- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი
- სხვადასხვა რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
როი კინის "ავტობიოგრაფია". VIII თავი. [გაგრძელება]
![როი კინის "ავტობიოგრაფია". VIII თავი. [გაგრძელება]](images/new_photo/01/2015/UCXOURI/16-31MAY/cantona.jpg)
<p>ერიკ კანტონას ამბავი <br> <strong> <p><div style="text-align: center;"><strong style="font-size: 12.1599998474121px; line-height: 1.3em;"><span style="color: #ff0000;">VIII თავ</span><span style="color: #ff0000;">ი</span></strong></div></p> </strong>პრემიერლიგა მონსტრივით იზრდებოდა და დიდი ფული მოჰქონდა მოთამაშეებისთვის, აგენტებისა და Sky Television-ისთვის, რომელიც სულ უფრო და უფრო მეტ თანხას დებდა ფეხბურთში.</p><p>მე კარიერაში პირველი კომერციული კონტრაქტი გავაფორმე Diadora-სთან და უკვე იმხელა შემოსავალი მქონდა, ვიდრე ამაზე ოცნებას გავბედავდი.</p><p>პრემიერლიგის ზრდასთან ერთად, იზრდებოდა მისი კომერციული წარმატება: ვიდეო, წიგნები, სპონსორული გარიგებები, ბაზარზე საქონლის პოპულარიზაციისთვის გაცემული ინტერვიუები. "მანჩესტერ იუნაიტედის" მაღაზია სუპერმარკეტად გადაიქცა და იგეგმებოდა ამგვარი მაღაზიების ქსელის შექმნა.</p><p>ამ აურზაურის ფონზე, გასახდელი და საწვრთნელი მოედანი გონიერების ოაზისად მოჩანდა. მწვრთნელის მიზანმიმართულობა და წინსვლის უდიდესი სურვილი მუდმივად გვახსენებდა იმას, რომ მთავარი ამოცანა რაც შეიძლება მეტი პრიზის მოგება იყო. ალექს ფერგიუსონი ყოველ დილას პირველი მოდიოდა ვარჯიშებზე და სამუშაოს ბოლომდე რჩებოდა მინდორზე. ის ყველა უმნიშვნელო დეტალს აქცევდა ყურადღებას, აკვირდებოდა თითოეულ მოთამაშეს, ცდილობდა დაენახა მათში მონდომების ზრდა ან კლება, მავნე ჩვევების წარმოშობა. მის მზერას არაფერი გამოეპარებოდა.</p><p>იანვრის დასაწყისში მწვრთნელმა "ნიუკასლიდან" 7 მილიონ ფუნტად შეიძინა ენდი კოული. კეიტ გილესპი კი ამ გარიგების ნაწილი გახდა და "ნიუკასლში" აღმოჩნდა. კოული კარგი ბომბარდირი იყო. ბოლო პერიოდში საუკეთესო ბომბარდირებისთვის გადაულახავი პრობლემა გახდა "იუნაიტედში" გოლების გატანა. თუ ენდის ყველაფერი გამოუვიდოდა, მაშინ ახალი სატრანსფერო რეკორდის დამყარება გამართლებული იქნებოდა.</p><p>იმის გამო, რომ სატრანსფერო გარიგებების თანხები და მოთამაშეთა ხელფასები ასტრონომიულ ნიშნულამდე ავიდა, კლუბისადმი ერთგულება კიდევ უფრო დაფასდა. პრესაში სულ უფრო ხშირად ჩნდებოდა სატრანსფერო ჭორები, რომლებიც ჩვენს სამ ფეხბურთელს უკავშირდებოდა. წერდნენ, რომ პოლ ინსი იტალიაში აპირებდა გამგზავრებას. ასევე, მუდმივად ლაპარაკობდნენ ანდრეი კანჩელსკისისა და მარკ ჰიუზის სურვილზე - სხვა კლუბებში გაეგრძელებინათ კარიერა. ანდრეიზე ბევრს საუბრობდნენ. ყველაზე შემაშფოთებელი ჭორი კი ის იყო, თითქოს მის მიმართ ინტერესს რუსული მაფია იჩენდა. ბოლომდე ვერ გავიგე, სინამდვილეში რა ხდებოდა მის თავს.</p><p>ერთხელ, დილით სტივ ბრიუსი გასახდელში შემოვიდა 15-ათასიანი საბანკო ქაღალდით. პირველმა გუნდმა მცირე თანხა მიიღო ვიდეორგოლის გადაღებებისთვის და ახლა ეს ფული 18 ფეხბურთელს შორის უნდა გაგვეყო. იმის გარკვევისას - ვის რამდენი ეკუთვნოდა, გადავწყვიტეთ, წილი გვეყარა და მთელი თანხა ერთ ფეხბურთელს მიეღო. მეორე ვარიანტი იყო საკუთარი წილის - დაახლოებით 800 ფუნტის მიღება. ზოგიერთი ახალგაზრდა ფეხბურთელი ამ თანხას ორი კვირის განმავლობაში გამოიმუშავებდა.</p><p>მათ აიღეს საკუთარ წილი. მხოლოდ პოლ სქოულზმა და ნიკი ბატმა გადაწყვიტეს ვა-ბანკზე წასვლა და საკუთარი წილის საერთო ჯეკპოტში ჩადება, რომელმაც 12 ათასი ფუნტი შეადგინა. თანხა ერიკ კანტონას ერგო. ბევრს ამის გამო ირონიულად ჩაეცინა. მეორე დილით ერიკი ორი 6-ათასიანი ჩეკით მოვიდა და სქოულზსა და ბატს აჩუქა. ეს იყო საჩუქარი რისკისთვის - ახსნა კანტონამ. ეს საქციელი ძალიან ჰგავდა მას! მან ისევ გაგვაკვირვა მოულოდნელი ნაბიჯით. ფრანგს ესმოდა, რომ ახალგაზრდა ბიჭებს ფული უფრო სჭირდებოდათ, ვიდრე მას. 12 ათასი საკმაოდ დიდი თანხა იყო ასეთი ლამაზი ჟესტისთვის.</p><p>მინდორზე ერიკი მართლაც უმაღლესი დონის ფეხბურთს აჩვენებდა. "ოლდ ტრაფორდზე" "ბლექბერნთან" მატჩში, რომელშიც შეიძლება ითქვას, ექვსი ქულა თამაშდებოდა, ერიკმა გამარჯვების გოლი გაიტანა. თუ ჩვენ მოვიგებთ ჩემპიონატს, ის დაამხობს რეკორდს ზედიზედ ოთხი მოგებული ტიტულით - სამი ჩვენთან და ერთი "ლიდსთან" ერთად.</p><p>ვხვდებით "კრისტალ პალასს" სტუმრად - ამ შეხვედრაში გამარჯვება უნდა მოვიპოვოთ. საკუთარ მოედანზე ეს კლუბი 3:0 დავამარცხეთ და იმ მატჩში, ფაქტობრივად, ყველაფერი ერიკის პირველი გოლის შემდეგ გადაწყდა. თავს კარგად ვგრძნობდი: "ეს ერთი რიგითი მატჩია. არანაირი პრობლემა". მაგრამ მეტოქის მონდომებას იქამდე მივყავართ, რომ მათი ორგანიზებულება ამარცხებს ჩვენს კლასს. თუმცა 1:1-ზე ყოველთვის არის იმედი, პირველ რიგში, ერიკ კანტონასი. მას შეუძლია შექმნას შანსი არაფრისგან.</p><p>მაგრამ ერიკს მცირე კონფლიქტი მოუვიდა თავის მეურვე რიჩარდ შოუსთან. უბრალო ინციდენტი, არაფერი სერიოზული. მაისურზე დაქაჩვა, წესის დარღვევა და თითო სიტყვა ერთმანეთის მისამართით. ამას არ უნდა მიაქციო ყურადღება, მაგრამ მეტოქე ყოველთვის ამგვარი ხერხით ცდილობს შენს დეზორიენტაციას და ერიკის შემთხვევაში ეს ხშირად ამართლებს.</p><p>კანტონამ დაკარგა კონტროლი და შოუს დაარტყა. გულშემატკივრები გაგიჟდნენ. "სელჰერსტ პარკი" პირთამდე იყო სავსე. ზოგიერთი ფრაზა, რომელიც ტრიბუნებიდან ჩვენამდე აღწევს, შოკში გვაგდებს. რასისტული რეპლიკები, ფრაზები ფეხბურთელის პირადი ცხოვრებიდან, სიბინძურე, რის შემდეგაც იწყებ ფიქრს: რატომ დადიან ადამიანები ფეხბურთზე და დასცინიან მიუნხენურ კატასტროფას! რა არის ეს? პასუხი ერთია: ინგლისური ფეხბურთი.</p><p>როცა ერიკი გასახდელისკენ გაეშურა, თამაში განახლდა. ათნი დავრჩით. ახლა უკვე ნამდვილი ბრძოლა დაიწყო. უცებ შორს, გვერდით ხაზთან ჩოჩქოლი შევნიშნე. რაღაც მოხდა.</p><p>ამ ეპიზოდს უამრავჯერ დაატრიალებენ ტელევიზიები უახლოესი კვირის განმავლობაში. ვიღაც იდიოტმა ერიკის გაბრაზება სცადა მაშინ, როცა კანტონა გვირაბში შედიოდა. ერიკმა მას მაშინვე არ უპასუხა, მაგრამ უცებ შემობრუნდა და გულშემატკივარს თავს დაესხა. ბრიუს ლი იამაყებდა კუნგ ფუს სტილში ერიკის დარტყმით. კარგია, რომ უქაცვებო ბუცებით იყო. ის ყოველთვის ქაცვების გარეშე თამაშობდა.</p><p>თამაში დასრულდა - ფრე, 1:1. გასახდელში სიჩუმეა. დირექტორთა ჯგუფი, მათ შორის, კლუბის იურისტი მორის უოტკინსი, ალექს ფერგიუსონთან ერთად თათბირს მართავს. ერიკი ცხვირჩამოშვებული ზის და მუხლებს დასცქერის. პოლიციელები დერეფანში დგანან.</p><p>ჩემი პირველი რეაქცია: არაფერი მომხდარა. ერიკი პატიოსნად თამაშობდა! შესაძლოა, მეც ასე მოვქცეულიყავი. სახლში მივედი და ვიდეოჩანაწერი ვნახე. მივხვდი, რომ საქმე ცუდად იყო. სერიოზულ ინციდენტთან გვქონდა საქმე. რა თქმა უნდა, ერიკმა საკუთარ თავზე კონტროლი დაკარგა, მაგრამ ჩემი დამოკიდებულება მის მიმართ არ შეცვლილა. ჩემი გული მასთან იყო. სხვა ბიჭებიც იმავეს გრძნობდნენ. ჩვენ არ ვუწონებდით საქციელს, მაგრამ ერიკი შესანიშნავი ბიჭი იყო და მისთვის ზურგის შექცევას არ ვაპირებდით.</p><p>ცხადი იყო, რომ კლუბი სერიოზულ სკანდალში მოექცა. მწვრთნელი გაბრაზებული იყო. მისთვის მომხდარი სერიოზული გამოცდა იყო, განსაკუთრებით, იმ ფონზე, რომ პრესა ძალიან აქტიურობდა. სამუდამო დისკვალიფიკაცია! ქვეყნიდან გაძევება! პრესა ტკბებობდა შექმნილი სიტუაციით. რამდენიმე კვირის განმავლობაში ჩვენი საწვრთნელი მოედანი "კლიფი" ალყაში იყო მოქცეული. კარი დაკეტილი იყო, მაგრამ ჟურნალისტები თოკის კიბეების დახმარებით კედლებზე ძვრებოდნენ და ფოტოებს იღებდნენ.</p><p>ერიკი დანებდა, კარგი ადვოკატი დაიქირავა და სასამართლოს მიერ მისჯილი საზოგადოებრივი სამუშაოები ბოლომდე შეასრულა - საინტერესო ვარჯიშებს უტარებდა ადგილობრივ ბავშვებს. კლუბს სხვა გამოსავალი არ ჰქონდა და სეზონის ბოლომდე დისკვალიფიკაცია გამოუწერა კანტონას. ცხოვრება კი გრძელდება და ხანდახან იძულებული ხარ, პრობლემები გადაიტანო.</p><p>მომდევნო ცხრა მატჩიდან რვაში გამარჯვება მოვიპოვეთ და ჩემპიონატში მხოლოდ ერთი გოლი გავუშვით "ევერტონისგან", რომელთანაც 0:1 წავაგეთ.</p><p>კანტონას გარშემო სკანდალი არ ცხრებოდა. ის უნდა წარმდგარიყო ასოციაციის სადისციპლინო კომიტეტის წინაშე და სასამართლოშიც იყო დაბარებული, როგორც თავდასხმაში ბრალდებული.</p><p>ინგლისის თასის ნახევარფინალში მეტოქედ "კრისტალ პალასი" გვერგო. პირველ მატჩში საშუალო დონის თამაში ვაჩვენეთ. "პალასის" ფეხბურთელები გრძელი პასით თამაშს ანიჭებდნენ უპირატესობას, როგორც ამას ჯეკი ჩარლტონის გუნდები აკეთებდნენ. ასეთების წინააღმდეგ რთულია თამაში, განსაკუთრებით მაშინ, როცა ასეთი ტაქტიკა შეხამებულია მკაცრ პრესინგთან მეტოქის მხრიდან. თამაშმა კანტონას ინციდენტის კონტექსტში ჩაიარა - ამაში ეჭვი არავის ეპარებოდა. ეს ხელს აძლევდა მეტოქეს. დამატებითი დროის შემდეგ მატჩი 2:2 დასრულდა.</p><p><strong><em>(გაგრძელება იქნება)</em></strong></p><p><strong>ყოველდღიური სპორტული გაზეთი "ლელო"</strong></p>
-
00000
გააგრძელეთ საინტერესოა
ონანა კარიერას სავარაუდოდ, თურქეთში განაგრძობს
ფრენკ ლამპარდი შესაძლოა, სამუშაოდ პრემიერ ლიგაში დაბრუნდეს
"დარწმუნებული ვარ, "მანჩესტერ იუნაიტედი" მომდევნო 10 წელიწადში პრემიერლიგას მოიგებს" - მაიკლ ოუენი
პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა
პირველი ტაიმის შემდეგ საქართველოს ნაკრები ბულგარეთს 2:0 ამარცხებს
მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო
კაპიტანი კვარაცხელია - ბულგარეთთან მატჩში საქართველოს ნაკრების შემადგენლობა ცნობილია
ოფიციალურად: "კოლოსმა" ზურაბ რუხაძე წარადგინა
ტიაგო მოტამ შესაძლოა, ბუნდესლიგის ბინადარი გუნდი ჩაიბაროს
როდრიმ მისი აზრით "ოქროს ბურთის" ორი ფავორიტი დაასახელა
"სექსის დროს არ მინახავს, არ იცოდა, რომ კამერებზე წვდომა მქონდა..." - როგორ გაიგო ღალატის შესახებ არგენტინელი ვარსკვლავის მეგობარმა გოგონამ
ფრენკ ლამპარდი შესაძლოა, სამუშაოდ პრემიერ ლიგაში დაბრუნდეს
ქოჩორაშვილი: აქამდე სწორედ იმიტომ მოვედით, რომ არასდროს ვნებდებით
ევრობასკეტის მთავარი სენსაცია - სერბეთის ნაკრები ფინეთთან დამარცხდა და ტურნირს გამოეთიშა
"შავი ლომი" "ძებრესთან" დამარცხდა
ლუქსემბურგის ახალგაზრდული ნაკრების ავტობუსი გზაში გადატრიალდა
გატუზო თავის სტიქიაშია - ზოგს წაუთაქა, ზოგს სილა გააწნა
დუე და დემბელე ლაზარეთში, ლუის ენრიკე საოპერაციო მაგიდაზე - რა ხდება პსჟ-ში?
ბულგარელთა მწვრთნელი: შეგვიძლია ის დანაკლისი აღმოვფხვრათ, რაც ჩვენი და საქართველოა ნაკრების ფეხბურთელების ხარისხს შორისაა
დავითაშვილი: ასეთები ხდება, მთავარია, ახლა არ გავიმეოროთ
სანიოლი: ისე ხდება, როგორც სკოლაში - გვირჩევნია ახალ ტაქტიკაზე ახლავე გადავეწყოთ
ანრის გაუთანაბრდა - მბაპე საფრანგეთის ნაკრებში ყველა დროის რეკორდისკენ მიდის
მატჩის დღე - ქართველებსა და ბულგარელებს ცუდად დაწყებულის გამოსწორება სურთ!
ონანა კარიერას სავარაუდოდ, თურქეთში განაგრძობს
"მანჩესტერ იუნაიტედის" ყველა დროის 5 საუკეთსო თავდამსხმელი - ვინ არიან ისინი?
"თუ მომდევნო კვირას "სიტი" "ლივერპულთან" დამარცხდება, გვარდიოლას გუნდისთვის ყველაფერი დასრულდება" - როი კინი
ანტონი "ბეტისში" ბრუნდება - ბრაზილიელი ესპანეთში გაემგზავრა
"წადი შენი წესების კარნახით - მხოლოდ იდიოტს შეუძლია ამაში შეურაცხყოფა დაინახოს" - ბრაზილიელთა გამკრიტიკებელ კინს უპასუხეს
"ლივერპულთან" მატჩის შემდეგ ტენ ჰაგი გახარებული იყო, "იუნაიტედი" პატარა კლუბივით თამაშობს - როი კინი
"დარწმუნებული ვარ, "მანჩესტერ იუნაიტედი" მომდევნო 10 წელიწადში პრემიერლიგას მოიგებს" - მაიკლ ოუენი
"თუ ასე გააგრძელებს, "რეალში" კი არა, "ტრენმერ როვერსში" აღმოჩნდება" - კინმა არნოლდი გააკრიტიკა
"ხელმძღვანელობა ნდობას უცხადებს" - "იუნაიტედი" უახლოეს პერიოდში ამორიმს არ დაითხოვს
გიგზი: ფერგიუსონს ამ 4 ფეხბურთელისთვის არასდროს დაუყვირია
"პირლოსთან, ნესტასთან და მალდინისთან მითამაშია, მაგრამ მას ვერავინ შეედრება" - დევიდ ბექჰემმა საუკეთესო კაპიტანი დაასახელა
"ცეკვის გამო ბრაზილიელებს ვინმე გალახავს" - როი კინი "სელესაოს" ზეიმმა აღაშფოთა
ერიკ კანტონამ "მანჩესტერის" თამაში მოხუცებულის სექსს შეადარა
რუნი ბებერ ქალთან ჟი***ობდა, გიგზი ძმის ცოლთან, კანტონამ ფანი ლამის მოკლა - გასკოინმა ფერგიუსონს უპასუხა
დასახელდა პრემიერლიგის ყველა დროის საუკეთესო ტრანსფერი
ჰოილუნი უკვე ნეაპოლში და დღეს "ნაპოლის" ფეხბურთელი ოფიციალურად გახდება
კანტონა ურტყამს რამოსს - ბასკმა სეპარატისტებმა ევრო 2020-ის წინააღმდეგ უცნაური პოსტერი შექმნეს [PHOTO]
"მანჩესტერ იუნაიტედი" მარტინესის ვარიანტს მიუბრუნდა - არგენტინელი შესაძლოა, "ოლდ ტრაფორდზე" ვიხილოთ