ნოვაკ ჯოკოვიჩი - უნაკლო და სრულყოფილი მანქანა

ჯოკოვიჩი რესტორნებში სპეციალური მარილით დადის სერბმა ნოვაკ ჯოკოვიჩმა ოთხ სეტში დაამარცხა როჯერ ფედერერი და მესამედ გახდა უიმბლდონის ჩემპიონი. ავტორიტეტულ ფრანგულ გამოცემა L’Equipe-ს მიაჩნია, რომ ნოვაკი - ახალი ფორმაციის ჩემპიონია, რომელსაც ნაკლი არ გააჩნია.L’Equipe შეხვდა ნოვაკ ჯოკოვიჩს საფრანგეთის ღია პირველობის წინ. ორგანიზატორებმა ჩოგბურთელის 28-ე დაბადების დღის აღსანიშნავად ტორტი მიართვეს. როგორც კი სერბმა საჩუქარს გემო გაუსინჯა, მაშინვე აღნიშნა: "შესანიშნავი ტორტია. იცით მთავარი რა არის - ის არ შეიცავს რაფინირებულ შაქარს..."რა თქმა უნდა, ადრეც ვიცოდით, რომ ის გარკვეული იყო კვების საკითხებში. "ვერც კი წარმოიდგენთ, რა დონეზეა გარკვეული! - ამბობს მისი მეგობარი ვიქტორ ტროიცკი. - ერთხელ ჩვენთან ერთად რესტორანში წამოვიდა და თან წამოიღო სპეციალური მარილი. ვარდისფერი! ამ თემაზე გვიყვარს მისი გაჯავრება. მახსოვს კიდევ ერთი საღამო ორი თუ სამი წლის წინ, ნიუ იორკში. სერბულ რესტორანში ეროვნული კერძი შევუკვეთეთ.სერბეთში საკმაოდ მძიმე კერძებია. მან დიდხანს გვიყურა, როგორც მადიანად შევექცეოდით ამ ყველაფერს (თავად ცალკე მენიუ შეუკვეთა) და... უცებ დანებდა. ხელი სტაცა ხორცის დიდ ნაჭერს, გადაყლაპა და წარმოთქვა: "უნდა იცოდე სიცოცხლისგან სიამოვნების მიღება!" სიმართლე გითხრათ, პირველად ვნახე, როგორ გამოიჩინა სისუსტე..." ტროიცკი დაფიქრდა და დაამატა:"მაგრამ დღემდე გაკვირვებული ვარ, როგორ შეუძლია ყველაფერი გამოიყენოს ზრდისთვის". რა თქმა უნდა, პროფესიული ზრდა იგულისხმება.მართლაც, მსოფლიოს საუკეთესო ჩოგბურთელი დღემდე ყველას აკვირვებს. ახლობლებსაც კი. აღარაფერს ვამბობთ მეტოქეებზე! ექვსი წლის ასაკიდან ანცვიფრებდა საქმისადმი პროფესიული მიდგომით - პუნქტუალურად ალაგებდა სპორტულ ჩანთას, ვარჯიშზე მაშინვე არ მივარდებოდა ჩოგანსა და ბურთს, როგორც მისი თანატოლები აკეთებდნენ, არამედ, მოთელვას იწყებდა. თანდათან, სერბმა გამოიმუშავა მიზნისკენ მოძრაობის საკუთარი ალგორითმი: გამხდარიყო იდეალური ჩოგბურთელი.ის აკონტროლებს ყველაფერს: საკუთარი ცხიმის მასას ან კუნთების ელასტიურობის დონეს, ფსიქოლოგიურ მდგომარეობას... გარკვეული ტემპერატურის წყალი უნდა დალიოს, თაფლი რაღაც განსაზღვრული ეკზოტიკური სახეობის უნდა იყოს... ტურნირების დროს, მისი ნახვა ხშირად შეიძლება პარკებში - საუკეთესო ადგილი მედიტაციისთვის.მოკლედ, ყველა წვრილმანი გათვლილი აქვს. მაგრამ წვრილმანი მის პროფესიაში არ არსებობს. სწორედ ასეთი "ინტელექტუალური" მიდგომით, ერთ მშვენიერ დღეს - 2011 წლის ივლისში - მან ჩამოაგდო მსოფლიოს ჩოგბურთის მწვერვალიდან უძლეველი წყვილი: ფედერერი და ნადალი."ხანდახან ვუყურებ მის ვარჯიშს, - ამბობს მწვრთნელი და საჩოგბურთო ფსიქოლოგიის საკითხებში სპეციალისტი რონან ლიაფე. - როგორ სუნთქავს, როგორ დგება მოსაწოდებლად, როგორ დუნდება. ყველაფერი სხვანაირადაა, ვიდრე ორი წლის წინ იყო - ყველაფერს უფრო სწორად აკეთებს. ის ყველა ნიუანსში გაერკვა. მან ისწავლა საკუთარი ნერვული სისტემის მართვა - რომ ემოციებმა ხელი არ შეუშალოს ტექნიკური ილეთების შესრულებას. ეს არის ნამდვილი მანქანა!""სიმართლე გითხრათ, როცა ის ათი წლის წინ ჯერ კიდევ დებიუტანტის რანგში ვიხილე, ვერც კი დავუშვებდი, რომ ოდესღაც მსოფლიოში საუკეთესო იქნებოდა, - ამბობს გაელ მონფილსის ყოფილი მწვრთნელი ტიერი შამპიონი. - იმ დროს პრობლემა ჰქონდა სიცხეში თამაშისას და აშკარა სირთულეები გააჩნდა მარჯვნიდან დარტყმისას.მაგრამ მახსოვს, როგორ იხარჯებოდა ყველა შეხვედრაში. და ყველაფერი კარიერას დაუქვემდებარა. კონსულტაციებს იღებდა ვეტერანებისგან. მაგალითად, ტოდ მარტინისგან (მსოფლიოს ყოფილი მეოთხე ჩოგანი), რათა დაეხვეწა მოწოდება, ან მარკ ვუდფორდისგან (მსოფლიოს ყოფილი პირველი ჩოგანი წყვილებში). ამგვარი თანამშრომლობა ყოველთვის წარმატებული არ ყოფილა, მაგრამ უნდა აღვნიშნოთ მისი მისწრაფება - გამოეყენებინა ეს ყველაფერი წინსვლისთვის".დღეს მის თამაშში თითქმის არ არის ნაკლი. მაგრამ არც ზედა ზღვრისთვის მიუღწევია. მართალია, ახლაც გვაოცებს მოხერხებულობითა და სისხარტით, მაგრამ, სავსებით შესაძლებელია, უახლოეს მომავალში კორტზე რაიმე აკრობატულ ილეთები შემოგვთავაზოს."ყველაფრის საფუძველია - მომზადებისადმი კომპლექსური მიდგომა, - ხსნის ბოლო ორი წლის განმავლობაში ჯოკოვიჩის სპარინგ-პარტნიორი დუშან ვემიჩი. - ყოველდღიურ ცხოვრებაში ის ცდილობს გამოიყენოს ყველანაირი შესაძლებლობა - ადამიანური და ბუნებრივი. მაგალითად, დიდ მნიშვნელობას ანიჭებს კვებას - მიირთმევს მხოლოდ ნატურალურ პროდუქტებს.რა თქმა უნდა, ყველამ ვიცით, რომ ასეც უნდა იყოს, მაგრამ ეს იმას არ ნიშნავს, რომ ეს ყველას გამოსდის. და დღემდე ისწრაფვის სრულყოფილებისაკენ. ამასთან, სურვილი აქვს იპოვნოს იდეალური ბალანსი ყველაფერში. ჩემთვის ის არის სრულყოფილი სპორტსმენი: ყველაფრის მცოდნე, ყველაზე მრავალფეროვანი, ყველაზე ბრძენი ცხოვრებისეულ საკითხებში..."ყოველდღიური სპორტული გაზეთი "ლელო"

fraternity

როჯერ ფედერერი იყო და ყოველთვის დარჩება ნომერი 1!!! ეს ბოლო პერიოდი არაფერს ნიშნავს. ეს ორი ჩოგბურთელი ერთმანეთს საკუთარი კარიერის პიკში რომ შეხვედროდა ნოვაკს შანსი არ ექნებოდა და განწირული იქნებოდა მეორეობისთვის. ფედერერი არის ცოცხალი ლეგენდა, ჩოგბურთის ისტორიაში ყველაზე დახვეწილი, ყველაზე ტექნიკური და ყველაზე ელეგანტური მოთამაშე. დრო მოვა და შეიძლება კომპიუტერული პროტოტიპებიც კი გაკეთდეს ნოვაკის და როჯერის იმის გასარკვევად რომელი იყო საუკეთესო, თუმცა როჯერი არის ჩოგბურთის პელე და მარადონა ერთად აღებული. ლეგენდა!!!
Papa-Snaiperi

ეს არის უკვე სპეცრაზმელის დონე - როცა ნერვულ სისტემას აკონტროლებ, შიშის და პანიკის იმპულსები დაბლოკილია და ტვინს შეუძლია ექსტრემალურ ან მძიმე სიტუაციაში თავისუფლად მუშაობა. ფეხებს ვერ მოჭამენ ჯოკოს კარიერის ბოლომდე არ ჩამოვა ტახტიდან, წავიდა "დონეების" დრო, რაც გინახავთ ვეღარ ნახავთ! ჯოკომ რომ სწორი კვების მნიშვნელობაზე წიგნი დაწერა ვიღაცეებმა დასცინეს მადლობის მაგიერ, ჰოდა უყურონ ეხლა ქვემოდან.. ძია! ცინგლიან მარეის რომ ოლიმპიადა ყარაულის თოფივით გაუვარდა, მაგათ ეგონათ რომ ჯოკო ჩამოაგდეს და მაგისი ადგილი ისევ "დონეებმა" დაიკავეს.. ეგრე უდგათ გვერდები - არ ეღირსათ!!

ნიკოლოზ ბასილაშვილი ალმათის ტურნირის ფინალში დამარცხდა

ციციპასი დამარცხებულია - ნიკოლოზ ბასილაშვილი ალმათის ტურნირის ფინალშია!

მეტოქე გაირკვა - ბასილაშვილის ასეულში დაბრუნებისა და ფინალში გასვლის გზა ციციპასზე გადის

სეოკ-ის პრეზიდენტი ლერი ხაბელოვი სუმოს საერთაშორისო ფედერაციის პრეზიდენტს, ლეგენდარულ იოკუძუნა ჰაკუჰო შოს შეხვდა

ალექს მერკვილაძის შედეგიანი თამაში BNXT ლიგაში — გრონინგენი სტუმრად დამარცხდა

[VIDEO] "ოლდ ტრაფორდზე" კერიკის დღეები დათვლილია - "მანჩესტერ იუნაიტედი" შინ "ბორნმუთთან" 0:3 დამარცხდა

[VIDEO] დამაჯერებლად - "ლივერპულმა" "ბრაიტონი" დაამარცხა

იეგოიანის "ექსელსიორმა" მორიგი მარცხი განიცადა

ინგლისური გრანდები "ბაიერნის" ვუნდერკინდისთვის იბრძოლებენ

კსუ კავკასიამ ბათუმში იმარჯვა, თელავმა თბილისში ბლექ ფორტრესი დაამარცხა

"საუკეთესო ხუთეულში აუცილებლად უნდა მოხვდეს. მისი თამაშის ყურება ძალიან მიყვარს" - "ბარსელონას" ნახევარმცველმა ხვიჩა კვარაცხელიაზე ისაუბრა

"მერაბ, გიჟი ხარ?" - UFC-ის პრეზიდენტი დვალიშვილისა და იანის ბრძოლას გამოეხმაურა

17-წლამდე გოგონათა ნაკრები საკვალიფიკაციო ეტაპის მატჩებისთვის ემზადება

გუბანოვას და დევისი - სმოლკინის წყვილის ვერცხლი საფრანგეთის გრან-პრიზე - მეტელკინასა და ბერულავას წყვილი მოკლე პროგრამის შემდეგ პირველ ადგილზეა

"ერთადერთი რამაც გამაკვირვა, ეს ჩემი თავი იყო" - დვალიშვილის პირველი კომენტარი იანთან მარცხის შემდეგ

დავითაშვილის "სენტ-ეტიენმა" დაძაბულ მატჩში "ნანტს" სძლია

[VIDEO] კლასია, კლასი - მიქაუტაძემ "ვილიარეალს" "ვალენსიასთან" გამარჯვება მოუპოვა!

VIDEO | ეროვნული ლიგა | დინამო (ბთ) 3-0 სამგურალი. მაურიდესის საოცრება და არამარტო...

გულიაშვილი არ ათამაშეს - "რასინგმა" "ესპანიოლს" მოუგო

ლუის ენრიკე: კვარაცხელია პსჟ-სთვის წარმოუდგენლად საკვანძო მოთამაშეა - უფრო ძლიერი დაბრუნდება, ამაში ეჭვი არ მეპარება

ლოჩოშვილი მაღალი შეფასებები და მცირე ტრავმა - "კიოლნი" "შალკეს" ფრედ ეთამაშა

"ეს ნამდვილი ცირკია, გააუქმეთ მსგავსი ინდივიდუალური ნომინაციები" - ბაბელი "ოქროს ბურთზე"

"ეს სრულ ქაოსს შექმნის" - ნევილი "სიტის" ფინანსურ სკანდალსა და შესაძლო ჩემპიონობაზე

ნოვაჯ ჯოკოვიჩი ცინცინატის მასტერსზე პირველივე წრეში დამარცხდა

[VIDEO] მისთვის ასაკი მხოლოდ ციფრებია - 38 წლის ნოვაკ ჯოკოვიჩმა იანიკ სინერი ხუთ სეტში დაამარცხა!

[VIDEO] კარლოს ალკარასმა ნოვაკ ჯოკოვიჩი ავსტრალიის ღია პირველობის ფინალში დაამარცხა!

"ყველაფერი ჩემ გარშემო აღარ ტრიალებს " - ნოვაჯ ჯოკოვიჩი

"ნეტავ მეც ასე შემეძლოს" - ჯოკოვიჩმა უიმბლდონის ნახევარფინალში გასვლის შემდეგ მესიზე იხუმრა

"კორტზე" ყოფნის ყოველი წამი მეზიზღებოდა" - ჯოკოვიჩი US Open-ის პირველივე წრეში დამარცხდა