<p>"იტალიაში ჩატარებულ პირველ მატჩში 20 ქულა ჩავაგდე, მეგონა კარგად ვითამაშე, მწვრთნელმა კი მომდევნო შეხვედრაში სასტარტოში აღარ დამაყენა" <br> <span style="font-size: x-small;"><span style="color: #888888;"><strong>ფოტოზე: სოსო მაჭავარიანი და ლუკა მაკიაველი</strong></span></span></p><p>საქართველოს ახალგაზრდული ნაკრების წევრი <strong>სოსო მაჭავარიანი</strong> იტალიიდან ჩემპიონის სტატუსით დაბრუნდა. მისმა "ტიგულიომ" აპენინებზე 19-წლამდელთა პირველობა მოიგო. ფინალურ სერიაში ტიგულიოელებმა "სან რემო" 2:1 დაამარცხეს. ბოლო, გადამწყვეტი შეხვედრა 66:53 მოიგეს. სოსომ ამ მატჩში 12 ქულა და 11 მოხსნა მოაგროვა.</p><p>მასთან ინტერვიუ სწორედ იტალიის 19-წლამდელთა ჩემპიონატით დავიწყეთ.</p><p>- შეჯიბრების საწყის ეტაპზე გუნდები ორ ჯგუფად გაიყვნენ. ჩვენს ჯგუფში პირველობა არავის დაუთმო "ტიგულიომ", ხოლო მეორე ჯგუფში "სან რემომ" გაიმარჯვა. საბოლოოდ ისე მოხდა, რომ ფინალში სწორედ ჩვენ და სანრემოელები გავედით.</p><p>გადამწყვეტ სერიაში დიდი მნიშვნელობა ჰქონდა მოედნის უპირატესობას. პირველი მატჩი შინ მოვიგეთ, მეორეში სტუმრად დავმარცხდით, ხოლო ბოლო შეხვედრა ჩვენს მოედანზე გაიმართა და 2700 მაყურებლის მხარდაჭერით საბოლოო გამარჯვებას მივაღწიეთ. რაც უმთავრესად გუნდური თამაშის შედეგი იყო. ამას ჩვენს გუნდში დიდ ყურადღებას აქცევენ.</p><p><strong>- არადა, ამ კომპონენტში ქართველები გამორჩეულები არ ვართ...</strong></p><p>- სხვათა შორის, იტალიაში პირველი მატჩი რომ ჩავატარე, 20 ქულა ჩავაგდე, მეგონა კარგად ვითამაშე. მწვრთნელმა კი მომდევნო შეხვედრაში სასტარტო ხუთეულში აღარ დამაყენა.</p><p>მიზეზი კი ასე განმიმარტა: როცა ქულების მოგროვებას ინდივიდუალურის ნაცვლად გუნდზე თამაშის შედეგად ისწავლი, სასტარტოშიც მაშინ ითამაშებო. ამის შემდეგ სხვა კუთხით შევხედე სიტუაციას და სასტარტო ხუთეულშიც დავბრუნდი.</p><p>ძლიერი მწვრთნელი გვყავს, ლუკა მაკიაველი. მას ცოლ-შვილი არა ჰყავს, მისი ოჯახი კალათბურთია, დღე და ღამე სპორტზე ფიქრობს. სოციალურ ქსელებში ვიდეოებსაც გვიგზავნიდა, მიგვითითებდა, რაზე გაგვემახვილებინა ყურადღება, კალათბურთელებს რესტორანშიც გვეპატიჟებოდა.</p><p><strong>- კონკრეტულად რა კომპონენტებზე ამახვილებდი ყურადღებას ინდივიდუალური ვარჯიშისას?</strong></p><p>- ყველა კომპონენტზე ვმუშაობდი, ფიზმომზადებიდან დაწყებული ტექნიკით დამთავრებული. მთავარი კი ის არის, რომ სათამაშო პრაქტიკა მქონდა საკმარისი. სხვადასხვა ტურნირებს თუ ჩავთვლით, ჯამში 70-ზე მეტი მატჩი ჩავატარე.</p><p><strong>- 19-წლამდელთა ჩემპიონატის გარდა, კიდევ რა შეჯიბრებებში მიიღე მონაწილეობა?</strong></p><p>- დიდ გუნდთან ერთად ვითამაშე სერია C-ში, სადაც რეგულარულ ეტაპზე მეოთხე ადგილი დავიკავეთ, ხოლო ასპარეზობა ნახევარფინალში დავასრულეთ. ასევე ვითამაშეთ რომისა და მილანის 19-წლამდელთა ტურნირებში, სადაც სერბულ გუნდებსაც დავუპირისპირდით. ორივე შეჯიბრება მეექვსე ადგილზე დავასრულეთ.</p><p><strong>- "ტიგულიოში" კიდევ ერთი ქართველი ლევან ბაბილოძე თამაშობს...</strong></p><p>- იგი 17-წლამდელთა გუნდში იმდენად კარგად გამოდიოდა, რომ მწვრთნელს გადაწყვეტილი ჰქონდა ბოლო მატჩებში 19-წლამდელებში გადმოეყვანა, თუმცა ტრავმა მიიღო, რამაც სეზონის სრულფასოვნად ჩამთავრებაში ხელი შეუშალა.</p><p><strong>- ბოლოს სამომავლო გეგმებზე ვთქვათ. მომავალ სეზონში სად ითამაშებ?</strong></p><p>- "ტიგულიოში" დარჩენას წინ არაფერი დაუდგება, თუმცა მაქვს შეთავაზებები ვენეციური გუნდებიდან, "როსეტოდან" და ამერიკის კოლეჯებიდან. გადაწყვეტილების მიღებას არ ვჩქარობ.</p><p>ივლისში საქართველოს 20-წლამდელთა ნაკრებთან ერთად ევროპის ჩემპიონატის შესარჩევი მატჩები გველის. თბილისში 29 მაისს ჩამოვედი, რათა ივნისის დასაწყისში ნაკრებთან ერთად ვარჯიშს შევუდგე. ევროპის ჩემპიონატი ივლისში უნგრეთში გაიმართება, მანამდე კი ლატვიასა და ლუქსემბურგში ჩავატარებთ საკონტროლო შეხვედრებს.</p><p>(იბეჭდება მცირე ცვლილებით)</p><p><strong>ყოველდღიური სპორტული გაზეთი "ლელო"</strong></p>
kako
სტატიის ავტორო მიუთითე კალათბურთელის სიმაღლე და ამპლუა აუცილებლად თორემ სტატია უინტერესო და ზედაპირული გამოდის
შენგელიას 11 ქულა და "ბარსას" მე-4 გამარჯვება ევროლიგაზე
შერმადინმა "უნიკახასთან" 15 ქულა, 8 მოხსნა და გამარჯვება გაიფორმა
შენგელიას 18 ქულა და გამარჯვება, ბურჯანაძის 7 ქულა და ბრძოლაში მარცხი
WU17 | ბოსნია და ჰერცეგოვინა 2:1 საქართველო
ყველაფერი ოზემპიკზე: გამოყენება, შედეგები და გვერდითი მოვლენები
პედრი თბილისში ვერ ჩამოვა
[VIDEO] წიტაიშვილის კარგი მატჩი და "მეცის" მოულოდნელი გამარჯვება "ლანსთან"
10:9 პენალტების სერიაში - კიტეიშვილის "შტურმი" მეოთხედფინალში გავიდა
"ლორიენთან" მატჩში პსჟ-ს შემადგენლობა ცნობილია
"კვარაცხელიას მარჯვენა ფლანგზე დაყენება ლუის ენრიკეს პრობლემური სიჯიუტეა" - ფრანგი ჟურნალისტი
"ვალენსიამ" შეიძლება "რეალის" ყოფილი ვარსკვლავი უფასოდ დაიმატოს
უეფა-ს კომიტეტის სხდომას ლევან კობიაშვილმა უხელმძღვანელა
დე ბრუინს ბელგიაში ოპერაცია გაუკეთეს
"რეალს" "ტოტენჰემის" მცველის დამატება სურს
უპირებენ თუ არა გათავისუფლებას სლოტს - ფაბრიციო რომანო "ლივერპულის" მწვრთნელის მომავალზე
"რეალთან" წაგების შემდეგ – "ბარსელონას" უჩვეულო გეგმა ფინანსურ სარგებელამდე
[VIDEO] დიდი შერიგება და სიყვარული - ვინისიუსის და ვირჯინიას ამ კადრებს 10 მილიონზე მეტი მოწონება აქვს
უდიდესი სენსაცია პარიზში - ალკარასმა ნორისთან წააგო
[VIDEO] "გოლდენ სტეიტი" სეზონს მაგრად იწყებს - "უორიორსმა" "კლიპერსი" მარტივად დაამარცხა
შენგელიას 11 ქულა და "ბარსას" მე-4 გამარჯვება ევროლიგაზე
სპალეტი "იუვენტუსს" უახლოვდება - "ნაპოლის" ყოფილი მწვრთნელი საქმეში მალე დაბრუნდება
[VIDEO] "გინდა, ვიჩხუბოთ?!... გასახდელში გავიდეთ!" - იამალისა და ვინისიუსის კონფლიქტის დეტალები
დღეს "კვარა" თუ მბაიე? - 4 საგოლე პასით დაწყებულს მიქაუტაძე გააგრძელებს