, ტურეს საკითხი ჯერ კიდევ არ არის გადაწყვეტილი და მილანელებს მთავარი სამუშაო წინ ელით. ისიც ვთქვათ, რომ ამ ზაფხულს, "ინტერის" მესვეურთა პრიორიტეტული მიზნები მაურო იკარდის და სამირ ჰანდანოვიჩის შენარჩუნება იქნება.</p><p><p><div style="text-align: center;"><strong style="font-size: 12.1599998474121px; line-height: 1.3em;"><span style="color: #ff0000;">"ლაციომ" ბორინის დაუმიზნა</span></strong></div></p> "რაი სპორტთან" საუბარში "ლაციოს" სპორტულმა დირექტორმა იგლი ტარემ არ დამალა, რომ ზაფხულში მისი ერთ-ერთი პრიორიტეტული მიზანი ფაბიო ბორინის გადაბირება იქნება. 24 წლის თავდამსხმელი ვერაფრით მოერგო ინგლისის პრემიერლიგას, კერძოდ, "ლივერპულს" და თავადაც განაცხადა, რომ სიამოვნებით დაბრუნდება იტალიაში.</p><p>ტარეს დეტალებზე არ უსაუბრია, მაგრამ იტალიელ სპორტულ ჟურნალისტთა მტკიცებით, "ლაციო" მზადაა, ბორინის სანაცვლოდ 15 მილიონი ევრო გადაიხადოს, თუმცა ეს იმ შემთხვევაში მოხდება, თუ რომაელები ჩემპიონთა ლიგის საგზურს მოიპოვებენ.</p><p>ამასობაში, სტეფან დე ვრიმ გამოთქვა "ლაციოში" დარჩენის სურვილი და განაცხადა, რომ რომში თავს ბედნიერად გრძნობს. 23 წლის ჰოლანდიელმა მცველმა დასძინა, რომ განურჩევლად იმისა, მოიპოვებს თუ არა "ბიანკოჩელესტე" ევროპის უპრესტიჟულესი საკლუბო ტურნირის საგზურს, ის გუნდის შეცვლას არ აპირებს და სურს, რომში კიდევ არაერთი წელი ითამაშოს.</p><p><p><div style="text-align: center;"><strong style="font-size: 12.1599998474121px; line-height: 1.3em;"><span style="color: #ff0000;">გაძლიერება უფულოდ</span></strong></div></p> "რომას" პრეზიდენტმა ჯეიმს პალოტამ ჟურნალისტებს განუცხადა, რომ ზაფხულში გუნდის გაძლიერებას, ძირითადად, თავისუფალი აგენტებით შეეცდებიან. მისტერ ჯეიმსის თქმით, "ჯალოროსის" ჰყავს ისეთი შემადგენლობა, რომელმაც არათუ ჩემპიონთა ლიგის საგზურისთვის, სკუდეტოსთვის უნდა იბრძოლოს. მოკლედ, პალოტას ფულის დახარჯვა აღარ უნდა, პრესაში კი იმ ფეხბურთელებზე ალაპარაკდნენ, რომლებიც ზაფხულში თავისუფალი აგენტები გახდებიან და რომაელთა სამიზნეში არიან მოქცეულნი...</p><p>ერთ-ერთი ასეთი ფეხბურთელი ევგენი კონოპლიანკაა, "დნიპროს" ლიდერი და ბოლოდროინდელი წარმატებების მთავარი შემოქმედი. 25 წლის ნახევარმცველის გადაბირებას რომაელები ზამთარშიც ცდილობდნენ, მაგრამ მაშინ ფული იყო გადასახდელი, ზაფხულის სატრანსფერო პერიოდში კი ევგენი თავისუფალი აგენტი იქნება. ერთი ეგაა, რომ კონოპლიანკას სხვა მსურველებიც ჰყავს და ბოლო სიტყვა მას ეკუთვნის...</p><p>კონოპლიანკას გარდა, "რომას" სამიზნეში არიან "ლილის" 31 წლის ნახევარმცველი რიო მავუბა, "ლივერპულის" 30 წლის მცველი გლენ ჯონსონი და "მარსელის" 25 წლის ფორვარდი ანდრე აიუ პელე. ვნახოთ, რამდენად გაამართლებს "რომას" სატრანსფერო პოლიტიკა...</p><p><strong>ყოველდღიური სპორტული გაზეთი "ლელო"</strong></p>
გატუზო თავის სტიქიაშია - ზოგს წაუთაქა, ზოგს სილა გააწნა
"მილანი" ადლის საუდის არაბეთში გაასხვისებს
40 წლის რაულ ალბიოლი სერია A-ში დაბრუნდა
საქართველოს ნაკრებს ევრობასკეტზე მიღწეული ისტორიული შედეგისთვის მთავრობა ფულადი პრემიის სახით 3 მილიონ ლარს გადასცემს
"ამას ფეხბურთთან საერთო არაფერი აქვს" - "ბაიერნის" პრეზიდენტმა "ნიუკასლი" გააკრიტიკა
"ალბათ ამ პასუხს ნაკლებად ელოდით" - გვარდიოლამ დაასახელა ფეხბურთელი, რომლის "სიტიდან" გაშვებასაც ყველაზე მეტად ნანობს
"რუსეთის საფეხბურთო ნაკრებს სათადარიგოთა სკამზეც კი სუპერვარსკვლავები ჰყავს" - "რეალისა" და ესპანეთის ნაკრების ყოფილი მწვრთნელი
პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა
მამუკელაშვილი: შემიძლია ვემბანიამას მივწერო - საფრანგეთს მასთან ერთდაც მოვუგებდით
[VIDEO] დუბლი 2 წუთში - ტაბატაძე "კადისის" ფანების საყვარელი მოთამაშე ხდება
"მადლობა საბერძნეთს" - გოგა ბითაძე სოციალურ ქსელში პოსტს აქვეყნებს [PHOTO]
პირველი ტაიმის შემდეგ საქართველოს ნაკრები ბულგარეთს 2:0 ამარცხებს
მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო
კაპიტანი კვარაცხელია - ბულგარეთთან მატჩში საქართველოს ნაკრების შემადგენლობა ცნობილია
ოფიციალურად: "კოლოსმა" ზურაბ რუხაძე წარადგინა
ტიაგო მოტამ შესაძლოა, ბუნდესლიგის ბინადარი გუნდი ჩაიბაროს
ონანა კარიერას სავარაუდოდ, თურქეთში განაგრძობს
როდრიმ მისი აზრით "ოქროს ბურთის" ორი ფავორიტი დაასახელა
"სექსის დროს არ მინახავს, არ იცოდა, რომ კამერებზე წვდომა მქონდა..." - როგორ გაიგო ღალატის შესახებ არგენტინელი ვარსკვლავის მეგობარმა გოგონამ
ფრენკ ლამპარდი შესაძლოა, სამუშაოდ პრემიერ ლიგაში დაბრუნდეს
მოულოდნელი ამბავი - ზიდანი სამწვრთნელო საქმიანობას შესაძლოა, თურქეთში დაუბრუნდეს
ქოჩორაშვილი: აქამდე სწორედ იმიტომ მოვედით, რომ არასდროს ვნებდებით
მატჩის დღე - ქართველებსა და ბულგარელებს ცუდად დაწყებულის გამოსწორება სურთ!
ქართული ბანერი იტალიურ დერბიში - ინტერვიუ "ინტერის" ქართული აკადემიის დირექტორთან
"რომას" დატოვება ბოლო მომენტში გადაიფიქრა - დიბალამ დიდ ფულზე უარი თქვა
"მარსელიდან" მოკვეთილი რაბიოს დამატება "მილანმა" მოინდომა
ანდრე აიუ - "ვესტ ჰემის" სარეკორდო შენაძენი
2020 წლის ევროპის ჩემპიონმა საფეხბურთო კარიერა დაასრულა
მილანის "ინტერი" საქართველოში - ექსკლუზიური ინტერვიუ იტალიელ მწვრთნელთან
"ნა***რო ციგანო, დაცვა სიკვდილისგან ვერ გიხსნის" - სერბს ემუქრებიან
16 წლის ქართველი ტალანტი "იუვენტუსში" - ყველაფერი მალე უნდა გადაწყდეს
"ინტერმა" "რომას" კუთხურიდან გაუტანა - მოურინიო ისევ ბრაზობს
"ლამის ვიტირე" - არგენტინელი "იუვენტუსზე" ნაწყენია
"მონცას" ფეხბურთელებმა ბერლუსკონის მეძავებით სავსე ავტობუსი მოსთხოვეს
"მილანი" ადლის საუდის არაბეთში გაასხვისებს
ვინ სად გადავიდა? - ბოლო სატრანსფერო დღის გარიგებები
"გალათასარაიში" მიქაუტაძე და დიბალა ერთად შეუტევენ? - თურქულ კლუბს დიდი გეგმები აქვს
48 მლნ ევრო მცველში - მადრიდის "რეალმა" მესამე ტრანსფერი განახორციელა
"ბერლუსკონიმ მითხრა, რომ პოზიცია უნდა შემეცვალა, რაზეც "მილანის" მაშინდელ მწვრთნელს მოვუყევი და მიპასუხა, რომ..."' - პატომ "როსონერის" ყოფილ პრეზიდენტზე ისტორია მოჰყვა
"მადლობა, პრეზიდენტო!" - კალაძე ბერლუსკონის გარდაცვალებას ეხმაურება
აფრიკის ეროვნებათა თასი 2017: აფრიკის ერები იწყებენ
ნკუნკუს შემდეგ აკანჯიც? - "მილანი" ტრანსფერის განხორციელებას გეგმავს
ეს დაუნდობელი ფეხბურთი - ძმა ძმის წინააღმდეგ
"სკუდეტოს მოგება რეალურია" - ლაუტარო "ინტერის" შანსებზე
ბერლუსკონი ფეხბურთელებს მეძავებით სავსე ავტობუსს დაჰპირდა
Gazzetta dello Sport: მამარდაშვილი "იუვენტუსის" პრიორიტეტი აღარაა
"ნაპოლიც" ასე მოიქცა და იცით, შემდეგ რა მოხდა?" - დე როსიმ დიბალას არაბეთში ტრანსფერზე ისაუბრა
"მილანის" ნახევარმცველი იჯარის წესით ზაგრების "დინამოში" ითამაშებს
ისაკი გუნდთან ერთად ვარჯიშს არ აპირებს - "ნიუკასლმა" შვედი დააჯარიმა
მოურინიო "იუვესთან" წაგების მერე: ბრწყინვალედ ვითამაშეთ! [VIDEO]
ტრანსფერ ONLINE: გვიდოლინმა "სუონსი" უნდა გადაარჩინოს
ვინ გახდება აფრიკის საუკეთესო ფეხბურთელი
"მილანს" ზინჩენკოს დამატება სურს - "არსენალმა" ფასი დაასახელა
პსჟ-ს, შესაძლოა, ტრანსფერების განხორციელება აეკრძალოს
"გალათასარაისთვის" პრიორიტეტული დიბალა კი არა მიქაუტაძეა - მიზეზი ცნობილი გახდა
"იუვენტუსი" მოტამ ჩაიბარა
დიბალა რჩება - არგენტინელი "რომასთან" ახალ კონტრაქტს აფორმებს
შეთანხმება შედგა - დიბალას საუდის არაბეთში ოფიციალურად გადასვლა დროის საკითხია
მიხაილ გორელიშვილი გორის "დილაში" დაბრუნდა
დუეინ უეიდმა "კლივლენდი" აირჩია
„სპორტი ჩვენთვის იდენტობის განუყოფელ ნაწილს წარმოადგენს“ — იტალიის ელჩი თბილისში „მილანის“ საფეხბურთო ბანაკის დაწყებას ეხმაურება
მარიო ბალოტელი იტალიაში ყოფილ გუნდში დაბრუნდება
აფრიკის ეროვნებათა თასი. 1/4-ფინალი: აფრიკა ავტორიტეტებს არ ცნობს
"გეტყვით, რატომ მოუგო პსჟ-მ "ინტერს" დიდი ანგარიშით" - რობერტო დე ძერბი
"მონცამ" "იუვეს" ისევ მოუგო - ბერლუსკონიმ ფეხბურთელებს მეძავები უნდა დაახვედროს