<p>"ლივერპულს" თავდასხმაში აღარ უჭირს <br> როგორც მოსალოდნელი იყო, "ლივერპულმა" კრისტიან ბენტეკე შეიძინა. ისეთი ცნობები ვრცელდებოდა და ისეთი კომენტარები კეთდებოდა, რომ ცხადი გახლდათ - ბელგიელის "ენფილდზე" გადაბარგება დროის ამბავი იყო და აი, ტრანსფერი ბოლოს და ბოლოს, გაოფიციალურდა.</p><p>მერსისაიდულ გუნდს რაჰიმ სტერლინგის გაყიდვის მერე 49 მილიონი გირვანქა შეემატა სატრანსფერო ბიუჯეტში. ისე ჩანს, თითქოს, ფეხბურთელსა და კლუბს შორის მოლაპარაკებას უფრო დიდი დრო დასჭირდა, ვიდრე მერსისაიდელებისა და "ასტონ ვილას" გარიგებას, რადგან ბირმინგემელები თავიდანვე ბოლომდე ითხოვდნენ 24 წლის ბელგიელის გამოსასყიდ თანხას და "ლივერპულიც" თანახმა იყო 32,5 მილიონი გირვანქა გადაეხადა, რაც გააკეთა კიდეც.</p><p>ბენტეკეს ხელფასის ოდენობაზე ჯერჯერობით, კონკრეტული და ოფიციალური ცნობა არ არის, კონტრაქტის ხანგრძლივობას, რაც შეეხება, "მრავალწლიანიაო".</p><p>"ძალიან ბედნიერი ვარ, რომ "ლივერპულის" მოთამაშე გავხდი. აქ ტიტულების მოსაგებად მოვედი და მინდა, გუნდთან ერთად დიდ მიზნებს მივაღწიო და ოცნებები ავიხდინო. ჩემთვის ეს შესაფერისი გუნდია, რადგან კარგი გასაუბრება მქონდა მწვრთნელთან და მომინდა, ამ პროექტის წევრი ვიყო" - განაცხადა ბენტეკემ.</p><p>ბელგიელი ფორვარდი "ლივერპულის" მე-7 შენაძენია ამ ზაფხულს და, როგორც ამბობენ, ბრენდან როჯერსი კიდევ აპირებს ერთი-ორი მოთამაშის დამატებას. ამავდროულად, ბენტეკე "ლივერპულის" მეორე ყველაზე ძვირადღირებული შენაძენი გახდა, მასზე მეტი, კერძოდ კი 35 მილიონი გირვანქა ენდი კეროლშია გადახდილი.</p><p>ბენტეკე პრემიერლიგაში 2012 წელს გამოჩნდა, როდესაც "ასტონ ვილამ" "გენკს" მასში 7 მილიონი გირვანქა გადაუხადა. კრისტიანმა ბირმინგემელთა მაისურით 101 შეხვედრაში 49 გოლი გაიტანა. მაშინ "ვილას" მწვრთნელი პოლ ლამბერტი იყო. მისი მოსაზრებაც საინტერესოა ფეხბურთელის მომავალთან დაკავშირებით:</p><p>"ის ბრწყინვალე ცხრა ნომერია. ბენტეკე მხოლოდ ჩაწოდებებზე არ არის დამოკიდებული და გოლების გატანა სხვადასხვა სიტუაციებიდან შეუძლია. ასეთი ფეხბურთელი კლუბისთვის ყოველთვის სასარგებლოა, ძალიან ბევრს მუშაობს და ძალიან მიხარია მისი ტრანსფერი, მან ეს დაიმსახურა. თუ ბენტეკე ისე ითამაშებს, როგორც შეუძლია და, როგორც მგონია, იგი "ლივერპულისთვის" ძალიან დიდი ძალა იქნება. რაც მთავარია, მას საკუთარი შესაძლებლობების სჯერა და შემართულია" - აღნიშნა ლამპერტმა.</p><p>"ლივერპულის" ყოფილი თავდამსხმელი ჯონ ოლდრიჯი: "იგი რაღაც განსხვავებულს შემოგვთავაზებს, დიდ ზეწოლას შეტევაში. არასწორია, როდესაც ამბობენ, რომ ბენტეკე "ლივერპულის" სტილში არ ჯდება. სწორედ მან გამოაგდო "ლივერპული" ასოციაციის თასის ნახევარფინალიდან. იგი ძალიან სწრაფია, ძლიერი, აგრესიული...</p><p>ეს ყველაფერი ბოლო წლებში შეტევაში გვაკლდა. ამ ტრანსფერით ძალიან გახარებული ვარ და ვფიქრობ, მას ბევრის მიცემა შეუძლია გუნდისთვის. ახალი სეზონი წინ გაცილებით უფრო ოპტიმისტური განწყობა მაქვს, ვიდრე წინა ზაფხულს მქონდა. შეგახსენებთ რომ გასულ სეზონში თავდამსხმელებმა მხოლოდ 8 გოლი გაიტანეს. ახლა კი ეს მნიშვნელოვნად უნდა გამოსწორდეს".</p><p>წინა სეზონში მერსისაიდელთა თავდასხმა მართლაც უსუსური იყო. ლუის სუარესის წასვლამ და დანიელ სტარიჯის ტრავმიანობამ როჯერსს ბევრი პრობლემა შეუქმნა. ჩრდილოირლანდიელს არც ახალწვეულებმა გაუმართლეს - რიკი ლამბერტმა და მარიო ბალოტელიმ პრემიერლიგაში ჯამში 3 გოლი გაიტანეს. დაბრუნებული ფაბიო ბორინი ვერაფერს აკეთებდა და გუნდი, რომელიც 2014 წელს კინაღამ ჩემპიონი გახდა, გასულ სეზონში ოთხეულშიც ვერ მოხვდა.</p><p>აქედან გამომდინარე, გასაკვირი არც არის, რომ აქცენტი შემტევებზე გაკეთდა, მაგრამ ახლა "ლივერპულის" შემადგენლობაში პირიქით, თავდამსხმელების ან შეტევაზე ორიენტირებული ფეხბურთელების რაოდენობის მხრივ გადატვირთვაა.</p><p>შეგახსენებთ, რომ ბენტეკემდე "ლივერპულმა" რობერტო ფირმინო შეიძინა, რომეშიც "ჰოფენჰაიმს" ბევრით ნაკლები არ გადაუხადა (29 მილიონი გირვანქა), "ლილიდან" დაბრუნდა იჯარით გაშვებული დივოკ ორიჯი, ამ წუთისთვის მაინც გუნდში რჩებიან ბალოტელი, ლამბერტი და ბორინი.</p><p>"ენფილდზე" "ბარნლიდან" გადმობარგდა დენი ინგსი. მწყობრშია დანიელ სტარიჯი... ამას ემატებიან ფილიპე კოუტინიო, ლაზარ მარკოვიჩი, ჯეიმს მილნერი... ერთი-ორი მოთამაშე შეიძლება წავიდეს კიდეც, მაგრმ ნებისმიერ შემთხვევაში, იმდენი დარჩება, რომ როჯერსს ამჯერად თავდამსხმელების სიმწირის პრობლემა ნამდვილად აღარ შეაწუხებს და კონკურენციაც დიდი იქნება.</p><p>უშუალოდ ბალოტელიზე როჯერსმა ცალკე ისაუბრა. ჭირვეულის მორჯულება არც ისე ადვილი ყოფილა და ეს მისტერ ბრენდანმა თავის თავზე გამოსცადა. მიუხედავად გარკვეული კონფლიქტური სიტუაციებისა და სუპერმარიოს გამოხტომებისა, როჯერსი ყოველთვის ერიდებოდა რადიკალურ ნაბიჯებსა და განცხადებებს. ის ახლაც თავშეკავებულად საუბრობს, მაგრამ არ მალავს, რომ, რა ბედი ეწევა ბალოს, წარმოდგენა არ აქვს. ამჟამად ბალოტელი გუნდთან ერთად აზიურ ტურნეში არ არის და განაცხადს მიღმა დარჩენილ მოთამაშეებთან ერთად ვარჯიშობს.</p><p>"სიმართლე ითქვას, არ ვიცი, რა მოხდება მარიოსთან დაკავშირებით. ის ტურნეში ჩვენთან ერთად არ არის, მაგრამ დანარჩენ ფეხბურთელებთან ერთად თავდაუზოგავად ვარჯიშობს, რომ ფორმაში იყოს. ვნახოთ, რა მოხდება როდესაც სეზონი დაიწყება" - განაცხადა "ენფილდელთა" თავკაცმა.</p><p>შეგახსენებთ, რომ ბალოტელის მწვრთნელთან და ზოგიერთ თანაგუნდელთან ურთიერთობა განსაკუთრებით მას მერე დაეძაბა, რაც გაკაპიტნებულ ჯორდან ჰენდერსონს ევროპალიგაზე "ბეშიქთაშთან" შეხვედრისას ბურთი ხელიდან გამოგლიჯა, სხვა თანაგუნდელებიც ჩამოიშორა და პენალტი თავად დაარტყა.</p><p><strong>"ლივერპულის" ყველაზე ძვირადღირებული შენაძენები</strong></p><p><em>ფეხბურთელი / კლუბი / თანხა</em><strong></p><p></strong>1. ენდი კეროლი ნიუკასლიდან 35 მლნ. გირვ.</p><p>2. კრისტიან ბენტეკე ასტონ ვილადან 32,5</p><p>3. რობერტო ფირმინო ჰოფენჰაიმიდან 29,0</p><p>4. ადამ ლალანა საუთჰემპტონიდან 25,0</p><p>5. ლუის სუარესი აიაქსიდან 22,7</p><p><strong>ყოველდღიური სპორტული გაზეთი "ლელო"</strong></p>
ონანა კარიერას სავარაუდოდ, თურქეთში განაგრძობს
ფრენკ ლამპარდი შესაძლოა, სამუშაოდ პრემიერ ლიგაში დაბრუნდეს
"დარწმუნებული ვარ, "მანჩესტერ იუნაიტედი" მომდევნო 10 წელიწადში პრემიერლიგას მოიგებს" - მაიკლ ოუენი
საქართველოს ნაკრებს ევრობასკეტზე მიღწეული ისტორიული შედეგისთვის მთავრობა ფულადი პრემიის სახით 3 მილიონ ლარს გადასცემს
"ამას ფეხბურთთან საერთო არაფერი აქვს" - "ბაიერნის" პრეზიდენტმა "ნიუკასლი" გააკრიტიკა
"ალბათ ამ პასუხს ნაკლებად ელოდით" - გვარდიოლამ დაასახელა ფეხბურთელი, რომლის "სიტიდან" გაშვებასაც ყველაზე მეტად ნანობს
"რუსეთის საფეხბურთო ნაკრებს სათადარიგოთა სკამზეც კი სუპერვარსკვლავები ჰყავს" - "რეალისა" და ესპანეთის ნაკრების ყოფილი მწვრთნელი
პირველ მეოთხედში უკვე 22 ქულა ჰქონდა - დონჩიჩმა სლოვენია მეოთხედფინალში გაიყვანა
მამუკელაშვილი: შემიძლია ვემბანიამას მივწერო - საფრანგეთს მასთან ერთდაც მოვუგებდით
[VIDEO] დუბლი 2 წუთში - ტაბატაძე "კადისის" ფანების საყვარელი მოთამაშე ხდება
"მადლობა საბერძნეთს" - გოგა ბითაძე სოციალურ ქსელში პოსტს აქვეყნებს [PHOTO]
პირველი ტაიმის შემდეგ საქართველოს ნაკრები ბულგარეთს 2:0 ამარცხებს
მეორე ნახევარში უკეთესი ბითაძე გვჭირდება - საქართველოს ნაკრებმა საფრანგეთს პირველი ტაიმი მოუგო
კაპიტანი კვარაცხელია - ბულგარეთთან მატჩში საქართველოს ნაკრების შემადგენლობა ცნობილია
ოფიციალურად: "კოლოსმა" ზურაბ რუხაძე წარადგინა
ტიაგო მოტამ შესაძლოა, ბუნდესლიგის ბინადარი გუნდი ჩაიბაროს
ონანა კარიერას სავარაუდოდ, თურქეთში განაგრძობს
როდრიმ მისი აზრით "ოქროს ბურთის" ორი ფავორიტი დაასახელა
"სექსის დროს არ მინახავს, არ იცოდა, რომ კამერებზე წვდომა მქონდა..." - როგორ გაიგო ღალატის შესახებ არგენტინელი ვარსკვლავის მეგობარმა გოგონამ
ფრენკ ლამპარდი შესაძლოა, სამუშაოდ პრემიერ ლიგაში დაბრუნდეს
მოულოდნელი ამბავი - ზიდანი სამწვრთნელო საქმიანობას შესაძლოა, თურქეთში დაუბრუნდეს
ქოჩორაშვილი: აქამდე სწორედ იმიტომ მოვედით, რომ არასდროს ვნებდებით
მატჩის დღე - ქართველებსა და ბულგარელებს ცუდად დაწყებულის გამოსწორება სურთ!
ოფიციალურად: ბალოტელი "ჯენოას" ფეხბურთელია
"გვეგონა, დინოზავრები გადაშენდნენ" - ფემინისტები "სელტიკის" მწვრთნელ ბრენდან როჯერსისგან ბოდიშის მოხდას ითხოვენ
"ლივერპული" პრემიერლიგის "გალაქტიკოსი" გახდა" - ჯეიმი კარაგერი
მოსახდენი მოხდა - კრისტიან ბენტეკე "არწივია"
26,5-ჯერ ნაკლები ხელფასი - "იუვენტუსში" გადასვლის შემთხვევაში, ჰენდერსონის გასამრჯელო მნიშვნელოვნად შემცირდება
"ლესტერი" როჯერსის გათავისუფლებას განიხილავს - "მელიებს" ორი კანდიდატი ჰყავთ
ევროუქმეების ფაქტები და სტატისტიკა: მესის 500, 16 და 4 376
"რეინჯერსი" სეზონის ბოლომდე ბარი ფერგიუსონს ჩააბარეს
კრისტიან ბენტეკე რუნისთან წავიდა
ვინ სად გადავიდა? - ბოლო სატრანსფერო დღის გარიგებები
რობერტო ფირმინო 32 წლის ასაკში პასტორი გახდა
ბალოტელიმ "ჯენოაში" გადასვლიდან ორ თვეში შეიძლება გუნდი გამოიცვალოს
მუნდიალი 2018. ფაქტები და ციფრები: ევროპის ყველა დროის ბომბარდირობისთვის
48 მლნ ევრო მცველში - მადრიდის "რეალმა" მესამე ტრანსფერი განახორციელა
ჯორდან ჰენდერსონი პრემიერ ლიგას დაუბრუნდა
"გაგიკვირდებათ, მაგრამ საუკეთესოა ვისთანაც მითამაშია" - ბალოტელიმ ყოფილი თანაგუნდელი გამოარჩია
ჰენდერსონი: საუდის არაბეთში ფეხბურთი ვითარდება, მაგრამ მე არ შემეფერებოდა
ჯორდან ჰენდერსონს პრემიერლიგაში დაბრუნება სურს
"ნიუკასლმა" ვოლტემადე 90 მილიონად შეიძინა - ისაკს გზა გაეხსნა?
"ბარსელონამ" რობერტო ფირმინოს უარი უთხრა
ფირმინო კარიერას "ალ აჰლიში" გააგრძელებს
"ლესტერის" მწვრთნელი: პრემიერლიგის ისტორიის საუკეთესო 2 გუნდთან წავაგეთ
ისაკი გუნდთან ერთად ვარჯიშს არ აპირებს - "ნიუკასლმა" შვედი დააჯარიმა
"თუ სერია A-ში დავბრუნდები, იქაურობას დავანგრევ" - ბალოტელის პირობა "ჯენოას" მწვრთნელს
"აიაქსი" ჰენდერსონის შეძენასთან ახლოსაა - ინგლისელს სამედიცინო შემოწმებაზე ელოდებიან
16 წლის ასაკში ამ გადარეულმა ისეთი რამ გააკეთა, არ დაიჯერებთ" - მაიკონმა ბალოტელიზე ისტორია გაიხსენა
რობერტო ფირმინო კარიერას ლა ლიგაში გააგრძელებს
პსჟ-ს, შესაძლოა, ტრანსფერების განხორციელება აეკრძალოს
The Telegraph: "სიტიმ" გვარდიოლას შემცვლელად 2 ვარიანტს განიხილავს
ცნობილი გამოცემების პროგნოზები - მამარდაშვილი სანაკრებო პაუზას შესაძლოა, 1 თვის უთამაშებელი შეხვდეს
შავი კატა კრისტიან ბენტეკესა და იურგენ კლოპს შორის
სეზონის 10 საუკეთესო მწვრთნელი, ზიდანის დაუფასებლობა თუ გადაჭარბებული მოლოდინი?
[VIDEO] მამარდაშვილი ისევ არ ათამაშეს - სობოსლაის ბრწყინვალე ჯარიმით "ლივერპულმა" "არსენალს" სძლია
გადაწყდა - ისაკი 130 მილიონი ევროს სანაცვლოდ "ლივერპულში" ითამაშებს
მიხაილ გორელიშვილი გორის "დილაში" დაბრუნდა
დუეინ უეიდმა "კლივლენდი" აირჩია
ფირმინო შესაძლოა, პრემიერლიგას დაუბრუნდეს
ოფიციალურად: ჰენდერსონი "აიაქსის" ფეხბურთელია
პრემიერლიგა. VII ტური: "ევერტონმა" და "კრისტალ პალასმა" ქულები გაიყვეს
"ალ აჰლი" მაჰრეზის თაობაზე "სიტის" დაუკავშირდა - არაბები ალჟირელს სარფიან ხელშეკრულებას სთავაზობენ
"ბოლო 20 წლის განმავლობაში საუკეთესო იტალიელი მე-9 ნომერია" - "ჯენოას" პრეზიდენტი ბალოტელიზე
AS: მამარდაშვილმა საკუთარ თავს ყოველდღე უნდა დაუსვას კითხვა, მიიღო თუ არა საუკეთესო გადაწყვეტილება