<p>არსენ ვენგერის მეექვსე თასი <br> ლონდონის "არსენალმა" ინგლისის ასოციაციის თასი ზედიზედ მეორედ მოიგო და 2004 წლის მერე პირველი გუნდი გახდა, რომელსაც ეს ტიტული ერთზე მეტჯერ აქვს მოგებული. "მეთოფეებმა" მსოფლიოს უძველესი საფეხბურთო ტურნირი მეთორმეტედ მოიგეს, რაც სარეკორდო მაჩვენებელია. "არსენალი" "უონდერერსის", "ბლექბერნისა" და "ტოტენჰემის" შემდეგ გახდა მეოთხე გუნდი, რომელმაც ტიტულის დაცვა სხვადასხვა წელს ერთზე მეტჯერ შეძლო.</p><p>აი, პირადად არსენ ვენგერისთვის კი ეს მე-6 ასოციაციის თასი იყო და იგი თანარეკორდსმენი გახდა ჯორჯ რემზისთან ერთად, რომელმაც სწორედ "ასტონ ვილასთან" ერთად იმარჯვა 6-ჯერ, სულ კი ბირმინგემელებს ეს ტიტული 7-ჯერ აქვთ მოგებული.</p><p>"არსენალმა" ძალიან ადვილად მოიგო, თანაც, შთამბეჭდავად და ლამაზად. "მეთოფეებმა" მეტოქეს პირველ ტაიმში გოლი აკმარეს, მერე კი... განსაკუთრებით ლამაზი პირველი ორი ბურთი იყო - თეო უოლკოტისა და ალექსის სანჩესის. უოლკოტს ტრავმამ სეზონი კი ჩაუგდო, მაგრამ ბოლოსკენ ათამაშება მოასწრო და კიდევ ერთხელ ამტკიცებს, თუ რა ნიჭიერია - მან 7 თამაში დაიწყო ძირითადში და 7 გოლი გაიტანა.</p><p>სანჩესი კი, რომელმაც შორიდან გაისროლა, მეორე ჩილელი გახდა ასოციაციის თასის ისტორიაში, რომელმაც ფინალში გოლი გაიტანა. პირველი ჯორჯ რობლედოა, რომელმაც თავი 1952 წლის ფინალში გამოიჩინა "ნიუკასლის" მაისურით.</p><p>ლონდონელთა ბოლო გოლი კი იმით გამოვარჩიოთ, რომ ის შეცვლაზე შემოსულმა ფეხბურთელებმა შექმნეს - მინდორზე 90-ე წუთზე გამოსულმა ალექს-ოქსლეიდ ჩემბერლენმა ამ მატჩში უოლკოტის დუბლიორს, ოლივიე ჟირუს უპასა და გაატანინა.</p><p>აღსანიშნავია ისიც, რომ ჩემპიონატის შეხვედრები "არსენალმა" ამ სეზონში "ასტონ ვილას" 3:0 და 5:0 მოუგო... ამრიგად, ბირმინგემელები უთასოდაც დარჩნენ და ამავდროულად, ევროპალიგის საგზურის გარეშეც. "არსენალის" წყალობით, ევროპის ლიგაზე "საუთჰემპტონი" ითამაშებს.</p><p>"გულშემატკივრებს საქომაგო მიზეზი და საბაბი ნამდვილად ვერ მივეცით, ამის საფუძველი არ იყო. ძალიან ცუდად ვითამაშეთ, მაგრამ პირობას გაძლევთ, სიტუაცია გამოსწორდება. უმაღლეს ლიგაში დარჩენა კი შევძელით, მაგრამ ჯერ "დამარცხებულის მენტალიტეტი" გვაქვს და ეს უნდა შეიცვალოს. მომავალ სეზონში, უბრალოდ, გადარჩენისთვის არ უნდა ვიბრძოლოთ. ახალი გუნდი უნდა ავაშენოთ.</p><p>მე მინდა ბიჭებთან გულწრფელი ვიყო და რამდენიმეს უკვე ვუთხარით, რომ ახალი გუნდის მოძებნა მოუწევთ. ზოგიერთთან მენტალიტეტის და ფსიქოლოგიური კუთხითაა სამუშაო, ზოგსაც შესაძლოა, ამპლუა შევუცვალოთ" - თქვა 46 წლის ტიმ შერვუდმა, რომელსაც დიდი გეგმები აქვს.</p><p>"ჩვენი შემდეგი მიზანი პრემიერლიგაში გამარჯვება უნდა იყოს. ახლა ზედიზედ ორჯერ გვაქვს მოგებული ასოციაციის თასი, მაგრამ ამჟამად იმდენად კარგი შემადგენლობა გვყავს, რომ უფრო მეტს უნდა მივაღწიოთ. მომავალ სეზონში ჩემპიონატი უკეთ უნდა დავიწყოთ" - თქვა უოლკოტმა.</p><p>ტრავმებით გაწამებულმა თეომ წინა ფინალიც გამოტოვა და ახლა აბსოლუტურად სწორად აკეთებს აქცენტს იმაზე, რომ ბალანსია საჭირო და მთელი ჩემპიონატის ერთ დონეზე ჩატარება. უოლკოტს საკუთარი თავის იმედიც აქვს და შეეცდება, იაქტიუროს, რომ ამ სეზონისგან განსხვავებით, ლონდონელებმა კარგად დაიწყონ და თავიდანვე აღარ ჩამორჩნენ კონკურენტებს.</p><p>"წინა წელს ეს ყველაფერი გამოვტოვე, ახლა კი ოცნება ამიხდა. თამაშს ჩემი ოჯახი ესწრებოდა. მეც ბევრი ვიმუშავე და ბოლომდე დავიხარჯე, ისევე, როგორც გუნდის სხვა წევრები. დიდი მადლობა მწვრთნელს, რომელიც მენდო და შემადგენლობაში დამაყენა. იმედია, შესაბამისად ვუპასუხე და ნდობა გავამართლე. ასევე, გამარჯვებას ფიზიოთერაპევტებს ვუძღვნი, რომლებიც მეხმარებოდნენ და ყველაფერს აკეთებდნენ, რომ დროულად მოვმჯობინებულიყავი" - თქვა უოლკოტმა, რომელიც იმითაც ბედნიერი გახლდათ, რომ საყვარელ პოზიციაზე, ანუ ცენტრფორვარდად ათამაშეს.</p><p>ძალიან ბედნიერი გახლდათ პირადად ვენგერიც: "ჩვენ გამოვაჩინეთ, რომ ნამდვილი გუნდი ვართ და ზეწოლის გაძლება შეგვიძლია. ვულოცავ ფეხბურთელებს, შტაბს და ფანებს. ძალიან გვიხარია. მძიმე კვირა იყო, რადგან ბევრს ვფიქრობდი შემადგენლობაზე, თუმცა, როდესაც გუნდში კარგი ატმოსფეროა, ყველა მზადაა და თავდაჯერებულია, ეს საქმეს გიადვილებს. ძალიან ამაყი ვარ, კლუბის საქმე კარგად მიდის და ასევე უნდა გავაგრძელოთ. მე კიდევ ორწლიანი კონტრაქტი მაქვს და წარმატებებს ძველებურად მოწყურებული ვარ".</p><p>"მეთოფეები" ბოლოს 2003/04 წლების სეზონში გახდნენ ჩემპიონები და ფანები დიდი ხანია, ძველი დიდების დაბრუნებას ელიან. ფრანგს ამაზეც ჰკითხეს.</p><p>"რასაკვირველია, ჩვენ უნდა ვიბრძოლოთ და შეგვიძლია ბრძოლა ჩემპიონობისთვის. რატომაც არა? ჩვენ პრემიერლიგა ადრეც მოგვიგია, როდესაც ამის პოტენციალი გვქონია და გვინდა დავამტკიცოთ, რომ ეს ისევ შეგვიძლია. მომავალ სეზონში ამას შევეცდებით კიდეც, მაგრამ ჯერ ისიც არ ვიცით, რამდენად ძლიერები იქნებიან სხვა გუნდები. მთავარი კი სტაბილურობა და მთელი სეზონის მანძილზე თანაბრად კარგი თამაშის ჩვენებაა" - დასძინა ვენგერმა.</p><p>სხვა კლუბების სიძლიერეში ვენგერმა ის იგულისხმა, რომ "არსენალის" კონკურენტები ზაფხულში აუცილებლად გაძლიერდებიან და "მეთოფეებმაც" იგივე უნდა გააკეთონ. მით უმეტეს, რომ გუნდმა ნელ-ნელა ფულის ხარჯვა უკვე დაიწყო.</p><p>"ეს ბრწყინვალე შეგრძნებაა. ჩვენ მართლაც ძალიან გვინდოდა ასოციაციის თასის ზედიზედ მოგება, რაც ადვილი არ არის, მაგრამ ეს შევძელით. ახლა მომავალ სეზონზე უნდა ვიფიქროთ, მოვემზადოთ და პრემიერლიგის მოსაგებად ვიბრძოლოთ" - განაცხადა აარონ რემზიმ.</p><p>ოლივიე ჟირუ: "თუ ჩვენ ამ შემადგენლობას შევინარჩუნებთ და კიდევ ერთ-ორ საჭირო ფეხბურთელს დავიმატებთ, ტიტულისთვის ბრძოლის კარგი შანსი გვექნება. დიახ, ჩვენი მიზანი პრემიერლიგის მოგებაა და იმედია, ამისთვის ბრძოლას შევძლებთ".</p><p>ბოლოს კი კიდევ ორი სიტყვა სტატისტიკაზე. მე-12 ტრიუმფით "არსენალმა" ასოციაციის თასზე "მანჩესტერ იუნაიტედს" გადაასწრო. მეორე მსოფლიო ომის შემდეგ ეს ტურნირი ექვსჯერ, არსენ ვენგერის გარდა, არცერთ მწვრთნელს არ მოუგია.</p><p>"ასტონ ვილამ" მეტოქეს კარში ზუსტად ვერ დაურტყა, კარისკენ კი მხოლოდ 2-ჯერ და ორივე მცდელობა დაიბლოკა; "მეთოფეებმა" 16-ჯერ დაარტყეს. სანტი კასორლა ერთადერთი მოთამაშე გახლდათ მინდორზე, რომელსაც ბურთთან 100 შეხება დაუგროვდა.</p><p><strong><em>არსენალი-ასტონ ვილა 4:0</p><p></em></strong>გოლები: 1:0 უოლკოტი (40), 2:0 სანჩესი (50), 3:0 მერტეზაკერი (62), 4:0 ჟირუ (90+3)</p><p>არსენალი (4-2-3-1): შჩესნი - ბელერინი, მერტეზაკერი, კოშელნი, მონრეალი - კოკლენი, კასორლა - რემზი, იოზილი (77. უილშირი), სანჩესი (90. ოქსლეიდ-ჩემბერლენი) - უოლკოტი (77. ჟირუ)</p><p>ასტონ ვილა (4-3-3): გივენი - ჰატონი, ოკორე, ვლაარი, რიჩარდსონი (68. ბაკუნა) - კლევერლი, ვესტვუდი (71. კ. სანჩესი), დელფი - ნ’ზოგბია (53. აგბონლაჰორი), გრილიში, ბენტეკე</p><p>გაფრთხილება: - კლევერლი, ჰატონი, დელფი, ვესტვუდი, აგბონლაჰორი</p><p>კუთხური: 8-0 ჯარიმა: 9-15 თამაშგარე: 5-2 კარში დარტყმა: 16(9)-2(0) ბურთის ფლობა: 58%-42%</p><p>მაყურებელი: 31 576</p><p><strong>ყოველდღიური სპორტული გაზეთი "ლელო"</strong></p>
ერლინგ ჰოლანმა შესაძლოა, ზაფხულში "სიტი" დატოვოს
ოფიციალურად: "კრისტალ პალასს" ახალი მთავარი მწვრთნელი ჰყავს
"ეს ჩემს კარიერაში ერთ-ერთი ყველაზე რთული და სევდიანი გადაწყვეტილება იყო" - პოჩეტინომ პრესკონფერენციაზე ცრემლები ვერ შეიკავა
კონტემ განმარტა, რატომ დატოვა "ინტერი" საჩემპიონო სეზონის შემდეგ
კვარაცხელიას ტრავმის გამო - პსჟ-მ შეიძლება ბრაზილიელი შემტევი დაიმატოს
"ბარსელონა" გერმანიის ნაკრების მცველის შეძენას შეეცდება
ანგისას "ნაპოლიდან" წასვლა უნდა
"როგორც იქნა, გვირაბის ბოლოს სინათლე გამოჩნდა" - ჯორჯო კიელინიმ იტალიის ნაკრებზე ისაუბრა
"არსენალი" ზამთრის სატრანსფერო ფანჯარაზე 2 შემტევის დამატებას გეგმავს
"ყველაზე მეტი ამ მწვრთნელისგან ვისწავლე, ის ჩემთვის მისაბაძი მაგალითი იყო" - ლუის ენრიკე
[VIDEO] ბითაძის 20 წუთი - "ორლანდოს" 4-მატჩიანი მოგებათა სერია "ფილადელფიასთან" შეწყდა
ბასილაშვილი მეცის ჩელენჯერს ტრავმის გამო ჩაეხსნა
ისტორიული ზღვარი და დრამატული გამარჯვება - 4000 ქულა თორნიკე შენგელიას ევროლიგაში
მარკის რიდი მატჩის საუკეთესო მოთამაშეა - "ბაჰჩეშეჰირმა" იტალიაში "რომა" გაანადგურა
19-წლამდელებმა შესარჩევში ასპარეზობა სან-მარინოსთან გამარჯვებით დაასრულეს
ლევან კობიაშვილი: მჯერა, რომ ამ გუნდს აქვს რესურსი, დაძლიოს არსებული სირთულეები და კიდევ ერთხელ აჩუქოს ჩვენს ქვეყანას ის ემოციები, რომლებიც ასე ძალიან დაგვაკლდა
შერმადინის "ტენერიფემ" ევროთასის მატჩი "ტელეკომს" თურქეთში დრამატულად მოუგო
CHANGE - ცვლილებების საჭიროება და ცვლილებები რეალური ცვლილებების გარეშე!..
ისევ საფრანგეთში, მაგრამ მე-3 ლიგაში - ბენ იედერი სამშობლოში დაბრუნდა
პრობლემა დე ლაურენტისის მოთხოვნაა - დე ბრუინს "ნაპოლიდან" წასვლა უნდა
"ეს უბრალოდ ფარსია!" - კასანომ რონალდინიო კარიერის განახლების გამო გააკრიტიკა
"იქ ვართ, სადაც ვიმსახურებთ" - შევჩენკომ თქვა, რომ მიზანს ვერ მიაღწიეს, მაგრამ მალდერა ნაკრებში დარჩება
"არანაირი პრობლემა არ იქნება" - სკალონი მესის სამწვრთნელო შტაბში შესაძლო გაწევრიანებაზე
სანტი კასორლამ მეათე ოპერაცია გაიკეთა და ტოპ-დონეზე თამაშს აპირებს
სანჩესი სერია A-ში დარჩენასთან ახლოსაა - მისი კარიერა ევროპაში სწორედ ამ გუნდში იწყებოდა
ალექსის სანჩესი კარიერას ლა ლიგაში გააგრძელებს
38 წლის ჟირუ MLS-დან ლიგა 1-ში ბრუნდება - ცნობილია სად ითამაშებს ვეტერანი
ტომას მიულერმა და ოლივიე ჟირუმ სანაკრებო კარიერა დაასრულეს
სანტი კასორლა ესპანეთის ნაკრებში გამოიძახეს
ასოციაციის თასის ფინალი: ლონდონის "არსენალმა" ინგლისის ახალი რეკორდი დაამყარა
ტრანსფერ ONLINE: 19 იანვრის ტრანსფერები და ჭორები
"უმაღლესი დონის თვისებები აქვს, ახლა მეტი თამაში სჭირდება" - საფონოვმა ვენგერი აღაფრთოვანა
"არსენალის" მეტოქეს "კვარა" დიდწილად განსაზღვრავს - ჰაკიმის გარეშე
"არსენალი" გაძლიერებას იწყებს - "მეთოფეებს" მორგან როჯერსის გაფორმება სურთ
ბოდიშის მოხდა მოუწია - კარაგერმა თქვა, რომ მისი სიტყვები არასწორად გაიგეს
[VIDEO] სასწაული "ოცნებათა თეატრში" - 8 გოლი და "მანჩესტერ იუნაიტედის" ქამბექი "ასტონ ვილასთან"
8 გატანილი გოლი - ლა ლიგაში საოცარი მატჩი გაიმართა [VIDEO]
"მხითარიანი იდიოტია! როგორ შეიძლება ის თამაშობდეს და..." - ვიდალმა სომეხ ფეხბურთელს შეურაცხყოფა მიაყენა
კიდევ 1 სეზონი დარჩა - ჟირუ მომავალ სეზონშიც "ლილში" ითამაშებს
ევროპა ლიგა. II ტური: ქართველებიდან მხოლოდ კვირკველიამ გაიმარჯვა [VIDEO]
მესუთ იოზილს გარანტიები სურს - გაძლიერდება თუ არა "არსენალი"?
თეო უოლკოტი: კარგი თუ დიდი?
ჟირუ ფეხბურთელის კარიერას დაასრულებს
"სიტი" თუ "არსენალი"? - ვენგერმა პრემიერლიგის გამარჯვებული იწინასწარმეტყველა
დაიწყო - ლონდონის "არსენალში" სეზონის პირველი ტრავმაა
ინფანტინოს ვენგერი შეცვლის? - ფრანგი FIFA-ს პრეზიდენტობაზე ფიქრობს
"მანჩესტერ იუნაიტედიდან" ინტერესი არსებობს - "ასტონ ვილას" უნაი ემერის გაშვება არ უნდა
ალექსის სანჩესი შესაძლოა, "უდინეზეში" დაბრუნდეს
"მოიგებს თუ არა წელს "არსენალი" ტიტულს?" - არსენ ვენგერმა შეკითხვას უპასუხა
[PHOTOS] 11 წლით უმცროსი რუსი მოდელი - ვინ არის ალექსის სანჩესის ახალი სიყვარული
1 გოლი ჟირუსთან გათანაბრებამდე - მბაპე რეკორდსმენი სავარაუდოდ, მალე გახდება
[VIDEO] "ბარსელონამ" "ასტონ ვილა" დაამარცხა, "ბაიერნმა" "ატლეტიკო" - "მანჩესტერ იუნაიტედმა" "რომას" თამაში შემოუტრიალა
"აქ ღმერთივით მოგექცევით" - პირს მორგანმა ხულიან ალვარესს მიმართა
[VIDEO] "რეალმა" "რომას" თამაში 1:3-დან 7 წუთში შემოუტრიალა - "ასტონ ვილამ" "ფენერბაჰჩე" გააბითურა
ათჯერ ნაოპერაციევმა სანტი კასორლამ ვარჯიში დაიწყო
ანრის გაუთანაბრდა - მბაპე საფრანგეთის ნაკრებში ყველა დროის რეკორდისკენ მიდის
მარტინელიც თურქეთის სუპერლიგაში? - "გალათასარაიმ" "არსენალს" წინადადებით მიმართა
"შარშან უფრო ძლიერები იყვნენ" - ვენგერმა პსჟ-ზე ისაუბრა
[VIDEO] "არსენალმა" "ბაიერნთან" ფრეს მიაღწია - "რეალმა", "ასტონ ვილამ" და "ბეტისმა" მორიგი გამარჯვებები მოიპოვეს
უდიდესი მატჩის დღე! - პსჟ ზედიზედ მეორედ თუ "წითელ" ლონდონში პირველად
მოყვარულმა ფეხბურთელმა მესის რეკორდი დაამხო [VIDEO]
მაშველი რგოლი - ბრემენში პერ მერტეზაკერის დაბრუნებაზე ფიქრობენ
ფეხბურთელი, რომელსაც კლოპმა საუკუნის ტალანტი უწოდა, კარიერას არაბეთის ჩემპიონატში გააგრძელებს
საით ურტყამ, ზლატან?! - შვედს რეალიზაციის ყველაზე დაბალი მაჩვენებელი აქვს
ვარსკვლავები, რომლებსაც ზაფხულში კონტრაქტები უმთავრდებათ
კასორლამ ფეხბურთელის კარიერა 41 წლის ასაკში დაასრულა
დრიბლინგი: იყო და "პარმა" იყო რა...
ალექსის სანჩესი ლა ლიგაში ბრუნდება - ჩილელი "სევილიასთან" 1-წლიან კონტრაქტს გააფორმებს
არსენ ვენგერი შესაძლოა, FIFA-ს პრეზიდენტობის კანდიდატი გახდეს
ათჯერ ნაოპერაციევმა 34 წლის კასორლამ ზედიზედ მესამე მატჩში გაიტანა [VIDEO]
ევროუქმეების ფაქტები და სტატისტიკა: სერიები, რეკორდები და ჩავარდნები