- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული
- პარაძიუდო ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
რაფაელ ნადალი - გრუნტის მეფე კრახის წინაშე
<p>რა ელის ესპანელ ჩოგბურთელს <br> რაფაელ ნადალი ბოლო 10 წლის განმავლობაში პირველად ხვდება როლან გაროსს რეიტინგის TOP4-ის მიღმა, ევროპულ გრუნტზე ტიტულისა და ფავორიტის სტატუსის გარეშე</p><p>რაფაელ ნადალის ბოლო შედეგები გრუნტზე გვახსენებს ერთ ძველ ფრაზას: "მეფე მოკვდა. გაუმარჯოს მეფეს!" მართალია, გრუნტზე ესპანელის დომინირების მთავარი ელემენტი ყოველთვის როლან გაროსი იყო, რომელიც ჯერ წინ გვაქვს, მაგრამ პარიზში თავისი პირველი ტრიუმფიდან მოყოლებული, რაფა არასოდეს მისულა საფრანგეთის ღიამდე ტიტულის გარეშე.</p><p>ასე რომ, მართალია, გვირგვინი ჯერაც ნადალს ეკუთვნის, მაგრამ მისი დაკარგვის საფრთხე ძალიან მაღალია. რაფაელი აღარ აღიქმება გრუნტზე იმ მანქანად, რომელიც ყველა მეტოქეს ანადგურებდა და პრაქტიკულად, არ მარცხდებოდა. ეს შეგრძნება ჯერ კიდევ გასულ სეზონში გაჩნდა, როცა ნადალმა კარიერაში პირველად წააგო ამ საფარზე დავიდ ფერერთან, შემდეგ კი ასევე პირველად ვერ მოუგო ნიკოლას ალმაგროს. მაგრამ ამის შემდეგ რაფაელმა ტიტული აიღო მადრიდში, ხოლო რომის ფინალში ბრძოლა გაუმართა ნოვაკ ჯოკოვიჩს.</p><p>წელს მსგავსი არაფერი მომხდარა. ერთადერთი, რასაც ესპანელმა მიაღწია, მადრიდის ფინალი იყო, სადაც მოულოდნელად იოლად დათმო შეხვედრა ენდი მარეისთან, რომელსაც მანამდე არც ერთი დიდი ტურნირი არ ჰქონდა მოგებული გრუნტზე. რა თქმა უნდა, ბრიტანელმა კარიერაში საუკეთესო "მასტერსი" ითამაშა ამ საფარზე, მაგრამ ძველ დროში ნადალი ნამდვილად არ მისცემდა მას 6:3, 6:2 მოგების საშუალებას.</p><p>რაფაელის სხვა შედეგები გაზაფხულის გრუნტზე ასეთია: წაგება ნოვაკ ჯოკოვიჩთან მონტე კარლოს ნახევარფინალში, ბარსელონაში მესამე წრეში მარცხი ფაბიო ფონინისგან (მანამდე იტალიელმა ესპანელი რიო-დე-ჟანეიროს ნახევარფინალშიც დაამარცხა) და რომის "მასტერსის" მეოთხედფინალში წაგება სტენ ვავრინკასთან. თავად ესპანელი თავს იმით იმშვიდებს, რომ მადრიდსა და რომში კარგ ჩოგბურთს აჩვენებდა (გამონაკლისი მარეისთან ფინალი იყო) და წაგება კარიერის განუყოფელი ნაწილია.</p><p>მაგრამ "გრუნტის მეფისთვის" ეს საეჭვო ნუგეშია. ამასთან, ნადალს ესმის, რომ თავისუფლად შეიძლება წააგოს როლან გაროსზე, მაგრამ მარცხი არ გახდება ცხოვრების დასასრული. შეიძლება მართლაც ასეა, მაგრამ პარიზში ცხრა ტიტული რაფაელს ასეთი განწყობით არ მოუპოვებია.</p><p>პირველად 2004 წლის შემდეგ, ნადალი ამ სეზონში ვერ მოხვდება როლან გაროსის განთესვის პირველ ოთხეულში. მარეისთან მადრიდში მარცხის შემდეგ ის გამოვარდა TOP5-დან, სადაც მუდმივად იმყოფებოდა ათი წლის განმავლობაში. ის საფრანგეთის ღია პირველობას მეშვიდე პოზიციაზე ხვდება.</p><p>წილისყრის შედეგების მიხედვით, მეოთხედფინალში ნადალს მეტოქედ ჯოკოვიჩი, ფედერერი, მარეი ან ბერდიხი ერგება. რა თქმა უნდა, ბოლო ვარიანტი ყველაზე მოსახერხებელია, პირველი - ყველაზე ცუდი. თანაც, ცუდი არა მხოლოდ რაფაელისთვის, არამედ ორგანიზატორებისთვისაც. სწორედ ესპანელისა და სერბის დაპირისპირება იყო როლან გაროსის ბოლო გათამაშებების მთავარი მოვლენა და ნადალის ამჟამინდელი ფორმის მიუხედავად, მაყურებელი ყველაზე მეტად სწორედ მათ შეხვედრას ელოდება. ასეთი მატჩისთვის მეოთხედფინალი ძალიან ადრეული სტადიაა, მაგრამ ყველაფერი წილისყრაზე იქნება დამოკიდებული.</p><p>თუმცა ესპანელმა ჯერ უნდა მიაღწიოს უფრო შორეულ რაუნდებამდე. თუ როლან გაროსზე თამაშს არ მოუმატა, სავსებით შესაძლებელია, ჯოკოვიჩამდე მიუსვლელად წააგოს. ბოლო დროს მისი ჩოგბურთი არასტაბილურია. ცალკეული შემოვლითი და მოჭრილი დარტყმები ახლაც გამოსდის, მაგრამ ისე რეგულარულად არა, როგორც ადრე. გაჩნდა შეცდომები უბრალო სიტუაციებში, არაზუსტი დარტყმები.</p><p>გარდა ამისა, რაფაელის მოქმედებებში ფსიქოლოგიური არადამაჯერებლობაც ჩანს. ადრე მან იცოდა, რომ დაუმარცხებელი იყო გრუნტზე და იგივე იცოდნენ მისმა მეტოქეებმა. საჩემპიონო ხასიათთან ერთად, ეს ეხმარებოდა ნადალს ყველაზე გამოუვალ სიტუაციებში, როცა ორმაგი ბრეიკებიდან აღწევდა თავს ხიფათს, იგერიებდა სეტზე ჩაწოდებებსა და სეტბოლებს.</p><p>ახლა, როცა მდევრის როლში აღმოჩნდა, რაფაელს აღარ შეუძლია "გატეხოს" უმაღლესი დონის მეტოქე გადამწყვეტ მომენტებში თავისი ბრწყინვალე მოქმედებებით. პირიქით, იგივე მარეი მადრიდის ფინალში დამაჯერებლად იგერიებდა ბრეიკ-პოინტებს პირველ სეტში და არ აძლევდა ნადალს ანგარიშის გათანაბრების საშუალებას. რომში კი სტენ ვავრინკამ შეძლო ის, რაც ადრე თავად ესპანელს იშვიათად გამოსდიოდა: პირველი სეტის ტაი-ბრეიკი მოიგო ოთხმაგი სეტბოლის მოგერიებით! შვეიცარიელმა შესანიშნავად ჩაატარა ეს გათამაშებები, მაგრამ მაინც რთული დასაჯერებელია, რომ სულ რაღაც ორი-სამი წლის წინ რაფაელი ვინმესთან წააგებდა ტაი-ბრეიკს 6:2-დან.</p><p>სავარაუდოდ, ხუთსეტიანი ფორმატი ჯერ ისევ აძლევს შანსს რაფაელს, მაგრამ ამაზე დიდი იმედის დამყარება არ შეიძლება. უძლეველობის მითი გაქრა და ნადალის მეტოქეებმა იციან, რომ შეუძლიათ მისი დამარცხება.</p><p>და, რა თქმა უნდა, მთავარი მათ შორის არის ნოვაკ ჯოკოვიჩი, რომელიც პირველად ხვდება როლან გაროსს აშკარა ფავორიტის რანგში. სერბმა ამ სეზონში მხოლოდ ორი მატჩი წააგო და ორივე გაზაფხულზე - ივო კარლოვიჩთან დოჰაში და როჯერ ფედერერთან დუბაიში. მართალია, ჯოკოვიჩი "გრუნტის მეფე" ვერასდროს გახდება, მაგრამ "კარიერული სლემის" მოსაპოვებლად როლან გაროსის წელს მოგება ნამდვილად შეუძლია.</p><p>შეძლებს თუ არა რაფაელი დაფარული რეზერვების მონახვას, თუ მისი შთამბეჭდავი სერია - როლან გაროსის ზედიზედ ხუთჯერ მოგება შეწყდება? ამას რამდენიმე კვირაში გავიგებთ და ეს არის მოახლოებული საფრანგეთის ღიას მთავარი ინტრიგა.</p><p><strong>რეიტინგი</p><p>ATP</p><p></strong>1(1). ნოვაკ ჯოკოვიჩი (სერ) 13 845</p><p>2(2). როჯერ ფედერერი (შვეიც) 9 235</p><p>3(3). ენდი მარეი (ბრიტ) 7 040</p><p>4(5). ტომაშ ბერდიხი (ჩეხ) 5 230</p><p>5(6). კეი ნიშიკორი (იაპ) 5 220</p><p>6(4). მილოშ რაონიჩი (კან) 4 800</p><p>7(7). რაფაელ ნადალი (ესპ) 4 570</p><p>8(8). დავიდ ფერერი (ესპ) 4 490</p><p>9(9). სტენ ვავრინკა (შვეიც) 3 845</p><p>10(10). მარინ ჩილიჩი (ხორ) 3 325</p><p>11(11). გრიგორ დიმიტროვი (ბულ) 2 760</p><p>12(13). ფელისიანო ლოპესი (ესპ) 2 280</p><p>13(12). ჟილ სიმონი (საფ) 2 255</p><p>14(15). გაელ მონფილსი (საფ) 2 065</p><p>15(14). ჟო-ვილფრიდ ცონგა (საფ) 2 045</p><p>16(16). კევინ ანდერსონი (ს. აფრ) 1 970</p><p>17(17). ჯონ ისნერი (აშშ) 1 935</p><p>18(20). დავიდ გოფენი (ბელ) 1 835</p><p>19(18). ტომი რობრედო (ესპ) 1 755</p><p>20(19). რ. ბაუტისტა აგუტი (ესპ) 1 750</p><p><strong>WTA</p><p></strong>1(1). სერენა უილიამსი (აშშ) 9 361</p><p>2(3). მარია შარაპოვა (რუს) 7 710</p><p>3(2). სიმონა ჰალეპი (რუმ) 7 360</p><p>4(4). პეტრა კვიტოვა (ჩეხ) 6760</p><p>5(5). კაროლინ ვოზნიაცკი (დან) 4 940</p><p>6(6). ეჟენი ბუშარი (კან) 4 167</p><p>7(7). ანა ივანოვიჩი (სერ) 3 655</p><p>8(10). კ. სუარეს ნავარო (ესპ) 3 645</p><p>9(8). ეკატერინა მაკაროვა (რუს) 3 510</p><p>10(9). ანდრეა პეტკოვიჩი (გერ) 3 315</p><p>11(11). ანჟელიკ კერბერი (გერ) 3 230</p><p>12(12). კაროლინა პლიშკოვა (ჩეხ) 3 085</p><p>13(14). ლუსი საფაროვა (ჩეხ) 2 995</p><p>14(13). აგნიეშკა რადვანსკა (პოლ) 2 885</p><p>15(16). ვინუს უილიამსი (აშშ) 2 646</p><p>16(17). მედისონ კისი (აშშ) 2 325</p><p>17(15). სარა ერანი (იტა) 2 140</p><p>18(18). სვეტლანა კუზნეცოვა (რუს) 2 118</p><p>19(19). ელინა სვიტოლინა (უკრ) 2 095</p><p>20(22). საბინ ლისიცკი (გერ) 2 076</p><p><strong>ყოველდღიური სპორტული გაზეთი "ლელო"</strong></p>
[PHOTO] პირველი ქალი ჩოგბურთელი, რომელმაც მკერდი გაიდიდა - ფრანგმა გოგონამ მიზეზი ახსნა
სენსაციებით დატვირთული დღე შანხაიში - ტურნირს რამდენიმე ვარსკვლავი ერთიანად გამოეთიშა
ბასილაშვილი ჩილიჩთან დამარცხდა და ჯოკოვიჩთან კიდევ ერთხელ დაპირისპირების შანსი დაკარგა
"მანჩესტერ იუნაიტედთან" მატჩში "ლივერპულის" შემადგენლობა ცნობილია
"შოთა არველაძის სამშობლოში ვართ და სამწუხაროა, რომ ის ვერ ითამაშებს" - ფრანკ დე ბური ლეგენდების მატჩის წინ
"ესპანური სწრაფად ვისწავლე, რადგან ეს პატივისცემის ნიშანია" - კილიან მბაპე მადრიდულ ცხოვრებაზე
"საფონოვი მოთმინებას კარგავს" - რას წერს ფრანგული გამოცემა რუს მეკარეზე?
[VIDEO] შერმადინის და უერტასის დუეტი კვლავ ბრწყინავს - "ტენერიფემ" "მურსია" დაამარცხა
[VIDEO] აქ სიტყვები ზედმეტია - მესის ჰეთ-თრიქი და საგოლე პასი "ნეშვილთან"
[VIDEO] 40 წლის კრიშტიანო რონალდოს ფანტასტიკური გოლი საუდის არაბეთში
ფრე დინამოების დაპირისპირებაში; წყალტუბოელთა მოგება ფოთში
ქოჩორაშვილი სათადარიგოთა შორის დატოვეს - "სპორტინგი" 1/16-ფინალში ძლივს გავიდა
დავითაშვილის "სენტ-ეტიენმა" შინ მარცხი განიცადა
[VIDEO] ვენდეტა არგენტინულად - სიმეონემ "ტორინოს" "ნაპოლისთან" გამარჯვება მოუპოვა
მიქაუტაძის გარეშე - "სიტისთან" მატჩამდე "ვილიარეალმა" "ბეტისთან" გამარჯვება ხელიდან გაუშვა
საქართველო 3:2 ყირგიზეთი
გოჩოლეიშვილს სახეზე 6 ნაკერი დაადეს - "ჰამბურგი" "ლაიფციგთან" დამარცხდა
კვერნაძე შეცვლაზე შევიდა - "ფროზინონე" "მონცასთან" დამარცხდა
39 დღე გაძლო - "ნოტინგემმა" პოსტეკოღლუ გაათავისუფლა
ზივზივაძე დაბრუნდა - "ჰაიდენჰაიმი" "ვერდერს" ფრედ ეთამაშა
"აქ ნებისმიერ მწვრთნელს კრიზისამდე ერთი მატჩი აშორებს" - ბრუნო ფერნანდეშმა რუბენ ამორიმი დაიცვა
გვარდიოლამ გაამხილა, როდის იფიქრებს მწვრთნელის კარიერის დასრულებაზე
კანტე ევროპაში ბრუნდება? - ფრანგს სერიოზული მსურველი ჰყავს
"ბატონო ნადალ, ფოტო შეიძლება?!" - ფედერერმა გულშემატკივრებთან საუბარში სასაცილო ისტორია გაიხსენა
"კილიანი მსოფლიოში საუკეთესო გახდება, მას ზურგს შესანიშნავი გუნდი უმაგრებს" - რაფა ნადალმა ფრანგზე ისაუბრა
მაგიური ჯოკოვიჩი - ნოვაკი 2028 წლის ოლიმპიადაზე თამაშს გეგმავს
ნადალი: "რეალის" ფანი ვარ, მაგრამ მესი რონალდოზე უკეთესია [VIDEO]
ყველა დროის ყველაზე ხანგრძლივი პირველობა მამაკაცებსა და ქალებშიც - ჯოკოვიჩმა ისტორიული მიღწევა დააფიქსირა
ფედერერის შემდეგ ნადალიც - ჩოგბურთიდან რაფაც მიდის