უიმბლდონი. II დღე: შოკუნიები ქალების ტურნირზე

პირველი სენსაცია უიმბლდონზე ქალების ტურნირზე პირველი დიდი სენსაცია მოხდა - უიმბლდონი მესამე ნომრად განთესილი რუმინელის, სიმონა ჰალეპის გარეშე დარჩა. სენსაციის ავტორი კი გახდა ახალგაზრდა სლოვაკი იანა ჩეპელოვა, რომელიც არ დანებდა პირველი სეტის წაგების შემდეგ და მომდევნო ორი პარტია მაღალ დონეზე წარმართა.ჩეპელოვამ მეორე სეტში მერვე გეიმში შეასრულა ბრეიკი და 5:3 დაწინაურდა, რის შემდეგაც შეინარჩუნა უპირატესობა. მესამე პარტიაში სლოვაკი თავიდანვე წინ გავიდა - 4:1, თუმცა იქვე მცირე ჩავარდნა დაეწყო და მეტოქეს ანგარიშის მინიმუმამდე შემცირების საშუალება მისცა - 3:4. მაგრამ ჩეპელოვა დროზე მოეგო გონს და ერთი გეიმიც აღარ დაუთმო მსოფლიოს მესამე ჩოგანს.ჩეპელოვა მსოფლიოს 106-ე ჩოგანია და ჰალეპზე გამარჯვება სულაც არ არის მის კარიერაში ყველაზე დიდი გამარჯვება. აპრილში, ჩარლსტონის ტურნირის პირველ წრეში მან თვით სერენა უილიამსის დამარცხება შეძლო.რაც შეეხება ჰალეპს, რომელმაც შარშანდელ უიმბლდონზე ნახევარფინალამდე გააღწია, ის სერიოზულ კრიზისში იმყოფება. შეგახსენებთ, რომ ცოტა ხნის წინ, როლან გაროსზე რუმინელმა მხოლოდ ერთი წრე გაიარა და მეორე რაუნდში ხორვატ მირიანა ლუჩიჩთან დამარცხდა. ახლა სიმონას სერიოზული დაქვეითება ელოდება რეიტინგში.სხვათა შორის, ჰალეპი ტოპ-სამეულის პირველი ჩოგბურთელია ბოლო 14 წლის განმავლობაში, ვინც უიმბლდონს პირველივე წრიდან გამოემშვიდობა. 2001 წელს, პირველი ჩოგანის რანგში დათმო საწყისი მატჩი შვეიცარიელმა მარტინა ჰინგისმა. ისიც აღვნიშნოთ, რომ ჰალეპმა ბოლო სამი მარცხი TOP30-ის მიღმა მყოფი ჩოგბურთელებისგან განიცადა.* * *ტოპ-ოცეულიდან გავარდება უიმბლდონის შემდეგ შარშანდელი ფინალისტი, კანადელი ეჟენი ბუშარი, რომელსაც საერთოდ დაავიწყდა ჩოგბურთის თამაში. გუშინ მან საბოლოოდ შეირცხვინა თავი, როცა მსოფლიოს 117-ე ჩოგანთან, ჩინელ ინ-ინ დუანთან წააგო ორ სეტში - 6:7(3), 4:6. არადა, აქამდე აზიელს "დიდი სლემის" ტურნირებზე მატჩი არ ჰქონდა მოგებული.ბუშარისთვის შეხვედრა კარგად დაიწყო - კანადელი ბრეიკით 2:0 დაწინაურდა, მაგრამ ჩინელმა იქვე დაიბრუნა დაკარგული მოწოდება და ანგარიში გაათანაბრა. საბოლოოდ, დუანმა 48-წუთიანი სეტი ტაი-ბრეიკზე მოიგო.მეორე სეტში კარგა ხანი თანაბარი თამაში მიდიოდა. ჩოგბურთელები პირველი რვა გეიმი საკუთარ მოწოდებებს ინარჩუნებდნენ, რის შემდეგაც აზიელმა გადამწყვეტი ბრეიკი შეასრულა და 5:4-ზე მატჩზე ჩააწოდა.ბუშარმა ბოლო 14 მატჩში მეთორმეტედ წააგო და როგორც გითხარით, განახლებულ რეიტინგში ტოპ-ოცეულის მიღმა აღმოჩნდება.ბუნებრივია, საინტერესოა ამ წაგების შესახებ კანადელის კომენტარი: "ორი თვის წინ, ინდიან უელსის ტურნირზე დავმარცხდი და სხვებისგან განსხვავებით, არ მიმაჩნდა, რომ ეს ქვეყნის დასასრული იყო. დღეს კი ამასთან ახლოს ვარ (იღიმის). ვფიქრობ, ასეთი პერიოდი ყველას გაუვლია.გასულ კვირას, ისტბურნში ტრავმის შემდეგ, აქ თამაში, ალბათ, დიდი სისულელე იყო, მაგრამ მე არ შემეძლო უიმბლდონის გამოტოვება. ასე რომ, მინიმალური მომზადებით გავედი კორტზე. თავს ნორმალურად ვგრძნობდი, ვცდილობდი, ტრავმაზე არ მეფიქრა. უბრალოდ, იმის გამო, რომ ტურნირის წინ თითქმის არ მივარჯიშია, საერთოდ ვერ ვგრძნობდი რიტმს.ბოლო 12-მა თვემ ბევრ რამეზე ამიხილა თვალი, ბევრი რამ მასწავლა. მაგრამ, მე მგონი, სწავლის დრო დასრულდა. რა თქმა უნდა, ეს ყველაფერი ძალიან რთულია. თუმცა ვიცი, რომ თუ ჩემს გზას გავაგრძელებ, წარმატება მოვა და ის გაცილებით ტკბილი იქნება".* * *ჰალეპისა და ბუშარის გასაჭირის ფონზე, გუშინ ფანტასტიკური თამაში აჩვენა მოქმედმა ჩემპიონმა პეტრა კვიტოვამ. მან 35 (!) წუთში გაანადგურა ჰოლანდიელი კიკი ბერნტენსი.ჩეხმა საკუთარ მოწოდებაზე 29-დან 28 ქულა აიღო და ერთადერთი გათამაშება ორმაგი შეცდომის გამო წააგო. მისი ათივე გასვლა ბადესთან წარმატებული აღმოჩნდა, ხოლო ეს მოგება ყველაზე სწრაფია წლევანდელ სეზონში.ჩემპიონი შემდეგ წრეში იაპონელ კურუმი ნარას შეხვდება.ქალებიI წრეჰიზერ უოტსონი (ბრიტ)-კაროლინ გარსია (საფ, 32) 1:6, 6:3, 8:6; კაროლინ ვოზნიაცკი (დან, 5)-საისაი ჟენგი (ჩინ) 7:5, 6:0; დენისა ალერტოვა (ჩეხ)-კატერინა სინიაკოვა (ჩეხ) 6:2, 4:6, 6:3; ლარა არუაბარენა (ესპ)-პოლინ პარმენტიე (საფ) 6:4, 6:2; კამილა ჯორჯი (იტა, 31)-ტელიანა პერეირა (ბრა) 7:6(4), 6:3; გარბინ მუგურუსა (ესპ, 20)-ვარვარა ლეპჩენკო (აშშ) 6:4, 6:1; მირიანა ლუჩიჩი (ხორ)-იაროსლავა შვედოვა (ყაზ) 7:5, 6:7(5), 7:5; ანასტასია პავლიუჩენკოვა (რუს)-მონა ბარტელი (გერ) 6:7(3), 7:6(4), 6:2; ანჟელიკ კერბერი (გერ, 10)-კარინა ვიტჰოფტი (გერ) 6:0, 6:0; ტიმეა ბაშჩინსკი (შვეიც, 15)-იულია გორგესი (გერ) 6:2, 7:5; სილვია სოლერ-ესპინოსა (ესპ)-სესილ კარატანჩევა (ბულ) 2:6, 6:2, 7:5; კრისტინა მაკჰეილი (აშშ)-იოჰანა ლარსონი (შვედ) 6:3, 6:2; საბინ ლისიცკი (გერ, 18)-იარმილა გაიდოშოვა (ავსტრა) 7:5, 6:4; სვეტლანა კუზნეცოვა (რუს, 26)-ლაურა ზიგემუნდი (გერ) 6:3, 6:4; კრისტინა პლიშკოვა (ჩეხ)-ტერეზა შმიტკოვა (ჩეხ) 3:6, 7:5, 7:5; მონიკა ნიკულესკუ (რუმ)-მონიკა პუიგი (პ-რიკ) 5:7, 6:3, 6:1; იანა ჩეპელოვა (სლოვაკ)-სიმონა ჰალეპი (რუმ, 3) 5:7, 6:4, 6:3; ეკატერინა მაკაროვა (რუს, 8)-საჩია ვიკერი (აშშ) 6:2, 6:4; მაგდალენა რიბარიკოვა (სლოვაკ)-კარინ კნაპი (იტა) 7:6(6), 3:0 უარი; ოლგა გოვორცოვა (ბლრ)-ანდრეა მიტუ (რუმ) 6:1, 6:1; ალიზ კორნე (საფ, 25)-ანა კონიუხი (ხორ) 6:2, 6:2; ტატიანა მარია (გერ)-ბოიანა იოვანოვსკი (სერ) 7:6(2), 7:5; ინ-ინ დუანი (ჩინ)-ეჟენი ბუშარი (კან, 12) 7:6(3), 6:4; აგნიეშკა რადვანსკა (პოლ, 13)-ლუსი ჰრადეცკა (ჩეხ) 6:3, 6:2; აილა ტომლიანოვიჩი (ხორ)-კლარა კუკალოვა (ჩეხ) 6:3, 6:4; კეისი დელაკუა (ავსტრა)-ტამირა პაჩეკი (ავსტრია) 6:2, 6:2; ელინა სვიტოლინა (უკრ, 17)-მისაკი დოი (იაპ) 3:6, 6:3, 6:2; ელენა იანკოვიჩი (სერ, 28)-ელენა ვესნინა (რუს) 6:4, 3:6, 10:8; ევგენია როდინა (რუს)-ლაურა რობსონი (ბრიტ) 6:4, 6:4; კურუმი ნარა (იაპ)-მაგდა ლინეტი (პოლ) 3:6, 6:3, 4:3 უარი; პეტრა კვიტოვა (ჩეხ, 2)-კიკი ბერტენსი (ჰოლ) 6:1, 6:0; მედისონ კისი (აშშ, 21)-სტეფანი ფოგელი (შვეიც) 6:7(6), 6:3, 2:2 გადაიდო; იანინა ვიკმაიერი (ბელ)-ელიზავეტა კულიჩკოვა (რუს) 6:3, 6:7(6), 1:1 გადაიდო.ყოველდღიური სპორტული გაზეთი "ლელო"

ოფიციალურად: როჯერ ფედერერი მილიარდერი გახდა

[VIDEO] ბასილაშვილმა ბელგიელ მეტოქეს სძლია - ქართველმა წლის ბოლო დიდი სლემი წარმატებულად დაიწყო

თრილერი ცინცინატიზე - საბალენკამ რადუკანუ დაამარცხა

პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა

პირველი ტაიმის შემდეგ საქართველოს ნაკრები ბულგარეთს 2:0 ამარცხებს

მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო

კაპიტანი კვარაცხელია - ბულგარეთთან მატჩში საქართველოს ნაკრების შემადგენლობა ცნობილია

ოფიციალურად: "კოლოსმა" ზურაბ რუხაძე წარადგინა

ტიაგო მოტამ შესაძლოა, ბუნდესლიგის ბინადარი გუნდი ჩაიბაროს

როდრიმ მისი აზრით "ოქროს ბურთის" ორი ფავორიტი დაასახელა

"სექსის დროს არ მინახავს, არ იცოდა, რომ კამერებზე წვდომა მქონდა..." - როგორ გაიგო ღალატის შესახებ არგენტინელი ვარსკვლავის მეგობარმა გოგონამ

ფრენკ ლამპარდი შესაძლოა, სამუშაოდ პრემიერ ლიგაში დაბრუნდეს

ქოჩორაშვილი: აქამდე სწორედ იმიტომ მოვედით, რომ არასდროს ვნებდებით

ევრობასკეტის მთავარი სენსაცია - სერბეთის ნაკრები ფინეთთან დამარცხდა და ტურნირს გამოეთიშა

"შავი ლომი" "ძებრესთან" დამარცხდა

ლუქსემბურგის ახალგაზრდული ნაკრების ავტობუსი გზაში გადატრიალდა

გატუზო თავის სტიქიაშია - ზოგს წაუთაქა, ზოგს სილა გააწნა

დუე და დემბელე ლაზარეთში, ლუის ენრიკე საოპერაციო მაგიდაზე - რა ხდება პსჟ-ში?

ბულგარელთა მწვრთნელი: შეგვიძლია ის დანაკლისი აღმოვფხვრათ, რაც ჩვენი და საქართველოა ნაკრების ფეხბურთელების ხარისხს შორისაა

დავითაშვილი: ასეთები ხდება, მთავარია, ახლა არ გავიმეოროთ

სანიოლი: ისე ხდება, როგორც სკოლაში - გვირჩევნია ახალ ტაქტიკაზე ახლავე გადავეწყოთ

ანრის გაუთანაბრდა - მბაპე საფრანგეთის ნაკრებში ყველა დროის რეკორდისკენ მიდის

მატჩის დღე - ქართველებსა და ბულგარელებს ცუდად დაწყებულის გამოსწორება სურთ!

ᓡᕔᕠ