<p>თენგიზ სულაქველიძის დონესთან მიახლოებული საყრდენი ნახევარმცველი ქართულ ფეხბურთში არც მანამდე ყოფილა და არც - მერე! <br> ქართული ფეხბურთის ისტორიაში არაერთი გამორჩეული მოთამაშე ყოფილა და მათ რიცხვში თამამად შეგვიძლია დავასახელოთ ყველა დროის ერთ-ერთი საუკეთესო ცენტრალური ნახევარმცველი თენგიზ სულაქველიძე.</p><p>უფრო რომ დავაკონკრეტოთ, თენგიზ სულაქველიძის დონესთან მიახლოებული საყრდენი ნახევარმცველი ქართულ ფეხბურთში არც მანამდე ყოფილა და არც - მერე! მეტსაც ვიტყვით: სწორედ თენგიზ სულაქველიძემ "დაამსხვრია მითი" იმის შესახებ, რომ ქართული ფეხბურთი მხოლოდ და მხოლოდ იმპროვიზაცია, ბურთის ფლობის ტექნიკა, დრიბლინგი თუ ფინტები... არ იყო.</p><p>ანუ ქართული ფეხბურთი არასდროს განიცდიდა მაღალი დონის შემსრულებლების ნაკლებობას, მაგრამ იმ პერიოდში, გასული საუკუნის 70-იანი წლების ბოლოსკენ, სწორედაც რომ დრომ და სიტუაციამ "უკარნახა" მართლაც გენიალურ მწვრთნელს, ნოდარ ახალკაცს, თბილისის "დინამოს" სათამაშო სქემა "გადაეწყო" და 1978 წლის ზაფხულში, ჩვენს უპირველეს გუნდში ბევრისთვის უცნობი ახალგაზრდა ფეხბურთელი თენგიზ სულაქველიძე ჩაირიცხა, რომელიც მანამდე წარმატებით ასპარეზობდა ქუთაისის "ტორპედოში", თანაც, ცენტრალური მცველის პოზიციაზე.</p><p>აი, "დინამოში" გატარებული 11 სეზონის განმავლობაში კი თენგიზ სულაქველიძეს რომელ ამპლუაში არ ვხედავდით: დაცვის ორივე ფლანგზე, ნახევარდაცვის ორივე ფლანგზე თუ ცენტრში. ჩინებული ფიზიკური მონაცემების მქონე სულაქველიძე სულ მალე გახდა "დინამოს" ერთ-ერთი ლიდერი და იმავე "დოზით" შეჰქონდა საკუთარი წვლილი გუნდის წარმატებაში, როგორც დავით ყიფიანს, რამაზ შენგელიას, ალექსანდრე ჩივაძეს, ვლადიმერ გუცაევს, ვიტალი დარასელიას, შოთა ხინჩაგაშვილს, ოთარ გაბელიას, ნოდარ ხიზანიშვილს, თამაზ კოსტავას, ზაურ სვანაძეს, ნუკრი კაკილაშვილს...</p><p>...თენგიზ სულაქველიძე თამამად შეგვიძლია დავასახელოთ ყველა დროის ქართული ფეხბურთის ნომერ პირველ უნივერსალად და ამაში არაერთხელ დარწმუნებულან მისი მეტოქეები როგორც საკლუბო, ასევე სანაკრებო დონეზეც; თანაც, ნურც იმას დავივიწყებთ, თუ რა დონის ვარსკვლავებთან უწევდა სულაქველიძეს პაექრობა თუ მეურვეობა: ზიკოსთან, პრებენ ელკიაერ-ლარსენთან თუ .... დიეგო მარადონასთან!</p><p>ისე, რახან სანაკრებო დონე ვახსენეთ, ისიც უნდა ვთქვათ, რომ ქართული ფეხბურთის ისტორიაში მხოლოდ ოთხი მოთამაშეა, სამივე უმნიშვნელოვანეს ტურნირზე (მსოფლიოს ჩემპიონატი, ევროპის ჩემპიონატი, ოლიმპიური თამაშები) რომ გამოსულა: მურთაზ ხურცილავა, რევაზ ძოძუაშვილი, ალექსანდრე ჩივაძე და თენგიზ სულაქველიძე...</p><p>...ევროპის 1988 წლის ჩემპიონატის ვერცხლისპრიზიორი, 1980 წლის ოლიმპიური თამაშების ბრინჯაოსპრიზიორი, 1982 წლის მსოფლიოს ჩემპიონატის მეოთხედფინალისტი საბჭოთა ნაკრების შემადგენლობაში, თბილისის "დინამოსთან" ერთად ევროპის ქვეყნების თასების თასისა (1981) და საბჭოთა კავშირის თასის (1979) მფლობელი, ყველა დროის ქართული ფეხბურთის საუკეთესო უნივერსალი თენგიზ სულაქველიძე აქტიური კარიერის დამთავრების შემდეგაც ქართული ფეხბურთის სამსახურში დარჩა და დიღომში, ბავშვთა საფეხბურთო აკადემიაც დააარსა, რომელიც თითქმის 20 წელიწადია წარმატებით ფუნქციონირებს.</p><p>აი, ასეთ ღვაწლმოსილ და მართლაც დამსახურებულ ვეტერან ფეხბურთელს უმასპინძლა ტოტალიზატორმა "ლიდერბეთმა"; უკვე მესამე წელიწადია, ჩვენმა კოლეგებმა - ბიძინა ბარათაშვილმა, ლევან სალუქვაძემ და გიგა გვენცაძემ "ლიდერბეთთან" ერთად მართლაც მშვენიერ პროექტს ("ქართული სპორტის ლიდერები") ჩაუყარეს საფუძველი, რომელიც თვეში ორჯერ ახლო თუ შორეული წარსულის ცნობილ სპორტსმენებთან შეხვედრას ითვალისწინებს.</p><p>შეხვედრას ჩვეული ორატორობით ჯამლეტ ხუხაშვილი უძღვებოდა. ამ ლამაზ ღონისძიებას უამრავი სტუმარი დაესწრო: ვეტერანი ფეხბურთელები, ჟურნალისტები, სტაჟიანი გულშემატკივრები... ყველა გამომსვლელი დიდი სიამოვნებით საუბრობდა თენგიზ სულაქველიძის საფეხბურთო თუ ცხოვრებისეულ წარმატებებზე და არც სურვილები დაუნანებია არავის...</p><p>(იბეჭდება მცირე ცვლილებით)</p><p><strong>ყოველდღიური სპორტული გაზეთი "ლელო"</strong></p>
"ბედნიერი ვარ თუ არა, რომ სათამაშო დრო მომეცა?" - შჩესნის მოულოდნელი პასუხი
"კონკურენცია ძალიან მაღალია, შეცდომის დაშვების უფლება არ გვაქვს" - ანჩელოტიმ ნეიმარის ნაკრებში არგამოძახების მიზეზებზე ისაუბრა
"ლივერპული" პრემიერლიგის "გალაქტიკოსი" გახდა" - ჯეიმი კარაგერი
არისაბალაგა შეიძლება ფაბრეგასის გუნდში გადაბარგდეს
დუდუ დადიანის მემორიალზე ნახევარფინალისტები დაწყვილდნენ
ბოლო წუთების ფასი... "დილამ" და "სამგურალმა" მოიგეს, "იბერია 1999"-"გარეჯი" ფრედ დასრულდა
გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა
[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა
Le Parisien-ი კვარაცხელიას ტრავმის შესახებ ინფორმაციას ავრცელებს
U17 | საქართველო 3:0 ლიეტუვა
წიტაიშვილი და აბუაშვილი შეცვლაზე და "მეცის" ფრე "ჰავრთან"
GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში
იური ტაბატაძე შეცვალეს - "კადისი" "სეუტასთან" ფრეს დასჯერდა
ლოჩოშვილმა ტრავმა მიიღო - "ნიურნბერგი" სახლში "ჰერტასთან" განადგურდა
გოგლიჩიძე ისევ არ ათამაშეს - "უდინეზე" დამარცხდა
"დარწმუნებული ვარ, სიტუაციის შეცვლა შემიძლია" - ამორიმი "ბრენტფორდთან" მარცხის შემდეგ
"რეალს" გიულერის თაობაზე ორი კლუბი დაუკავშირდა - "სამეფო კლუბმა" გადაწყვეტილება მიიღო
"ვესტ ჰემმა" პოტერი გაათავისუფლა - "ჩაქუჩები" ეშპირიტუ სანტუმ ჩაიბარა
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
"დიდებული მწვრთნელია, მაგრამ ფერგიუსონამდე და ანჩელოტიმდე ბევრი უკლია" - ხაბიბმა გვარდიოლაზე ისაუბრა
[VIDEO] სათადარიგოთა სკამიდან შევიდა და ყველაზე შედეგიანი იყო - შერმადინის მაგარი მატჩი "რეალთან"
ფრე ქუთაისში... და "თელავის" მოგება "გაგრასთან"
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ
ვიტალი დარასელიას თასი: კიეველთა ტრიუმფი, მასპინძელი ბოლო ადგილს ასცდა
"რუსი და ბელარუსი სპორტსმენები არ უნდა მოეკვეთათ, საქართველოს თქვენთვის სანქციები არ უნდა დაეწესებინა და სსრკ-ის დროინდელი მეგობრული ურთიერთობების აღდგენა შეგვიძლია" - თენგიზ სულაქველიძის ინტერვიუ რუსულ პრესასთან
"პასუხისმგებლობა არა მხოლოდ კობიაშვილმა, აღმასკომმაც უნდა იტვირთოს!"
[სპეციალისტის აზრით] არ თამაშობენ კი არა, ვერ თამაშობენ!
საქართველოში 20 ახალი სარაგბო და საფეხბურთო მოედანი აშენდება
"მარკ სტარსის" თასი: ტყიბულის "მეშახტის" ტრიუმფი