- ქართველი სპორტსმენები ფეხბურთი
- ეროვნული ნაკრები
- ეროვნული ლიგა
- ეროვნული ლიგა 2
- ლეგიონერები
- თასი
- ასაკობრივი ნაკრები
- სხვადასხვა
- ევროპა ლიგა
- კონფერენს ლიგა
- ინგლისი
- ესპანეთი
- იტალია
- გერმანია
- საფრანგეთი
- მსოფლიო
- ჩემპიონთა ლიგა
- ევროპის ჩემპიონატი
- სხვადასხვა
- ქალთა ფეხბურთი
- ტრანსფერები კალათბურთი
- ეროვნული ნაკრები
- სუპერლიგა
- თასი
- NBA
- ლეგიონერები
- ევრო ლიგა
- ევროპის ჩემპიონატი
- მსოფლიოს ჩემპიონატი
- ასაკობრივი ნაკრები
- სხვადასხვა ჭიდაობა
- ძიუდო
- თავისუფალი
- კლასიკური
- ქართული
- სუმო
- სამბო
- ქალთა ჭიდაობა
- ბერძნულ-რომაული ჩოგბურთი
- როლან გაროსი
- უიმბლდონი
- ავსტრალიის ღია პირველობა
- ამერიკის ღია პირველობა
- მონტე კარლო
- ATP ცინცინატი
- მადრიდის მასტერსი
- რომის მასტერსი
- მაიამის მასტერსი რაგბი
- ეროვნული ნაკრები
- დიდი 10
- თასი
- ლეგიონერები
- 6 ერი
- ტესტები
- ერთა თასი
- მსოფლიო თასი
- ასაკობრივი ნაკრები
- სხვადასხვა ფორმულა 1
სოსო ლიპარტელიანი: ევროპამდე მედლებს არ ველოდებით
<p>ქართველი ძიუდოისტები თბილისის მსოფლიოს თასისთვის მაქსიმალური დატვირთვით ემზადებიან <br> შეგახსენებთ: ჩვენმა ძიუდოისტებმა წარუმატებლად დაიწყეს გამოსვლა ახალ სეზონში - ბაქოში ჩატარებული მასტერსის შეჯიბრებაზე მათი საუკეთესო შედეგი მეხუთე ადგილია.</p><p>ოლიმპიურ რეიტინგში ქულები მხოლოდ ამირან პაპინაშვილმა (60) და ვალერი ლიპარტელიანმა (90) შეიმატეს. სამწუხაროდ, დავით ასუმბანი (60), ლევან წიკლაური (81), ლომერ ჟორჟოლიანი (100) და ზვიად ხანჯალიაშვილი (+100) პირველივე წრიდან გამოვარდნენ.</p><p>ბუნებრივია, შედეგი არანაირად არ იძლევა დამშვიდების საფუძველს, თუმცა ისიც გავითვალისწინოთ, რომ გუნდი ახლებური სისტემით, ბევრად გაზრდილი დატვირთვით ემზადება, მასთან შეგუება კი ბევრს უჭირს. თუმცა მწვრთნელთათვის, როგორც ადრეც ვწერდით, ამ ეტაპზე მთავარი არა შედეგი, არამედ ამ დატვირთვებთან შეგუებაა, რადგან მათ ასე მიაჩნიათ - უამისოდ შედეგი არ იქნება. კაცმა რომ თქვას, მართალიცაა - არა მარტო ტრადიციულად ძლიერმა ქვეყნებმა, მონღოლეთმა, შუა აზიის გუნდებმა და სხვებმაც იმდენად მოუმატეს, უკვე საგრძნობლად გაგვისწრეს. მოკლედ, პროგრესი აუცილებელია და გუნდი ახლაც მთელი სიმძლავრით ემზადება ზუსტად ათ დღეში გასამართი თბილისის მსოფლიოს თასისთვის - შეკრებაზე მყოფი ნაკრები სამჯერად ვარჯიშებზეა გადასული.</p><p>ცხადია, არსებობდა მოსაზრება, რომ დატვირთვები თანდათან გაეზარდათ და არა - ერთბაშად, თუმცა მწვრთნელებმა ასე არჩიეს. შედეგებზე პასუხს ისინი აგებენ, საამისოდ კონკრეტული გეგმაც დადეს - მედლებს ევროპა-მსოფლიოზე გვპირდებიან და დაველოდოთ, მათ საქმეში ჩარევა არ იქნება გამართლებული. თუმცა ისეც ნუ გაგვიგებთ, თითქოს ურმის გადაბრუნებას ველოდებით. სულაც არა. პირიქით - ვიმეორებთ, რომ ფიზიკური მომზადება ჩვენი ათლეტების "აქილევსის ქუსლია" და ამ კონდიციის ამაღლების გარეშე წარმატებაზე ნურც ვიოცნებებთ.</p><p>ბაქოს მასტერსის შედეგებსა თუ ნაკრების თბილისური ტურნირის სამზადისზე გუნდის თავკაცი სოსო ლიპარტელიანი გვესაუბრება. მას არ დაუმალავს, რომ, ყველაფრის მიუხედავად, ბაქოდან ორ მედალს მაინც ელოდნენ.</p><p><strong>- შედეგი რაცაა, გასაგებია, მაგრამ ბიჭებმაც თუ აჩვენეს მომზადების ის დონე, რასაც მათგან ელოდით?</p><p></strong>- ამ ტურნირს რაიმე დიდ იმედებს არც ვუკავშირებდით, თუმცა ვალერი ლიპარტელიანთან დაკავშირებით რაც მოხდა, თქვენც ნახეთ. მსაჯთა ასეთი მიკერძოება რომ არა, ვფიქრობ, მედალი გვექნებოდა. მას და პაპინაშვილს ჰქონდათ პრიზიორთა შორის მოხვედრის შანსი.</p><p><strong>- მაგრამ საკითხავია, მათაც აჩვენეს კი საკუთარი მაქსიმუმი?</p><p></strong>- მაქსიმუმი ვერ აჩვენეს, რადგან ჯერ არ არიან ფორმაში. ამიტომ მათი გამოსვლა არ იყო უნაკლო, თუმცა მსაჯებმაც ძალზე არაობიექტურად იმსაჯეს. ისევ ლიპარტელიანის შეხვედრას გავიხსენებ, სადაც ტაბლოც კი გაითიშა იმდენი ხნით. თუმცა ცხადია, მასაც რომ მოეგო დამაჯერებლად, გამარჯვებას ვერავინ წაართმევდა.</p><p><strong>- დანარჩენი ოთხეულის სუსტ გამოსვლას ელოდით? ვთქვათ, წიკლაურისგანაც არ იყო წარმატების იმედი?</p><p></strong>- წიკლაურს ტრავმა აწუხებდა და ვარჯიშები აკლდა. სიმართლე გითხრათ, ამ ტურნირიდან ორ მედალს ველოდით, რასაც პაპინაშვილზე და ლიპარტელიანზე ვგეგმავდით.</p><p><strong>- ტრავმა პაპინაშვილსაც აწუხებდა. მოირჩინა ბოლომდე?</p><p></strong>- ბოლომდე კი მოირჩინა, მაგრამ მოსამზადებლად დრო არ ეყო, ვარჯიშები მასაც აკლდა - მხოლოდ სამი კვირა ემზადებოდა.</p><p><strong>- ასეთმა გამოსვლამ ისევ გააა</strong><strong>ქტიურა კითხვა, გაუძლებენ კი სპორტსმენები გაზრდილ დატვირთვებს. ახლა როგორ აფასებთ ამ საკითხს - შეეგუვნ</strong><strong>ენ მას?</p><p></strong>- კი, უკვე შეეჩვივნენ. თბილისის მსოფლიოს თასისთვისაც ასევე გაზრდილი დატვირთვებით ვემზადებით. თუმცა ჯერ მაინც საწყისი ეტაპია და ბიჭები შტანგაზე ვარჯიშობენ. ამიტომ მათგან ამ ეტაპზე შედეგებს არც ვითხოვთ. როგორც ადრე ვთქვით, მედლებს ევროპისა და მსოფლიოს პირველობებზე ველოდებით, საერთაშორისო ტურნირებზე კი მედლებზე არ გაკეთდება აქცენტი.</p><p><strong>- ანუ ნაკრების ხელმძღვანელობა კურსის შეცვლას არ აპირებს...</p><p></strong>- არა, არ ვაპირებთ. ძირითად აქცენტს პირველხარისხოვან შეჯიბრებებზე გადავიტანთ. ცხადია, უცხოურ ტურნირებზეც წარმატებით უნდა ვიჭიდაოთ, რადგან ოლიმპიური ლიცენზიებია მოსაპოვებელი, მაგრამ ბიჭებს ყველა შეჯიბრებაზე პიკზე ყოფნას ვერ მოვთხოვთ.</p><p><strong>- თბილისის ტურნირისთვის როგორი გრაფიკით ემზადებით?</p><p></strong>- უკვე ოთხი დღეა, შეკრებაზე ვართ და დღეში სამჯერადად ვვარჯიშობთ. დილით ფიზმომზადებით ვიწყებთ, მერე კი ლეიბზე შევდივართ, თუმცა პერიოდულად მას შეიძლება, რამე თამაში შევუნაცვლოთ. პარასკევს და შაბათს საკონტროლო შეხვედრები გვექნება, იმ კვირიდან კი თანდათან მოვუკლებთ დატვირთვას.</p><p><strong>- საბოლოო შემადგენლობა ხომ არ გაგირკვევიათ?</p><p></strong>- ჯერ არა, მაგრამ ძველი შეთანხმება, რომ შეჯიბრებაზე საქართველოს ჩემპიონატის მედალოსანთა ოთხეულმა იჭიდაოს, ისევ ძალაშია. უბრალოდ, ორი კაცის დამატებას ვაპირებთ, რომლებიც იმ ოთხეულებში ვერ მოხვდნენ - პაატა მერებაშვილი 60-ში და არსენ მაჭარაშვილი 66-ში. ჯერ არ გაგვირკვევია, ვის ნაცვლად იასპარეზებენ ისინი, მაგრამ მხოლოდ მესამე პრიზიორებს თუ შეცვლიან, თორემ ფინალისტები თბილისში აუცილებლად იჭიდავებენ.</p><p><strong></p><p>ყოველდღიური სპორტული გაზეთი "ლელო"</strong></p><p>,</p>
-
mimino
ეგეც საქმეა ტყუილ დაპირებეს რომ არ იძლევა.მოვა ევროპაც და გამოჩნდება აბანოში...
ფულადი ჯილდო და ეროვნული ორდენები - პრემიერმა ძიუდოისტთა ნაკრები დააჯილდოვა
"ქართველები და საუკეთესოები ვართ!" - ბექაურის კომენტარი და ოლიმპიადის საიტი საქართველოს ნაკრების მსოფლიო ჩემპიონობაზე
"ყველანი მეუბნებოდნენ, ქალს რა უნდა ძიუდოში, ეს კაცების სპორტია და თავი დაანებეო" - ინტერვიუ ძიუდოში პირველ ქართველ მსოფლიო ჩემპიონ ქალთან
17-წლამდე ვაჟთა ნაკრები საწვრთნელ შეკრებას იწყებს
სიგუა შვეიცარიაში გუნდს გამოიცვლის
15-წლამდე გოგონათა ნაკრები განვითარების თასისთვის ემზადება
"ტოპ გუნდის წინააღმდეგ ჩვენგან ასეთი დომინაცია დიდი ხანია არ მინახავს" - ფერდინანდი "არსენალთან" მარცხის შემდეგ
ლიდერის შთამბეჭდავი მოგება; "გაგრას" გამარჯვება ბათუმში; ათკაციანი "თელავის" ფრე ქუთაისში
[VIDEO] კვერნაძე შევიდა, გაიტანა და "ფროზინონე" 1/16-ფინალში გაიყვანა
"ნანტთან" მატჩში პსჟ-ს სასტარტო შემადგენლობა ცნობილია
"მეცი" სახლში "სტრასბურგთან" დამარცხდა - წიტაიშვილმა შეუცვლელად ითამაშა
"ვალენსია" ჩაკვეტაძის ტრანსფერზე "უოტფორდს" დაუკავშირდა
"სტრასბურგთან" მატჩში წიტაიშვილი სასტარტოშია, აბუაშვილი - სათადარიგოა
საქართველოს ნაკრები ევრობასკეტისთვის მზადებას ჩეხეთთან 2 მატჩით დაასრულებს
"ლევერკუზენმა" შესაძლოა, "იუნაიტედის" ყოფილი მცველი დაიმატოს
"თუ ფეხბურთელს წასვლა უნდა, უნდა წავიდეს" - პეპ გვარდიოლამ ედერსონ მორაეშზე ისაუბრა
"მან მხოლოდ კრივი იცის, მე მომავალი ჩემპიონი ვარ" - არმან ცარუკიანი
"წელს ჩვენი მთავარი მიზანი ეს იქნება" - რა თქვა ლუის ენრიკემ "ნანტთან" მატჩამდე?
"რეალში" ფიქრობენ, რომ ახალი იამალი შეიძინეს, მაგრამ..." - ლევანდოვსკიმ "ბლანკოსზე" ისაუბრა
"იცით, პსჟ-ში თამაშის დროს ბონუსს რაში იღებდა?" - ბრიტანელმა მწვრთნელმა ნეიმარზე შოკისმომგვრელი დეტალი გაამხილა
ხამზატ ჩიმაევი UFC-ის საშუალო წონის ახალი ჩემპიონია
"დინამო თბილისი": სამი გოლი, სამი ქულა
ლუის ენრიკე რევოლუციურ ცვლილებებს აპირებს - იქნება კვარაცხელია სასტარტოში?