<p>როსბერგის დიდი გამარჯვება, ჰემილტონის დიდი იმედგაცრუება <br> მონაკოს გრან-პრის მშვიდი სვლა თრილერით დასრულდა და მან ნიკო როსბერგს ზედიზედ მეორე გამარჯვება, ლუის ჰემილტონს კი დიდი იმედგაცრუება მოუტანა...</p><p>არადა, ბრიტანელი პილოტისთვის ყველაფერი კარგად იწყებოდა: თავის ცხრაწლიან კარიერაში ლუის ჰემილტონმა პირველად მოიგო მონაკოს ეტაპის კვალიფიკაცია და სტარტზეც არ შექმნია პრობლემები - მშვიდად შეინარჩუნა ლიდერობა და დამაჯერებლად გაეშურა სეზონში მეოთხე გამარჯვებისკენ.</p><p>ექსპერტები რბოლაში ერთი პიტსტოპის ტაქტიკას ვარაუდობდნენ, მაგრამ ყველაფერი ფინიშამდე 13 წრით ადრე შეიცვალა, როცა ავარიაში მოხვდა "ტორო როსოს" პილოტი მაქს ფერსტაპენი. საბედნიეროდ, ჰოლანდიელი ტრავმების გადაურჩა, ტრასაზე კი უსაფრთხოების მანქანა გამოვიდა.</p><p>ამ მომენტისთვის ლუის ჰემილტონი 20-წამიანი უპირატესობით ლიდერობდა და გამარჯვება თითქმის გარანტირებული ჰქონდა. ის მეორე პიტსტოპზე გამოიძახეს და ჩემპიონმა ბოქსებისკენ შეუხვია, მისი კონკურენტები - ნიკო როსბერგი და სებასტიან ფეტელი კი ტრასაზე დარჩნენ. არადა, ბრიტანელს სულ ცოტა დააკლდა იმისთვის, რომ პიტლეინიდან გამოსვლისას ისევ პირველ ადგილზე დაბრუნებულიყო, მაგრამ დრო საკმარისი არ აღმოჩნდა. ჰემილტონი მესამე ადგილამდე ჩამოქვეითდა.</p><p>"ჩემთვის რბოლა დაკარგულია?" - იკითხა ამის შემდეგ ბრიტანელმა. "არა, თუ მათ საბურავებზე ტემპერატურა დაეცემა", - უპასუხა ინჟინერმა.</p><p>რესტარტი ფინიშამდე რვა წრით ადრე მისცეს. პირველი სამეული მაშინვე დაშორდა პელოტონს. როსბერგმა ფეტელთან ორწამიანი უპირატესობა მოიპოვა, ჰემილტონი კი ყოველ მოსახვევში უტევდა "ფერარის" პილოტს, მაგრამ გასწრებას ვერ ახერხებდა.</p><p>საბოლოოდ, რესტარტის შემდეგ როსბერგს არც ერთი შეცდომა არ დაუშვია და დამაჯერებლად გადაკვეთა ფინიშის ხაზი. ეს მისი ზედიზედ მესამე გამარჯვებაა მონაკოში - ასეთი რამ აირტონ სენას შემდეგ არ მომხდარა. სულ კი ნიკოს ფორმულა 1-ში ათი გამარჯვება აქვს და ამ მაჩვენებლით ჯეიმს ჰანტს დაეწია.</p><p>სებასტიან ფეტელმა გაჭირვებით, მაგრამ შეინარჩუნა მეორე პოზიცია, რითაც ამ სეზონში მეხუთე პოდიუმი მოიპოვა. ჰემილტონი კი იძულებული გახდა მესამე ადგილით დაკმაყოფილებულიყო. "არ ვიცი, რატომ გამოიძახეს ის პიტსტოპზე, - განაცხადა "მერსედესის" დირექტორმა ნიკი ლაუდამ. - როგორც ჩანს, რაღაც აურიეს".</p><p>აღვნიშნავთ "მაკლარენ-ჰონდას" პირველ ქულებს სეზონში, რომელიც გუნდს ჯენსონ ბატონმა მოუტანა.</p><p>ექვსი ეტაპის შემდეგ ლუის ჰემილტონი ისევ ლიდერობს გენერალურ კლასიფიკაციას, მაგრამ მისი უპირატესობა ნიკო როსბერგზე 10 ქულამდე დავიდა. სებასტიან ფეტელი და კიმი რაიკონენი ისევ მესამე და მეოთხე ადგილებზე არიან, მათ შემდეგ კი "უილიამსის" პილოტები მოდიან, რომლებმაც ჩააგდეს გუშინდელი რბოლა.</p><p>შემდეგი რბოლა ორი კვირის თავზე მონრეალში გაიმართება - 7 ივნისს ჟილ ვილნევის სახელობის ტრასაზე კანადის გრან-პრი გაიმართება.</p><p><strong>მონტე კარლო (78 წრე, 260.520 კმ)</p><p></strong>1(2). ნიკო როსბერგი (მერსედესი, გერმანია) 1:49.18,420 (1 პიტსტოპი)</p><p>2(3). სებასტიან ფეტელი (ფერარი, გერმანია) +4,486 (1)</p><p>3(2). ლუის ჰემილტონი (მერსედესი, ბრიტანეთი) +6,053 (2)</p><p>4(8). დანიილ კვიატი (რედ ბული, რუსეთი) +11,965 (1)</p><p>5(10). დანიელ რიკარდო (რედ ბული, ავსტრალია) +13,608 (2)</p><p>6(7). კიმი რაიკონენი (ფერარი, ფინეთი) +14,345 (1)</p><p>7(18). სერხიო პერესი (ფორს ინდია, მექსიკა) +15,013 (2)</p><p>8(14). ჯენსონ ბატონი (მაკლარენი, ბრიტანეთი) +16,063 (2)</p><p>9(15). ფელიპე ნასრი (ზაუბერი, ბრაზილია) +23,626 (2)</p><p>10(5). კარლოს საინსი (ტორო როსო, ესპანეთი) +25,056 (1)</p><p>11(17). ნიკო ჰიულკენბერგი (ფორს ინდია, გერმანია) +26,232 (2)</p><p>12(11). რომენ გროსჟანი (ლოტუსი, საფრანგეთი) +28,415 (1)</p><p>13(16). მარკუს ერიქსონი (ზაუბერი, შვედეთი) +31,159 (3)</p><p>14(4). ვალტერი ბოტასი (უილიამსი, ფინეთი) +45,789 (2)</p><p>15(9). ფელიპე მასა (უილიამსი, ბრაზილია) 1 წრე (3)</p><p>16(20). რობერტო მერი (მანორი, ესპანეთი) 2 წრე (1)</p><p>17(19). უილ სტივენსი (მანორი, ბრიტანეთი) 2 წრე (1)</p><p>18(6). მაქს ფერსტაპენი (ტორო როსო, ჰოლანდია) 15 წრე</p><p>19(13). ფერნანდო ალონსო (მაკლარენი, იტალია) 36 წრე</p><p>20(12). პასტორ მალდონადო (ლოტუსი, ვენესუელა) 72 წრე</p><p><strong>საერთო ჩათვლა</p><p></strong>1. ლუის ჰემილტონი - 126 (3 მოგება); 2. ნიკო როსბერგი - 116 (2); 3. სებასტიან ფეტელი - 98 (1); 4. კიმი რაიკონენი - 60; 5. ვალტერი ბოტასი - 42; 6. ფელიპე მასა - 39; 7. დანიელ რიკარდო - 35; 8. დანიილ კვიატი - 17; 9. ფელიპე ნასრი - 16; 10. რომენ გროსჟანი - 16; 11. სერხიო პერესი - 11; 12. კარლოს საინსი - 9; 13. ნიკო ჰიულკენბერგი - 6; 14. მაქს ფერსტაპენი - 6; 15. მარკუს ერიქსონი - 5; 16. ჯენსონ ბატონი - 4.</p><p><span style="font-size: 12.1599998474121px; line-height: 15.8079996109009px;">ფორმულა 1. მონაკოს გრან-პრი: წართმეული გამარჯვება</span>1. მერსედესი - 242; 4. ფერარი - 158; 3. უილიამსი - 81; 4. რედ ბული - 52; 5. ზაუბერი - 21; 6. ფორს ინდია - 17; 7. ლოტუსი - 16; 8. ტორო როსო - 15; 9. მაკლარენი - 4.</p><p><strong>ყოველდღიური სპორტული გაზეთი "ლელო"</strong></p>
ისრაელს საერთაშორისო სპორტიდან მოკვეთენ? ოლიმპიური კომიტეტის პასუხი
უარი ბელარუსთან თამაშზე - უკრაინის მამაკაცთა პლაჟის ფეხბურთის ნაკრები მატჩზე არ გამოცხადდება
ამწე კრანის ფასი თბილისში – როგორ ავირჩიოთ ხარისხიანი სერვისი
"რეალს" ენდრიკის იჯარით გაშვება უნდა, ბრაზილიელი წასვლის წინააღმდეგია
პირველი ტაიმის შემდეგ პსჟ "ოსერს" 1:0 ამარცხებს
"ოსერთან" მატჩში პსჟ-ს სასტარტო შემადგენლობა ცნობილია
ზივზივაძის "ჰაიდენჰაიმმა" ნანატრი გამარჯვება მოიპოვა
[VIDEO] ხულიან ალვარესი მთელი თავისი ბრწყინვალებით - "ატლეტიკომ" მადრიდულ დერბიში "რეალი" გაანადგურა
გუნდია თუ საველე ჰოსპიტალი - პსჟ-ს კიდევ ერთი წამყვანი ფეხბურთელი გამოაკლდა
"იუნაიტედი" "ბრენტფორდთან" დამარცხდა - გაუშვებენ ამორიმს?
[VIDEO] კეინის ყველა დროის რეკორდი - "ბაიერნი" და ინგლისელი შეუჩერებლები არიან
FIFA-მ მალაიზიის ფეხბურთის ფედერაცია და 7 ფეხბურთელი მკაცრად დასაჯა
დუდუ დადიანის მემორიალის 24-ე გათამაშება ოლიმპიურ სასახლეში დაიწყო
"ერთად დასაწყისიდან დასასრულამდე" - მესი ბუსკეტსის გადაწყვეტილებას ემოციური წერილით გამოეხმაურა
"ამ ორი ფეხბურთელის წყალობით, "ბარსელონა" მომდევნო 10-15 წელი ჩემპიონთა ლიგის მოგების მთავარი ფავორიტი იქნება" - დეულოფეუ
"როცა ის მოედანზე მყავდა, პატარა ბავშვივით ტკბილად მეძინა" - გვარდიოლამ "სიტის" ყოფილი ფეხბურთელი გამოარჩია
"პირველი იყო, ვინც "ოქროს ბურთის" მოგება მომილოცა" - უსმან დემბელემ ლიონელ მესიზე ისაუბრა
[VIDEO] რონალდოს 946-ე გოლი - "ალ ნასრმა" ბენზემას "ალ იტიჰადი" დაამარცხა
"მოურინიო გეი და ჰომოსექსუალია" - სკანდირებდნენ "პორტუს" გულშემატკივრები
Le Parisien: ფლანგებზე კვარაცხელია და ბარკოლა - დღეს "ბარსელონასთან" მატჩის გენერალური რეპეტიციაა
"უდინეზეს" მწვრთნელი: გოგლიჩიძე შანსის გამოსაყენებლად მზად უნდა იყოს
"ბარსელონას" კიდევ ორი ფეხბურთელი პსჟ-სთან ვერ ითამაშებს
პრობლემების მქონე პსჟ-ისა და კარგ ფორმაში მყოფი "ვილიარეალის" მატჩის დღე
დარჩება ფორმულა 1-ის ჩემპიონი "მერსედესთან" შემდეგ სეზონში?
"მიყვარხარ, პატივია გიწოდო ჩემი მეგობარი..." - ჰამილტონი ფეტელს დაემშვიდობა [VIDEO]
დიდი ცვლილება ფორმულა 1-ში - "ფერარის" მსოფლიოს 4-გზის ჩემპიონი ტოვებს
ფეტელს "ასტონ მარტინში" მსოფლიოს 2-გზის ჩემპიონი ჩაანაცვლებს
რუსი მოდელი, რომელმაც კრიშტიანო რონალდო დააიგნორა [PHOTO]
"სამწუხაროდ, ცოტამ თუ იცის, რომ ასეთი ტექნოლოგიები უკვე არსებობს" - ინტერვიუ ფორმულა 1-ის მსოფლიო ჩემპიონთან
Forbes: ბოლო 10 წლის ყველაზე მაღალანაზღაურებად სპორტსმენთა სიას აქვეყნებს, ლიდერი არც რონალდოა, არც მესი...
მონაკოში წლის საუკეთესო სპორტსმენები დაასახელეს
რა უნდა ვიცოდეთ ფორმულა 1-ის ახალი სეზონის შესახებ
კორონავირუსის გამო ცვლილებები ფორმულა 1-საც შეეხო
ფორმულა 1: 2016 წლის სეზონი ციფრებში
მსოფლიოს 4-გზის ჩემპიონი სებასტიან ფეტელი ფორმულა 1-იდან მიდის
ფორმულა 1: ყველაზე მაღალანაზღაურებადი პილოტები
"ფერარის" პილოტები ერთმანეთს შეეჯახნენ [VIDEO]
ფორმულა 1. ნიკო როსბერგი: მე წავედი!
ლუის ჰემილტონი "ფერარიში" გადადის?! - ბრიტანელი იტალიელებს შეხვდა
ფორმულა 1-ის სკანდალი: 3-გზის ჩემპიონის არაეთიკური ინტერვიუ [VIDEO]
ფორმულა 1. ნიკო როსბერგი: მე წავედი!