<p>ამ დღეებში "სიონში" სამ ბრაზილიელ ფეხბურთელს ელოდებიან, თუმცა არ არის გამორიცხული სხვა ახალწვეულთა გამოჩენაც <br> ბოლო წლების განმავლობაში ბოლნისის "სიონი" მართლაც არაერთგვაროვნად ასპარეზობდა: წარმატებულ სეზონს წარუმატებელი მოჰყვებოდა ხოლმე ან - პირიქით. ასეთი არასტაბილურობის ერთ-ერთი მთავარი მიზეზი კი ის იყო, რომ "სიონს" საშინაო მატჩების ჩატარება სხვადასხვა ქალაქში (რუსთავში, თბილისში, გორში) უწევდა, ანუ, ფაქტობრივად, თითქმის ყველგან, გარდა ბოლნისისა...</p><p>თუმცა, დღესდღეობით, ისეთი სიტუაციაა, რომ ძალიან დიდი ალბათობით, ახალი სეზონიდან "სიონი" თავის მეტოქეებს ბოლნისში მიიღებს; ოღონდ წინა ჩემპიონატთან შედარებით, გადახალისებული შემადგენლობითა და, რაც მთავარია, ახალი მთავარი მწვრთნელით: ჯერ თვეც არ არის გასული, რაც "სიონის" მთავარ მწვრთნელად <strong>ვარლამ კილასონია</strong> დაინიშნა.</p><p>აღსანიშნავია, რომ დღესდღეობით უკვე არარსებული კლუბის, რუსთავის "მეტალურგის" აწ უკვე ყოფილი თავკაცი ვარლამ კილასონია ადრეც წვრთნიდა "სიონს" (2004-05 წლების სეზონის დასაწყისში) და აი, 11-წლიანი პაუზის მერე ქვემო ქართლის ერთი გუნდიდან მეორეში გადაინაცვლა.</p><p>ახალი სეზონისათვის მზადება "სიონმა" 29 ივნისს დაიწყო და თბილისში, "მერანის" სტადიონზე ვარჯიშობს. დღემდე "სიონმა" სამი საკონტროლო მატჩიც ჩაატარა: "საბურთალოსთან" 0:4 წააგო, "გურიასთან" ფრედ (1:1) ითამაშა; ორი დღის წინათ კი ქვემოქართლური დერბიც შედგა: "სიონი" ახალჩამოყალიბებულ "რუსთავს" დაუზავდა (2:2).</p><p><img src="pictures/artimages/image17/0a7886b744d46d44c565908fcbb8636a.jpg" border="0" alt="Sportall.Ge" title="ბოლნისის "სიონი": კილასონიები ისევ ერთად, ოღონდ... ბოლნისში" /></p><p>ბოლნისელთა გუნდის ახალი თავკაცის თქმით, ჩემპიონატის დაწყებამდე "სიონი" კიდევ რამდენიმე საკონტროლო მატჩს ჩაატარებს: 25 ივლისს "ვიტ ჯორჯიას" დაუპირისპირდება, 2 აგვისტოს - თბილისის "ლოკომოტივს", კიდევ ორ სპარინგ-პარტნიორთან გასამართი შეხვედრების ვადები კი მალე დაზუსტდება.</p><p>ახლა კი "სიონში" მომხდარ საკადრო ცვლილებებზეც; სხვა გუნდებში გააგრძელებენ კარიერას <strong>დაჩი ცნობილაძე, დათა სიჭინავა, ზვიად ლობჯანიძე, გიორგი ჭანკოტაძე</strong> და <strong>არაუჟო</strong>; სავარაუდოდ, ბათუმის "დინამოში" გადავა 23 წლის პორტუგალიელი შემტევი <strong>ლუის ალბერტო ვიეირა მედინა</strong>, რომელიც წინა სეზონის დასრულების შემდეგ "ლელომ" ჩემპიონატის საუკეთესო ლეგიონერად დაასახელა.</p><p>კარიერის დასრულება გადაწყვიტა გამოცდილმა მეკარემ, <strong>ზურაბ ბათიაშვილმა</strong>, რომელსაც "სიონის" გარდა, არაერთ ქართულ გუნდში (თსუ, თბილისის "დინამო", "თბილისი", "გორდა", "ლოკომოტივი", "კოლხეთი", "მესხეთი", ცხინვალის "სპარტაკი", "მეტალურგი") უთამაშია.</p><p>რაც შეეხება შევსებას, ხანმოკლე პაუზის მერე მშობლიური ქალაქის გუნდს დაუბრუნდა ფორვარდი <strong>ვილი ისიანი</strong>; "ზესტაფონიდან" გადმოვიდა 26 წლის ცენტრალური ნახევარმცველი <strong>გიორგი ვასაძე</strong>, რომელიც ერთი წლის წინათ რუსთავის "მეტალურგში" ვარლამ კილასონიას ხელმძღვანელობით თამაშობდა, ისე, როგორც კილასონიების საფეხბურთო დინასტიის წარმომადგენლები: 22 წლის უნივერსალი <strong>ვარლამ კილასონია-უმცროსი</strong> და 19 წლის საყრდენი ნახევარმცველი <strong>გიორგი კილასონია</strong>.</p><p>აქვე, დავაზუსტებთ, რომ ვარლამ კილასონია (უმცროსი) წინა სეზონის მეორე წრეში "ცხინვალში" გამოდიოდა, ამ გუნდთან ერთად სულ ახლახან ევროპალიგაზეც ითამაშა (1 გოლიც გაიტანა), თუმცა ამიერიდან "სიონის" ღირსებას დაიცავს.</p><p>და ბოლოს, კიდევ ერთი სატრანსფერო ინფორმაციაც: ამ დღეებში "სიონში" სამ ბრაზილიელ ფეხბურთელს (მცველს, ნახევარმცველს, თავდამსხმელს) ელოდებიან, თუმცა არ არის გამორიცხული სხვა ახალწვეულთა გამოჩენაც.</p><p>(იბეჭდება მცირე ცვლილებით)</p><p><strong>ყოველდღიური სპორტული გაზეთი "ლელო"</strong></p>
ფრე დინამოების დაპირისპირებაში; წყალტუბოელთა მოგება ფოთში
ლიდერი შეიცვალა... "გარეჯმა", "ტორპედომ" და "იბერია 1999"-მა მოიგეს
27-ე ტური. ლიდერსა და მდევარს შორის სხვაობა შემცირდა
"მანჩესტერ იუნაიტედთან" მატჩში "ლივერპულის" შემადგენლობა ცნობილია
ლოჩოშვილის მორიგი კარგი მატჩი - "ნიურნბერგმა" გამარჯვება ხელიდან გაუშვა
"შოთა არველაძის სამშობლოში ვართ და სამწუხაროა, რომ ის ვერ ითამაშებს" - ფრანკ დე ბური ლეგენდების მატჩის წინ
"ესპანური სწრაფად ვისწავლე, რადგან ეს პატივისცემის ნიშანია" - კილიან მბაპე მადრიდულ ცხოვრებაზე
"წლის საუკეთესო მებრძოლად მერაბ დვალიშვილი უნდა დასახელდეს" - უმარ ნურმაგომედოვი
"როცა გულის შეტევით საავადმყოფოში ვიწექი, მესის ქმედებით გაოგნებული დავრჩი" - კასილასმა აქამდე უცნობი ისტორია გაიხსენა
"საფონოვი მოთმინებას კარგავს" - რას წერს ფრანგული გამოცემა რუს მეკარეზე?
[VIDEO] შერმადინის და უერტასის დუეტი კვლავ ბრწყინავს - "ტენერიფემ" "მურსია" დაამარცხა
[VIDEO] აქ სიტყვები ზედმეტია - მესის ჰეთ-თრიქი და საგოლე პასი "ნეშვილთან"
[VIDEO] 40 წლის კრიშტიანო რონალდოს ფანტასტიკური გოლი საუდის არაბეთში
ფრე დინამოების დაპირისპირებაში; წყალტუბოელთა მოგება ფოთში
ქოჩორაშვილი სათადარიგოთა შორის დატოვეს - "სპორტინგი" 1/16-ფინალში ძლივს გავიდა
დავითაშვილის "სენტ-ეტიენმა" შინ მარცხი განიცადა
[VIDEO] ვენდეტა არგენტინულად - სიმეონემ "ტორინოს" "ნაპოლისთან" გამარჯვება მოუპოვა
მიქაუტაძის გარეშე - "სიტისთან" მატჩამდე "ვილიარეალმა" "ბეტისთან" გამარჯვება ხელიდან გაუშვა
საქართველო 3:2 ყირგიზეთი
გოჩოლეიშვილს სახეზე 6 ნაკერი დაადეს - "ჰამბურგი" "ლაიფციგთან" დამარცხდა
კვერნაძე შეცვლაზე შევიდა - "ფროზინონე" "მონცასთან" დამარცხდა
39 დღე გაძლო - "ნოტინგემმა" პოსტეკოღლუ გაათავისუფლა
გვარდიოლამ გაამხილა, როდის იფიქრებს მწვრთნელის კარიერის დასრულებაზე
პრო ლიგა 2. "რუსთავი": გამოცდილი ახალწვეულები
ეროვნული ლიგა. XIII ტურის წინ: ვარლამ კილასონიას პირველი
ვილი ისიანის გამორჩეული მატჩი NCAA-ში
ტრიბუნალმა კილასონიას დისკვალიფიკაცია პირობითი სასჯელით შეუცვალა, გოგონაიას - არა
ეროვნული ლიგის VII ტურის სიმბოლური ნაკრები Sportall.ge-ს ვერსიით (+გამოკითხვა)
ეროვნული ლიგა. XXX ტური. "სიონი" - "დინამო" თბ [LIVE]
უმაღლესი ლიგა. გადადებული მატჩი: "სიონმა" ზუგდიდში მოგებით მეორე ადგილზე აინაცვლა [VIDEO]
ვილი ისიანის 3 ქულა - ქართველის "დეტროიტი" 2-ქულიანი სხვაობით დამარცხდა
საქართველოს ორი ჩემპიონი ერთმანეთის პირისპირ - შესამჩნევი იაპონელი და განელებზე კარგი შთაბეჭდილებით
"რუსთავს" ისევ ახალი მწვრთნელი ჰყავს - ამჯერად უჩა სოსიაშვილი
ფოთის "კოლხეთის" დირექტორი: მძიმე მდგომარეობაში აღმოვჩნდით...
ეროვნული ლიგის მე-3 წრის საუკეთესოები დასახელდა
Sportall.ge-ს სათვალე: ნუკრის პროგრესი, +18 კადრი და ტურის გოლი შესვენებაზე
[ლელოს სტუმარი] ვერ მოვისვენებ, სანამ "რუსთავი" უმაღლეს ლიგაში არ დაბრუნდება
ვილი ისიანმა რეგულარული ჩემპიონატი 14 ქულით დახურა და პლეი-ოფისთვის ემზადება
"გაგრამ " "ტორპედო" მინიმალური ანგარიშით დაამარცხა [VIDEO]
ბოლნისის "სიონმა" "საბურთალო" დაამარცხა [VIDEO]
"რუსთავში" რევაზ ძოძუაშვილი იმუშავებს
ეროვნული ლიგა. XIV ტური. "სიონი" - "დილა" [LIVE]
"რუსთავს" ვარლამ კილასონია გაწვრთნის
სიონი-ტორპედო 6:2 - სიო(ნი) კი არა, ქარიშხალი! [VIDEO]
ბოლნისის "სიონი" ვარლამ კილასონიამ ჩაიბარა
"ვიტ ჯორჯიას" გიორგი ვასაძე დაუბრუნდა
მამუკელაშვილმა და ბეჟანიშვილმა NCAA 11-11 ქულით და მოგებებით დაიწყეს [VIDEO]
ეროვნული ლიგა. XVII ტური. "ტორპედო" - "სიონი" [LIVE]
ეროვნული ლიგა. XII ტური. "სიონმა" "დილას" 2:1 მოუგო [VIDEO]
ეროვნული რადარი – ქართველი კალათბურთელების ოკეანგაღმური ამბები
დინამო (თბ)-სიონი 5:2 - "დინამო" სრული სვლით [VIDEO]
სიონი-შუქურა 4:3 - შვიდგოლიანი თრილერი [VIDEO]
შედეგზე მანიპულირება - სფფ-მ "კოლხეთი" და გუნდის 5 ფეხბურთელი დასაჯა