სკუდეტო? - რატომაც არა

სამუელ ეტოო ბოლო დღეებში განსაკუთრებული ყურადღებით სარგებლობს. ბრწყინვალე ფორმაშია და "ინტერის" წარმატებებში ლომის წილი მიუძღვის... სამუელ ეტოო არასდროს ყოფილა ჩრდილში, მაგრამ ბოლო დღეებში განსაკუთრებული ყურადღებით სარგებლობს. კამერუნელი ბრწყინვალე ფორმაშია და "ინტერის" წარმატებებში ლომის წილი მიუძღვის. ბოლო ორ პაექრობაში სულაც დუბლის ავტორად მოგვევლინა და თანაც, ერთმანეთზე უკეთესი გოლები გაიტანა. თუ იმასაც გავითვალისწინებთ, რომ სეზონის პირველი ეტაპისგან განსხვავებით, დიეგო მილიტომაც აუწყო ფეხი - შეგვიძლია თამამად ვთქვათ, "ნერაძურის" გულშემატკივრებს საზეიმოდ აქვთ საქმე. ეტოო მართლაც გამორჩეულია და რა გასაკვირია, რომ ბომბარდირთა დავაშიც ჩაბმული გახლავთ. კამერუნელს იტალიელი ჟურნალისტი გაესაუბრა და არაერთ საინტერესო საკითხზე ჩამოუგდო სიტყვა:"სკუდეტო? - რატომაც არა, "მილანთან" ჩამორჩენა არც ისე დიდია, რომ ჩემპიონობაზე აღარ ვიფიქროთ. თუ გადადებული ორივე თამაში მოვიგეთ, ლიდერს ერთი ფეხის ნაბიჯზე მივუახლოვდებით, შემდეგ კი ყველაფერი შეიძლება მოხდეს. საერთოდ, ბუნებით ოპტიმისტი ვარ და გაცილებით რთულ ვითარებაშიც კი იმედის დაკარგვა არ მჩვევია. მთავარია, რომ ისევე გავაგრძელოთ ასპარეზობა, როგორც ბოლო მატჩებში და ყველაფერი კარგად იქნება. როგორც ხედავთ, "მილანი" დაუმარცხებელი გუნდის შთაბეჭდილებას არ ტოვებს, რაც ჩვენს წისქვილზე ასხამს წყალს. თუმცა, არ ვარ იმის მომხრე, რომ სხვა გუნდების თამაში გავარჩიოთ და მათი წაფორხილების მოლოდინში ვიყოთ - ჩვენ ჩვენი საქმე უნდა ვაკეთოთ და თითოეულ პაექრობაში მაქსიმალური მიზნისთვის ვიბრძოლოთ".ძალიან ბევრი იწერება იმის შესახებ, რომ "ინტერის" ასეთი აღმასვლა ლეონარდოს დამსახურებაა. ამაზე ეტოოს შემდეგი პოზიცია აქვს: "რაფაელ ბენიტესს არაერთი პრობლემა შეექმნა და ესეც უნდა გავითვალისწინოთ. ფეხბურთელთა უმეტესობა ტრავმირებული იყო, ჯანმრთელები კი იდეალური ფორმისგან შორს გახლდნენ. ამიტომ, სეზონის პირველი ნახევრის არც თუ წარმატებულად ჩატარებაში მხოლოდ ესპანელი მწვრთნელის დადანაშაულება არა მგონია, რომ სწორი იყოს. ჩვენც უნდა გავიზიაროთ პასუხისმგებლობა და შევეცადოთ, დაკარგული მომდევნო პაექრობებში ავინაზღაუროთ. თუმცა, ლეონარდოს მიმართ გამოთქმულ საქებარ სიტყვებს, რომელიც ბოლო დროს უხვად ისმის, მეც დიდი სიამოვნებით ვუერთდები. ბრაზილიელმა თითოეულ ფეხბურთელთან გამონახა საერთო ენა და პირველ რიგში, საბრძოლო სულისკვეთება აამაღლა. აქედან დაიწყო პროგრესი, რომელიც დღემდე გრძელდება".ჟურნალისტმა ეტოოს ერთი მეტად საინტერესო კითხვა დაუსვა - სურს თუ არა კარიერის "ინტერში" დასრულება და რას გააკეთებს ბუცების ლურსმანზე ჩამოკიდების შემდეგ... აქვე პასუხი: "ამ საკითხზე არაერთხელ მიფიქრია და სიმართლე გითხრათ, კარიერის "ინტერში" დასრულება არ მსურს. მილანურ გრანდში მწვრთნელის რანგში დავბრუნდები, ეს ჩემი მიზანია და იმედია, ოდესმე ავისრულებ. რაც შეეხება კარიერის ბოლო გუნდს - მინდა, რომ უკანასკნელი სეზონი "მალიორკაში" გავატარო. ამ გუნდმა მომცა ყველაფერი ის, რაც დღეს მაქვს და რომ არა "მალიორკა", ერთი საშუალო დონის ფეხბურთელი ვიქნებოდი. ამიტომ, ესპანეთში დაბრუნებით მინდა ამ გუნდს კიდევ ერთხელ გადავუხადო მადლობა. თუმცა, იქამდე ჯერ კიდევ დროა და ამ ეტაპზე, "ინტერიდან" წასვლას ნამდვილად არ ვაპირებ".

"მილანსა" და "ინტერს" ახალი სტადიონი ექნებათ - 2031 წლიდან კლუბები ლეგენდარულ "სან სიროზე" აღარ ითამაშებენ

კონტე: "მილანთან" დავმარცხდით და არა რომელიმე აუტსაიდერთან

[VIDEO] 55-ე წუთიდან კაცნაკლულმა "მილანმა" "ნაპოლის" მოუგო

ხავის "მანჩესტერ იუნაიტედის" გაწვრთნა სურს - ესპანელი "წითელი ეშმაკების" ჩაბარებაზე თანახმაა

ისრაელის ნაკრებსა და ქვეყნის კლუბებს საერთაშორისო შეჯიბრებიდან მოკვეთენ? - 48 სპორტსმენმა მოთხოვნას ხელი მოაწერა

Le Parisien: კვარაცხელია პსჟ-ს შეიძლება ბარსელონაში გაჰყვეს

არისაბალაგა შეიძლება ფაბრეგასის გუნდში გადაბარგდეს

პსჟ-ს მეკარე: ძნელია მოტივაციის შენარჩუნება

ბერნალს 382 დღე გაუცდა და "ბარსელონამ" კონტრაქტი გაუხანგრძლივა

კონტე: "მილანთან" დავმარცხდით და არა რომელიმე აუტსაიდერთან

"მანჩესტერ იუნაიტედი" ამორიმის შემცვლელად, ინგლისის ნაკრების ყოფილი მწვრთნელს მოიაზრებს

საერთაშორისო აღიარება - საქართველოს ხმა მსოფლიო ველოსპორტის არჩევნებში

"ყველას უნდა ვაჩვენოთ, ვინ ვართ" - "კაირატის" მეკარე "რეალთან" მატჩამდე

დუდუ დადიანის მემორიალზე ნახევარფინალისტები დაწყვილდნენ

ბოლო წუთების ფასი... "დილამ" და "სამგურალმა" მოიგეს, "იბერია 1999"-"გარეჯი" ფრედ დასრულდა

[VIDEO] 55-ე წუთიდან კაცნაკლულმა "მილანმა" "ნაპოლის" მოუგო

პსჟ-სთან მატჩამდე "ბარსელონამ "სოსიედადი" დაამარცხა და გალიდერდა

გოჩოლეიშვილის კარგი მატჩი - "ჰამბურგი" "უნიონს" ფრედ ეთამაშა

[VIDEO] დრამა "სენტ ჯეიმს პარკზე" - "არსენალმა "ნიუკასლს" ბოლო 10 წუთში თამაში შემოუტრიალა

Le Parisien-ი კვარაცხელიას ტრავმის შესახებ ინფორმაციას ავრცელებს

U17 | საქართველო 3:0 ლიეტუვა

წიტაიშვილი და აბუაშვილი შეცვლაზე და "მეცის" ფრე "ჰავრთან"

GEO TEAM: ლევან კორღალიძე "იბერია 1999"-ს მეოთხედ ჩაუდგება სათავეში